আর্থ সাইন্স মন্ত্রালয়
পি.এম. মোদীগী মখাদা ভারতনা মালেমগী মীয়ামদা “ঐখোয়গী” লম, ঈশিং অমসুং সমুদ্রশিংগী য়ামদ্রবদা ৩০% ঙাকশেনগনি অমসুং ২০৩০ ফাওবদা ৩০X৩০গী ফিরেপ অসি ঙাক্না চৎলি হায়না থাজবা পীখি
ভারতকী অর্থ সাইন্সেসকী মন্ত্রী, দা. জিতেন্দ্র সিংহনা পোর্তুগলগী লিসবন্দা পাঙথোকপা য়ু.এন. ওসীন কনফরেন্সতা পীখিবা মহাক্কী ৱারোলদা মেরিন অমসুং কোস্তেল ইকোসিস্তেমশিং, মেংগ্রোবশিং অমসুং কোরেল রীফশিং ঙাকশেন্নবা ভারতকী থৌশিলশিং, প্রোগ্রামশিং পাইখৎলিবা অমসুং পোলিসী শেমলিবা অদু পাউদমখি
ভারতনা পার্তনরশিপশিং অমসুং অকোইবদা শোকহনদবা সোল্যুসনশিংগী খুত্থাংদা এস.দি.জি.-গোল ১৪ ইমপ্লিমেন্ত তৌনবগীদমক সাইন্স অমসুং ইনোবেসন্দা য়ুম্ফম ওইবা সোল্যুসনশিংসু ফংহনগনি ফোঙদোকখি
দা. জিতেন্দ্র সিংহনা য়ু.এন. দেলিগেৎশিংদা ভারতনা “কোস্তেল ক্লীন সীস কেম্পেন”গীদমক ফিরেপ চেৎনা লেপ্পি অমসুং অথুবদা সিঙ্গল য়ুজ প্লাস্তিকশিং মপুং ফানা থিংবা ঙমলগনি হায়না ফোঙদোকখি
Posted On:
28 JUN 2022 5:52PM by PIB Imphal
প্রধান মন্ত্রী নরেন্দ্র মোদীগী লুচিং মখাদা মালেম মীয়ামদা ভারতনা “ঐখোয়গী” লম, ঈশিং অমসুং সমুদ্রশিংগী য়ামদ্রবদা ৩০% ঙাকশেনগনি হায়না থাজবা পীখি অমসুং ২০৩০ ফাওবদা ৩০X৩০গী ফিরেপ অসি ঙাক্না চৎলি।
লিসবন্দা পাঙথোকখিবা য়ু.এন. ওসীন কনফরেন্সতা ভারতকী ৱারোল পীরদুনা ভারতকী অর্থ সাইন্সেস মন্ত্রী, দা. জিতেন্দ্র সিংহনা হায়খি, প্রধান মন্ত্রী নরেন্দ্র মোদীগী লুচিং মখাদা ৩০X৩০গী পান্দম অসি সি.ও.পি.গী রিজোল্যুসনশিংগী মতুং ইন্না মিসন মোদতা ফংনবা খোঙথাং পুম্নমক লৌখৎলি। মহাক্না হায়খি, য়ু.এন. ফোরমদা মহাক্না মালেমগী মাংদা মোদীগী কঞ্জর্বেসন এন্দ সস্তেনেন্স ওফ ওসীন অমসুং ওসীন রিসোর্সেস হায়বা বিজন অসি পুথোক্নবা লাকখিবনি।
![https://static.pib.gov.in/WriteReadData/userfiles/image/JSP-2W9CI.jpg](https://static.pib.gov.in/WriteReadData/userfiles/image/JSP-2W9CI.jpg)
ভারতনা জনুৱারী ২০২১দা পেরিসতা পাঙথোকপা “ৱান প্লেনেৎ সম্মিৎ”তা হৌদোকখিবা হায় এম্বিসন কোলিজন ফোর নেচর এন্দ পিপলদা য়াওখিবা অদু নীংশিংবা য়াই, মসিনা ২০৩০ ফাওবদা মালেমগী লৈরিবা কংফম অমসুং ঈশিংগী শরুক্কী য়ামদ্রবদা ৩০% ঙাকশেন্নবা ইন্তর্নেস্নেল এগ্রীমেন্ত ঙাক্না চৎনবা পান্দম থমখি।
