উপ-রাস্ত্রপতিগী লোইশঙ
স্কুলশিংনা মহৈরোইগী মরক্তা খঙনীংবা পোকপা অমসুং অনৌবা থৌওং পাংথোক্নীংবগী ইথিল লৈহনগদবনিঃ উপ রাস্ত্রপতি
‘স্কুলনা মহৈরোইশিংদা ঙসি পীবা য়াবা খ্বাইদগী ফবা স্কিলদি চুননা চৎপা ঙম্বসিনি’
ভি.পি.না ক্লাসরুমদা মহৈ তম্বীবগী মথক্তা ফিল্দ এক্তিবিতী অমসুং খুন্নাইগীদমক্তা থবক-থৌরম পাংথোকপগী থৌওং য়াওহনসি হায়খ্রে
ভি.পি.না স্কুলশিংদা মমালোলদা তাকপী তম্বীবা পাম্লি
“ভেল্যু য়াওদবা এজুকেসন্দি এজুকেসন নত্তে”, হায়না শ্রী নাইদুনা হায়খ্রে
উপ রাস্ত্রপতিনা ভেল্লোর ইন্তর্নেস্নেল স্কুল শঙ্গাখ্রে
Posted On:
29 JUN 2022 2:28PM by PIB Imphal
উপ রাস্ত্রপতি, শ্রী এম. ভেঙ্কয়া নাইদুনা ঙসি লৈবাক শিনবা থুংবগী স্কুলশিংদা খঙনীংবা পোকপা, অনৌবা থৌওং পাংথোকপা অমসুং খ্বাইদগী মীথোই মীহেনবগী ইথিল কয়াবু মহৈরোইশিংদা পীদুনা তেক্নোলোজীনা শাফু পীদুনা চৎলিবা ২১শুবা চহি-চাগী শিংনবা কয়া থেংনবা ঙম্নবগীদমক্তা মখোয়বু শেম-শাবীসি হায়না ফোংদোকখ্রে।
চিনফা ফাবগী এজুকেসনগী পথাপ মুত্থত্তুনা তুংগী মতমদা মিৎয়েং চঙবা এজুকেসন অমা লৈল্লসি হায়রদুনা, শ্রী নাইদুনা “স্কুলনা মহৈরোইশিংদা ঙসি পীবা য়াবা খ্বাইদগী ফবা স্কিলদি চুননা চৎপা ঙম্বসিনি” হায়না ফোংদোকখি। “মহৈরোইশিংনা ৱাখল থুনা খনবা ঙমহন্নবা, মশা খীংনবা অমসুং খ্বাইদগী ফবা তেক্নোলোজী শিজিন্নদুনা অনৌবা থৌওং পাংথোকপা ঙমহন্নবা মহৈরোইশিংবু ত্রেন তৌসি”, হায়না মহাক্না ফোংদোকখি।
উপ রাস্ত্রপতিনা ভি.আই.তি. গ্রুপ ওফ ইন্সতিত্যুসনগী খোঙথাং অমা ওইরিবা চেন্নাইগী মনাক্তা লৈবা ভেল্লোর ইন্তর্নেস্নেল স্কুল ঙসি শঙ্গাখিবনি। অঙাং অমবু শেম্বী শাবীবগী চহিগী মনুংদা স্কুলশিংগী মরু ওইবশিংদা শ্রী নাইদুনা মিৎয়েং চঙলদুনা হৌজিক চৎনরিবা এজুকেসন পথাপকী মখাদা মহৈরোইশিংনা মখোয়গী অয়াম্বা মতম্বু ক্লাসরুমগী ফক্লাং মরিগী মনুংদা অদুমক লৈবসিদা নুংঙাইতবা ফোংদোকখি। “মপানগী মালেম এক্সপেরিএন্স তৌবা – মহৌশা ইমাগী তম্বাক্তা মতম লেনবা, খুন্নাইগী মীওই কাঙলুপ খুদিংগী মরক্তা তিনবা অমসুং ক্রাফ অমদি ত্রেদ কয়াগী মতাংদা খঙবা” হায়বা থৌওং অসিদা মহৈরোইশিংগী পুক্নিং থৌগৎসি হায়না মহাক্না হায়খি।
