835 સ્ક્વોડ્રન (CG), એક સ્વદેશી એડવાન્સ્ડ લાઇટ હેલિકોપ્ટર (ALH) MK III સ્ક્વોડ્રન, 28 જૂન, 2022 ના રોજ ગુજરાતના પોરબંદરમાં તેના એર એન્ક્લેવ ખાતે ભારતીય કોસ્ટ ગાર્ડમાં કમિશન કરવામાં આવ્યું હતું. ડીજી, કોસ્ટ ગાર્ડ શ્રી વી.એસ. પઠાણિયાએ કમિશનિંગ સમારોહની અધ્યક્ષતા કરી હતી. જેમાં પોરબંદર અને ગુજરાત વિસ્તારના વિવિધ લશ્કરી અને નાગરિક મહાનુભાવોએ હાજરી આપી હતી. પ્રધાનમંત્રી શ્રી નરેન્દ્ર મોદીના 'આત્મનિર્ભર ભારત'ના વિઝનને અનુરૂપ આ સ્ક્વોડ્રનનું કમિશનિંગ સર્ચ એન્ડ રેસ્ક્યુ (SAR) અને મેરીટાઇમ સર્વેલન્સના ક્ષેત્રમાં આત્મનિર્ભરતા તરફની એક જબરદસ્ત હરણફાળ દર્શાવે છે.

ALH MK III હેલિકોપ્ટર હિન્દુસ્તાન એરોનોટિક્સ લિમિટેડ (HAL) દ્વારા સ્વદેશી રીતે બનાવવામાં આવ્યા છે. તેઓ અદ્યતન RADAR તેમજ ઈલેક્ટ્રો ઓપ્ટિકલ સેન્સર, શક્તિ એન્જિન, ફુલ ગ્લાસ કોકપિટ, હાઈ-ઈન્ટેન્સિટી સર્ચલાઈટ, એડવાન્સ કોમ્યુનિકેશન સિસ્ટમ્સ, ઓટોમેટિક આઈડેન્ટિફિકેશન સિસ્ટમ તેમજ SAR હોમર સહિતના અત્યાધુનિક સાધનો ધરાવે છે. વિશેષતાઓ તેમને દરિયાઈ જાસૂસી હાથ ધરવા તેમજ દિવસ અને રાત્રિ બંને સમયે જહાજોમાંથી સંચાલન કરતી વખતે પણ વિસ્તૃત રેન્જમાં SAR કરવા સક્ષમ બનાવે છે. ગંભીર રીતે બીમાર દર્દીઓના ટ્રાન્સફરની સુવિધા માટે એરક્રાફ્ટમાં ભારે મશીન ગન સાથેના આક્રમક પ્લેટફોર્મથી મેડિકલ ઇન્ટેન્સિવ કેર યુનિટ વહન કરતા સૌમ્ય પ્લેટફોર્મની ભૂમિકા બદલવાની ક્ષમતા છે.

અત્યાર સુધીમાં 13 ALH MK-III એરક્રાફ્ટને તબક્કાવાર રીતે ભારતીય કોસ્ટ ગાર્ડમાં સામેલ કરવામાં આવ્યા છે અને તેમાંથી ચાર એરક્રાફ્ટ પોરબંદર ખાતે સ્થિત છે. ઇન્ડક્શન પછી, સ્ક્વોડ્રને 1,200 કલાકથી વધુ ઉડાન ભરી છે અને દીવ કિનારે પ્રથમ રાત્રિ SAR મિશન સહિત અસંખ્ય ઓપરેશનલ મિશન હાથ ધર્યા છે.

835 Sqn (CG) કમાન્ડન્ટ સુનીલ દત્ત દ્વારા કમાન્ડ કરવામાં આવે છે. કમિશનિંગ ગુજરાત પ્રદેશમાં ભારતીય કોસ્ટ ગાર્ડની ક્ષમતાઓને મોટો વેગ આપશે અને દેશની દરિયાઈ સુરક્ષાને વધુ મજબૂત કરશે.

SD/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com