পেত্রোলিয়ম অমসুং নেচরেল গ্যাস মন্ত্রালয়

লমদমসিদা পুথোকচবা শুংদোক্ত্রিবা থাউ য়োনবদা দিরেগ্যুলেসন তৌববু কেবিনেতনা অয়াবা পীখ্রে

Posted On: 29 JUN 2022 3:46PM by PIB Imphal

প্রধান মন্ত্রী, শ্রী নরেন্দ্র মোদীনা লুচিংবা কেবিনেত কম্মিতী ওন ইকোনোমিক এফিয়র্সনা লমদমসিদা পুথোকচবা শুংদোক্ত্রিবা থাউ য়োনবদা দিরেগ্যুলেসন তৌববু কেবিনেতনা অয়াবা পীখ্রে, অমসুং অমসুং সরকারনা ১/১০/২০২২দগী হৌনা শুংদোক্ত্রিবা থাউ অমসুং কন্দেন্সেত পীবা লেপ্নবা ৱারেপ লৌখ্রে। খোঙথাং অসিনা এক্সপ্লোরেসন অমসুং প্রদক্সন (ই. অমএউং পি.) ওপরেতর খুদিংদা মার্কেতিং তৌবদা মনীং তমহনগনি। মসিগী মখা পোন্না, সরকার নত্ত্রগা মখোয়গী নোমিনী নত্ত্রগা সরকারগী কম্পেনীশিংদা শুংদোক্ত্রিবা থাউ য়োনবগী প্রদক্সন শ্যেরিং কন্ত্রেক্ত (পি.এস.সি.)গী কন্দিসনশিংসু লৈররোই। ই. অমসুং পি. কম্পেনীশিংনা মখোয়গী ফিল্দদগী পুথোকচবা শুংদোক্ত্রিবা থাউবু লমদমসিগী কৈথেলদা মনীং তম্না য়োনবা য়ারগনি। রোয়ালতী, সেসকুম্বা সরকারগী রোয়ালতীশিংদি কন্ত্রেক্ত খুদিংগী য়ুনিফোর্ম বেসিস্তা মখা তানা হোৎখিগনি। মমাংদা পাংথোক্তুনা লাকপগুম্না এক্সপোর্ত তৌবদি য়াখিরোই।

ৱারেপ অসিনা শেন্মিৎলোনগী থবকশিং পুক্নিং থৌগৎখিগনি, অপস্ত্রীম ওইল অমসুং গ্যাস সেক্তরশিংদা ইনভেস্তমেন্ত তৌবদা ইন্সেন্তিবাইজ তৌখিগনি অমসুং ৱারেপ অসি ইং ২০১৪দগী হৌনা পাংথোকখিবা ত্রান্সফোর্মেতিব রিফোর্মশিংদা য়ুম্ফম ওইরগা লৌবনি। কারবার তৌবদা লাইহনবদা মিৎয়েং চঙবা অমসুং ওপরেতর/ইন্দস্ত্রীশিংদা থবক তৌবা হেন্না নুংঙাইহনবগী খুদোংচাবা পীবগা লোয়ননা প্রদক্সন, ইনফ্রাস্ত্রকচর অমসুং থাউ অমদি গ্যাস য়োনবগা মরী লৈনবা পোলিসীশিং অসি হান্নদগী হেন্না নুং পান ফাওনা উরে।

বেকগ্রাউন্দঃ

সরকারনা মমাংগী চহি ৮দা গ্যাসকী ওইনা মমল লেপ্পা অমসুং য়োনবগী মনীং তম্বা, কম্পিতিতিব ওইবা ই-বিদ্দিং তৌবগী খুত্থাংদা গ্যাসকী মমল খঙদোকপা, হাইদ্রোকার্বন এক্সপ্লোরেসন লাইসেনিং পোলিসী (ঐচ.ই.এল.পি.)গী মখাদা রেভেন্যু শ্যারিং কন্ত্রেক্ত হৌদোকপনচিংবা প্রোগ্রেসিব ওইবা রিফোর্ম কয়া এক্সপ্লোরেসন অমসুং প্রদক্সন (ই. অমসুং পি.)দা পাংথোকখি। বিদ্দিং রাউন্দ মখল কয়াগী খুত্থাংদা হৌজিক ফাওবদা মশিং য়াম্লবা ব্লোক কয়া পীথোকখ্রে। হোৎনরিবা কয়া অসিগী মহৈ ওইনা, এক্রিএজ এলোকেসন তৌবগী চাংনা ইং ২০১৪গী মমাংদা পীরম্বা লমশিংগী পাক চাউবগা চাংদম্নবদা শরুক অনি থোক্না হেনগৎলে। ফেব্রুৱারী ২০১৯দগী হৌনা, রিফোর্মশিংনা য়াম্না চাউনা কান্নবা ফংবা নত্তনা খুদোংচাদবা বেসিনগী রেভেন্যু শ্যারিং পাংথোক্তনা প্রদক্সন মেক্সিমাইজ তৌবদা অহেনবা মিৎয়েং চঙদুনা লাকখি।

****



(Release ID: 1838368) Visitor Counter : 121