হকশেল অমসুং য়াইফ-য়ুম্বাল মন্ত্রালয়
কেন্দ্রনা কোবিদ কেসশিং ৱাংখৎলক্লিবা রাজ্যশিংদা মীৎকুপ-নাহুম শিংনা লৈনবা হায়খ্রে; চেকশিন্নবা অমসুং চেকশিল থৌরাং লৌখৎনবা পাউতাক পীখ্রে
কেসশিং ঙন্না খঙদোক্নবা অমসুং রিপোর্ত তৌনবগীদমক সেন্তিনেল সর্ভিলেন্সতা লেপ্পা লৈতনা অমসুং প্রোএক্তিব ওইনা মীৎয়েং চংবা তাই
রাজ্যশিংনা হোস্পিতালদা পুখৎলকপা কোবিদ কেসশিংগী ক্লিনিকেল প্রোফাইল চেকশিন্না য়েংশিন্নবা তাই
কোবিদ-১৯ ভেক্সিনেসনগী ২শুবা অমসুং প্রিকোসন দোজশিং কাপ্পদা খোঙজেল য়াংহন্নবা মীৎয়েং থম্বা তাই
স্ত্রেতেজিক তেস্তিং অমসুং আর.তি.পি.সি.আর. তেস্তশিংগী শিয়র হেনগৎহনবা তাই
Posted On:
28 JUN 2022 6:12PM by PIB Imphal
হৌখিবা চয়োল খরগী মনুংদা কোবিদ কেসশিং ৱাংনা রিপোর্ত তৌরক্লিবা রাজ্যশিংদা চেকশিন্নবা অমসুং মখা তানা চেকশিল থৌরাং লৌগৎনবা অমসুং কোবিদকী মায়োক্তা মীৎকুপ-নাহুম শিংনা লৈনবা কেন্দ্রনা খঙহনখ্রে। কেন্দ্রগী হেল্থ সেক্রেতরী, শ্রী রাজেশ ভুশন্না কোবিদ তেস্তশিংগী মশিং নেম্বা অমসুং কোবিদ ভেক্সিনেসনগী চাংচৎতগী তানা লৈবা অসিগা লোয়ননা কেস পোজিতিবিতী ৱাংখৎলক্তুনা চয়োল অমদগী চয়োল অমদা কেসশিংগী মশিং ৱাংনা রিপোর্ত তৌরক্লিবা অদুগুম্বা রাজ্য ১৪গা লোয়ননা ভিদিও কনফরেন্স অমগী খুত্থাংদা কোবিদকী ওইরিবা ফীভম য়েংশিনখ্রে। য়েংশিন মীফম অদুদা নিতি আয়োগকী মেম্বর (হেল্থ) দা. বিনোদ পোলসু শরুক য়াখি।
ওইরক্লিবা লাইচৎকী ফীভম অসি চেকশিন্নবা কোবিদ কেস ৱাংনা রিপোর্ত তৌরক্লিবা রাজ্যশিংদা দা. ভি.কে. পোলনা পাউতাক পীখি। “মরু ওইবা এক্সন পোইন্ত অসি জুন ৯, ২০২২দা কেন্দ্রগী হকশেল মন্ত্রালয়না থোকখিবা রিভাইস সর্ভিলেন্স স্ত্রেতেজীগী মতুং ইন্না প্রোএক্তিব সর্ভিলেন্সতা মীৎয়েং চংবনি”, হায়না মহাক্না অকনবা ৱাফম থমখি। “রুতিন সর্ভিলেন্স চত্থবা অসিনা ঐখোয়গী কোবিদ রেস্পোন্স অমসুং মেনেজমেন্তগী লালোংগী য়াংলেন শারু ওইরি অমসুং মসিদা লেপ্তনা অমসুং লায়থোকপা তৌদনা মীৎয়েং চংবা তাই”, হায়না মহাক্না হায়খি। ময়া মরি লোংবা লালোংদা চংলক্লিবা ইন্তর-নেস্নেল ত্রেবেলরশিংগী সর্ভিলেন্স তৌবা; কম্ম্যুনিতী-বেজ সর্ভিলেন্স তৌবা; সেন্তিনেল সাইৎ সর্ভিলেন্স (হেল্থ ফেসিলিতী-বেজ সর্ভিলেন্স অমসুং লেব-বেজ সর্ভিলেন্স); অমসুং হোল জিনোম সিক্বেন্সী তৌবা হায়বা অসি হায়লাইৎ তৌখি। রাজ্যশিংদা দিস্ত্রিক্ত হোস্পিতাল, অচৌবা লনাই হোস্পিতাল অমসুং জিলাশিংদা লৈরিবা মেদিকেল কোলেজ পুম্নমক্তগী লাকপা এস.এ.আর.আই. অমসুং আই.এল.আই. কেসশিং স্কেন অমসুং রিপোর্ত তৌনবা অমসুং ক্লস্তরশিং থোরক্লিবা জিওগ্রাফীশিংদা মীৎয়েং চংনবা পাউতাক পীখি।
সর্ভিলেন্স স্ত্রেতেজী মসিদা ফংগনি:
(https://www.mohfw.gov.in/pdf/OperationalGuidelinesforRevisedSurveillanceStrategyincontextofCOVID-19.pdf )
