কেন্দ্রগী হকশেল অমসুং য়াইফ-য়ুম্বাল মন্ত্রী, দা. মনসুখ মান্দৱিয়া, পুদুচেরীগী লেপ্তনেন্ত গোবর্নর, দা. তামিলিসাই সাউন্দরারাজন, মুখ্য মন্ত্রী, শ্রী এন. রঙ্গাস্বামী অমসুং ইন্দিয়ন কাউন্সিল ওফ মেদিকেল রিসর্চকী দাইরেক্তর জনরেল, শ্রী বলরাম ভার্গবনা পুদুচেরীদা ঙসি আইসি.এম.আর.- ভেক্তর কন্ত্রোল রিসর্চ সেন্তরদা ইন্তর্নেস্নেল সেন্তর ফোর এক্সেলেন্স ফোর ত্রেনিং ইন মেদিকেল এন্তোমোলোজী লিংখৎনবগী উরেপ-উয়ুং তম্বগী থৌরমদা শরুক য়াখি।

থৌরম অদুদা ৱা ঙাংলদুনা, কেন্দ্রগী হকশেল অমসুং য়াইফ-য়ুম্বাল মন্ত্রী, দা. মনসুখ মান্দৱিয়ানা হায়খি মদুদি চাউখৎ-থৌরাং অমসুং অহোংবা অমা পুরকপা পাম্বা লৈবাকশিংনা রিসর্চ অমসুং দেবলপমেন্ততা মীৎয়েং থমগদবনি।

লৈবাক অমত্তনা ভেক্সিন দোজ বিলিয়ন অনি ময়া নক্না কাপথোকপগী মাইপাকপা অসি লৈখিদ্রি, মন্ত্রী অসিনা লাইচৎ মমনুংদা ভেক্সিন পুথোরককিবা সাইন্তিস্তশিং অদুবু থাগৎখি অমসুং মহাক্না তৌবীমল খঙবা উৎখি।

অকোনবদা, দা. মনসুখ মান্দৱিয়ানা জিপমরদা ইন্তর্নেস্নেল স্কুল ওফ পব্লিক হেল্থ শঙ্গাখি।

“নহা ওইরিবা মহৈরোইশিং অমসুং দোক্তরশিংগী মরক্তা তিনবা অসিদা ঐহাক য়াম্না হরাওই। ঙসি জিপমরগী খক্তা নত্তনা মলাএম পুম্বগী ওইনা য়াম্না মরু ওইবা নুমিৎনি। কেন্দ্র সরকার অসিনা মসিগী তোপ-তোপ্পা সেন্তর অসি লিংখৎনবগীদমক্তা লুপা করোর ৬৫ কাইথোকখ্রে।” হায়না মন্ত্রী অসিনা হায়খি। কেন্দ্র সরকার অসিনা  প্রধান মন্ত্রী, শ্রী নরেন্দ্র মোদীগী লুচিং মখাদা য়াম্না লিংলবা মতিক লৈরবা পব্লিক হেল্থ ইন্ফ্রাস্ত্রকচর অসিগী খুত্থাংদা মীচম প্রজা শিংগী পুনশি খনখি হায়না মহাক্না মখা তারকখি।

*****