ইলেক্ত্রোনিক্স অমসুং আই.তি. মন্ত্রালয়
হুম্নিশুবা নুমিৎ: দিজিতেল ইন্দিয়া ৱীক ২০২২
স্তোল ২০০+ লৈবা দিজিতেল মেলানা ভিজিতর ১০,০০০ হেনবগী পুক্নিং চিংশিল্লি অমসুং ত্রাইবেলগী মফমশিংদা লৈবা স্কুল কয়াসু শরুক য়ারি
স্তার্ত-অপশিংগী ইন্তরেক্তিব রোবোৎ, এ.আর./ভি.আর. অমসুং দ্রোনগুম্বা কত্তিং এজ ফ্যুচরিস্তিক্স তেক্নোলোজী কয়া দিজিতেল মেলদা উৎপনা নহা অমসুং অহল অনিমক্কী পুক্নিং চিংশিল্লি
দিজিতেল মেলা জুলাই ১০, ২০২২ ফাওবা শাংদোকখ্রে
সরকারগী সেনিয়র ওফিসিএল অমসুং ইন্দস্ত্রীগী লুচিংবা৩০ হেনবনা অনৌবা ভারতকী তেকেদ চাউখৎপদা খোঙজেল হেন্না য়াঙখৎহন্নবা মেতাভর্স, ৱেব ৩.০, ৫জি., পব্লিক দিজিতেল প্লেতফোর্ম অমসুং আধারগী মতাংদা খন্ন-নৈনখি
জুলাই ৭তগী ৯, ২০২২ ফাওবদা “ইন্দিয়া স্তেক নোলেজ এক্সচেঞ্জ”কা লোয়নবা দিজিতেল ইন্দিয়া ৱীক্কী ভর্চুএল থৌরম পাংথোক্নবা শেম শাবা লোইখ্রে
Posted On:
07 JUL 2022 7:45PM by PIB Imphal
গুজরাত সরকারগী তোঙানবা খোঙথাং হৌদোক্নবা থৌরম হৌদোকখিবগা লোয়ননা দিজিতেল ইন্দিয়া ৱীক্কী হুম্নিশুবা নুমিৎ জুলাই ৬, ২০২২দা হৌখ্রে। ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (এম.ই.আই.তি.ৱাই.)গী এদিস্নেল সেক্রেতরী, দাঃ রাজেন্দ্র কুমারনা তরাম্না ওকপগী ৱারোল থমখি। মসিগী মতুংদা এম.ই.আই.তি.ৱাই.গী সেক্রেতরী, শ্রী অলকেশ কুমার শর্মনা অখন্নবা ৱাফম থমদুনা মখা তাখি অমসুং মহাক্কী ৱারোলদা মহাক্না দিজিতেল ইন্দিয়া ৱীক ২০২২বু মায় পাকপা থৌরম ওইহনবদা তেংবাংবগীদমক্তা গুজরাত সরকারগী মফমদা থাগৎপা ফোংদোকখি। দিজিতেল ইন্দিয়া ৱীক হায়বসি শুপ্নগী থৌরম অমা নত্তে, মসিদি অফবা ৱাখল্লোন কয়া পুথোকপগী অফবা প্লেতফোর্ম অমনি হায়না মহাক্না পাউদমখি।
মসিগী লোয়ননা উৎলিবা দিজিতেল এক্সপোবু জুলাই ১১, ২০২২ ফাওবা শাংদোকখ্রে। ঙরাংগী নুমিত্তা থৌরম অসিদা মীওই ১০,০০০ হেনবনা লাকখি অমসুং মখোয়না স্তোল ২০০ হেনবদা উৎলিবা ফ্যুচরিস্তিক দিজিতেল সোল্যুসন অমসুং হৌজিক থোক্লক্লিবা তেক্নোলোজীগী পোত্থোক কয়া য়েংনখি। এক্সপো অসিনা ভারত পুম্বগী মহৈরোই, ইন্দস্ত্রীগী লুচিংবা, ওন্তোপ্রিনর অমসুং মীচম মীয়ামগী পুক্নিং চিংশিনখি। দিজিতেল এক্সপো অসিগী অখন্নবা থৌওংনা ত্রাইবেল মফমশিংগী সরকারগী স্কুলশিংনা থৱাই য়াওনা শরুক য়াবনা ওইখি। দিজিতেল মেলাসিদা ভারত শিনবা থুংবগী স্তার্ত-অপশিংনা উৎপা দ্রোন, এ.আর./ভি.আর., ইন্তরেক্তিব রোবোৎ অমসুং কত্তিং এজ ফ্যুচরিস্তিক তেক্নোলোজী কয়া মনুং চনখি।
