امورِ داخلہ اور امدادِ باہمی کے مرکزی وزیر جناب امیت شاہ نے ڈاکٹر شیاما پرساد مکھرجی کو ان کی پیدائش کی سالگرہ کے موقع پر خراج عقیدت پیش کیا۔ ٹوئیٹس کے توسط سے ڈاکٹر مکھرجی کو خراج عقیدت پیش کرتے ہوئے، مرکزی وزیر داخلہ نے کہا کہ ایک وقت تھا جب جموں و کشمیر میں داخلے کے لیے پرمٹ  حاصل کرنا پڑتا تھا۔ ڈاکٹر شیاما پرساد مکھرجی نے ایک ملک، ایک آئین، ایک پرچم کے لیے کام کرنے کے لیے اپنی زندگی قربان کر دی۔ اس طرح انہوں نے جموں و کشمیر سے پرمٹ راج کا خاتمہ کیا اور اس خطے کو بھارت کا اٹوٹ حصہ بنا دیا۔ اس جدوجہد اور قربانی کے لیے ہم ہمیشہ ان کے مقروض رہیں گے۔

جناب امیت شاہ نے کہا کہ ڈاکٹر مکھرجی ایک منفرد مفکر تھے جن کا ماننا تھاکہ طاقت کا بنیادی مقصد حکومت کرنا نہیں، بلکہ تعمیر قوم کے کلی طور پر وقف جذبے کے ساتھ کام کرنا ہے۔ ثقافتی قومیت کا ان کا فلسفہ اور بھارت کی اصل ثقافت کے مطابق پالیسیاں اختیار کرنے کا ان کا خیال ہمیں ہمیشہ رہنمائی فراہم کرے گا۔

ایک دور تھا جب جموں و کشمیر میں داخلے کے لیے پرمٹ حاصل کرنا پڑتا تھا۔  ڈاکٹر شیاما پرساد مکھرجی نے ایک ملک، ایک آئین، ایک پرچم کے لیے اپنی زندگی قربان کرکے، کشمیر سے پرمٹ راج کو ختم کیا اور اس خطے کو بھارت کا اٹوٹ حصہ بنایا۔

**********

 (ش ح –ا ب ن۔ م ف)

U.No:7311