نئی دہلی،9جولائی ،2022

ہر ہندوستانی کو کھلے، محفوظ، بھروسہ مند اور جوابدہ انٹرنیٹ سے جوڑنے کے وزیر اعظم نریندر مودی کے ڈیجیٹل انڈیا ویژن کے مطابق، وزیر مملکت، الیکٹرانکس اور انفارمیشن ٹکنالوجی، اسکل ڈیولپمنٹ اور انٹرپرینیورشپ کے وزیر مملکت جناب راجیو چندر شیکھر ، ممبر پارلیمنٹ بردھمان-درگاپور لوک سبھا، درگاپور اور بردھمان میں جناب ایس ایس آہلووالیہ کی موجودگی میں نکسی کے دو نئے انٹرنیٹ ایکسچینج پوائنٹس (آئی ایکس پی ) کا افتتاح کریں گے۔ یہ الیکٹرانکس اور انفارمیشن ٹیکنالوجی کی وزارت  کے وژن 1000 دن کے تحت ایک پہل ہے۔

کولکاتہ میں ریاست کا پہلا انٹرنیٹ ایکسچینج بھی نیشنل انٹرنیٹ ایکسچینج آف انڈیا (نکسی ) چلاتا ہے۔ یہ اب درگاپور اور بردھمان میں دو نئے انٹرنیٹ ایکسچینج پوائنٹس شروع کرکے ریاست میں اپنے قدموں کے نشان کوآگے بڑھا رہا ہے۔یہ  افتتاح سٹی ریذیڈنسی، سٹی سنٹر، درگاپور میں ہوگا۔

ریاست میں ان نئے نکسی(این آئی ایکس آئی)  انٹرنیٹ ایکسچینج کا آغاز مقامی سطح پر اور پڑوسی خطوں میں انٹرنیٹ اور براڈ بینڈ خدمات کو بڑھانے اور بہتر بنانے میں معاون ثابت ہوگا۔ ان پوائنٹس پر جڑنے والے انٹرنیٹ سروس فراہم کرنے والے فائدہ اٹھائیں گے کیونکہ ان کی براڈ بینڈ سروسز ان کے آخری صارفین تک بہتر ہوں گی، جس سے خطے کے لوگوں کی زندگیوں میں تبدیلی آئے گی۔ ان نئے آئی ایس پیز  کے کھلنے سے صحت، تعلیم، زراعت، اسٹارٹ اپ، ایکو سسٹم سے لے کر ایم ایس ایم ای  اور دیگر کاروباری شعبوں  تک ریاست کے ہر شعبے کو فائدہ پہنچے گا۔ سرکاری مراعات حاصل کرنے اور معیار زندگی کو بہتر بنانے کے سلسلے میں شہریوں کے لیے رسائی اور سہولت میں اضافہ ہوگا۔ نکسی  کے 2 نئے انٹرنیٹ ایکسچینج نوڈس ریاست کی انٹرنیٹ ماحولیات کو فروغ دینے کے لیے یقینی ہیں۔

راجیو چندر شیکھر نے ایک ریلیز کے ذریعے جاری کردہ ایک بیان میں کہا،‘‘مجموعی ہندوستانی انٹرنیٹ ماحولیاتی نظام کو بہتر بنانے اور بہتر رفتار کے ساتھ کم قیمت پر انٹرنیٹ صارفین کو اس تک رسائی دینے کے لیے، نکسی  مستقبل قریب میں دوسرے اور تیسرے درجے کے شہروں میں اس طرح کے انٹرنیٹ ایکسچینجز کو شروع  کرنے کا ارادہ رکھتا ہے۔ نکسی (این آئی ایکس آئی) کی طرف سے تمام انٹرنیٹ سروس فراہم کنندگان کو مدعو کیا جاتا ہے کہ وہ اپنے کسی بھی نوڈس پر پیئرنگ قائم کریں اور گھریلو انٹرنیٹ ایکو سسٹم کو سپورٹ کریں۔دوسرے اور تیسرے  درجے کے شہروں تک ڈیجیٹل مواقع کو لے جانا نریندر مودی حکومت کے لیے عقیدت کا موضوع ہے۔ یہ ہمارا فرض ہے کہ ہم اس بات کو یقینی بنائیں کہ انٹرنیٹ کی طاقت سب کو ایک نقطہ نظر کے ساتھ بااختیار بناتی ہے - کوئی بھی پیچھے نہیں ہے۔’’

نکسی(این آئی ایکس آئی)کے بارے میں

نکسی  ایک غیر منافع بخش تنظیم ہے جو کمپنیز ایکٹ 2013 کے سیکشن 8 کے تحت ہے اور اسے 19 جون 2003 کو رجسٹر کیا گیا تھا۔ اسے امریکہ/بیرون ملک لے جانے کے بجائے،  نکسی  کو ملک کے اندر گھریلو ٹریفک کو روٹ کرنے کے مقصد کے لیے آئی ایس پی  کو آپس میں پیئر کرنے کے لیے قائم کیا گیا تھا، اس کے نتیجے میں سروس کے بہتر معیار (کم تاخیر) اور بین الاقوامی بینڈوڈتھ پر بچت کرکے آئی ایس پیز کے لیے بینڈوتھ چارجز میں کمی آئی۔ عالمی سطح پر اس طرح کے اقدامات کے لیے بہترین طریقوں کے مطابق ، نکسی  کا نظم و نسق غیر جانبداری کی بنیاد پر کیا جاتا ہے۔

ویب سائٹ لنک:

https://nixi.in/en/home/

***************

ش ح ۔ا م۔

U:7407