ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ – ਏਕ ਭਾਰਤ ਸ਼੍ਰੇਸ਼ਠ ਭਾਰਤ ਦੇ ਹਿੱਸੇ ਦੇ ਰੂਪ ਵਿੱਚ ਸ਼ਿਮਲਾ (ਹਿਮਾਚਲ ਪ੍ਰਦੇਸ਼) ਦੇ 50 ਵਿਦਿਆਰਥੀਆਂ ਨੇ ਹਾਲ ਹੀ ਵਿੱਚ ਕੋਚੀ (ਕੇਰਲ) ਦੀ ਯਾਤਰਾ ਕੀਤੀ। 50 ਵਿਦਿਆਰਥੀਆਂ ਵਿੱਚ 25 ਵਿਦਿਆਰਥੀ ਸ਼ਿਮਲਾ, ਊਨਾ ਅਤੇ ਉਸ ਦੇ ਆਸਪਾਸ ਦੇ ਸੀਨੀਅਰ ਸੈਕੰਡਰੀ  ਸਕੂਲਾਂ ਦੇ 11ਵੀਂ ਅਤੇ 12ਵੀਂ ਦੇ ਵਿਦਿਆਰਥੀ ਸਨ। ਇਨ੍ਹਾਂ ਵਿੱਚ 13 ਲੜਕੇ ਅਤੇ 12 ਲੜਕੀਆਂ ਸਨ।

ਬਾਕੀ 25 ਵਿਦਿਆਰਥੀ ਯੂਨੀਵਰਸਿਟੀ ਇੰਸਟੀਟਿਊਟ ਆਵ੍ ਟੈਕਨੋਲੋਜੀ(ਯੂਆਈਟੀ), ਹਿਮਾਚਲ ਪ੍ਰਦੇਸ਼ ਯੂਨੀਵਰਸਿਟੀ, ਸ਼ਿਮਲਾ ਦੇ ਬੀ.ਟੈਕ ਵਿਦਿਆਰਥੀ ਸਨ। ਇਨ੍ਹਾਂ ਵਿੱਚ 15 ਲੜਕੇ ਅਤੇ 10 ਲੜਕੀਆਂ ਸਨ। ਉਨ੍ਹਾਂ ਦੇ ਨਾਲ ਚਾਰ ਅਧਿਆਪਕ ਵੀ ਸਨ। ਐੱਸਸੀਐੱਮਐੱਸ ਕੋਚੀਨ ਸਕੂਲ ਆਵ੍ ਬਿਜਨੈਸ ਮੇਜਬਾਨ ਸੰਸਥਾਨ ਸੀ। ਏਕ ਭਾਰਤ ਸ਼੍ਰੇਸ਼ਠ ਭਾਰਤ ਦੇ ਤਹਿਤ ਹਿਮਾਚਲ ਪ੍ਰਦੇਸ਼ ਅਤੇ ਕੇਰਲ ਰਾਜ ਹਨ।

ਸਰਕਾਰ ਦੀ ਅਨੋਖੀ ਪਹਿਲ, ਏਕ ਭਾਰਤ ਸ਼੍ਰੇਸ਼ਠ ਭਾਰਤ ਦੇ ਤਹਿਤ ਵਿਦਿਆਰਥੀ ਐਕਸਚੇਂਜ ਪ੍ਰੋਗਰਾਮ ਦੇ ਹਿੱਸੇ ਦੇ ਰੂਪ ਵਿੱਚ ਇਹ ਟੀਮ ਕੋਚੀ ਵਿੱਚ ਸੀ। ਇਸ ਐਕਸਚੇਂਜ ਪ੍ਰੋਗਰਾਮ ਨੂੰ ਅੱਗੇ ਵਧਾਉਂਦੇ ਹੋਏ ਹਿਮਾਚਲ ਪ੍ਰਦੇਸ਼ ਦੇ ਵਿਦਿਆਰਥੀਆਂ ਨੇ ਚੇਂਡਾਮੰਗਲਮ ਹੈਂਡਲੂਮ ਬੁਨਕਰ ਸਹਿਕਾਰੀ ਕਮੇਟੀ ਦਾ ਦੌਰਾ ਕੀਤਾ ਅਤੇ ਚਲਾਕੁਡੀ ਵਿੱਚ ਰਸਾ ਗੁਰੂਕੁਲ ਰਸੋਈ ਵਿੱਚ ਸਾਂਭਰ ਜਿਹੇ ਸਥਾਨਕ ਵਿਅੰਜਨ ਨੂੰ ਪਕਾਉਣ ਵਿੱਚ ਹੱਥ ਆਜਮਾਇਆ।

