কেন্দ্রগী সাইন্স অমসুং তেক্নোলোজীগী রাজ্য মন্ত্রী (আই./সি.); অরথ সাইন্সকী রাজ্য মন্ত্রী (আই.সি.); এম.ও.এস. পি.এম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা ঙসি প্রধান মন্ত্রী, নরেন্দ্র মোদীনা সি.ও.পি.২৬কী মীফমদা ৱাশক্লম্বা অদুগী মতুং ইন্না ২০৩০ ফাওবদা ভারতপু ৫০০ জি.দবল্যু. নন-ফোসিল ইনর্জী কেপাসিতী য়ৌবদা মতেং পাংনবা “কার্বোন ন্যুত্রেল” বিল্দিং শাবদা স্তার্তঅপশিং প্রোমোত তৌনবা অমসুং মখোয়শিং অদুবু ইন্দস্ত্রীগা লিঙ্ক তৌনবা হায়খ্রে।

ক্লীন ইনর্জীগীদমক্তা ইন্দো-য়ু.এস. অপুনবগী অনৌবা খোংথাং অমা, সোলর দেকাথলোন ইন্দিয়া এৱার্দসতা  অথোইবা মীথুংলেন  অমা ওইনা মহাক্না থমখিবা মহাক্কী অখন্নবা ৱারোল অদুদা, দা. জিতেন্দ্র সিংনা রিবেল এস্তেত দেবেলপরশিং, বিল্দরশিং, ইন্দস্ত্রীশিং অমসুং একাদেমিয়াদা ভারতকী ক্লিমেতিক জোওনশিং অমসুং তোপ-তোপ্পা তঙাইফদবশিং অদুগা চুনগদবা, য়াম্না শাথিবা নোং-চিংগী ফিভমশিংনা থোকহল্লিবা থৌদোকশিং অদুবু কোকহন্নবা, অমসুং পুনশি অমসুং লন-থুম, মাল–চাংদা অমাং-অতা হন্থহনগদবা অনৌবা, অহোংবা সোল্যুশনশিং পুথোক্নবা হায়খ্রে। মন্ত্রী অসিনা অমুক হন্না পল্লকখি মদুদি পি.এম. মোদীনা স্তার্তঅপশিংদা মপুং ফানা সপোর্ত পীরি অমসুং মখোয়দা মহৌশাগী অইং-অশা, ঈশিং-নুংশিৎকী ওইবা শিংনবশিং য়াওনা লৈবাক অসিনা মায়োক্নরিবা শিংনবশিং অদুবু লাকশিন্নবা হায়খ্রে।

নেত-জিরো কার্বন ইমিসনদা স্তার্তঅপশিং ভারতকী লেন্দস্কেপ অসিদা য়াম্না য়াংনা থোরক্লি হায়বসি মশক খংলদুনা, দা. জিতেন্দ্র সিংনা দি.এস.তি.দগী শেংগী মতেং পুম্নমক পীরগনি হায়না থাজবা পীরকখি অমসুং লোইন-লোইননা অসিগুম্বা ভেঞ্চরশিং অসিবু লৌখৎনবগীদমক্তা বিজনেসশিংনা চোংথোরক্কদবনি হায়না হায়খি। মআক্না হায়খি, ক্লীন অমসুং গ্রীন বিল্দিংশিংগী মথক্তা ক্লীন ত্রান্সপোর্তেশন, সোলর ৱাতর পম্পশিং অমসুং সোলর-পাৱর্দ রেফ্রিজরেশন, ক্লীন গ্রিদ পাৱর, ইলেক্ত্রিক ভেহিকলশিংদা মরু ওইবা মীৎয়েং থম্বা, হায়রিবশিং অসি ভারতকী ক্লানতেক ইকোসীস্তেমগীদমক্তা মরু ওইবা হীরমশিংগী মনুংদা খরা অমনি।

নেত-জিরো ইনর্জী অমসুং নেত-জিরো-ৱাতর দেবেলপ তৌবগী শিংনবশিং অদুবু মশক খঙলদুনা, দা. জিতেন্দ্র সিংনা রিয়ল, লাইব বিল্দিং প্রোজেক্তশিং অমসুং ইনোৱেতিব ওইবা সোল্যুশনশিং লৌখৎপগীদমক্তা সোলর দেকেথলোন ইন্দিয়াগী পার্তিসিপেন্তশিং অমসুং ৱিন্নরশিংবু থাগৎপা ফোংদোকখি। সোলর দেকাথলোন ইন্দিয়া (এস.দি.আই.)না নেত-জিরো-ইনর্জী বিল্দিংশিং পুথোকপা ঙমগদবা আর্কিতেকশিং, ইঞ্জিনীয়রশিং, অমসুং এন্ত্রপ্রেনরশিংগী মথংগী মীরোল শেমগৎপদা মতেং পাংলি হায়না মহাক্না হায়খি।

