પ્રાદેશિક સમીક્ષા બેઠકની પાંચમી આવૃત્તિ - 'આયુષ્યમાન સંગમ'નું આયોજન રાષ્ટ્રીય સ્વાસ્થ્ય પ્રાધિકરણ (NHA) દ્વારા પુણે, મહારાષ્ટ્રમાં 30મી જૂન અને 1લી જુલાઈ 2022ના રોજ પશ્ચિમ ક્ષેત્ર માટે કરવામાં આવ્યું હતું. આ કાર્યક્રમમાં વરિષ્ઠ સરકારી અધિકારીઓ, નીતિ ઘડવૈયાઓ અને નિષ્ણાતોની જોવા મળ્યા હતા. આયુષ્માન ભારત પ્રધાનમંત્રી જન આરોગ્ય યોજના (AB PM-JAY) અને આયુષ્માન ભારત ડિજિટલ મિશન (ABDM)ની બે યોજનાઓ સાથે ગુજરાત, ગોવા, રાજસ્થાન, મહારાષ્ટ્ર, દાદરા અને નગર હવેલી અને દમણ અને દીવ રાજ્યો/કેન્દ્રશાસિત પ્રદેશો સંકળાયેલા છે. સમીક્ષા બેઠકની અધ્યક્ષતા ડૉ. આર. એસ. શર્મા, સીઈઓ, NHA દ્વારા કરવામાં આવી હતી. કાર્યક્રમને સંબોધતા ડૉ. શર્માએ AB PM-JAYના સફળ અમલીકરણ માટે પશ્ચિમ ઝોન દ્વારા કરવામાં આવેલા પ્રયાસો અને યોગદાનની પ્રશંસા કરી હતી.

બે દિવસીય આદાનપ્રદાનથી પશ્ચિમ ક્ષેત્રના રાજ્યો/કેન્દ્રશાસિત પ્રદેશોમાં આયુષ્માન ભારત PM-JAY અને ABDM બંને યોજનાઓ દ્વારા કરવામાં આવેલી પ્રગતિના મૂલ્યાંકનની સુવિધા આપતા સુમેળભર્યા વિચાર વિનિમયના માર્ગોનું નિર્માણ થયું.

કાર્યક્રમ દરમિયાન, 1લી જુલાઈ, 2022ના રોજ લગભગ 1000 ડોકટરોને PM-JAY યોજના હેઠળ તેમના પ્રદાન કરવામાં આવેલા તેમના અનુકરણીય યોગદાન માટે સન્માનિત કરવામાં આવ્યા હતા.

ડો. આર.એસ. શર્મા, સીઈઓ NHA એ મુખ્ય વક્તવ્ય આપતી વખતે ભારતની રોગચાળા સામેની લડાઈ અને રસીકરણ અભિયાનમાં ડોકટરોએ ભજવેલી ભૂમિકા પર પ્રકાશ પાડ્યો હતો. ડો. શર્માએ કહ્યું, ‘તેમના ચહેરા પર, COWIN પ્લેટફોર્મ એ ભારતની રસીકરણ અભિયાનની ટેક-બેકબોન છે પરંતુ ભાવનામાં તે આપણા ડોકટરો અને તબીબી વ્યાવસાયિકોનું નેટવર્ક છે જેણે વિશ્વની સૌથી મોટા રસીકરણ અભિયાનને સફળ બનાવ્યો છે. આયુષ્યમાન ભારત છત્ર યોજના PM-JAY જેવી મહત્ત્વની આરોગ્યસંભાળ યોજનાઓના સફળ અમલીકરણની ખાતરી કરવામાં આપણા ડૉક્ટરોના સમુદાયે માત્ર રોગચાળા સામેની આપણી લડાઈમાં મહત્વનો ભાગ ભજવ્યો છે.’

સભાને સંબોધતતી વખતે, મહારાષ્ટ્ર સરકારના જાહેર આરોગ્ય વિભાગના અધિક મુખ્ય સચિવ ડૉ. પ્રદીપ વ્યાસે ડૉક્ટરો અને તબીબી સમુદાયનો આભાર વ્યક્ત કર્યો હતો. તેમણે કહ્યું હતું કે ‘આપણા દેશના ડોકટરો કે જેઓ નિઃસ્વાર્થપણે કામ કરે છે તેમને તેમની અનુકરણીય સેવા માટે ઓળખવાની જરૂર છે. આજે, આપણે આપણા સમાજમાં ડોકટરોના સામૂહિક યોગદાન માટે કૃતજ્ઞતાના પ્રતીક તરીકે તેમાંથી કેટલાકને સન્માનિત કરી રહ્યા છીએ અને ગુણવત્તાયુક્ત આરોગ્યસંભાળ પૂરી પાડવાના તેમના સમર્પણ માટે હું તેમને સલામ કરું છું. ચાલો આપણે બધા રાષ્ટ્રની સેવામાં શ્રેષ્ઠતા માટે સતત પ્રયત્ન કરવા માટે પ્રતિબદ્ધ થઈએ.’