শ্রী নাইদুনা ক্লাসরুম মনুংদতা মহৈ তম্বগী মথক্তা ফিল্দ এক্তিবিতী, সোসিএল এৱিয়র্নেস অমসুং কম্ম্যুনিতী সর্ভিসকুম্বা থৌওং য়াওহনবা পামখি অমসুং চহি নৌরিঙৈদগী হৌনা, মহৈরোইশিংগী মফমদা অতোপ্পগী মতেং পাংবা অমসুং লৈবাক নুংশিবগী ইথিল হাপ্পগী অচৌবা তঙাই ফদবা লৈরে হায়নসু ফোংদোকখি।
ভারতকী লিরবা গুরুকুল পথাপ্না ওজাশিংনা মহৈরোইশিংদা মতম পীদুনা মীওই অমগী হীরম খুদিংদা চাউখৎপা পুরকপদা মিৎয়েং চঙলম্মি হায়না উপ রাস্ত্রপতিনা নীংশিংখি। পথাপ অসিনা মরু ওইনা মিৎয়েং চঙবদি মহৈরোই অমগী লিচৎ-শাজৎ শেম্বা অমসুং মখোয়গী তসেংবা মগুন খঙদোকপনি। স্কুলশিংনা ‘গুরু শিশ্য পরম্পরা’গী কান্নবা ৱাখল্লোন লৌগদবনি হায়রদুনা, শ্রী নাইদুনা করিক্যুলর অমসুং এক্সত্রা-করিক্যুলরগী মরক্তা ঐখোয়না খেন্নবা থম্লিবা অসি লৌথোক্তুনা এজুকেসনগী হীরমদা দিসিপ্লিন য়াম্বগী থৌওং পুক্নিং থৌগৎসি হায়না ফোংদোকখি।
উপ রাস্ত্রপতিনা স্কুলশিংনা ভেল্যুদা য়ুম্ফম ওইবা অমসুং মহৈরোই অমগী খ্বাইদগী ফবা মগুন অমসুং তৌবা ঙম্বগী মতিক ফোংদোকহনবা ঙম্বা হোলিস্তিক এজুকেসন পীহনবা পামখি। “ভেল্যু য়াওদবা এজুকেসন্দি এজুকেসন নত্তে” হায়না শ্রী নাইদুনা মীয়ামদা অমুক্কা হন্না নীংশিংহনখি।
স্কুলশিংদা মমালোলদা মহৈ তম্বীবগী মরু ওইবদা মিৎয়েং চঙলদুনা, শ্রী নাইদুনা অসুম্না হায়খি, “ঐখোয়না মহৈরোইশিংনা মখোয়গী খুন্নাইগী অকোয়বদা মশাগী মমালোলদা অথিংবা লৈতনা ৱারী শাহন্নবা পুক্নিং থৌগৎকদবনি। ঐখোয়না ইমা লোলদা অথিংবা লৈতনা অমসুং চাউথোকচনা ৱারী শাবা মতমদা ইশাগী চৎনবী হেন্না নীংথিনা খঙবা ঙমগনি”।
ইশাগী লোলগী মথক্তা অতোপ্পা লোলশিংবুসু নীংথিনা খঙবনা অতোপ্পা চৎনবী খঙবদা তেংবাংই অমসুং খুদোংচাবা লৈবা অনৌবা মালেমগী থোঙসু হাংদোকই হায়না মহাক্না ফোংদোকখি। “লোল অমবু নম্ফুদা তম্বা অমসুং লোল অমগী মাইয়োক্তা লৈহন্দবা” হায়বা থৌওংগী তঙাই ফদবদা মিৎয়েং চঙলদুনা, উপ রাস্ত্রপতিনা মীওই অমনা লোল কয়া অমা য়ারিবমখৈ খঙগদবনি অদুবু খ্বাইদগী মরু ওইবদি ইশাগী ইমা লোলদা পীগদবনি হায়না ফোংদোকখি।
