নেস্নেল হেল্থ ওথোরিতী (এন.ঐচ.এ.)না ৱেস্তর্ন রিজনগীদমক্তা জুন ৩০ অমসুং জুলাই ১, ২০২২দা মহারাস্ত্রাগী পুনেদা রিজনেল রিভিয়ু মীতিং – ‘অয়ুশমান শঙ্গম’গী মঙাশুবা ইদিসন শীনখ্রে। থৌরম অসিদা গুজরাত, গোৱা, রাজস্থান, মহারাস্ত্রা, দাদ্রা অমসুং নগর হবেলী অমদি দামন অমসুং দ্যু রাজ্য/য়ু.তি.শিংগী অয়ূশমান ভারত প্রধান মন্ত্রী জন আরোগ্যা য়োজনা (এ.বি. পি.এম.-জে.এ.ৱাই.) অমসুং অয়ুশমান ভারত দিজিতেল মিসন (এ.বি.দি.এম.)গী স্কিম অনিসিগা মরী লৈনবা সরকারগী সেনিয়র ওফিসিএল, পোলিসী শেম-শাবা অমসুং অখঙ-অহৈশিংনা শরুক য়াখি। হঙ্গৎনা য়েংশিংবগী মীফম অসিবু এন.ঐচ.এ.গী সি.ই.ও., দাঃ আর.এস. শর্মনা লুচিংখি। দাঃ শর্মনা থৌরম অসিদা ৱা ঙাঙবদা এ.বি. পি.এম.-জে.এ.ৱাই.বু মায় পাক্না চলায়নবা হোৎনদুনা পায়খৎখিবা তোঙানবা থবক থৌরমশিংগীদমক্তা ৱেস্তর্ন জোনবু থাগৎপা ফোংদোকখি।

নুমিৎ নিনিগী খন্ন-নৈনবগী থৌরম্না মপুং ওইবা ৱাখল্লোন লান্নবগী খুদোংচাবা কয়াগী থোঙ হাংদুনা নোংচুপলোমগী মফমশিংগী রাজ্য/য়ু.তি.শিংদা অয়ুশমান ভারত পি.এম.-জে.এ.ৱাই. অমসুং এ.বি.দি.এম. স্কিম অনিমক্কী থবক-থৌরমশিংগী মায় পাক্লকপগী ফিভমশিং য়েংশিনবসু ঙমহনগনি।

প্রোগ্রাম অসিগী অতোপ্পা নাকল অমদা, দোক্তর ১০০০বু মখোয়না পি.এম.-জে.এ.ৱাই.গী মখাদা মশক থোক্না তেংবাংখিবগীদমক্তা জুলাই ১দা ইকায় খুম্নবা উৎখি।

এন.ঐচ.এ.গী সি.ই.ও., দাঃ আর.এস. শর্মনা থৌরমসিগী মপুং ওইবা ৱারোল পীবদা ভারতনা লাইচৎকা মাইয়োক্নবা অমসুং তীকা থাবগী খোঙজং মায় পাক্না পাংথোকখিবদা দোক্তরশিংনা লৌখিবা মরু ওইবা থৌদাংশিংবু অখন্ননা তাকখি। দাঃ শর্মনা হায়খি, “ভারতকী ভেক্সিনেসন দ্রাইব অসিদা কোৱিন প্লেতফোর্ম্না তেক-বেকবোন ওইরবসু, মালেমগী খ্বাইদগী চাউবা ভেক্সিনেসন দ্রাইব অসিবু তসেংনা মায় পাকহনখ্রিবা অসিদি ঐখোয়গী দোক্তর অমসুং মেদিকেল প্রোফেস্নেলশিংগী তেংবাংনবা অসিননি। ঐখোয়গী কম্ম্যুনিতী দোক্তরশিংনা লাইচৎকা মাইয়োক্নবদা তেংবাংবা খক্তা নত্তনা অয়ুশমান ভারতকী অমব্রেল্লা স্কিম পি.এম.-জে.এ.ৱাই.গুম্বা হেল্থকেয়রগী মরু ওইবা স্কিমশিংবু মায় পাক্না পাংথোকহনবদা মরু ওইবা থৌদাংসু য়ারিবনি”।

মহারাস্ত্রা সরকারগী পব্লিক হেল্থ বিভাগকী এদিস্নেল চীফ সেক্রেতরী, দাঃ প্রদীপ ব্যাসনা তিল্লিবা মীয়ামদা ৱা ঙাঙবদা দাক্তর অমসুং মেদিকেল ফ্রেতর্নিতীগী মফমদা ইকায় খুম্নবা উৎখি। মহাক্না হায়খি, “মশাগী ওইজবা য়েংদনা, নীংহন্নবা লৈতনা হোৎনরিবা ঐখোয়গী লৈবাক্কী দাক্তরশিংগী হোৎনজমন খুদিংবু ঐখোয়না শকখঙফম থোকই। ঙসিদি, ঐখোয়গী খুন্নাইগীদমক্তা দাক্তর কয়ানা পুন্না তেংবাংখিবা অসিগীদমক্তা ঐখোয়না মখোয়গী মরক্তগী খনগৎলবা দাক্তর খরগী মফমদা ইকায় খুম্নবা উৎলি অমসুং মখোয় পুম্নমক্না ক্বালিতী হেল্থকেয়র পীনবগীদমক্তা মশাবু কত্থোক্লিবা অসিগীদমক্তা ঐহাক্না মখোয়গী মফমদা কোক নোঞ্জরি। ঐখোয়না লৈবাক্কী সেবা পাংথোকপদা খ্বাইদগী নীংথিবা মওংদা পাংথোকপা ঙম্নবা ঐখোয় পুন্না খোঙফম চেৎমিন্নরসি”।