 

ਯਾਤਰਾ ਦੇ ਅੰਤਮ ਦਿਨ, ਵਿਦਿਆਰਥੀਆਂ ਨੇ ਰਾਜ ਸਰਕਾਰ ਦੇ ਸਮੱਗ੍ਰ ਸਿੱਖਿਆ ਕੇਰਲ (ਐੱਸਐੱਸਕੇ) ਦੁਆਰਾ ਆਯੋਜਿਤ ਇੱਕ ਪ੍ਰੋਗਰਾਮ ਵਿੱਚ ਦੋਨਾ ਰਾਜਾਂ ਦੀਆਂ ਵਿੱਦਿਆਕ ਸੰਸਥਾਵਾਂ ਦੇ ਦਰਮਿਆਨ ਇੱਕ ਮੀਟਿੰਗ ਵਿੱਚ ਵੀ ਹਿੱਸਾ ਲਿਆ ਅਤੇ ਕਲਾਮਰਸੇਰੀ ਵਿੱਚ ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ ਦੇ ਵਿਦਿਆਰਥੀਆਂ ਦੇ ਨਾਲ ਗੱਲਬਾਤ ਕੀਤੀ।

 

ਪ੍ਰੋਗਰਾਮ ਦੇ ਹਿੱਸੇ ਦੇ ਰੂਪ ਵਿੱਚ ਟੀਮ ਨੇ ਪ੍ਰਸਿੱਧ ਏਐੱਸਆਈ ਸਮਾਰਕਾਂ ਅਤੇ ਸਥਾਨਕ ਮਿਊਜ਼ੀਅਮ ਦਾ ਵੀ ਦੌਰਾ ਕੀਤਾ ਜਿਵੇਂ ਐਡਾਪੱਲੀ ਵਿੱਚ ਕੇਰਲ ਇਤਿਹਾਸ ਦਾ ਮਿਊਜ਼ੀਅਮ, ਏਰਨਾਕੁਲਮ ਵਿੱਚ ਦਰਬਾਰ ਹਾਲ ਆਰਟ ਗੈਲਰੀ, ਤ੍ਰਿਪੁਨੀਥੁਰਾ (ਥ੍ਰਿਪੁਨੀਥੁਰਾ) ਵਿੱਚ ਹਿਲ ਪੈਲੇਸ ਮਿਊਜ਼ੀਅਮ ਅਤੇ ਥੇਵਾਰਾ ਵਿੱਚ ਕੇਰਲ ਲੋਕ ਕਥਾ ਮਿਊਜ਼ੀਅਮ। ਇਸ ਦੇ ਇਲਾਵਾ, ਸਥਾਨਕ ਕਲਾ ਅਤੇ ਖੇਡਾਂ ਬਾਰੇ ਜਾਣਨ ਲਈ ਕਲਾਰੀਪਯਟੂ ਦਾ ਵੀ ਇੱਕ ਵਿਸ਼ੇਸ਼ ਸੈਸ਼ਨ ਆਯੋਜਿਤ ਕੀਤਾ ਗਿਆ। ਹਿਮਾਚਲ ਪ੍ਰਦੇਸ਼ ਦੇ ਵਿਦਿਆਰਥੀਆਂ ਨੇ ਵੀ ਕੇਰਲ ਦੇ ਵਿਦਿਆਰਥੀਆਂ ਦੇ ਸਾਹਮਣੇ ਸੱਭਿਆਚਾਰ ਪ੍ਰਸਤੁਤੀਆਂ ਦਿੱਤੀਆਂ।

ਕੇਂਦਰੀ ਸਿੱਖਿਆ ਮੰਤਰਾਲੇ ਅਤੇ ਅਖਿਲ ਭਾਰਤੀ ਤਕਨੀਕ ਸਿੱਖਿਆ ਪਰਿਸ਼ਦ (ਏਆਈਸੀਟੀਈ), ਨਵੀਂ ਦਿੱਲੀ ਨੇ ਇਸ ਯਾਤਰਾ ਨੂੰ ਸੁਵਿਧਾਜਨਕ ਬਣਾਉਣ ਵਿੱਚ ਸਹਿਯੋਗ ਦਿੱਤਾ।

 ****

ਐੱਨਬੀ/ਓਏ

(Release ID: 1839838) Visitor Counter : 148