نئی دہلی،8 جولائی 2022/

اوڈیشہ کے 50 طلباء نے حال ہی میں ایک بھارت شریشٹھا بھارت آزادی کا امرت مہوتسو اسٹوڈنٹ ایکسچینج پروگرام کے تحت مہاراشٹر کا اپنا 5 روزہ دورہ مکمل کیا۔ طلباء اس تبادلہ پروگرام کے تحت 29 جون کو ممبئی پہنچے۔ تبادلہ پروگرام کو اے آئی سی ٹی ای اور وزارت تعلیم نے اسپانسر کیا تھا۔

اوڈیشہ کے 50 طلباء کی میزبانی ٹھاکر کالج آف انجینئرنگ اینڈ ٹیکنالوجی، ممبئی نے کی اور انہیں مہاراشٹر کی زبان، ثقافت، روایات، موسیقی، کھانوں وغیرہ کے بارے میں جاننے کا موقع فراہم کیا۔

اوڈیشہ کی ٹیم کا پرتپاک خیرمقدم کیا گیا اور مہاراشٹر کے پسندیدہ کھانوں بشمول پورن پولی، کوتھیمبیر، وڑی، مسال پاو اور کاندے پوہا کے ساتھ کھانا پیش کیا گیا۔ اس کے علاوہ ٹھاکر انسٹی ٹیوٹ آف ہوٹل مینجمنٹ کے پیسٹری شیفس کے ذریعہ لائیو کیک بنانے کی ورکشاپ کا مظاہرہ کیا گیا جس نے طلباء میں کافی دلچسپی پیدا کی۔

ٹور کے ایک حصے کے طور پر، طلباء نے تاریخی اور ثقافتی اہمیت کے مختلف مقامات کو دریافت کیا۔ انہوں نے مشہور گیٹ وے آف انڈیا، چھترپتی شیواجی مہاراج واستو سنگھرالیہ، اور نیشنل گیلری آف ماڈرن آرٹ کا دورہ کیا جو پہلے پرنس آف ویلز میوزیم کے نام سے جانا جاتا تھا، واستو سنگرہالیہ میں مغلیہ سلطنت کے دور، وادی سندھ کی تہذیب، اور ممبئی کے دوسرے براعظموں کے ساتھ تجارتی تعلقات کی نمائش کے کئی آثار، فن پارے اور نوادرات موجود ہیں۔

ریاست کے نباتات اور حیوانات کا تجربہ کرنے کے لیے، طلباء نے سنجے گاندھی نیشنل پارک کا دورہ کیا جسے پوری طرح سے شہری پھیلاؤ سے گھرا ہوا دنیا کا سب سے بڑا منطقہ حارہ کے جنگل ہونے کا منفرد اعزاز حاصل ہے۔ پارک میں طلباء کو کنہیری غاروں کا دورہ کرنے کا موقع بھی ملا جس میں تقریباً 100 غاریں ہیں جو بدھ مت کے منفرد انداز اور فن تعمیر کا مظاہرہ کرتی ہیں۔

ممبئی جو کہ بھارت کا تفریحی دارالحکومت اور بالی ووڈ کا مرکز ہے، طلباء نے مہالکشمی میں واقع نیشنل میوزیم آف انڈین سنیما کا دورہ کیا۔ طلباء نے ورلی میں نہرو سائنس سینٹر اور گرگاؤں ویونگ ڈیک کا بھی جائزہ لیا۔ قبل ازیں، طلباء نے اے آر وی آر ٹیکنالوجی اور ٹھاکر انسٹی ٹیوٹ آف ہوٹل مینجمنٹ کا تجربہ کرنے کے لیے ٹھاکر انسٹی ٹیوٹ آف ایوی ایشن ٹیکنالوجی کا دورہ کیا۔

اپنے دورے کے آخری دن، اوڈیشہ کے طلباء نے ٹی سی ای ٹی کے رضاکاروں کے ساتھ بوریولی میں گلوبل وپسنا پگوڈا کا دورہ کیا۔ ایک اختتامی تقریب کا انعقاد کیا گیا، جس میں طلباء کی طرف سے ثقافتی پرفارمنس جیسے اوڈیسی اور بھرتناٹیم رقص پیش کئے گئے۔

قیام کے دوران، دونوں ریاستوں کے طلباء کو روایات، ثقافت، طرز زندگی، تعلیم وغیرہ کے بارے میں خیالات کا تبادلہ کرنے کا موقع ملا۔ وہ انڈور اور آؤٹ ڈور سرگرمیوں، تفریحی کھیلوں اور دوستانہ میچوں میں مصروف رہے۔

ٹھاکر انسٹی ٹیوٹ آف ایوی ایشن انجینئرنگ میں طالب علموں نے فلائٹ کنٹرول سیکھا۔

ایک بھارت شریشٹھا بھارت آزادی کا امرت مہوتسو اسٹوڈنٹ ایکسچینج پروگرام میں حصہ لینے والے طلباء ان کے دورے میں دلچسپی اور جوش سے بھرپور تھے۔جی آئی ای ٹی یونیورسٹی گنوپور کی طالبہ اننیا رائے نے کہا کہ اس دورے کے بعد ہی ہمیں احساس ہوا کہ ممبئی پرانی اور جدید تہذیب کا بے مثال امتزاج ہے، یہ شہر ہر سیکنڈ ترقی کرتا نظر آرہا ہے لیکن پھر بھی وہ اپنی انمول تاریخ کو خوبصورتی سے محفوظ کرنے میں کامیاب رہے۔ میں کہوں گی کہ یہ پانچ روزہ پروگرام مکمل طور پر کامیاب رہا۔ ایک اور طالب علم آشوتوش بسوال نے کہا کہ اس سفر میں 5 دن کا دورہ شامل تھا جس میں ہمیں اس کی تاریخ، روایت، لباس، خوراک، ورثہ، ثقافت، زبان وغیرہ کے بارے میں معلومات حاصل ہوئی ہیں۔ یہ میرے لیے سب سے اہم تجربہ تھا، مہاراشٹر کے بارے میں معلومات حاصل کرنا۔ انہوں نے مزید کہا کہ سب سے اچھا حصہ یہاں نئے دوست بنانا ہے۔

ایک بھارت شریشٹھا بھارت پروگرام کا مقصد ریاست/یو ٹی جوڑی کے تصور کے ذریعے مختلف ریاستوں/مرکز کے زیر انتظام علاقوں کے لوگوں کے درمیان تعامل کو بڑھانا اور باہمی افہام و تفہیم کو فروغ دینا ہے۔ ریاستیں زبان سیکھنے، ثقافت، روایات اور موسیقی، سیاحت اور کھانوں، کھیلوں اور بہترین طریقوں کے اشتراک وغیرہ کے شعبوں میں ایک پائیدار اور منظم ثقافتی رابطے کو فروغ دینے کے لیے سرگرمیاں انجام دیتی ہیں۔

*************

ش ح۔   ش ت۔ج

Uno-7384