দা. জিতেন্দ্র সিংহনা নুমিৎ ৫নিগী কনফরেন্স অসিদা শরুক য়ারিবা লৈবাক ১৩০ হেনবগী মন্ত্রী, দেলিগেৎ অমসুং মীহুৎশিংদা থাজবা পীখি মদুদি ভারতনা পার্তনরশিপশিং অমসুং অকোইবদা শোকহনদবা সোল্যুসনশিংগী খুত্থাংদা এস.দি.জি.-গোল ১৪ ইমপ্লিমেন্ত তৌনবগীদমক সাইন্স অমসুং ইনোবেসন্দা য়ুম্ফম ওইবা সোল্যুসনশিংসু পীগনি হায়না থাজবা পীখি। গোল ১৪না সমুদ্র ঈপাকশিং অমসুং মেরিন রিসোর্সশিং ঙাকশেন্নবা অমসুং তুং কোইনা চৎকদবা মওংদা শীজিন্ননবা হায়রি।
কনফরেন্সকী থিম ওইরিবা “স্কেলিং অপ ওসীন এক্সন বেজ ওন সাইন্স এন্দ ইনোবেসন ফোর দি ইমপ্লিমেন্তেসন ওফ গোল ১৪: স্তোকতেকিং, পার্তনরশিপ্স এন্দ সোল্যুসন্স” হায়বা অসিগী মতাংদা দা. জিতেন্দ্রনা হায়খি মদুদি, ঈশিং মনুংদা লৈরিবা জিবা পানবশিংনা মায়োক্নরিবা শীংনবা খরা কোকহল্লিবা সস্তেনেবল দিবেলপমেন্ত গোল-১৪ ফংনবগীদমক ভারতনা অঙম্বা খোঙথাং লৌখৎকনি। মহাক্না পি.এম. মোদীনা লুচিংবা সরকারনা মেরিন অমসুং কোস্তেল ইকোসিস্তেমশিং, মেংগ্রোবশিং অমসুং কোরেল রীফশিং ঙাকশেন্নবা তোঙান-তোঙানবা মন্ত্রালয় অমসুং বিভাগশিংগী খুত্থাংদা থৌশিল, প্রোগ্রাম অমসুং পোলিসী কয়া পাইখৎলি হায়না পাউদমখি।
দা. জিতেন্দ্র সিংহনা হায়খি, ভারতনা “কোস্তেল ক্লীন সীস কেম্পেন”গীদমক ফিরেপ চেৎনা লেপ্পি অমসুং ভারতনা অথুবদা সিঙ্গল য়ুজ প্লাস্তিকশিং মপুং ফানা থিংবা ঙমলগনি হায়না লাউথোকখি। খ্বাইদগী ফবা খুদমশিংগী মনুংদা প্লাস্তিক/পোলীথিলিন বেগশিং ফেজ আউত তৌবা অমসুং লংজম/লিমোনগী ফীগী খাওশিং শীজিন্নবা অসিগুম্বা অতোপ্পা পাম্বৈ থৌগৎপা অসিনা ওইরি হায়না মহাক্না ফোঙদোকখি। নেস্নেল পোলিসী অমা শেম্নবগী শরুক ওইনা তোঙান-তোঙানবা মেত্রিক্সশিংদা হায়বদি কোস্তেল ৱাতরশিং, সেদিমেন্তশিং, বাইওতা অমসুং সমুদ্র খোঙবানশিংদা মেরিন লিত্তরগী সাইন্তিফিক দেতা অমসুং ইনফোর্মেসন খোমজিন্নবা রিসর্চ হৌখ্রে হায়না মন্ত্রীনা মখা তাখি।
![https://static.pib.gov.in/WriteReadData/userfiles/image/JSP-12T8P.jpg](https://static.pib.gov.in/WriteReadData/userfiles/image/JSP-12T8P.jpg)