দা. জিতেন্দ্র সিংনা এৱার্দশিং য়েন্থোকখি অমসুং পোস্তর সেসন অদুদা চত্তুনা য়েংখি অমসুং নহা ওইরিবা ইনোৱেতরশিং অমসুং মখোয়গী ফেকল্তী মেন্তরশিং অদুগা ৱারী-ৱাতাই শানখি। সোলর দেকাথলোন ইন্দিয়া অসি ভারতকী দিল্দিং সেক্তরগীদমক্তা ইনোৱেতিব ওইবা, নেত-জিরো ইনর্জী অমসুং ক্লাইমেত রেজিলিয়েন্ত সোল্যুশনশিং পুথোক্তুনা মহৌশাগী অইং-অশা, ঈশিং-নুংশিৎকী ফিভমদা লাক্লিবা অহোংবা অসিবু কোকহন্নবা ভারতকী কোলেজশিং অমসুং য়ুনিভর্সিতীশিংদগী অন্দরগ্রেজুৱেত অমসুং পোস্ত গ্রেজুৱেত মহৈরোইশিংগীদমক্তা তোপ-তোপ্পা, চহিগী ওইবা চেলেঞ্জ অমনি হায়না মহাক্না হায়খি।

দা. জিতেন্দ্র সিংনা হায়খি, ভারতনা গ্লোবল কম্যুনিতীনা মায়োক্নরিবা খ্বাইদগী চাউবা শিংনবা অমা ওইরিবা, মহৌশাগী অইং-অশা, ঈশিং-নুংশিৎকী ফিভমদা লাক্লিবা অহোংবা অসিবু কোকহন্নবা য়াম্না চাউবা থৌরাং অমা শেম্লি। গআসগোদা পাংথোকখিবা হন্দক্কী সি.ও.পি.২৬কী মীফমদা, প্রধান মন্ত্রী, শ্রী নরেন্দ্র মোদীনা ভারতকী পোইন্ত মঙাগী ক্লাইমেত এক্সন এজেন্দা, পাঞ্চঅমৃত  প্লান উৎখি হায়না মহাক্না হায়খি। মসিদা য়াওরিবা অসি ২০৩০ ফাওবদা ৫০০ জি.দবল্যু., ২০৩০ ফাওবদা মখোয়গী মথৌ তারিবা ইনর্জী অদুগী চাদা ৫০ রিন্যুৱেবল ইনর্জীদগী লৌবা, ঙসিদগী হৌরগা ২০৩০ ফাওবদাঅপুনবা প্রোজেক্তেদ কার্বন ইমিসনশিং অদু তন বিলিয়ন অমা য়ৌনা হন্থহনবা, ২০৩০ ফাওবদা, লেভেল ২০০৫গী মথক্তা ইকোনোমীগী কার্বন ইন্তেন্সিতী অদু চাদা ৪৫ ফাওবা হন্থহনবা অমসুং ২০৭০ ফাওবদা নেত জিরো ইমিসনগী তার্গেত অসিবু ফংবা ঙম্বা অসিনি।

দা. জিতেন্দ্র সিংনা খঙহল্লকখি মদুদি সোলর দেকেথলোন ইন্দিয়া অসি ইন্দো-য়ু.এস সাইন্স অমসুং তেক্নোলোজী  ফোরম (আই.য়ু.এস.এস.তি.এফ.) অমসুং য়ু.এস. দিপার্তমেন্ত ওফ ইনর্জীগী মরক্তা খুৎয়েক পীনখিবা এম.ও.য়ু. আমগী মখাদা তৌখিবা য়ু.এস.-ইন্দিয়া কোলাবোরেশন্নি অমসুং হায়রিবা অসি এলাইন্স ফোর এন ইনর্জী এফিসিয়েন্ত ইকোনোমী (এ.ই.ই.ই.) অমসুং ইন্দিয়ন ইনস্তিত্যুত ফোর হ্যুমেন সেতলমেন্তস (আই.আই.ঐচ.এস.)না পাংথোকখিবনি। সোলর দেকেথলোন ইন্দিয়া অসি দিপার্তমেন্ত ওফ সাইন্স এন্দ তেক্নোলোজী (দি.এস.তি.)না সপোর্ত তৌখি।

