কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
azadi ka amrit mahotsav

ফুদ অমসুং পব্লিক দিস্ত্রিব্যুসন বিভাগনা জুলাই ৫দা ফুদ অমসুং ন্যুত্রিসনগী মতাংদা নেস্নেল কনফরেন্স অমা শীন-লাঙগনি


কনফরেন্স অসিনা পব্লিক দিস্ত্রিব্যুসন সীস্তেম (পি.দি.এস.)কী মখাদা পাংথোকপা খ্বাইদগী ফবা থৌওংশিং শন্দোকপা অমসুং ন্যুত্রিস্নেল সেক্যুরিতী মপাঙ্গল হেন্না লৈহনবদা মিৎয়েং চঙগনি

ফুদ ফোর্তিফিকেসন, ফুদ বাস্কেতকী তোঙানবা মখল লৈহনবা, লৌরোক মখল য়ামহনবা, পুন্সিল্লবা অন্নাবিত্রন পোর্তেল ২.০, পি.দি.এস. অমসুং স্তোরেজ সেক্তরদা রিফোর্ম পুরকপগী মতাংদা খন্ন-নৈনগনি

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন, কম্মর্স অমসুং ইন্দস্ত্রী অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা কনফরেন্স অসিদা ৱা ঙাঙগনি

Posted On: 03 JUL 2022 11:07AM by PIB Imphal

ফুদ অমসুং পব্লিক দিস্ত্রিব্যুসন বিভাগনা জুলাই ৫, ২০২২, লৈবাকপোকপা নুমিত্তা ভারতকী ফুদ অমসুং ন্যুত্রিসন সেক্যুরিতীগী মতাংদা নই দিল্লীদা নোংমগী নেস্নেল কনফরেন্স অমা শীন-লাঙলি। কনফরেন্স অসিনা ক্রোস লর্নিং পাংথোকপগী খুদোংচাবা পীবা, পব্লিক দিস্ত্রিব্যুসন সীস্তেম (পি.দি.এস.)কী মখাদা পাংথোকপা স্কিম অসিগী খ্বাইদগী ফবা থৌওংশিং শেন্দোকপা অমসুং ন্যুত্রিস্নেল সেক্যুরিতীদা অহেনবা মিৎয়েং চঙবগী পান্দম থম্লি।

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন, কম্মর্স অমসুং ইন্দস্ত্রী অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা রাজ্য মন্ত্রী (সি.এ., এফ. অমসুং পি.দি.), কুমারী সাধভী নিরঞ্জন জ্যোতী অমসুং রাজ্য মন্ত্রী (সি.এ., এফ. অমসুং পি.দি.), শ্রী অশ্বিনি কুমার চৌবেসু শরুক য়ারিবা কনফরেন্স অসিদা ৱা ঙাঙগনি। কনফরেন্স অসিদা রাজ্য/য়ু.তি.শিংগী ফুদ অমসুং সিভিল সপ্লাইগী মন্ত্রীশিংসু শরুক য়াগনি।

কনফরেন্স অসিগী মরু ওইবা থৌওংগী মনুংদা ফুদ ফোর্তিফিকেসন, ফুদ বাস্কেতকী তোঙানবা মখল লৈহনবা, লৌরোক মখল য়ামহনবা, পুন্সিল্লবা অন্নাবিত্রন পোর্তেল ২.০, পি.দি.এস. অমসুং স্তোরেজ সেক্তরদা রিফোর্ম পুরকপগী মতাংদা খন্ন-নৈনবসু য়াওরি। রাজ্য খরদা পাংথোক্লিবা খ্বাইদগী ফবা থৌওংশিংবু পাক শন্না মতৌ তম্বা য়ানবগীদমক্তা শ্যার তৌনগনি।

কনফরেন্স অসিনা লৈবাক্কী ফুদ অমসুং ন্যুত্রিসন সেক্যুরিতী ইকোসীস্তেমদা অচৌবা অহোংবা অমা লাকহন্নবগীদমক্তা কো-ওপরেতিব ফেদেরেলিজমগী তসেংবা ইথিলগা লোয়নবা শিংনবা অমসুং খুদোংচাবা কয়াগী মতাংদা খন্ন-নৈনবা প্লেতফোর্ম অমা ওইনা তেংবাংগনি।

নেস্নেল ফুদ সেক্যুরিতী এক্ত, ২০১৩ (এন.এফ.এস.এ.)গী মখাদা লৈবা ভারতকী তার্গেতেদ পব্লিক দিস্ত্রিব্যুসন সীস্তেম্না মালেমগী খ্বাইদগী চাউবা ফুদ-সেক্যুরিতী প্রোগ্রাম ওইরি। পথাপ অসিনা ফাইর প্রাইস শোপ লাখ ৫.৩৩ হেন্না লৈবা লৈবাক শিনবা থুংবগী নেতৱর্ক্কী খুত্থাংদা ভারতকী অপুনবা বেনিফিশরী চাউরাকপা করোর ৮০গী তঙাই ফদবা ফুদ সেক্যুরিতীবু শেন্নরি। প্রধান মন্ত্রী গরীব কল্যান অন্না য়োজনা (পি.এম.জি.কে.এ.ৱাই.)গা লোয়ননা ৱান নেসন, ৱান রাসন কার্দ (ও.এন.ও.আর.সি.)গী খুত্থাংদা সরকারনা কোবিদ-১৯ লাইচৎ মনুংদা ফুদ সেক্যুরিতীগীদমক্তা তেংবাংখিবা অসিনা মীয়ামগী লাইফলাইন ওইহনখি অমসুং থৌওং অসিগী মথৌ নীংথিনা পাংথোকপা অমসুং লাইরবা অমদি খুন্নাইগী শোত্থরবা কাঙলুপশিংগী অনীংবা অপাম্বা খঙবগী মতৌবু মালেম পুম্বনা নীংথিরবা খুদম অমনি হায়না থাগৎনখি।

*****



(Release ID: 1838955) Visitor Counter : 42