অঙাংশিংগী হীরম খুদিংদা চাউখৎপগী ফিভম লৈনবা স্কুলশিংনা মহৈরোইশিংগী মফমদা ফিজিকেল এক্তিবিতী পাংথোক্নবা পুক্নিং থৌগৎকদবনি হায়না শ্রী নাইদুনা হায়খি। হকশেল ফবা পুন্সি মহিং অমা হিংনবগীদমক্তা স্পোর্ত নত্ত্রগা শাজেলগী অতোপ্পা মওংশিংবু থৱাই য়াওনা পায়খৎকদবনি হায়বা পাউতাক অসি মহাক্না মহৈরোইশিংগী মফমদা পীখি।
তমিল নাদু সরকারগী এম.এস.এম.ই. মন্ত্রী, শ্রী তি.এম. অনবাসরন; ভি.আই.তি. গ্রুপ ওফ ইন্সতিত্যুসনগী ফাউন্দর অমসুং চান্সেল্লর, দাঃ জি. বিশ্বানাথন; ভি.আই.তি.গী চেয়র্মেন, ভি.আই.এস. অমসুং প্রিন্সিপল, শ্রী জি.ভি. সেল্ভম; ভি.আই.তি.গী ভাইস প্রসিদেন্ত, শ্রী সঙ্কর বিশ্বানাথন; ভি.আই.তি.গী ভাইস প্রসিদেন্ত, দাঃ সেকর বিশ্বানাথন অমসুং অতোপ্পা মীওই কয়ানা থৌরমসিদা শরুক য়াখি।
মহাক্কী মপুং ফাবা ৱারোল মখাদা পীরি -
“ঐহাক্না ঙসি চেন্নাইদা লৈদুনা ভেল্লোর ইন্তর্নেস্নেল স্কুল শঙ্গাবদা য়াম্না নুংঙাইবা ফাওই। ঐহাক্না হৌজিক উবগী মতুং ইন্না, স্কুল অসিগী মওং মতৌনা য়াম্না নীংথিনা লৈরক্লি, নীংথিরবা অকোয়বগী ফিভম লৈরি, মহৈ তম্বগী চুনবা মফম অমা ওইরি, অমসুং ঐহাক্না ভি.আই.তি. গ্রুপ ওফ ইন্সতিত্যুসনগী মেনেজমেন্তপু মখোয়গী এজুকেসনগী খোঙচৎ অসিদা ঙসিগী মশক থোকপা মায় পাকপা অমসু ফংবসিদা থাগৎপা ফোংদোক্লি।
লাইশঙ (আলায়ম) ১০০০ শাবা নত্ত্রগা মীওই চাক পীজফম (অন্না চাথীরম) ১০০০ শাবদগী অঙাং অমবু মহৈ তমহনবনা খ্বাইদগী অথোইবা থবক ওইবনি হায়না ইবীরম্বা তমিলগী শক্নাইরবা কবি, ভারথিয়রবু ঐহাক্না ঙসি নীংশিংলক্লি। ভি.আই.তি. গ্রুপ্না প্রাইভেত সেক্তরদা হাইয়র এজুকেসনবু মপাঙ্গল হেন্না লৈহন্নবা লেপ্তনা হোৎনরি অমসুং মসিগী ইন্সতিত্যুসন অসিনা মখোয়গী মায় পাকপশিংগী মরক্তা অনৌবা মায় পাকপা অমসু হাপ্লগনি হায়বগী ঐহাক্না থাজবা থম্লি।
ইচিল ইনাওশিং,
