জল শক্তি মন্ত্রালয়
মায় পাকপগী ৱারী: স্বচ্ছ ভারত মিসন গ্রামীন্দা এম.ঐচ.এম.
মেন্সত্রুএল হাইজীন মেনেজমেন্ততা অনৌবা অহোংবা পুরক্কদবা খোঙথাং
Posted On:
28 JUN 2022 1:25PM by PIB Imphal
মহারাস্ত্রগী গরচিরোলীগী দিস্ত্রিক্ত এদমিনিস্ত্রেসন্না য়ুনিসেফকী তেংবাংগা লোয়ননা ৱা ঙাঙদবা ইহৌ অমগী মাইকৈদা খোঙদারি অমসুং মসিদা মখোয়না নুপীমচা অমসুং নুপীশিংগী মাংবগী মতমদা কুর্মা ঘর নত্ত্রগা ‘পেরিওদ হত’তা মখোয়বু থাদোকপগী ফত্ত্রবা চৎনবীবু তপা মুত্থৎপা হৌরক্লি।
গোন্দ অমসুং মাদিয়া ত্রাইবকী ইনখৎলক্লিবী নুপীমচা অমসুং নুপীশিংনা মখোয়গী থাগী মাংবগী মতমদা খুন্নাই, চৎনবী অমসুং ধর্মগী তোঙানবা অথিংবা থেংনবনা নংহল্লিবা অৱাবা কয়াদগী কন্নবগীদমক্তা এদমিনিস্ত্রেসন্না ইং ২০১৮দগী হৌনা মীয়ামগী ৱাখল্লোন্দা অহোংবা পুরক্নবগীদমক্তা খোঙফম চেৎলক্লিবা অসিগী মহৈ হৌজিক ফংবা হৌরে।
![https://static.pib.gov.in/WriteReadData/userfiles/image/image001VMED.jpg](https://static.pib.gov.in/WriteReadData/userfiles/image/image001VMED.jpg)
কুর্মা ঘরশিংগী মহুত্তা অমাংশঙ, ইরুজফম, শাপোন অমসুং অচেনবা ঈশিং শিজিন্নদুনা খুৎ হাম্বগী খুদোংচাবগা লোয়ননা চাক থোংবগী খুদোংচাবনচিংবা তঙাই ফদবা পোৎলম খুদিং লৈবা মহিলা বিসাবা কেন্দ্র নত্ত্রগা ৱিমেন্স রেস্ত সেন্তর কয়া শাদুনা মহুৎ শিল্লে। সেন্তরশিং অসিদা লাইব্রেরী, ফি তুনবা মেছিন, কিৎচন গার্দেন্নচিংবা কয়া লৈবনা মরম ওইরগা নুপীশিংনা মফমসিদা লৈরিঙৈ মতমদা, এস.ঐচ.জি.গী থবক-থৌরম অমসুং অতোপ্পা নুংঙাইবা হোবী কয়াদা শরুক য়াবগী মনীং তম্বসু ফংহল্লি। পুম্নমক অসিগী খ্বাইদগী মরু ওইবা ৱাফমদি, ফেসিলিতী অসিনা মখোয়গী ইকায় খুম্নবা মাংহন্দনা মখোয়গী থাগী মাংবগী মতম শেন্ননবা নুংঙাইবা অকোয়বগী ফিভম অমা ফংহল্লিবসিনি।
খুন্নাইশিং অসিদা মখোয়গী হান্নগী চৎনবী থাদোক্নবা হায়বা অমসুং পাম্লিবা অহোংবা পুরকপদা নুপীশিংনা য়াবা, ইহৌসিবু শৌগৎনবা নুংদগী ইথিল লাকহনবা ঙম্বা ইহৌ অমগী তঙাই ফদবা লৈ। থাগী মাংবগী মতমদা অতোপ্পা মফমদা থাদোকপগী চৎনবীগী মাইয়োক্তা লেপ্পদা তেংবাংবগীদমক্তা নহা ওইরিবী নুপীমচাশিংগী কেপাসিতী বিলদিং অমসুং ত্রেনিং তৌবগী তঙাই ফদবগা লোয়ননা মাংবগী বাইওলোজীগী ওইবা ৱাফম খঙহন্নবা সেসন অমসুং তেক্ত-কায়দবা এম.ঐচ.এম.গী থৌওং পাংথোকপগী তঙাই ফদবা লৈ।
![https://static.pib.gov.in/WriteReadData/userfiles/image/image002RNFV.jpg](https://static.pib.gov.in/WriteReadData/userfiles/image/image002RNFV.jpg)
