কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রীভান্সেস, পেন্সন্স, অতোমিক ইনর্জী অমসুং স্পেস, দা. জিতেন্দ্র সিংনা ২০২২গী জুন ২৭দগীনা জুলাই ১ ফাওবা লিস্বোনদা পাংথোক্কদবা “২০২২ য়ু.এন. ওসীন কনফরেন্স”তা শরুক য়ারুনবগীদমক্তা ঙসি পোর্তুগালগীদমক্তা চৎখ্রে। লৈবাক ১৩০ হেনবনা য়ু.এন. ওসীন কনফরেন্স অসিদা শরুক য়াগনি।

দা. জিতেন্দ্র সিংনা “স্কেলিং অপ ওসীন এক্সন বেজদ ওন সাইন্স এন্দ ইনোৱেশন ফোর দ ইমপ্লিমেন্তেশন ওফ গোল ১৪: স্তোকতেকিং, পার্তনরশিপস এন্দ সোল্যুশন্স” হায়রিবা থিম অসিগী মতাংদা য়ু.এন. কনফরেন্সতা ভারতকী মঊৎ শিন্দুনা কীনোত এদ্রেস পীরগনি।

মহাক্না চৎপা মতমদা থমখিবা ৱাফম অদুদা, দা. জিতেন্দ্র সিংনা হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা, ভারতনা পার্তনরশীপ তৌদুনা অমসুং এনভাইরনমেন্ত ফ্রেন্দলী ওইবা সোল্যুশনশিং শিজিন্নদুনা গোল ১৪ ইমপ্লিমেন্ত তৌনবগীদমক্তা সাইন্স অমসুং ইনোৱেশনদা য়াউমফম ওইবা সোল্যুশনশিং পীরগনি। মহাক্না হায়খি, ভারতনা এস.দি.জি. ইন্দিকেতরশিংদা লৈরিবা মেধোদোলোজী  অমসুং দেতা গেপশিং অদুবু লৈহন্দনবগীদমক্তা য়ু.এন এজেন্সীশিং অমসুং রিসর্চ ইন্সতিত্যুশনশিংগা চোলাবোরেশন অমসুং পার্তনরশিপ নিংথিনা থম্লি অমসুং ক্লীন, হেল্থী, প্রোদক্তিব, প্রেদিক্তিব, সেফ অমসুং এক্সেসিবল ওসীনগীদমক্তা য়ু.এন. দিকেদ ওফ ওসীন সাইন্স ফোর সস্তেনেবল দেবেলপমেন্ত, ২০২১-২০৩০গী মাইকৈদা তবক তৌরি।

দা. জিতেন্দ্র সিংনা হায়খি মদুদি সিভিল সোসাইতী অমসুং অতোপ্পা মরু ওইবা স্তেকহোল্দরশিংনা শরুক য়াবগা লোইননা, মসিদা শরুক য়ারিবা লৈবাকশিংনা ওসীন, সীজ অমসুং মেরিন রিসোর্সশিংবু কঞ্জর্ব তৌবা অমসুং সস্তেনেবল ওইবা মওংদা শিজিন্ননবগী ঐখোয়গী অচেৎপা ফিরেপ অদুবু অমুক হন্না থাজবা পীরগনি। মহাক্না মখা তারকখি মদুদি ওসীনগী লৈরিবা শোকচিল্লবা ফিভম অসিবু ফগৎহন্নবা থাক খুদিংমক্তা অচৌবা পান্দম অমগা লোইননা থবক তৌবা মধৌ তাই। ঐখোয়গী সরকারশিংগী লুচিংবাশিং অমসুং মীহুৎশিং অমা ওইনা, ঐখোয়না ওসীন অমসুং ওসীনগী ইকোসীস্তেমশিংগী হেল্থ, প্রোদক্তিবিতী,সস্তেনেবল য়ুজ অমসুং রেজিলিয়েন্স ফগৎহন্নবা অচেৎপা ফিরেপ অমগা লোইননা অমসুং য়াম্না থুনমক থবক ওইনা পাইখৎনবা খোংফম চেৎনা লেপ্লি। 

দা. জিতেন্দ্র সিংনা খঙহল্লকখি মদুদি ভারতনা মেরিন অমসুং কোস্তেল ইকোসীস্তেমশিং, মেগ্রুবশিং অমসুং কোরেল রীফশিং কন্নবা তোঙান-তোঙানবা মন্ত্রালয়শিং অমসুং দিপার্তমেন্তশিংগী খুত্থাংদা অনৌবা থৌরাংশিং, প্রোগ্রামশিং অমসুং পোলিসী ইন্তর্ভেন্সনশিং লৌখৎলি। গোল ১৪দা সোসিয়েল, ইকোনোমিক অমসুং এনভাইরনমেন্ততেল কঞ্জর্বেশনদা মরু ওইবা থম্বগা লোইননা ঈশিংগা মরী লৈনবা ইকোসীস্তেমশিংগী হেল্থ অমসুং সার্বিস ওন্নবা তার্গেত ১০ লৈ। মসিগী তার্গেতশিং অসিগী প্রোগ্রেস অদুবু ওন্নবা অমসুং মোনিতর তৌনবা নেস্নেলগী থাক্তা ইন্দিকেতর পুন্না ১১ মশক খঙদোক্লে অমসুং সমুদ্র খোংবানগী ঈশিং অমসুং মেরিন ইকোসীস্তেমশিংগী হেল্থ/কন্দিশন মোনিতর তৌদুনা ইন্দিকেতর ৯দা চাং নাইনা দেতা খোমগৎলি।

খন্ন-নৈনবা অসি লোইশিল্লকপদা, কনফরেন্স অসিনা গোল ১৪গী ইমপ্লিমেন্তেশন সপোর্ত তৌনবা সাইন্সতা য়ুমফম ওইবা অমসুং এক্সন লৌখৎনবগী ইনোৱেতিব ওইবা হিরমশিংদা মীৎয়েং থমদুনা অমসুং মরু ওইবা পীদুনা ময়ামগী মরক্তা অয়াবা অমা পুরক্তুনা য়াম্না শম্লপ্পা, তেন্তকপা, এক্সন ওরিয়েন্তে অমসুং সরকার মশেল য়ানবা দিক্লেরেশন অমা লৌখৎলগনি অমসুং ইন্তরেক্তিব ওইবা খন্ন-নৈনবা অদুগী কো-চিয়রগী সমরীশিং য়াওবা রিপোর্ত অমা পীখৎলগনি।

লুচিংবশিং অসিনা২০১৭গী জুন ৫দগী ৯ ফাওবা পাংথোকখিবা সস্তেনেবল দেবেলপমেন্ত গোল ১৪: কঞ্জর্ব এন্দ সস্তেনেব্লী য়ুস দ ওসীন্স, সীজ এন্দ মেরিন রিসোর্সেস ফোর সস্তেনেবল দেবেলপমেন্ত,  হায়রিবা অসিবু ইমপ্লিমেন্ত তৌবদা সপোর্ত তৌনবা অৱাংবা থাক্কী য়ুনাইতেদ নেসন্স কনফরেন্স অসিনা লৌখৎখিবা “আৱর ওসীন, আৱর ফ্যুচর: কোল ফোর এক্সন” হায়বা দিক্লেরেশন অসিবু অমুক্কসু থাজবা পীরগনি।

<><><><><>