অরিবা মতমদগী হৌনা, ভারতনা লৌশিং তুংফম অমসুং মহৈ-মশিংদা মীথোই মীহেনবগী লমদম অমা ওইদুনা লাক্লি হায়বা অদোম পুম্নমক্না খঙনরবনি। গুরুকুল পথাপ্তা এজুকেসন্দা খ্বাইদগী অহেনবা মরু ওইবা পীরম্মি অমসুং মীওই অমবু হীরম খুদিংদা চাউখৎহন্নবগীদমক্তা লৌশিং অমসুং স্কিল পীবদা অহেনবা মিৎয়েং চঙলম্মি। তক্সাশীলা, পুস্পাগিরী অমসুং নালান্দাগুম্বা মালেমগী থাক্তা লৈবা মহৈ তম্ফম কয়া লৈবনা মরম ওইরগা ভারত অসি তসেংবদি বিশ্বগুরু হায়না খঙনরম্মিবনি। হায়রিবা সেন্তরশিং অসিদা মীরম লৈবাক্কী মহৈরোই কয়া য়াওনা মহৈরোই লিশিং কয়ানা তোঙান-তোঙানবা হীরমদা মহৈ তম্নরম্মিবনি। অরিবা মতমদগী হৌনা, ভারতনা অতোপ্পা হীরম কয়াগী মনুংদা সাইন্স, অঙ্ক, ফিলোসোফী, মেদিসিন, এস্ত্রোনোমীগী মালেমদা মশিং থীঙমদ্রবা শরুক কয়া তমখ্রবনি।
ইচিল ইনাওশিং,
লৈবাক শিনবা থুংবগী স্কুলশিংদা খঙনীংবা পোকপা, অনৌবা থৌওং পাংথোকপা অমসুং খ্বাইদগী মীথোই মীহেনবগী ইথিল কয়াবু মহৈরোইশিংদা পীনবা হোৎনসি হায়না ঐহাক্না থমজরি। তেক্নোলোজীনা শাফু পীবা অমসুং খোঙজেল য়াঙনা হোংলক্লিবা মালেমসিদা, শিংনবা অমসুং খুদোংচাবা কয়া মশিং থীঙমদবা লৈরি। হীরম অসিগা মরী লৈননা, স্কুলনা মহৈরোইশিংদা ঙসি পীবা য়াবা খ্বাইদগী ফবা স্কিলদি চুননা চৎপা ঙম্বসিনি। মহৈরোইশিংনা ২১শুবা চহি-চাগী শিংনবশিংগী ৱারোইশিন পুরকপা ঙম্নবগীদমক্তা ৱাখল থুনা খনবা ঙমহন্নবা, মশা খীংনবা অমসুং খ্বাইদগী ফবা তেক্নোলোজী শিজিন্নদুনা অনৌবা থৌওং পাংথোকপা ঙমহন্নবা মহৈরোইশিংবু ত্রেন তৌগদবনি।
ঐখোয়গী ওইবা তুংগী মতমগা চুনহনবা ঙমগদবা এজুকেসনগী পথাপ অমা লৈফম থোকই অমসুং চিনফা ফাবগী মহৈ তম্বগী মতৌবু মুত্থৎকদবনি। করিক্যুলর অমসুং এক্সত্রা-করিক্যুলরগী মরক্তা ঐখোয়না খেন্নবা থম্লিবা অসি ঐখোয়না লৌথোক্তুনা এজুকেসনগী হীরমদা দিসিপ্লিন য়াম্বগী থৌওং পুক্নিং থৌগৎকদবনি।