অসিগুম্বা সেন্তর ২৩বু দিস্ত্রিক্ত প্লান্নিং দিভেলপমেন্ত কম্মিতীনা অহানবদা ফন্দিং তৌদুনা শাখ্রে অমসুং মসিগী মতুংদা এস্পিরেস্নেল দিস্ত্রিক্ত প্রোগ্রাম অমসুং পি.ই.এস.এ.গী স্পিসিএল সেন্ত্রেল এসিস্তেন্স ফন্দগা লোয়ননা য়ু.এম.ই.দি.-এম.এস.আর.এল.এম. (স্তেত রুরেল লাইবলিহুদ মিসন)গী এস.অইচ.জি.গী নুপীশিংনা থবক থৌরমশিংদা তেংবাংখি। সেন্তরশিং অসিগী আর্কিতেকচর প্লান, লে-আউত অমসুং শাবদা চঙবা পোৎলমশিংবু লোকেলগী য়ুমশা-কৈশাগী মখা পোনখি। লাক্কদৌরিবা চহি অনিদা, দিস্ত্রিক্ত এদমিনিস্ত্রেসন্না খোঙথাং অসিবু হেন্না পাকথোক-চাউথোকহন্দুনা সেন্তর ৪০০ হেন্না শাবগী থৌরাং লৈরি।
মমাং অমসুং হৌজিক্কী ফিভম
![https://static.pib.gov.in/WriteReadData/userfiles/image/image0030JY7.jpg](https://static.pib.gov.in/WriteReadData/userfiles/image/image0030JY7.jpg)
এস.বি.এম.-জি.দা এম.ঐচ.এম.:
তসেংবদি, মেন্সত্রুএল হাইজীন (এম.ঐচ.এম.) হায়বসি লু-নান্না লৈবা খক নত্তে। মসিদি নুপীমচা অমগী মশাগী ইকায় খুম্নবা ঙাকপগা লোয়ননা জেন্দর-বেলেন্স ওইবা মালেম অমা ফংবগী মাইকৈদা মহাক্কী অপাম্বা পাংথোকপগী খুদোংচাবা পীদুনা মখোয়বু ঙাক-শেনবগী মাইকৈদা থাংজিনবা মরু ওইবা খোঙথাং অমসু ওইরি।
মসিগুম্বা মরু ওইবা ৱাফমদা মিৎয়েং চঙবা ওইনা, এম.ঐচ.এম.বু সরকারগী ফ্লেগশিপ প্রোগ্রাম, স্বচ্ছ ভারত মিসন গ্রামীন (এস.বি.এম.-জি.)গী মরু ওইবা পোৎলম অমা ওইনসু মনুং চলহনখ্রে। মসিনা মেন্সত্রুএল হাইজীনগী মরু ওইবা থৌওং অমা ওইদুনা য়ুম্থোং খুদিং অমসুং স্কুলশিংদা অমাংশঙ শাবগী তঙাই ফদবদা মিৎয়েং চঙলি অমসুং অমসুং তেক্ত-কায়দবা মেন্সত্রুএল হাইজীন প্রেক্তিসপু পুক্নিং থৌগৎলি। মখা তারকপদা, মসিনা স্কিল দিভেলপমেন্ত তৌবা অমসুং স্কুল অমসুং মীয়ামগী অমাংশঙশিংদা সেনিতরী নেপকিন লংথোকফম অমসুং মৈ থাদোকফম শাবগী ৱাহৌদোক অমসু থম্লি।
![https://static.pib.gov.in/WriteReadData/userfiles/image/image004235P.png](https://static.pib.gov.in/WriteReadData/userfiles/image/image004235P.png)
ইনখৎলক্লিবা নুপীমচা অমসুং নুপীশিংবু তেংবাংনবগীদমক্তা দ্রিঙ্কিং ৱাতর অমসুং সেনিতেসন বিভাগ (দি.দি.দবল্যু.এস.)না থোকপা এম.ঐচ.এম.গী গাইদলাইন্না বিভাগ অসিগা তেংবাংনদুনা রাজ্য সরকার, জিলাগী লৈঙাক্লোই, ইঞ্জিনিয়র অমসুং তেক্নিকেল এক্সপর্তশিংগা লোয়ননা স্কুলশিংগী মকোক অমসুং ওজাশিংনা করি তৌবগী তঙাই ফদবগে হায়বা তাক্লি। এস.বি.এম.-জি. প্রোগ্রামগী মনুং চনবা ওইনা মেন্সত্রুএল হাইজীন মেনেজমেন্তকী এৱিয়র্নেস অমসুং স্কিল লৈবা হেনগৎহন্নবগীদমক্তা আই.ই.সি. কম্পোনেন্তকী মখাদা ফন্দ লৈ অমসুং থৌওংশিং অসিবু হেন্না খুমাং চাউশিলহন্নবগীদমক্তা সেল্ফ-হেল্প গ্রুপশিংনা তেংবাংলি।
