পার্লিয়ামেন্তরী এফিয়র্স, কোল অমসুং মাইনগী কেন্দ্র মন্ত্রী, শ্রী প্রহলাদ জোশীনা জুলাই ৩, ২০২২দগী হৌখিবা নুমিৎ ৬নিগী ওস্ত্রেলিয়া খোংচৎকী শরুক অমা ওইনা ইনর্জীগী ক্লীন সোর্সকী মাইকৈদা মায় ওনশিনবগী চাউরবা মিসন অমগী শরুক অমা ওইনা সেক্যুর ওইবা, চাউবা অমসুং কম্মর্সিএল ওইনা খুদোংচাবা স্ত্রেতজিক অমসুং মরু ওইবা মিনরেল শেমগৎপগী পান্দম ফংনবা খোঙ্কাপ অমা হেন্না চঙশিন্নবা শেম-শাবা লোইরে।

প্রধান মন্ত্রী, শ্রী নরেন্দ্র মোদীনা অখন্নবা ওইনা, ক্রিতিকেল মিনরেল, কোয়লা, মাইনিং, দিফেন্স, ন্যু অমসুং রিনুএবল ইনর্জী, অনৌবা তেক্নোলোজী, লৌউ-শিংউগা মরী লৈনবা রিসর্চ অমসুং সাইবর সেক্যুরিতীগুম্বা তোঙানবা লমদা লৈবাক অনিগী মরক্তা তেংবাংনবা হেনগৎহন্দুনা ভারত-ওস্ত্রেলিয়াগী মরক্তা লৈনরিবা মরীবু অনৌবা থাক্তা পুখৎনবা অখন্নবা মিৎয়েং চঙদুনা লাকখি। প্রধান মন্ত্রীগী লুচিং মখাদা ভারত-ওস্ত্রেলিয়াগী মরীনা চাউখৎলকপগী মতোউ উবা ফংবগা লোয়ননা, ভারতনা ক্লীন ইনর্জীগী পান্দম ফংনবা থাংজিল্লিবা খোঙথাংশিংবু সস্তেনেবল ওইবা মওংদা খোঙজেল হেন্না য়াঙখৎহন্নবা খোঙফম চেৎলি।

ওস্ত্রলিয়াদা এন্থোনী অল্বানিজ সরকার হে লাকখ্রবা মতুংদা হন্দক্কী মীফম অসিনা মন্ত্রী, শ্রী প্রহলাদ জোশী অমসুং মেদলাইন কিংগী মরক্তা ফম্বা অহানবা মীফম ওইবনা মরম ওইরগা খোঙচৎ অসি মরু ওইরিবনি।

ওস্ত্রেলিয়া সরকারগী তোঙানবা মন্ত্রী অমসুং ওফিসিএল, ইন্দস্ত্রী বোদী অমসুং ওর্গনাইজেসন কয়াগা পাংথোক্কদবা মীফম পরেং অমগী থৌরাং লৈখ্রবনি। শ্রী প্রহলাদ জোশীনা রিসোর্স অমসুং নোরথর্ন ওস্ত্রেলিয়াগী মন্ত্রী, মেদলাইন কিং; মাইন, পেত্রোলিয়ম, ইনর্জী, করেক্তিব সর্ভিস অমসুং ইন্দস্ত্রীএল রিলেসন্সকী মন্ত্রী, বিল জোন্সতোন এম.এল.এ.গা উন্নগনি অমসুং দেপ্যুতী প্রিমিয়র, শ্রী পাউল তুল, রিজনেল ন্যু সাউথ ৱেল্সকী মন্ত্রী অমদি পুলিসকী মন্ত্রীগা ভিদিও কনফরেন্স পাংথোকপগী থৌরাং অমসু লৈরি।

শ্রী জোশীনা মিনরেল মরাং কায়না লৈবা তিয়াঙ্কী লিথিয়ম ক্বিনানা অমসুং গ্রীনবুশহ মাইন্দা চৎকনি।

লৈবাক অনিগী মরক্তা লৈরিবা বাইলেতরেল ত্রেদকী মরীবু হেন্না মপাঙ্গল লৈহন্নবা অমসুং সেক্যুর ওইবা, চাউবা অমসুং কম্মর্সিএল্গী খুদোংচাবা লৈবা মিনরেল সপ্লাই চেন অমা শেমগৎপা নাকল অনিনা পাম্নরিবা অসিগী লম্বী য়াৎপগী পান্দমগা লোয়নবা মাইন মন্ত্রালয়গী মখাদা লৈবা সি.পি.এস.ই. অহুম পুন্না পায়খৎমিন্নবা খোঙথাং, খাঞ্জী বিদেশ ইন্দিয়া লিমিতেদ (কাবিল) অমসুং ওস্ত্রেলিয়া সরকারগী ক্রিতিকেল মিনরেল ফেসিলিতেসন ওফিস (সি.এম.এফ.ও.)গী মরক্তা খুৎয়েক পীনবখিবা এম.ও.য়ু.গী মতাংদা শ্রী জোশীনা মহাক্কী খোঙচৎ মনুংদা থবক পায়খৎনবা থৌরাং লৈরি। ভারত-ওস্ত্রেলিয়া ক্রিতিকেল মিনরেল ইনভেস্তমেন্ত পার্ত্নরশিপ্না ওস্ত্রলিয়াদা লিথিয়ম অমসুং কোবাল্তকী ওইথোকপা য়াবা প্রোজেক্তা পুন্না ইনভেস্তমেন্ত তৌমিন্নবগী থৌরাং লৈরি, হায়রিবা থৌওং অসিনা ভারতনা ক্লীন ইনর্জীগী মাইকৈদা খোঙদাবা পাম্লিবা অসিদা য়াম্না মরু ওইগনি। খোঙথাং অসিনা ই-মোবিলিতী থৌরাং কয়াদা ভারতকী মিনরেল সেক্যুরিতীদা তেংবাংগনি অমসুং ক্রিতিকেল অমসুং স্ত্রেতজিক মিনরেল শিজিন্নবা য়াবা তোঙানবা সেক্তরশিংদসু মসিনা য়াম্না তেংবাংগনি।

মাইন অমসুং মিনরেল সেক্তরদা পাংথোক্কদবা অচৌবা অহোংবা কয়া পুরক্কদবা রিফোর্মগী মতাংদা পাউদম্বগা লোয়ননা শ্রী জোশীনা মহাক্কী খোঙচৎ মনুংদা ভাইব্রেন্ত ওইরবা ভারতকী দাইস্পোরাশিংগী মফমদা ৱা ঙাঙগনি।

*******