দা. জিতেন্দ্র সিংহনা হায়খি, ভারতনা মথংগী দিকেসকী বিজন অদু থমখি, ২০৩০ ফাওবদা ভারতকী গ্রোথকী খ্বাইদগী মরু ওইবা দাইমেন্সন তরা অদু থমখি। মহাক্না হায়, পি.এম. নরেন্দ্র মোদীগী লুচিং মখাদা ভারত সরকারনা “ব্ল্যু ইকনোমিক পোলিসী ওফ ইন্দিয়া” পুথোক্নবা প্রোসেস তৌরি। দীপ ওসীন মিসন অসি থিমেতিক এরিয়া তরুক্কা লোয়ননা অর্থ সাইন্সেস মন্ত্রালয়না ইমপ্লিমেন্ত তৌরি, মসিদা ওসীন রিসোর্সশিং অমসুং কেপাসিতী বিল্দিং তৌনবগীদমক ক্লাইমেৎ রিজিলিয়েন্স, দীপ-সী বাইওদাইভর্সিতীগী এক্সপ্লোরেসন অমসুং কঞ্জর্ভেসন তৌনবা, তেক্নোলোজীশিং দিবেলপমেন্ত তৌনবা ওসীন ক্লাইমেৎ চেঞ্জ এদভাইজরী সর্ভিসেসকী দিবেলপমেন্ত য়াওরি।
দা. জিতেন্দ্র সিংহনা হায়খি মেম্বর স্তেৎশিংদা ভারতনা এস.দি.জি. ইন্দিকেতরশিংদা লৈরিবা মেথোদোলোজী অমসুং দেতা গেপশিংগী অহোবা অসি মেনশিন্নবা য়ু.এন. এজেন্সীশিং অমসুং রিসর্চ ইন্সতিত্যুসনশিংগা লোয়ননা নীংথিনা কোল্লাবোরেসন অমসুং পার্তনরশিপশিং তৌনবা অমসুং ক্লীন, হেল্দী, প্রদক্তিব, প্রিদিক্তিব, সেফ অমসুং এক্সেসিবল ওসীনগীদমক য়ু.এন. দিকেদ ওফ ওসীন সাইন্স ফোর সস্তেনেবল দিবেলপমেন্ত, ২০২১-২০৩০গী মাইকৈদা থবক তৌরি।
মন্ত্রীনা ভারতনা সস্তেনেবল দিবেলপমেন্ত অমসুং ইকোসিস্তেমশিং ঙাকশেন্নবগী মেরিন স্পাসিএল প্লানশিংগীদমক ইন্তিগ্রেতেদ ওসীন মেনেজমেন্ত অমসুং ফ্রেমৱার্ক্কী লমশিংদা লৈবাকশিংগা লোয়ননা পার্তনরশিং তৌরি হায়না ফোঙদোকখি। আইলেন্দ কন্ত্রীজ (পি.আই.সি.)গী তঙাই ফদবশিং অমসুং এস্পিরেসনশিং থুংহন্নবা সস্তেনেবল কোস্তেল এন্দ ওসীন রিসর্চ ইন্সতিত্যুত (এস.সি.ও.আর.আই.) শেম্নবা ৱাফম পুখৎলি হায়না মহাক্না পাউদমখি।
দা. জিতেন্দ্র সিংহনা কনফরেন্স অসিগী কো-হোস্তশিং ওইরিবা পোর্তুগল অমসুং কেন্যাবু থাগৎপা ফোঙদোকখি অমসুং কোবিদ-১৯ লাইচৎকী চৈথেং হেক মতুংদা মরু ওইরিবা সস্তেনেবল দিবেলপমেন্ত গোলদা মতম চানা এক্সনশিং লৌখৎনবগীদমক তেংবাং পীনবা য়ুনাইতেদ নেসন্সকী মথৌ তাবা থৌশিল পাইখৎখিবগীদমক য়াম্না থাগৎখি।
******
(Release ID: 1837770)
Visitor Counter : 130