ৱাফম অসিগী মরী লৈননা, থাগী মাংবগী থৌওংগা মরী লৈনবা লান্না থাজবা অমসুং ইকায় তুজুংবা কয়া লৌথোকপা তোঙানবা থবক-থৌরম কয়া রাজ্যশিংনা হৌদোকখ্রে, অমসুং নুপীমচা অমসুং নুপীশিংনা হীরম অসিগী মতাংদা ৱারী শানবা অমসুং খঙদবা কয়া হংনবা পুক্নিংসু থৌগৎলি।
![https://static.pib.gov.in/WriteReadData/userfiles/image/image005718T.jpg](https://static.pib.gov.in/WriteReadData/userfiles/image/image005718T.jpg)
থবক-থৌরমশিং অসিনা পীবা কান্নবা:
তোঙানবা রাজ্যশিংদা পায়খৎলিবা থবক-থৌরমশিং য়েংলুবা মতমদা, থাগী মাংবগী ৱাফম অসি হান্নগী মতমগা চাংদম্নবদা খুঙ্গংগী মফমশিংদা য়াম্না ফোংনা ৱারী শাবা হৌনরে। নুপীমচা অমসুং নুপীশিংনা হৌজিক মেন্সত্রুএল হাইজীনগী মরু ওইবগী মতাংদা খঙলে অমসুং হাইজীন খঙবশিংনা হৌজিক সেনিতরী পেদ নত্ত্রগা অশেংবা ফি শিজিন্নরি। হুম্নিশুবা নুমিৎ ফাওবা ইরুজবা য়াদবা অমসুং লাইশঙ, চাকখুম চঙবা অমদি আচার পায়বা থিংবগী হান্নগী মতমদা চৎনরম্বশিংগী মাইয়োক্তা ৱাহং হংবসু হৌরে। স্কুলশিংদা হৌজিক ইন্সিনরেতর খিল্লে। মসিগুম্বা থৌওং অসি লৈবাক শিনবা থুংবগী য়ুম্থোং খুদিং অমসুং স্কুলশিংদা শন্দোকপগী মথৌ তারি। নীংথিবা এম.ঐচ.এম.না শোইদনা ফংহনবা ঙমগদবা, নুপীমচাশিংনা মখোয়গী তৌবা ঙম্বগী মপুং ফাবা মতিক য়ৌহনবা ঙমহন্নবা অহেনবা থবক কয়া পায়খৎপগী তঙাই ফদবা লৈরি।
সেনিতরী ৱেস্ত হুন্দোকপা:
দিজপোজেবল সেনিতরী নেপকিনশিংদা য়াওবা প্লাস্তিক অসি বাইও-দিগ্রেদেবল ওইদবনা মরম ওইরগা সেনিতরী ৱেস্ত হুন্দোকপসি শিংনবা অমা ওইরি অমসুং মসিনা হকশেল অমসুং অকোয়বগী ফিভমদা অকায়বা কয়া থোকহনবা য়াই। সোলিদ ৱেস্ত মেনেজমেন্ত স্ত্রেতজীগী শরুক অমা ওইনা, ঐখোয়গী অকোয়বগী ফিভম ঙাক-শেন্দুনা থম্নবগীদমক্তা, রাজ্যশিংনা মসিগুম্বা ফত্ত-হৌদিশিং খোম্বা, হুন্দোকপা অমসুং পুথোক-পুশিন তৌবগী পাম্বৈ শীনবগী মথৌ তাই। তেক্ত-কায়দবা অমসুং চুনবা মওংদা ৱেস্ত মেনেজমেন্ত তৌবনা হৌজিক্কী মতমগী খ্বাইদগী তঙাই ফদবা থৌওং ওইরি।
নুপীমচা অমসুং নুপীশিংনা মখোয়গী পেরিওদগী মরমদা ৱারী শাবদা ইকায়বগী মথৌ তাদ্রে। করিগুম্বা ঐখোয়না মখোয়বু হীরমসিদা পুক্নিং থৌগৎপীদ্রবদি, মখোয়না পুন্সিগী তোঙানবা থাক কয়া চিত্থরগনি অমসুং পুম্নমক অসিনা মরম ওইরগা মশাগী হকশেলদা পামদবা থৌওং কয়া থোক্লকপসু য়ানা লৈরি।
****
(Release ID: 1837728)
Visitor Counter : 120