ইং ২০২২গী জুলাই ৪দগী ৯ ফাওবদা পাংথোকপা ইন্দিয়া দিজিতেল ৱীক্কী শরুক অমা ওইনা ‘ইন্দিয়া স্তেক নোলেজ এক্সচেঞ্জ’ হায়না মিংথোনবা নুমিৎ হুম্নিগী থৌরম অমসু জুলা ৭তগী ৯ ফাওবদা পাংথোক্লি। ভর্চুএল থৌরম অসিগী শরুক অমা ওইনা জুলাই ৮, ২০২২দা সেসন মরি পাংথোকখি।

হেল্থ স্তেক

অহানবা থীমেতিক সেসন্না ‘হেল্থ স্তেক’কী মতাংদা পাংথোকখি। এন.ঐচ.এ.গী সি.ই.ও., দাঃ আর.এস. শর্মনা কো-ৱিনগী অকুপ্পা ৱারোল পাউদম্লদুনা কোবিদ ভেক্সিন দোজ বিলিয়ন ২ কাপখিবগী স্কেলগী মতাংদা তমখি। প্লেতফোর্ম অসিনা নোংমদা এ.পি.আই. মিলিয়ন ২ থেংনবা ঙম্বগী মতিক্কা লোয়ননা চাউই হায়না মহাক্না হায়খি। য়ুনিফাইদ হেল্থ ইন্তর্ফেস অসিনা স্তেকহোলদরশিংদা কম্মন ইন্তর্ফেস পীনবগীদমক্তা তোঙানবা হেল্থকেয়র পথাপ কয়া অমত্তা ওইনা পুনসিনখি হায়না মহাক্না ফোংদোকখি। অয়ুশমান ভারত দিজিতেল মিসন (এ.বি.দি.এম.)গী এন.ঐচ.এ. অমসুং মিসন দাইরেক্তর অমদি এদিস্নেল সি.ই.ও. ওইরিবা দাঃ প্রবীন গেদাম্না এ.বি.দি.এম.গী মতাংদা শুগাইনা তাকখি অমসুং ইলেক্ত্রোনিক হেল্থ রেকোর্দ অমসুং মসিনা দিজিতেল হেল্থ ইকোসীস্তেম শাবদা য়াবা থৌদাংশিংদা মহাক্না মিৎয়েং চঙখি। এন.আই.সি.গী দি.দি.জি., দাঃ সীমা খন্নানা আরোগ্যা সেতুগী হৌরকফম, দাউনলোদ মিলিয়ন ২১৬ তৌনদুনা মসিনা পীবা কান্নবা শাফু অমসুং প্রাইভেসীগা মরী লৈনবা হীরম কয়াবু নীংথিনা শেন্নবগী থৌওংশিং তাকখি। সি.দি.এ.সি.গী প্রোজেক্ত দাইরেক্তর, দাঃ সঞ্জয় সুদনা সেসন অসিবু মোদরেত তৌখি অমসুং কন্সলতেসন মিলিয়ন ৮.১ পাংথোক্তুনা কান্নবা কয়া পীখিবা তেলিমেদিসিন সোল্যুসন অয়া ওইরিবা ই-সঞ্জীবনীগী মতাংদা মশাগী ৱাখল্লোন ফোংদোকখি।

সেসন অসিগী মতুংদা ‘এগ্রি স্তেক’ অমসুং ‘তেক্নোলোজী স্তেক ফোর স্কিলিং’ হায়না মিংথোনবা পেরেলেল থীমেতিক সেসন অনিনা মখা তাখি।

