নেস্নেল হেল্থ ওথোরিতী (এন.ঐচ.এ.)না আয়ুশমান ভারত দিজিতেল মিসন (এ.বি.দি.এম.) ইকোসীস্তেমদা য়াওরিবা তোঙান-তোঙানবা বিল্দিং ব্লোকশিং অদুদা আইদিবেশন অমসুং ইনোভেশনশিং পুরক্নবা মীপুম খুদিংমক্না য়াওবা য়াবা মসিগুম্বা মখলগী খ্বাইদগী অহানবা হেকথোন সীরীজ অমা শিল্লগনি। সীরীজ আসি ২০২২গী জুলাই ১৪দগী ১৭ ফাওবা  পাংথোক্কদবা হেকাথোন – রাউন্দ ১: কিকস্তার্তিং য়ুনিফাইদ হেল্থ ইন্তর্ফেস (য়ু.ঐচ.আই.)’গা লোইননা হৌদোক্লগনি। হেকাথোন অসিনা য়ুনিফাইদ হেল্থ ইন্তরফেস (য়ু.ঐচ.আই.) অসিদা মীৎয়েং থমগনি অমসুং ভারত্তা হেল্থ স্তার্ত –অপ ইকোসীস্তেম মোবিলাইজ তৌবদা অমসুং য়ু.ঐচ.আই.গী খুত্থাংদা সোল্যুশনশীং দেবেলপ তৌনবা লনাইগী মীওইশিং অমসুং ওর্গনাইজেশনশিংবু পুল্লপ পুনশিনহন্নবাগী পান্দম থম্লি।

হেকাথোন অসিনা য়ু.ঐচ.আই.গী খুত্থাংদা দিজিতেল হেল্থ সার্বিসশিংদা এক্সেস পীনবগীদমক্তা কোলাবোরেত তৌনবা অমসুং ইনোৱেতিব সোল্যুশনশিং শাগৎনবা মালেমগী মফম খুদিংমক্তগী ইনোৱেতরশিং, দেতা এক্সপর্তশিং অমসুং দেবেলপরশিংগীদমক্তা খ্বাইদগী ফবা খুদোংচাবা অমা পীরগনি।

য়ু.ঐচ.আই. অসি তেলিকন্সল্তেশনগুম্বা দিজিতেল হেল্থ সার্বিসশিংগী ইন্তরোপরেবল ত্রান্সেক্সন য়াহন্নবা ওপন নেতৱার্ক অমা ওইনআ দিজাইন তৌখিবনি। য়ু.ঐচ.আই.গী খুত্থাংদা পেসেন্তশিংনা মখোয়গী অপাম্বা এপ্লিকেশন অমহেক্তগী মসিদা শরুক য়ারিবা প্রোভাইদরশিং কয়া অমনা পীরিবা সার্বিসশিং অদুগীদমক্তা থিজিনবা, বুক তৌবা, কন্দক্ত তৌবা অমসুং শেল থিবা য়াগনি। হায়রিবা অসি হৌজিক হৌজিক পীরিবা দিজিতেল হেল্থ সার্বিস দেলিবরীগা খেৎনৈ, মসিদা পেসেন্তশিং অমসুং দোক্তরশিংনা কমন এপজলিকেশন অমসুং প্লেতফোর্ম শিজিন্নদুনা তৌগনি।

হেকাথোন সীরীজ অসি লাউথোক্লদুনা, দা. আর.এস. সর্মা , সি.ই.ও., এন.ঐচ.এ.না হায়খি “ভারতনা মালেম অসিদা খ্বাইদগী এফিসিয়েন্ত ওইবা পব্লিক দেলিবরী সীস্তেমশিংগী মনুংদা খরা অমাদি শেমহনখ্রে, সাইলোশিং থুগাইদুনা অমসুং নেতৱার্ক ইফেক্তশীং হাংদোক্তুনা , হায়রিবা অসি জে.এ.এম. অমসুং য়ু.পি.আই.গী খুত্থাংদা উখ্রে। এ.বি.দি.এম. অমসুং য়ু.ঐচ.আই.না  হায়রিবা অসিমক হেল্থকিয়র ইকোসীস্তেমগীদমক্তা য়াহনগদৌরিবনি অমসুং মসিগী হেকাথোওন সীরীজ অসিনা প্লেয়রশিংদা কোলাবোরেত তৌনবা অমসুং হেল্থকিয়রগী তুংগী লম্বি মশখ তাক্কদৌরিবা সোল্যুশনশিং শেমগদৌরিবনি। মীপুম খুদিংমক ভারত মচা খুদিমক্কীদমক্তা হেন্না ফবা হেল্থ ইকোসীস্তেম অমা শেম্বদা শরুক য়ানবা চাএবাউ পীরি।”