গুজরাত সরকারগী এজুকেসন, সাইন্স অমসুং তেক্নোলোজী মন্ত্রী, শ্রী জিতুভাই ভাগনানীনা গুজরাতকী মীওই করোর ৬.৬৭পু লৈবাক শেম্বগী মাইকৈদা মপাঙ্গল হেন্না হাপকদবা প্লেতফোর্ম, ‘মাইগোব গুজরাত’ লোঞ্চ তৌখি। মহাক্না তিল্লিবা মীয়ামদা ৱাফম থম্বগা লোয়ননা দিজিতেল ইন্দিয়াগী মখাদা লৈবা থৌওংশিংবু থবক ওইনা পাংথোকপা অমসুং শিজিন্নবদা তেংবাংবগীদমক্তা অমসুং থৌওং অসিগী নুং-পান ফাওনা উবা, মথৌ নীংথিনা পাংথোকহনবা অমসুং থাজবা য়াবগী মগুন হেনগৎহনবগীদমক্তা গুজরাতপু থাগৎখি। গুজরাত সরকারগী সাইন্স অমসুং তেক্নোলোজীগী সেক্রেতরী, শ্রী বিজয় নেহরানা ভোৎ ওগ থেঙ্ক পীখি।
“পব্লিক দিজিতেল প্লেতফোর্ম অমসুং সিতিজন সেন্ত্রিক পব্লিক সর্ভিস”কী হীরমদা পাংথোকপা নুমিৎ অসিগী অহানবা সেসনবু মৈতীগী এদিস্নেল সেক্রেতরী, দাঃ রাজেন্দ্র কুমারনা মোদরেত তৌখি। সেসন অসিগী পেনেলিস্তশিংদা দবল্যু.ই.এফ.কী এদভাইজর, শ্রী জে. সত্যনরায়ন; সি.এস.সি.-এস.পি.ভি.গী মেনেজিং দাইরেক্তর, শ্রী দীনেশ ত্যাগী; আন্ধ্র প্রদেশ সরকারগী প্রিন্সিপাল সেক্রেতরী (আই.তি. অমসুং সি.), শ্রী সৌরব গাউর; ছতিসগর সরকারগী সি.ঐচ.আই.পি.গী স্পিসিএল সেক্রেতরী অমসুং সি.ই.ও., শ্রী সমীর বিশ্নোই; উত্তর প্রদেশ সরকারগী স্পিসিএল সেক্রেতরী (আই.তি. অমসুং ই.), শ্রী কুমার বিনীত অমসুং উত্তরাখন্দ সরকারগী আই.তি.দি.এ.গী দাইরেক্তর, আই.পি.এস., শ্রী অমিত কুমার সিনহাসু য়াওখি। সেক্তর খুদিংগী পব্লিক দিজিতেল প্লেতফোর্ম শেমগৎপগী থৌওংবু প্লেতফোর্ম অমগী মখাদা পুরকপগী ভারতকী তোপ-তোপ্পা খোঙথাং অসিনা মীয়াম্বু মপাঙ্গল হাপ্পা, লৈঙাকপদা লাইথোকহনবা অমসুং কারবার তৌবদা নুংঙাইহন্দুনা সরকারগা মীয়ামগা লৈনবা মরীদা মরু ওইবা থৌদাং মতৌ করম্না লৌবগে হায়বগী মতাংদা পেনেলিস্তশিংনা খন্ন-নৈনখি।