ভারতকী লিরবা গুরুকুল পথাপ্না ওজাশিংনা মহৈরোইশিংদা মতম পীদুনা মীওই অমগী হীরম খুদিংদা চাউখৎপা পুরকপদা মিৎয়েং চঙলম্মি অমসুং মহৈরোই অমগী লিচৎ-শাজৎ শেম্বা অমসুং মখোয়গী তসেংবা মগুনসু খঙদোক্লম্মি। গুরু শিশ্য পরম্পরাগী অফবা থৌওংদা মতমগা চুনবা পেদাগোজীগী প্রেক্তিসকা পুন্সিন্দুনা ‘হাউস পেরেন্ত’কী অনৌবা থৌওং অমা ভেল্লোর ইন্তর্নেস্নেল স্কুলনা হৌদোক্নবা হোৎনরি হায়না ঐহাক্কী ইফমদা পাউদম্লকপদা ঐহাক্না নুংঙাইবা ফাওই।
ইচিল ইনাওশিং,
ঐখোয়না মিৎয়েং চঙফম থোকপা অতোপ্পা মরু ওইবা থৌওংদি স্কুল এজুকেসন্দা ইমালোল শিজিন্নবসিনি। য়ারিবমখৈ, প্রাইমারী থাক ফাওবদি, ঐখোয়না পব্লিক অমসুং প্রাইভেত স্কুলদা মহৈ তম্বীবগী পাম্বৈবু ইমালোল ওইহনগদবনি।
মহৈরোইশিংগী মশাগী খুন্নাইগী অকোয়বদা - স্কুল মনুং, কলচরগী থৌরম অমসুং মশাগী ময়ুমদা ফাওবা মমালোলদা ৱারী শানবা ঐখোয়না মখোয়গী পুক্নিং থৌগৎকদবনি। ঐখোয়না ইমা লোলদা অথিংবা লৈতনা অমসুং চাউথোকচনা ৱারী শাবা মতমদা ইশাগী চৎনবী হেন্না নীংথিনা খঙবা ঙমগনি।
ইমালোলদা অহেনবা মিৎয়েং চঙবনা ইংলিশকুম্বা অতোপ্পা লোল তম্বগী তঙাই ফদবা লৈতে হায়বা নত্তে হায়না ঐহাক্না ময়েক শেংনা তাকফম থোকই হায়না খল্লি। ঐহাক্তি মীওই অমনা য়ারিবমখৈ অঙম্বা লোল খঙগদবনি হায়না খল্লি, অদুবু মসিদা তসেংনা তঙাই ফদবদি, মমালোন্দা অরিংবা ফাউন্দেসন লৈবসিনি। লোল য়াম্না খঙবনা অঙাংশিংগী কোগ্নিতিব দিভেলপমেন্ততা তেংবাংই হায়না স্তদীশিংনা তাক্লি। মমালোলগী মথক্তা অতোপ্পা লোলশিংবুসু নীংথিনা খঙবনা অতোপ্পা চৎনবী খঙবদা তেংবাংই অমসুং খুদোংচাবা লৈবা অনৌবা মালেমগী থোঙসু হাংদোকই।
ইচিল ইনাওশিং,
স্কুলগী মতম্না মহৈরোই অমগী মহৈ-মশিং অমসুং তুংগী মতমগী থবক্তা মীথোই মীহেনবা ঙম্বগী অচেৎপা য়ুম্ফম অমা শেম্মি হায়বসি তসেংনা অচুম্বা ৱাফম অমনি। অদুগা য়াম্না মরু ওইবদি, অঙাং অমনা মশাগী মওং-মতোউ শেম্বগী মতমদা স্কুলদা লেনখিবা মতমশিংনা মহাক্কী পর্সোনেলিতী অমসুং লিচৎ-শাজৎ শেম্মি। মহাক্কী মশাগী পুন্সিদা মায় পাকপা নত্ত্রগা লৈবাকপু তুংলমচত্তা পুবা ঙমগদবা মীয়াম্না খুদম ওইনা য়েংনবা মীওই অমা ওইহনবদা হায়রিবা মতমশিংনা অচৌবা থৌদাং য়ারিবনি।