রাজ্যশিংদা এদমিৎ তৌরকখিবা কোবিদ নাবা মীওইশিংগী ইপিদেমিওলোজিকেল প্রোফাইল চেকশিন্না মোনিতর তৌনবা অমসুং রেন্দম নত্ত্রগা এনেকদোতেল রিপোর্তিং তৌবগী মহুৎ হকশেল মন্ত্রালয়দা ক্লিনিকেল মেনিফেস্তেসন রিপোর্ত তৌনবা অকনবা মওংদা পাউতাক পীখি। মসিনা অনাবশিংগী অখন্নবা নত্ত্রগা তোখাইবা ক্লিনিকেল প্রজেন্তেসন অমা হেক্তা অঙনবা স্তেজতা মশক খঙদোকপদা মতেং পাংগনি।
হৌজিক ৱাংখৎলকপগী রিপোর্ত তৌরক্লিবা রাজ্য কয়াদা অনিশুবা অমসুং প্রিকোসন দোজ কাপ্পা হন্থরকপা অসি য়েংলগা মখোয়দা মরু ওইনা ৬০+গী অহল ওইরবা মীওইশিংগী ভেক্সিনেসন কবরেজ তৌবা অমসুং চহি কাংলুপ ১২-১৭কী অনিশুবা দোজ কাপ্পা অসি খোঙজেল য়াংখৎহন্নবা পাউতাক পীখি। হৌজিক চত্থরিবা হর ঘর দস্তক ২.০. অসি কোবিদ ভেক্সিন কাপ্পা হেনগৎহন্নবা কন্না শাহৌ পীবা তঙাই ফদে হায়না ফোঙদোকখি। কোবিদ ভেক্সিনশিংগী অৱাৎপা অমত্তা লৈত্রবসু রাজ্যশিংনা মতম লোইগদৌরবশিং হান্না কাপথোক্তুনা মমল য়াম্লবা নেচরেল রিসোর্স অসি মাংহনদনবা খঙহনখি।
দা. পোল অমসুং কেন্দ্রগী হকশেল সেক্রেতরী অনিমক্না রাজ্যশিংদা লৈরিবা কোবিদ তেস্ত তৌবগী চাং নেম্বা অমসুং আর.তি.পি.সি.আর.গী শরুক হাইথরকপা অসিদা মীৎয়েং থমখি। পোজিতিবিতী ৱাংনা রিপোর্ত তৌরক্লিবা জিলা পুম্নমক্কী অনৌবা ক্লস্তর অমসুং জিওগ্রাফীশিংগা লোয়ননা থিন এন্দ ৱাইদ তেস্তিং স্পেক্ত্রমগী মহুৎ রাজ্যশিংনা ফিবর ক্লিনিকশিংদগী লাকপা পেসেন্তশিং, এস.এ.আর.আই. অমসুং আই.এল.আই. পেসেন্তশিংগী স্ত্রেতেজিক তেস্তিংদা মীৎয়েং চংনবা পাউতাক পীখি। মসিগী মথক্তা, রাজ্যশিংদা হান্ননা শিয়র তৌখ্রবা কেন্দ্রগী হকশেল মন্ত্রালয়গী রিভাইজ সর্ভিলেন্স স্ত্রেতেজীগী মতুং ইন্না আই.এন.এস.এ.সি.ও.জি. নেৎৱার্ক্কী মেপ তৌরবা লেবশিংগী খুত্থাংদা হোল জিনোম সিক্বেন্সিংগী তৌনবা নীংশিংখি।
হেল্থ সেক্রেতরীনা রাজ্যশিংদা ‘প্রধান মন্ত্রী গরীব কল্যান পেকেজ: ইন্সুরেন্স স্কিম ফোর হেল্থ ৱার্কর্স ফাইতিং কোবিদ-১৯’গী মখাদা লাকপা ক্লেমশিং অদু থুনা প্রোসেস তৌদুনা কোবিদনা মরম ওইরগা লৈখিদ্রবা কম্ম্যুনিতী হেল্থ ৱার্করশিং য়াওনা পব্লিক হেল্থকিয়র প্রোভাইদরশিংদা ইন্সুরেন্স দ্যুশিং পীথোক্নবা খঙহনখি।
রাজ্য কয়াদা লাক্কদৌরিবা হরাও-কুহ্মৈশিংগা য়েংলগা লায়না অসি শন্দোকপা লাকশিন্নবা কোবিদকা চুনবা চৎন-কাংলোন ঙাক্না চৎনবা থবক পাইখৎপদা মীৎয়েং চংনবা রাজ্যশিংদা পাউতাক পীখি।
আই.সি.এম.আর.গী দি.জি. দা. বালরম ভার্গবা; নই দিল্লীগী এম্সকী দিরেক্তর দা. রন্দিপ গুলেরিয়া; এ.এস. (এম.ও.ঐচ.এফ.দবল্যু.) দা. মনোহর অগনানি; এদিস্নেল সেক্রেতরী (এম.ও.ঐচ.এফ.দবল্যু.) শ্রী গোপালাকৃষ্ণ; দি.জি.ঐচ.এস. দা. অতুল গোএল; জোইন্ত সেক্রেতরী শ্রী লব অগর্বাল; এন.সি.দি.সি.গী দিরেক্তর দা. সুজীত সিংহ লোয়ননা প্রিন্সিপল সেক্রেতরী (হেল্থ) অমসুং অসাম, দিল্লী, গোৱা, গুজরাত, হরিয়ানা, কর্নাতকা, কেরেলা, মহারাস্ত্র, মেঘালয়, মিজোরাম, রাজস্থান, তেলঙ্গানা, উত্তর প্রদেশ অমসুং ৱেস্ত বেঙ্গলগী এন.ঐচ.এম.গী দিরেক্তরশিং অমসুং হকশেল মন্ত্রালয়গী মকোক থোংবা ওফিসিএলশিংনা মীফম অসিদা শরুক য়াখি।
*****
(Release ID: 1837723)
Visitor Counter : 119