“আধার ফোর স্তেতঃ ইনেব্লিং ইজ ওফ লিভিং”গী মতাংদা পাংথোকপা নুমিৎ অসিগী অনিশুবা পেনেল দিস্কসনবু য়ু.আই.দি.এ.ৱাই.গী দি.দি.জি., শ্রী অমোদ কুমারনা মোদরেত তৌখি অমসুং মসিদা বিহার সরকারগী প্রিন্সিপাল সেক্রেতরী (আই.তি.), আই.এ.এস., শ্রী সন্তোশ কুমার মাল; কর্নাতকা সরকারগী দি.পি.এ.আর., সেক্রেতরী, আই.এ.এস., শ্রী ভি. পোন্নুরাজ; এম.পি.-স্বানগী প্রোজেক্ত দাইরেক্তর, শ্রী অভিজিত অগর্ৱাল অমসুং মধ্য প্রদেশ সরকারগী আই.তি.দি.এ.গী দাইরেক্তর, আই.পি.এস., শ্রী অমিত কে. সিনহানা পেনেলিস্ত ওইদুনা শরুক য়াখি। মীয়ামগী নোংমগী পুন্সি মহিং লাইথোকহনবদা রাজ্যশিংনা আধার মতৌ করম্না শিজিন্নবগে, অখন্নবা ওইনা, সবসিদী, কান্নবা অমসুং অতোপ্পা সর্ভিস কয়া মওং-মরিল তানা য়ৌহনবগী খুত্থাংদা খুন্নাইগী খ্বাইদগী শোত্থরবা মীওইশিংদা তেংবাংবগী মতাংদা খন্ন-নৈনবনা সেসন অসিগী অখন্নবা ৱাফম ওইখি।
‘মেতাভর্স অমসুং ৱেব ৩.০’গী মতাংদা পাংথোকপা অহুমশুবা পেনেল দিস্কসনবু মৈতীগী এদিস্নেল সেক্রেতরী, দাঃ রাজেন্দ্র কুমারনা লুচিংখি। সেসন অসিদা শরুক য়ারিবা শক্নাইরবা মীওইশিংগী মনুংদা মেতাগী পব্লিক পোলিসীগী মকোক, শ্রী রজীব অগর্ৱাল; মাইক্রোসোফ ইন্দিয়াগী মিক্স রিএলিতীগী ভি.পি., শ্রী স্রিনিভাসা রেদ্দী; ভারত অমসুং খা এসিয়াগী হেদ সর্ভিস লাইন্স, শ্রী কনিস্কা অগ্রাৱাল অমসুং কম্প্যুতর বিভাগকী প্রোফঃ মনিন্দ্র অগ্রাৱালসু মনুং চনখি। সেসন অসিদা কান্নবা ৱাখল্লোন কয়া লান্নবগী থৌওংনা মপুং ওইখি অমসুং মেতাভর্স তেক্নোলোজীগী হৌজিক ওইরিবা ফিভম, পোলিসী অমসুং মেতাভর্সকী রেগ্যুলেতরী স্তেন্দর্দ, ৱেব ৩.০গী কেপাসিতী বিলদিংদগী হৌদুনা তেক্নোলোজী অনি অসিনা মরম ওইরগা ঐখোয়না সেক্তর শিনবা থুংবদা উরক্কদৌরিবা অহোংবা কয়া ফাওবগী তোঙানবা হীরমশিংগী মতাংদা কুপ্না খন্নখি।
“৫জি. অমসুং ভারতকী তেকেদতা ইন্তর্নেতকী ফ্যুচর”গী মতাংদা পাংথোকখিবা নুমিৎ অসিগী মঙাশুবা সেসন্দা দি.ও.তি.গী মেম্বর (তেক্নোলোজী), দাঃ অশোক কুমার তিৱারী; তেজস নেতৱর্ক্কী প্রদক্ত ইঞ্জিনিয়রিংগী ভি.পি., শ্রী ভিষ্ণু সোনী; সি.ই.দবল্যু.আই.তি.গী প্রিন্সিপাল ইঞ্জিনিয়রিংগী দাঃ ধিবিগর ভাস্করন; রিলাইএন্স জিওগী সেনিয়র ভাইস প্রসিদেন্ত, শ্রী আয়ুশ ভত্নাগরনা শরুক য়াখি। পেনেল অসিনা ৫জি. চৎনবা হৌবদা শেন্মিৎলোন্দা লৈগদবা চৈথেং, ভারতকী হৌজিক্কী ৫জি. ইকোসীস্তেমগী ফিভম, খুঙ্গংগী মফমশিংদা ৫জি. চৎনবা হৌবদা পীবা য়াগদবা কান্নবা শাফু অমসুং ভারতকী দিজিতেলগী ফিভমদা অহোংবা পুরকপদা ৫জি.গী থৌদাংগী মতাংদা খন্ন-নৈনখি।