এগ্রি স্তেক

সি.৪.আই.আর. ইন্দিয়া, ৱর্ল্দ ইকোনোমিক ফোরমগী চীফ এদভাইজর। শ্রী জে. সত্যনরায়ন্না ‘আই.দি.ই.এ.-ইন্দিয়া দিজিতেল ইকোসীস্তেম ফোর এগ্রিকলচর’গী মতাংদা মপুং ওইবা ৱারোল থমখি। ভারতকী ফার্ম সেক্তরনা থেংনরিবা শিংনবা অমসুং আই.দি.ই.এ.গী ভেল্যুদা য়ুম্ফম ওইবা ৱাখল্লোন কয়াগী মতাংদা মহাক্না শন্দোক্না তাকখি। আই.দি.ই.এ.গা লোয়ননা ‘সীস্তেম থিঙ্কিং’দগী ‘ইকোসীস্তেম থিঙ্কিং’দা মায় ওনশিল্লকপগী হীরমদা মহাক্না মীয়ামগী পুক্নিং চিংশিনখি। এগ্রিস্তেক্কী মতাংদা পাংথোকপা সেসন অসিবু এন.আই.সি.গী সেনিয়র দি.দি.জি., দাঃ রঞ্জনা নাগপালনা মোদরেত তৌখি অমসুং সেসন অসিগী মশক নাইবা পেনেলিস্তশিংদা লৌউ-শিংউ অমসুং লৌমীশিংগী য়াইফ য়ুম্বাল মন্ত্রালয়গী চীফ নোলেজ ওফিসর অমসুং এদভাইজর, শ্রী রজীব চাউলা; মৈতীগী এন.ই.জি.দি.গী চীফ ওপরেতিং ওফিসর, দাঃ বিনয় থাকুর অমসুং লৌউ-শিংউ অমসুং লৌমীশিংগী য়াইফ য়ুম্বাল মন্ত্রালয়গী দাইরেক্তর, দাঃ কপিল অশোক বেন্দ্রে য়াওখি। পেনেল অসিনা লৌমীশিংগী দেতাবেজ, লৌমীশিংগী আই.দি., ফার্মর সেন্ত্রিক সীস্তেম অমসুং দেতাবেজকা পুন্সিনবগী তঙাই ফদবগী মতাংদা খন্ন-নৈনখি। তসেংবা লৌমী মশক খঙদোকপদা থেংনবা শিংনবা অমসুং সর্ভিসশিংবু পান্দমগী মখা পোন্না য়ৌহনবগী হীরমশিংগা লোয়ননা এফ.আর.য়ু.আই.তি.এস. (ফার্মর রেজিস্ত্রেসন অমসুং য়ুনিফাইদ বেনিফিশরী ইনফোর্মেসন সীস্তেম)গী খুত্থাংদা পীবা দাইনামিক ওইবা সোল্যুসনগী মতাংদা খন্নখি। সোইল হেল্থ কার্দ ৱর্কফ্লো, পেন-ইন্দিয়াবু মসিনা কোনবা, মায় পাকপগী থৌদোকশিং অমসুং শিজিন্নবা য়াবগী কেস কয়াগী মতাংদসু খন্ন-নৈনখি। ইলেক্ত্রোনিক নেস্নেল এগ্রিকলচর মার্কেত (ই-নাম), রাজ্য/য়ু.তি. ২৫ শিনবা থুংবগী লৌউ-শিংউ কৈথেল ১২৬০বু মসিগী মখাদা লৈবগী মতাংদসু মখোয়না ৱারী শাখি। এম.৪.এগ্রি মিংথোনবা মোবাইলদা য়ুম্ফম ওইবা এপ অমসুং কিসান সারথী অমসুং এন.ই.আর. রাজ্য ৬তা মসিবু শিজিন্নবগী ফিভমশিংসু খন্ন-নৈনবগী মনুং চনখি। পেনেল অসিনা এগ্রিগা মরী লৈনবা পথাপশিং পুন্সিনবনা আই.দি.ই.এ.গী মখাদা থম্লিবা পান্দমগী মাইকৈদা চঙশিনবগী পাম্বৈ অমনি হায়বদা য়ানবা পুরকখি।

