হকশেল অমসুং য়াইফ য়ুম্বাল অমদি কেমিকেল অমসুং ফর্তিলাইজরগী কেন্দ্র মন্ত্রী, দাঃ মনশুখ মন্দাবিয়ানা ইং ২০২২গী জুন ২৪-২৬ ফাওবগী পুদুচেরী অমসুং চেন্নাইগী নুমিৎ হুম্নিগী খোঙচৎ চৎকনি। পুম্নমক শরুক য়ামিন্নদুনা তেংবাংনবা অমসুং থবক থৌরম কয়াদা মিৎয়েং চঙদুনা থবক পায়খৎপগী পান্দমগা লোয়ননা, কেন্দ্রগী হকশেল মন্ত্রীগী খোঙচৎনা হোলিস্তিক ওইবা থৌওংগী খুত্থাংদা খাঙবা কনবা, নীংহন্নবা লৈতবা অমসুং তুং কোইনা চৎকদবা হকশেলগী পথাপ মপাঙ্গল কনখৎহনবদা মিৎয়েং থমগনি।

কেন্দ্রগী হকশেল মন্ত্রীগী পুদুচেরী খোঙচৎ

রাজ্যসিগী হকশেলগী পথাপ্পু মপাঙ্গল হেনগৎহন্নবা হোৎনবগী শরুক অমা ওইনা, দাঃ মনশুখ মন্দাবিয়ানা জুন ২৪, ২০২২দা পুদুচেরীদা চৎকনি। মহাক্না মফমসিদা রাজ্য অসিগী ল্যুতেনেন্ত গভর্নর, মুখ্য মন্ত্রী অমসুং হকশেল মন্ত্রীশিংগী মমাংদা ইন্তর্নেস্নেল সেন্তর ওফ এক্সেলেন্স ফোর ত্রেনিং ইন মেদিকেল এন্তোমোলোজী (ভি.সি.আর.সি.)গী উরেপ উয়ুং তমগনি। মখা তারকপদা, মহাক্না ভি.সি.আর.সি.গী স্তেত-ওফ-দি-আর্ত ফেসিলিতীশিংদা চৎকনি অমসুং মহৈরোয় অমদি ফেকলতী মেম্বরশিংগা ৱারী শাগনি অমসুং মসিগী মখা তারকপা ওইনা, ভি.সি.আর.সি.গী দাইরেক্তরনা প্রজেন্তেসন অমা উৎকনি।

দাঃ মন্দাবিয়ানা জৱাহর্লাল ইন্সতিত্যুত ওফ পোস্তগ্রেজুএত মেদিকেল এজুকেসন অমসুং রিসর্চ (জিপমের)দা ইন্তর্নেস্নেল স্কুল ওফ পব্লিক হেল্থ শঙ্গাগনি অমসুং মফমসিগী মহৈরোই অমসুং ফেকলতীশিংগা উন্নদুনা ৱারী শাগনি।

দাঃ মনশুখ মন্দাবিয়ানা অপুনবা মীফম অমদা হকশেল অমসুং ফর্তিলাইজর মন্ত্রালয়গী থবক-থৌরম খুদিংবু হঙ্গৎনা য়েংশিনগনি। মহাক্না কিলপুথুপাতুগী হেল্থ অমসুং ৱেলনেস সেন্তরদা চৎপা অমসুং ই-কন্সলতেন্সী অমদি ই-সঞ্জীবনি হঙ্গৎনা য়েংশিনবগী মখা তাবা থৌরাংসু লৈরি।

কেন্দ্রগী হকশেল মন্ত্রীগী চেন্নাই খোঙচৎ

দাঃ মনশুখ মন্দাবিয়াগী চেন্নাইগী খঙচৎ মনুংদা মহাক্না ওম্মন্দুরারদা লৈবা তমিল নাদু সরকারগী মলতি সুপর স্পিসিএলিতী হোস্পিতালদা চৎকনি অমসুং মহাক্না মফমসিদগী অবাদীগী সি.জি.ঐচ.এস. ৱেলনেস সেন্তর অমসুং লেবপু ভর্চুএলগী খুত্থাংদা উরেপ উয়ুংসু তৌগনি। দাঃ মন্দাবিয়ানা রাজ্যসিগী ই-নেস্নেল হেল্থ মিসন (এন.ঐচ.এম.)গী মিসন দাইরেক্তরগা মীফম ফমগনি অমসুং এন.ঐচ.এম.বু য়েংশিনবা অমসুং মখোয়গী অফবা থবকশিংগী মতাংদা লান্থোকপা প্রজেন্সতেসন্না মখা তাগনি।

অনৌবা তেক্নোলোজী, এপ্লিকেসন শেমগৎপা অমসুং তেক্নোলোজী ত্রান্সফর, ইন্তেল্লেকচুএল প্রোপর্তী (আই.পি.) অমসুং নোলেজ বেজনা ওন্তোপ্রিনরশিংবু মখুৎ পায়দুনা তাকপীনবগীদমক্তা পেত্রোকেমিকেলগী লমদা পাংথোকপা আর. অমসুং দি.বু মখা তানা খুমাং চাউশিলহন্নবগীদমক্তা, দাঃ মনশুখ মন্দাবিয়ানা গিন্দীদা লৈবা সেন্ত্রেল ইন্সতিত্যুত ওফ পেত্রোকেমিকেল ইঞ্জিনিয়রিং অমসুং তেক্নোলোজী (সিপেত)কী ন্যু তেক্নোলোজী সেন্তরগী উরেপ উয়ুং তমগনি। মসিগী মতুংদা মহাক্না সিপেতকী ফেসিলিতীশিংদা চৎকনি। মহাক্না মানালীগী মদ্রাস ফর্তিলাইজর লিমিতেদ (এম.এফ.এল.), অমসুং অন্না নগরগী তি.এন.এম.এস.সি. দ্রগ ৱেয়রহাউসকী তমিল নাদু মেদিকেল সর্ভিসেস কোর্পোরেসন লিমিতেদতা চৎপগী থৌরাংসু লৈরি।

****