সোলর দিকেথলোন ইন্দিয়া অসি মহৌশাগী অইং-অশা, ঈশিং-নুংশিৎকী ফিভমদা লাক্লিবা অহোংবা অসিবু লান্থেংননবা রেজিলিয়েন্ত ওইবা নেত-জিরো ইনর্জী বিল্দিংশিং ইনোৱেত তৌবা অমসুং ইমপ্লিমেন্ত তৌবা ঙম্বা নহা ওইরিবা প্রোফেস্নেলশিং অমসুং মসিগা লোইন-লোইননা ইনোৱেশন গাইদ তৌবা ঙম্বা অমসুং মল্তি-দিসিপ্লিনরী প্রোজেক্তশিং মেন্তর তৌবা ঙম্বা ফেকল্তী ইনস্ত্রক্তরশিংগী নেতৱার্ক অমা শেমগৎলিবা তোপ-তোপ্পা অনৌবা খোংথাং অমনি হায়না মন্ত্রনা হায়খি। মসিগী অনিশুবা চহি খক্তদা, ভারত শিনবা থুংনা তোঙান-তোঙানবা সিতী ৪২দগী ইনস্তিত্যুশন ১০৯গী মহুৎ শিন্দুনা মঐরোই ১২০০না সোলর দেকেথলোন ইন্দিয়া প্রোগ্রাম অসিদা শরুক য়াখি।

দা. জিতেন্দ্র সিংনা হায়খি, দি.এস.তি. অসিনা মিসন ইনোৱেশন প্রোগ্রামদা হকথেংননা থৌদাংসু লৌরি অমসুং লৈবাক ২৫গা ক্লীন ইনর্জী কোলাবোরেতিব রিসর্চকীদমক্তা লম্বি কয়া অমা হাংদোকখ্রে অমসুং সোলর দিকেথলোন ইন্দিয়া তীমশিংনা বিল্দরশিং অমসুং দেবেলপরশিংগা খুৎশম্নদুনা সি.এস.তি.গী আর. অমসুং দি.বু মমাংলোমদা পুখৎপা ঙমগনি অমসুং হায়রিবশিং অসিবু অশেংবা বিল্দিং প্রোজেক্তশিংদা শিজিন্নবা য়াগনি হায়না মহাক্না মখা তারকখি।

কআলিমেত চেঞ্জ অমসুং নেত-জিরো:চেলেঞ্জেস ফোর দ বিল্দিং সেক্তর হায়রিবা থীম অসিদা ৱা ঙাংলদুনা দা. জিতেন্দ্র সিংনা হায়খি, মালেমগী ওইনা, গ্লোবল ৱার্মিং থোকহল্লিবা কার্বোন্দাইওক্সাইতকা মরী লৈনবা অপুনবা ইনর্জীগী ৩৮% দি বিল্দিংশিং শাবা অমসুং চলাইবদা থৌকহল্লি। ভারতনা বিল্দিং য়াম্না শাগৎলকপগী চাং য়াম্না ৱাংনা থেংনরি অমসুং ২০৫০দা লৈগদাব ভারতকী ফ্লোর এরিয়াগী চাদা ৭০% মুক্তি মথংগী চহি ২৮ অসিদা শাগদবা অনৌবা বিলইং ওইগনি। অনৌবা তেক্নোলোজীশিং শিজিন্নদুনা অমসুং লমদম অসিগী সস্তেনেবল বিল্দিং মেতরিয়েলশিং শিজিন্নবা থৌগত্তুনা মসিনা ঐখোয়গী বিল্দিংশিংগী ৭০% অদু নেত-জিরো ওইহনবগী অচৌবা খুদোংচাবা অমা পীরি হায়না মন্ত্রীনা মখা তারকখি।

