প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ভারত রিপব্লিক্কী স্পেস অমসুং তেক্নোলোজী বিভাগ অমসুং সিঙ্গাপোর রিপব্লিক্কী ত্রেদ অমসুং ইন্দস্ত্রী মন্ত্রালয়গী মরক্তা সাইন্স, তেক্নোলোজী অমসুং ইন্নোভেসনগী লমদা তেংবাংবগী মতাংদা খুৎয়েক পীনখিবা মেমোরেন্দম ওফ অন্দর্স্তেন্দিংগী (এম.ও.য়ু.) অয়াবা পীখ্রে। এম.ও.য়ু. অসি ফেব্রুৱারী ২০২২দা খুৎয়েক পীনখিবনি।

এম.ও.য়ু. অসিনা অনৌবা তেক্নোলোজী শাবা, মেনপাৱর ত্রেনিং তৌবা, তেংবাংনবগী খুত্থাংদা আই.পি. পুথোকপগী ফিভম ওইহল্লকদবা লৈবাক অনিমক্কী ইন্নোভেসন অমসুং ওন্তোপ্রিনরশিপ্পু হেন্না খুমাং চাউশিলহনগদবা ইকোসীস্তেম শাবদা তেংবাংবগা লোয়ননা মরী লৈনবা মেকানিজম পীগনি।

তেংবাংনবগী থৌওং অসিগী মখাদা পায়খৎপা থবক-থৌরমশিংগী খুত্থাংদা শেমগদৌরিবা অনৌবা লৌশিং অমসুং তেক্নোলোজীনা আত্মানির্ভর ভারত খোঙথাংদা অহেনবা শাফু পীগনি। এম.ও.য়ু. অসিনা অনৌবা তেক্নোলোজী শাবা, মেনপাৱর ত্রেনিং তৌবা, তেংবাংনবগী খুত্থাংদা আই.পি. পুথোকপগী ফিভম ওইহল্লকদবা লৈবাক অনিমক্কী ইন্নোভেসন অমসুং ওন্তোপ্রিনরশিপ্পু হেন্না খুমাং চাউশিলহনগদবা ইকোসীস্তেম শাবদা তেংবাংবগা লোয়ননা মরী লৈনবা মেকানিজম পীগনি। এম.ও.য়ু. অসিগী মনুংদা পায়খৎকদবা থবক-থৌরমশিংগী মনুংদা অনৌবা ইন্তর্প্রাইস অমসুং থবক কয়া লৈহল্লকদবা পোত্থোক পুথোকপা অমসুং তেক্নোলোজী লান্নবগী থৌওংশিং য়াওগনি।

মেমোরেন্দম অসিগী পান্দমদি সাইন্স, তেক্নোলোজী অমসুং ইন্নোভেসনগুম্বা ভারত অমসুং সিঙ্গাপোরগী অপাম্বা মান্নবা হীরমশিংদা তেংবাংনবা হেনগৎহন্নবগীদমক্তা পুক্নিং থৌগৎপনি। মখাদা পীরিবা হীরমশিং মনুং চন্না রিসর্চ, ইন্নোভেসন অমসুং তেক্নোলোজী শেম-শাবগী অপাম্বা মান্নবা হীরমশিংবু হেন্না খুমাং চাউশিলহনবা ঙমগদবা লমদা খুৎশম্ননা চৎপদা অহানবা মরু ওইবা পীগনিঃ

১) লৌউ-শিংউ অমদি ফুদ সাইন্স অমসুং তেক্নোলোজী;

২) থাক ৱাংবা মেন্যুফেকচরিং অমসুং ইঞ্জিনিয়রিং;

৩) গ্রীন ইকোনোমী, ইনর্জী, ঈশিং, ক্লাইমেত অমসুং মহৌশাগী পোত্থোক;

৪) দেতা সাইন্স, নৌনা চাউখৎলক্লিবা তেক্নোলোজী;

৫) এদভান্স মেতরিএল; অমসুং

৬) হকশেল অমসুং বাইওতেক্নোলোজী।

অতোপ্পা অপাম্বা মান্নবা হীরমশিংদি নাকল অনিগী অয়াবগী মখা পোন্না মনুং চলহনগনি।

*****