কম্যুনিকেসন অমসুং ইনফোর্মেসন তেক্নোলোজী মন্ত্রালয়

কাংলোন চুম্না ৱায়ারলেস জাম্মর, বুস্তর শীজিন্ননবা তেলিকোম দিপার্তমেন্তনা মীয়ামদা খঙহনখ্রে


আইন্না য়াদনা ৱায়রলেস জাম্মরশিং শীজিন্নফম খঙহনবা অমসুং য়োনবগীদমক ই-কম্মর্স প্লেতফোর্মশিংদা চেকশিনৱা থমখ্রে

Posted On: 04 JUL 2022 12:26PM by PIB Imphal

জুলাই ১, ২০২২দা কম্মুনিকেসন মিনিস্ত্রিগী তেলিকম্মুনিকেসন দিপার্তমেন্তনা কাংলোন চুম্না ৱায়ারলেস জাম্মর অমসুং বুস্তর/রিপত্তরশিং শীজিন্ননবা চেকশিনৱা অমা থমখ্রে। (https://dot.gov.in/spectrummanagement/advisory-proper-use-wireless-jammer-and-boosterrepeater).

ভারত সরকারনা অয়াবা পীবা খক নত্তনা মীয়াম্না সেল্লুলার শিঙ্গনেল জাম্মর, জি.পি.এস ব্লোক্কর নত্ত্রগা শিঙ্গনেল জাম তৌনবা খুৎলায় শীজিন্নবা অসি আইন্না য়াদে হায়রি। হিরম অসিগী মতাংদা অকুপ্পা মরোলশিং মফম অসিদগী ফংগনি; https://cabsec.gov.in/others/jammerpolicy/ । ভারত্তা লনাই লুপশিং/লনাই মীওইশিংনা জাম্মরশিং লৈবা অমসুং শীজিন্নবা য়াদে।

মথক্তা পনখিবা চৎন-কাংলোনশিং অসিগী মখাদা অয়াবা পীখিবা অসি নত্তনা, ভারত্তা শিঙ্গনেল জাম তৌনবা খুৎলায়শিং এদভরতাইস তৌবা, য়োনবা, ফংহনবা, মপান্দগী পুশিল্লকপা য়াদে হায়না চেকশিনৱা অদুদা ফোঙদোক্লি।

লাইসেন্স পায়রবা তেলিকোম সর্বিস প্রোভাইদরশিং খক নত্তনা লনাই মীওই অমনা/লুপ অমনা মোবাইল শিঙ্গনেল বুস্তর/রিপিত্তর শীজিন্নবা, য়োনবা আইন্না য়াদে হায়রি।

জনুৱারি ২১, ২০২২দা থোকখিবা নোতিস (https://dot.gov.in/spectrummanagement/notice-e-commerce-companies-regard-illegal-facilitation-sale-signal-jammers) অদুদা, মখোয়গী ওনলাইন প্লেতফোর্মশিংদা ৱায়রলেস জাম্মরশিং য়োনবগী মতাংদা তেলিকোম দিপার্তমেন্তনা ই-কম্মর্স কম্পেনিশিংদা চেকশিনৱা থমখ্রবনি। মতিক চাবা থবকশিং লৌখৎনবা মথক্কী নোতিস অসিগী কপি অমশু কম্মর্স মিনিস্ত্রি, প্রোমোসন ওফ ইন্দস্ত্রি এন্দ ইন্তরনেল ত্রেদ দিপার্তমেন্ত, ইলেকত্রোনিক্স অমসুং ইনফোর্মেসন তেক্নোলোজি মিনিস্ত্রি, সি.বি.আই.সি/কস্তমসদা ফংহনখ্রে।

*****



(Release ID: 1839122) Visitor Counter : 138