স্কিলিং স্তেক

মৈতীগী এদিস্নেল সেক্রেতরী, দাঃ জয়দীপ কুমার মিশ্রানা স্তেক অসিবু মোদরেত তৌখি। কেপাসিতী বিলদিং কম্মিসনগী সেক্রেতরী, শ্রী হেমং জানী; এ.আই.এম. (নিতি আয়োগ)গী দাইরেক্তর, কুমারী দীপালি উপাধ্যায়; অমসুং নাস্কোম-ফ্যুচর স্কিলগী সি.ই.ও., কুমারী কির্তী সেথনা সেসন অসিগী পেনেলিস্ত ওইখি অমসুং মখোয়না মিসন কর্ময়োগী, অতল তিঙ্করিং লেব, ফ্যুচর স্কিল্স প্রাইম, দিজিতেল লিরতরেসী, তেক্নোলোজীগী খুত্থাংদা কেপাসিতী বিলদিং পাংথোকপা অমসুং আই.জি.ও.তি.গী মতাংদা মশাগী ৱাফম থম্নখি। তেক্নোলোজী স্তেক অমসুং সরকার অমসুং মপানগী এজেন্সীশিংনা শেম্বা অতোপ্পা প্লেতফোর্মশিংনা মরম ওইরগা অতল তিঙ্করিং লেব ৯৮০০+ অসি ওইথোকপা ঙম্বনি হায়না মখোয়না য়ানবা পুরকখি।

নুমিৎ অসিদা পাংথোকপা খ্বাইদগী অকোনবা সেসন্না ‘দিজিতেল ইনক্লুজন অমসুং কন্নেক্তিং অনকন্নেক্তেদ’ হায়বা থীমদা পাংথোকখি।

দিজিতেল ইনক্লুজন অমসুং কন্নেক্তিং অনকন্নেক্তেদ

সেসন অসিবু মৈতীগী জোইন্ত সেক্রেতরী, শ্রী সুশিল পালনা মোদরেত তৌখি। ৱাখল খলহনবা পেনেল দিসকসন অসিদা মাইগোবকী সি.ই.ও., শ্রী অভিসেক শিংহ; কম্মন সর্ভিস সেন্তর (সি.এস.সি.)গী সি.ই.ও., শ্রী সঞ্জয় কুমার রাকেশ; এন.ই.জি.দি.গী এদিস্নেল দাইরেক্তর, শ্রী অনিল অগর্ৱাল অমসুং সি.দি.এ.সি.গী সেনিয়র দাইরেক্তর, দাঃ পদমা জোশীনা শরুক য়াখি। পেনেল অসিনা দিজিতেল ইনক্লুজনগা লোয়নবা শিংনবগী মতাংদা খন্ন-নৈনখি অমসুং মাইগোব, সি.এস.সি., উমং অমসুং এম.সেবা এপ স্তোরগী মতাংদা কুপ্না খন্ন-নৈনখি। তেক্নিকেলগী হীরমদা থেংনবা শিংনবশিং অসিদি সর্ভিস নীংথিনা য়ৌহনবদা থোইদোক্না অয়েৎপা পীবা হীরম নত্তে, অদুবু প্রোসেস রি-ইঞ্জিনিয়রিং, চেঞ্জ মেনেজমেন্ত অমসুং স্তেকহোলদরশিংগী কেপাসিতী বিলদিং তৌনবা য়াম্না হেন্না হোৎনবগী মথৌ তাই হায়বা ৱাফমদা মখোয়না য়ানবা পুরকখি।

সেসন অসি রেকোর্দ তৌখি অমসুং রেকোর্দ তৌখিবশিং পুম্নমক https://www.youtube.com/DigitalIndiaofficial দা য়েংবা য়াগনি। ইন্দিয়া স্তেক নোলেজ এক্সচেঞ্জকী অরোইবা থৌরম্না জুলাই ৯, ২০২২দা পাংথোক্কনি।

*********