এন.ঐচ.এ.গী দেপ্যুতী সি.ই.ও., দাঃ বিপুল অগর্ৱালনা থৌরম মনুংদা ৱা ঙাঙবদা অসুম্না হায়খি, “ঐহাক্কী মিৎয়েংদদি, মখোয়না পাংথোক্লিবশিংবু থবক অমনি হায়না উদে, ঐখোয়না দাক্তরশিংনা মমায়দা পেন্দবগী শকফম অমত্তা তাহন্দনা শিংনবা অমগা লোয়ননা খোঙফম চেৎনা সেবা তৌবনি হায়না উই। ঐখোয়না মখা তানা চত্থরিবসিদা লাইচৎনা লেপ্তনা ইভোল্ব তৌগনি হায়না ঐখোয়না খঙলি অমসুং মখোয়গী ইভোল্যুসন অসিগী মাং থানা লৈনবা হেল্থ কেয়র কম্ম্যুনিতীনা শেম-শাদুনা লৈগদবনি অমসুং অনাবা খুদিংগী মফমদা ক্বালিতী হেল্থ কেয়র ফংহনগদবনি”।

মহারাস্ত্রা সরকারগী পব্লিক হেল্থ বিভাগকী প্রিন্সিপাল সেক্রেতরী, দাঃ নীলিমা কেরকাত্তা অমসুং মহারাস্ত্রাগী স্তেত হেল্থ ওথোরিতী এস্যুরেন্স সোসাইতীগী সি.ই.ও., দাঃ সুধাকর শিন্দেসু মীফম অসিদা শরুক য়াখি।

পি.এম.-জে.এ.ৱাই.গা মরী লৈনবা মেদিকেল ফ্রেতরীনিতীশিংবু চাং নাইনা শকখঙবা অমসুং মনা পীবগী থবক অমা লেপ্তনা চত্থবগী পান্দমগা লোয়ননা, এন.ঐচ.এ.না মখাগী মরু খোঙথাংশিং লাউথোকখ্রেঃ

• অয়ুশমান ভারত উৎকৃস্ত চিকিৎশক সম্মান: অয়ুশমান ভারত পি.এম.-জে.এ.ৱাই. ইকোসীস্তেমদা থবক তৌরিবা মথৌ খ্বাইদগী নীংথিনা পাংথোকপা দাক্তর মঙাবু ইকায় খুম্নবগী মনা।
• অয়ুশমান ভারত উৎকৃস্ত চিকিৎশলায়া সম্মান: অয়ুশমান ভারত পি.এম.-জে.এ.ৱাই.গী মখাদা এম্পেনেল তৌরবা খ্বাইদগী নীংথিজনা মথৌ পাংথোকপা রাজ্য খুদিংগী হোস্পিতাল অমমমদা মনা পীবা।
• অয়ুশমান ভারত পি. এম.-জে.এ. ৱাই. ফেল্লোশিপ: মসিগী মখাদা, য়াম্লবদা হেল্থ কেয়র প্রোফেস্নেল মঙাদা অয়ুশমান ভারত পি.এম.-জে.এ.ৱাই.গী মখাদা রিসর্চ তৌনবগীদমক্তা চহি অমগী ফেল্লোশিপ গ্রান্ত পীগনি।

মনাশিং অসি সেপ্তেম্বর ২০২২দা পাংথোক্কদবা এ.বি. পি.এম.-জে.এ.ৱাই.গী চহি ফাবগী থৌরমদা পীথোক্কনি। পি.এম.-জে.এ.ৱাই. চত্থরিবা রাজ্য/য়ু.তি. শিনবা থুংবগী স্তেত হেল্থ এজেন্সীশিংগী ওফিসিএল অমসুং দাক্তরশিংনা ইকায় খুম্নবা উৎপগী থৌরমদা ভর্চুএলগী খুত্থাংদা শরুক য়াখি অমসুং মসিনা দাক্তরশিংবু শকখঙনবগীদমক্তা ভারত শিনবা থুংবদা মান্নবা ফেলিসিতেসন থৌরম কয়া অমুক্তদা হৌদোকখি।

এ.বি. পি.এম.-জে.এ.ৱাই. স্কিমগী মখাদা ৱেস্তর্ন রিজনগী রাজ্য/য়ু.তি.শিংনা মতিক চারবা বেনিফিশরীশিংবু নীংথিনা লাইয়েংবগী থৌওংশিংগী মরোল মখাদা পীরিঃ     

*****