স্কুলশিংনা ভেল্যুদা য়ুম্ফম ওইবা, অমসুং মহৈরোই অমগী খ্বাইদগী ফবা মগুন অমসুং তৌবা ঙম্বগী মতিক ফোংদোকহনবা ঙম্বা হোলিস্তিক এজুকেসন্দা অহেনবা মিৎয়েং চঙগদবনি। অদোম্না নীংশিংগদবদি, ভেল্যু য়াওদবা এজুকেসন্দি এজুকেসন নত্তে হায়বসিনি।
মহৈরোই অমগী হীরম খুদিংদা চাউখৎপগী ফিভম লৈহন্নবগীদমক্তা একাদমিক ইন্সতিত্যুসনশিংনা তঙাই ফদবা খুদোংচাবা পুম্নমক পীনবা হোৎনগদবনি অমসুং ফিজিকেল এক্সতিবিতী চাং নাইনা পাংথোক্নবা পুক্নিং থৌগৎপীগদবনি। হকশেল ফবা পুন্সি মহিং অমা হিংনবগীদমক্তা স্পোর্ত নত্ত্রগা শাজেলগী অতোপ্পা মওংশিংবু থৱাই য়াওনা পায়খৎকদবনি।
হৌজিক্কানগী অমসুং চাংয়েংনবা য়াম্বা এজুকেসনগী পামদবা থৌওংদি মখোয়না মহৈরোইশিংবু ক্লাসরুমগী ফক্লাং মরিগী মনুংদা অদুমক অকক্ননা থম্বসিনি। “মপানগী মালেম এক্সপেরিএন্স তৌবা – মহৌশা ইমাগী তম্বাক্তা মতম লেনবা, খুন্নাইগী মীওই কাঙলুপ খুদিংগী মরক্তা তিনবা অমসুং ক্রাফ অমদি ত্রেদ কয়াগী মতাংদা খঙবা” হায়বা থৌওং অসিদা মহৈরোইশিংগী পুক্নিং থৌগৎকদবনি। ক্লাসরুমগী প্রোগ্রামশিংদা ক্লাসরুম মনুংদতা মহৈ তম্বগী মথক্তা ফিল্দ এক্তিবিতী, সোসিএল এৱিয়র্নেস অমসুং কম্ম্যুনিতী সর্ভিসকুম্বা থৌওং য়াওহনগদবনি। চহি নৌরিঙৈদগী হৌনা, মহৈরোইশিংগী মফমদা অতোপ্পগী মতেং পাংবা অমসুং লৈবাক নুংশিবগী ইথিল হাপ্পগী অচৌবা তঙাই ফদবা লৈরে।
ঐহাক্না ঙসি স্কুল অসি শঙ্গাবসিদা য়াম্না নুংঙাইবা ফাওই। ঐহাক্না দাঃ বিশ্বানাথন, শ্রী সেলভম, স্কুল অসিগী মেনেজমেন্ত অমসুং স্তাফকা লোয়ননা ভি.আই.তি. গ্রুপ্পু মখোয়না নহা ওইরিবা মীওই কয়াবু শেম্বী-শাবীবগী মরু ওইবা মিসন অমা পায়খৎলিবা অসিদা থাগৎপা ফোংদোকচরি।
থিরুক্কুলদা য়াওবা অমসুং অসুম্না হায়বা ৱাহৈ খরা ঐহাক্না পঞ্জদুনা ৱারোল অসি লোইশিঞ্জগেঃ
“கேடில் விழுச்செல்வம் கல்வி யொருவற்கு
மாடல்ல மற்றை யவை”
মসিনা হায়বদি, লৌশিং হায়বসিনা মুৎপা নাইরোইদবা অশেংবা লন্নি।
থাগৎচরি। ভনক্কম।
জয় হিন্দ!”
*****
(Release ID: 1837924)
Visitor Counter : 130