দা. জিতেন্দ্র সিংনা মীতি অদুদা খঙহল্লকখি মদুদি নেত-জিরো ইনর্জী দেবেলপ তৌবা অমসুং নেত-জিরো ৱাতর বিল্দিংশিং দেবেলপ তৌবা হায়বসি অরাইবা নত্তে অমসুং ভারতকী ক্লাইমেতিক জোনশিং অমসুং তোপ-তোপ্পা তঙাইফদবশিং অদুগা চুনবা অনৌবা অমসুং য়াম্না হোংনা সোল্যুশনশিং পুথোক্নবা অমসুং রেজিলিয়েন্সী লৈহন্নবা রিয়েল এসতেত দেবেলপরশিং, বিল্দরশিং, ইন্দস্ত্রী, অমসুং একাদেমিয়া পুল্লপ পুনশিনহনবা হায়বা অসি য়াম্না তঙাইফদে। মন্ত্রী অসিনা মরু ওইনা পনখি মদুদি ঐখোয়না ঐখোয়গী মহৈরোইশিং অমসুং তুংগী এন্ত্রপ্রেনরশিংদা ইনোৱেশন য়োকখৎপা হায়বা অসি য়াম্না তঙাইফদে অমসুং ঐখোয়গী আর্কিতেকচর অমসুং ইঞ্জিনীয়রিং ইনস্তিত্যুশনশিংনা মখোয়গী করিক্যুলম অমসুং ত্রেনিং অদুবু হায়রিবা শিংনবশিং অসিবু কোকহনবদা শিজিন্নগদবনি

দিপার্তমেন্ত ওফ সাইন্স এন্দ তেক্নোলোজীগী সেক্রেতরী, দা. এস. চন্দ্রশেখরনা হায়খি মদুদি দা. জিতেন্দ্র সিংনা কার্বন কেপচর অমসুং মদুবু শিজিন্নবগীদমক্তা দি.এস.তি.দা য়াথং মপুং ফানা পীখ্রে। মহাক্না থর্মল কমফোর্ত, লো ইনর্জী কুলিং, দেলাইতিং, পেসিব দিজাইন, বিল্দিং ওতোমেশন অমসুং ইন্তেলিজেন্ত দিসিজন সপোর্ত সীস্তেমশিংগী মতাংদা আর. অমসুং দি.বু মতেং পাংবা য়াওনা ইনর্জী এফিসিয়েন্সীগী মতাংদা দি.এস.তি.না লৌখিবা লুচিংবা ওইবগী থৌদাং অদুবু শন্দোক্না তাকখি।

সোলর দেকেথলোন ইন্দিয়াগী দাইরেক্তর, প্রসাদ ৱৈদ্যানা হায়খি “বিল্দিং সেক্তর কোর্সশিংদগী চহি খুদিংগী মহৈরোই ৫,০০,০০০গী মথক্তা গ্রেজুৱেত ওইখি অমসুং হৌজিক্তগীনা ২০৫০গী মরক্তা বিলিয়ন ৪০গী মথক্তা স্ক্ব্যার বিল্দিংশিং শারগনি, ভারত্তা মসিগী অনৌবা কনস্ত্রক্সন অসিবু দিকার্বোনাইজ তৌনবা অমসুং নেত-জিরো বিল্দিংশিংগী য়াম্লবা স্তোক অমা শানবগী তোপ-তোপ্পা খুদোংচাবা অমা লৈ। সোলর দিকেথলোন ইন্দিয়া অসি মহৈরোইশিং অমসুং ফেকল্তিগা লোইননা ক্লাইমেত চেঞ্জ সোল্যুশনশিং এক্সপ্লোর তৌনবা অমসুং মখোয়গী প্রোজেক্তশিং অদুদা খ্বাইদগী হেন্না ওইথোকপা য়াবা তেক্নোলোজী অমসুং দিজাইন ইনোৱেশনশিং অপ্লাই তৌনবা রিয়েল এস্তেত ইন্দস্ত্রীগীদমক্তা মসিগী খুদোংচাবা অসি পুল্পপ পুল্লিবা হবনি।”

ইন্দো-য়ু.এস. সাইন্স এন্দ তেক্নোলোজী ফোরমগী একজিক্যুতিব দাইরেক্তর, দা. নন্দিনি কান্নননা সোলর দিকেলোন ইন্দিয়া পল্লদুনা হায়খি “ভারতকী চাউরবা ক্লাইমেত অমসুং ক্লীন ইনর্জীগী পান্দমশিং অসিবু ফংনবা হোৎনবদা তেক্নোলোজী শিজিন্নবা মালেমগী থাক্তা নিংথিনা ত্রেন তৌরবা ৱার্কফোর্স দেবেলপ তৌবা অমসুং ইনোৱেতিব ওইবা, ইমপেক্ত য়াম্না লৈগদবা সোল্যুশনশিং দেবেলপ তৌনবা মতম অসিগী য়াম্না নৌবা আর. অমসুং দি. দেবেলপ তৌবগী মথৌ তাগনি।”

<><><><><>