দিজিতেল ইন্দিয়া ৱীক্কী নুমিৎ হুম্না চত্থবা থৌরমগী অরোইবা সেসনবু এন.ই.জি.দি.গী প্রসিদেন্ত অমসুং সি.ই.ও., শ্রী অভিশেক সিংহনা মোদরেত তৌখি। সেসন অসিদা মেঘালয় সরকারগী জোইন্ত সেক্রেতরী (প্লান্নিং), শ্রী রামাকৃষ্ণ চিত্তুরী; গোৱা সরকারগী আই.তি.গী দাইরেক্তর, শ্রী প্রবীন ভোল্ভোৎকর; গুজরাত সরকারগী দাইরেক্তর (আই.সি.তি. অমসুং ই.গবর্নেন্স) অমসুং এম.দি. (জি.আই.এল.), শ্রী সচিন গুসিয়া; মধ্য প্রদেশ সরকারগী আই.তি.গী দাইরেক্তর, শ্রী অভিজিত অগর্ৱাল অমসুং জাকেগাগী সি.ই.ও., আই.এ.এস., শ্রী অভিসেক শর্মনা “প্রজেন্তেসন ওন ইম্পেক্তফুল অমসুং স্কেলেবল প্রোজেক্ত বাই স্তেত” হায়বা হীরমদা প্রজেন্তেসন পীখি। রাজ্য শিনবা থুংবগী লৈঙাকপগী থৌওংদা তেক্নোলোজী মতৌ করম্না শিজিন্নরি হায়বগী ৱাফম্বু প্রজেন্তেসন অসিনা তাকখি। মেঘালয় ইন্তর্প্রাইস আর্কিতেকচর, গোৱাগী আই.তি. পোলিসী, সরকারগী ওফিস খুদিংগী চমহল্লবা, রেস্পোন্সিব ওইবা, মথৌ নীংথিনা পাংথোকপা অমসুং নুং-পান ফাওনা থবক তৌবগী থৌওংগা লোয়ননা গুজরাত ই-সরকার সীস্তেম, এম.পি.গী জি.আই.এস.তা য়ুম্ফম ওইবা সীস্তেম, দিজিতেল জে. অমসুং কে. অমদি তেলঙ্গানাদা মেছিনলর্নিং অমসুং দীপ লর্নিং শিজিন্নবগী মতাংদা কুপ্না খন্ন-নৈনবনা সেসন অসিগী অখন্নবা থৌওং ওইখি।
এন.ই.জি.দি.গী প্রসিদেন্ত অমসুং সি.ই.ও., শ্রী অভিসেক শিংহনা গুজরাত্তা পাংথোক্লিবা দিজিতেল ইন্দিয়া ৱীক অমসুং সেসন কয়াবু লোইশিনবা ওইনা ইকায় খুম্ননীংঙাই ওইরবা প্রধান মন্ত্রী, ইলেক্ত্রোনিক্স অমসুং আই.তি.গী ইকায় খুম্ননীংঙাই ওইরবা মন্ত্রী, ইকায় খুম্ননীংঙাই ওইরবা রাজ্যগী মন্ত্রী, গুজরাতকী মুখ্য মন্ত্রী, গুজরাত সরকার, স্তার্ত-অপ, ইন্দস্ত্রী পার্ত্নর অমসুং থৌরম অসিবু মায় পাকহনবদা তেংবাংলিবা মীওই খুদিংবু থাগৎখি।
দিজিতেল ইন্দিয়া ৱীক সেলেব্রেসন্না ইন্দিয়া স্তেক নোলেজ এক্সচেঞ্জ ওইনা ভর্চুএল মোদতা জুলাই ৭তগী ৯, ২০২২ ফাওবা মখা চত্থগনি।
*****
(Release ID: 1839939)
Visitor Counter : 166