 ‘এ.বি.দি.এম. হেকাথোন সীরীজ – রাউন্দ ১ : কিকস্তার্তিং য়ু.ঐচ.আই.’ অসিনা মরু ওইবা থীম অনিদা মীৎয়েং থমগনি:

• ইনোৱেশন ত্রেক: তেলিকন্সল্তেশন, এম্বুলেন্স বুকিং, লেব তেস্তশিং, ফিজিকেল কন্সল্তেশন বুকিং, লেব তেস্ত বুকিংগুম্বা শিজিন্নবআ কেসশিং কয়া অমদা ওপন নেতৱার্ক অমদা দিজিতেল হেল্থপু শক্তি পীনবগীদমক্তা ইনোৱেতিব সোল্যুশনশীংগীদমক্তা চেলেঞ্জ।
• ইন্তিগ্রেশন ত্রেক: য়ু.ঐচ.আই.গা কেমপেতিবল ওইবা এপ্লিকেশনশিংগী দেবেলপমেন্ত বাংখৎহন্নবা অমসুং মসিগী এপ্লিকেশনশীং অসিবু অতোপ্পা অসিগুম্বা পার্তিসিপেন্তশিংগী এপ্লিকেশনশিংগা ইন্তিগ্রেত তৌবগী চেলৈম্জ, মসিনা য়ু.ঐচ.আই. নেতৱার্কতা দিজিতেল হেল্থ ত্রান্সেক্সনশিং য়াহল্লগনি।

 ‘রাউন্দ ১ : কিকস্তার্তিং য়ু.ঐচ.আই.’গী ওইগদবা মনা অসি  লুপা ৬০,০০,০০০*নি। মসি মথক্তা পনখ্রিবা থীমশিং অসিদা চেলেঞ্জ ত্রেক খুদিংমক্তা মকোক থোংবা পর্ফোর্মরশিংদা পীরগনি। মসিগী সোল্যুশনশীং অসি ইন্দিপেন্দেন্ত জ্যুরী অমনা এসেস তৌগনি। মসিদা থৱাই য়াওবা পার্তিসিপেন্তশিংনা https://abdm.gov.in/register অসিদা রেজিস্তর তৌবীয়ু।

* প্রাইজশিং অসি অকক্নবা লৈতে;জ্যুরীনা এৱার্দ ৱাৎনা নত্রগা হেন্না পীনবা লেপ্পকপা য়াই।

মখাতানা , য়ু.ঐচ.আই.হেকাথোনগী শরুক ওইনা, এন.ঐচ.এ.না এ.বি.দি.এম.ইকোসীস্তেমগী মতাংদা পার্তিসিপেন্তশিং অদুনা খঙলিবা অদু হেন্না মমুৎ তাহন্নবা মাস্তরক্লাসশিং শিল্লগনি। তৌগদৌরিবা মাআসত্রক্লাসশিং, চেলেঞ্জ স্তেতমেন্তশিং, কেতেগোরী খুদিংমক্কী প্রাইজশিং অমসুং অতোপ্পা অপদেৎশিং অদু এ.বি.দি.এম. ৱেবসাইত - https://abdm.gov.in অমসুং য়ু.ঐচ.আই. পোর্তল -  https://uhi.abdm.gov.in. দা ফংবীগনি।

এ.বি.দি.এম. হেকাথোন সীরীজ অসিগী অহানবা রাউন্দ অসিগী মতুংদা হেল্থ ক্লেম এক্সচেঞ্জ (ঐচ.সি.এক্স.) হেকাথোন পাংথোক্লগনি; মসিগী অকুপ্পা মরোলশিং অদু এ.বি.দি.এম. অমসুং য়ু.ঐচ.আই. ৱেবসাইততা শিয়র তৌরগনি।

য়ু.ঐচ.আই.গী মতাংদা মখাতাবা মরোলশিং, য়ু.ঐচ.আই. কন্সল্তেশন পেপরগী মপুং ফারবা অইবা মরোলশিং, মসিগা লোইননা য়ু.ঐচ.আই. পব্লিক ৱেবিনারগী রেকোর্দিং অদু রিফর তৌবা য়াগনি। মখোয়শিং অদু এ.বি.দি.এম. ৱেবসাইত https://abdm.gov.in/publications দা দাউনলোদ তৌনবগীদমক্তা ফংবীগনি।

****