কেন্দ্রগী এজুকেসন অমসুং স্কিল দিবেলপমেন্ত মন্ত্রী শ্রী ধর্মেন্দ্র প্রধান্না ঙসি ইন্দিয়া তুদে এজুকেসন কনক্লেব ২০২২দা ৱা ঙাংখ্রে।

মীতিন অদুদা ৱা ঙাংলদুনা মন্ত্রীনা হায়, ক্বালিতী লৈবা অমসুং শেং চংদবা এজুকেসন এক্সেস তৌবা হেনগৎহন্নবা অমসুং ঐখোয়গী য়াম্লবা মীশিং অসিবু ফোর্মেল এজুকেসন অমসুং সর্তিফাইদ স্কিলস স্ত্রকচরগী মখাদা পুরক্নবা ইনোবেতিব ওইবা অমসুং আউত-ওফ-দি-বোক্স ওইবা পাম্বৈশিং পাইখৎপা মথৌ তাই।

এক্সেসিবিলিতীগী মতাংদা ৱা ঙাংলদুনা মহাক্না হায়খি মদুদি মীপুম খুদিংমক্তা এজুকেসন ফংহন্নবগীদমক মপাঙ্গল কনবা অমসুং রিজিলিয়েন্ত ওইবা মেকানিজমশিং শেম্বা হায়বা অসিদা প্রধান মন্ত্রী শ্রী নরেন্দ্র মোদী মরু ওইবা মীৎয়েং চংখি। এন.ই.পি. ২০২০গী মখঅদা দিজিতেল য়ুনিভর্সিতীগুম্বা তেক্নোলোজী-দ্রিবন এপ্রোচ অমসুং ইনিসিএতিবশিং অসি ক্বালিতী এজুকেসনগী এক্সেস ফংহনবদা মরু ওইগনি।

নেস্নেল এজুকেসন পোলিসীগী মতাংদা ৱা ঙাংলদুনা মহাক্না হায়খি, এন.ই.পি. ২০২০না ই.সি.সি.ই.দগী হৌরগা লর্নর খুদিংমক্কী তঙাই ফদবশিং থুংহন্নবা অমসুং বাইব্রেন্ত অমসুং ইক্বিতেবল নোলেদজ সোসাইতী অমা শেমগৎনবগী বিজন অমসুং লম্বেল য়াৎলি। ঐখোয়না স্কুল অমসুং হায়র এজুকেসন্দা এমপ্লোইএবিলিতী হেনগৎহন্নবা স্কিল এজুকেসন ইন্তিগ্রেৎ তৌনবা থবক পাইখৎলি, হায়না মহাক্না মখা তাখি।

তুংগী থবকশিং অমসুং স্কিলিংগী মতাংদা ৱা ঙাংলদুনা মহাক্না হায়খি মদুদি থবক্কী মওং-মতৌশিং অসি হোংলক্লি অমসুং আই.আর. ৪.০.না ঐখোয়গী অচৌবা দেমোগ্রাফী অসি স্কিলিং, অপ-স্কিলিং অমসুং রি-স্কিলিং তৌনবগী শীংনবা অমসুং খুদোংচাবা অনিমক ঐখোয়দা ফংহল্লি। ঐখোয়না স্কিলিংদা অচৌবা অহোংবা অমা পুরক্নবা অমসুং আই.আর. ৪.০ শাহৌ পীনবা লোয়ননা ঐখোয়গী নহারোলশিংবু তুংলমচৎকীদমক শেম-শাদুনা থম্নবা হেন্না এস্পিরেস্নেল ওইহল্লি।

মহাক্না হায়, এন.ই.পি. ২০২০না ন্যু-এজ আইদিয়া অমদি স্কিলশিং অমসুং ভারতপু ২১শুবা চহিচাগী নোলেদজ ইকনোমী অমা ওইহন্নবগীদমক ভারতকী লোলশিংদা তম্বদা মরু ওইবা মীৎয়েং চংবগা লোয়ননা ঐখোয়গী মহৈরোয়শিং অমসুং নহারোলশিংবু গ্লোবেল সিতিজেনশিং ওইনা শেমগৎনবগী লম্বেল য়াৎলি।

*****