ઈવેન્ટ દરમિયાન બોલતા ડૉ. વિપુલ અગ્રવાલે, ડેપ્યુટી સીઈઓ, NHAએ કહ્યું: ‘મારી દૃષ્ટિએ આ માત્ર નોકરી નથી, તે એક પડકારજનક પ્રતિબદ્ધતા અને સેવા છે જે આપણા ડોકટરો તેમના ચહેરા પર એક પણ ભવાં ચડ્યા વિના કરી શકે છે. જેમ જેમ આપણે આગળ વધીએ છીએ તેમ, આપણે જાણીએ છીએ કે રોગચાળો સતત વિકસિત થશે, અને આરોગ્ય સંભાળ સમુદાયને પણ રમતથી આગળ રહેવા અને તમામ દર્દીઓને ઉચ્ચ ગુણવત્તાની સંભાળ પહોંચાડવા માટે આ ઉત્ક્રાંતિની ગતિ સાથે મેચ કરવાની જરૂર પડશે.’

ડૉ. નીલિમા કેરકટ્ટા, અગ્ર સચિવ, જાહેર આરોગ્ય વિભાગ, મહારાષ્ટ્ર સરકાર અને ડૉ. સુધાકર શિંદે, સીઈઓ સ્ટેટ હેલ્થ ઑથોરિટી એશ્યોરન્સ સોસાયટી, મહારાષ્ટ્ર પણ બેઠક દરમિયાન હાજર હતા.

PM-JAY યોજના સાથે સંકળાયેલા તબીબી સમુદાયને નિયમિત ધોરણે પુરસ્કાર આપવા અને ઓળખવાના તેના પ્રયત્નો ચાલુ રાખવાના ઉદ્દેશ્ય સાથે, NHAએ નીચેની ચાવીરૂપ પહેલ શરૂ કરવાની જાહેરાત કરી:

આયુષ્માન ભારત ઉત્કૃષ્ટ ચિકિત્સક સન્માન: આયુષ્માન ભારત PM-JAY ઇકોસિસ્ટમમાં કામ કરતા શ્રેષ્ઠ પ્રદર્શન કરનાર પાંચ ડોકટરોને સન્માનિત કરવા માટેનો એવોર્ડ.

આયુષ્માન ભારત ઉત્કૃષ્ટ ચિકિત્સાલય સન્માન: દરેક રાજ્યમાં આયુષ્માન ભારત PMJAY હેઠળ સૂચિબદ્ધ એક શ્રેષ્ઠ કામગીરી કરનાર હોસ્પિટલ માટેનો એવોર્ડ.

આયુષ્માન ભારત PM-JAY ફેલોશિપ: આ હેઠળ, આયુષ્માન ભારત PM-JAY હેઠળ સંશોધન કરવા માટે પાંચ જેટલા હેલ્થકેર પ્રોફેશનલ્સને એક વર્ષની ફેલોશિપ ગ્રાન્ટ આપવામાં આવશે.

આ તમામ પુરસ્કારો સપ્ટેમ્બર 2022માં AB PM-JAYની વર્ષગાંઠની ઉજવણી દરમિયાન એનાયત કરવામાં આવશે. PM-JAYને અમલમાં મૂકતા વિવિધ રાજ્યો અને કેન્દ્રશાસિત પ્રદેશોમાં રાજ્ય આરોગ્ય એજન્સીઓના અધિકારીઓ અને ડૉક્ટરોએ આ સન્માન કાર્યક્રમમાં વર્ચ્યુઅલ રીતે ભાગ લીધો હતો અને સમગ્ર ભારતમાં ડોકટરોના યોગદાનને ઓળખવા સમાન સન્માન સમારોહની શરૂઆત કરી હતી.

AB PM-JAY યોજના હેઠળ લાયક લાભાર્થીઓને સારવાર આપવામાં અત્યાર સુધી પશ્ચિમ ક્ષેત્રના રાજ્યો/કેન્દ્રશાસિત પ્રદેશોનું પ્રદર્શન નીચે મુજબ છે:

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com