সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রীভেন্সেস, পেন্সনস, এতোমিক ইনর্জী এন্দ স্পেস, দা. জিতেন্দ্র সিংহনা হায়খি “পর্পল রিভোল্যুসন্না” এগ্রি-তেক স্তার্তঅপশিংদা মীৎয়েং চংলক্লি।

অখন্নবা মীদিয়া ইন্তর্ভ্যু অমদা দা. জিতেন্দ্র সিংহনা হায়খি মদুদি মোনিতরী রিতর্ন ৱাংনা লাকপনা মরম ওইদুনা জম্মু অমসুং কাশ্মিরদা লৈরিবা লৌমীশিংনা ত্রেদিস্নেল ফার্মিং তৌরম্বদগী লেবেন্দরগুম্বা এরোমা ক্রোপশিং চাউনা থানরক্লি। মহাক্না মখা তারদুনা হায়খি এরোমা ক্রোপশিং অসি ইকং অমসুং পেস্ত রেসিতেন্ত ওই অমসুং সি.এস.আই.আর.না য়ু.তি.শিংদা এগ্রি স্তার্ত-অপ বুন অসি চাউখৎহন্নবগীদমক মখল খুদিংমক্কী তেক্নিকেল সপ্পোর্ত পুম্নমক ফংহল্লি।

মন্ত্রীনা হায়খি মদুদি সি.এস.আই.আর.না উত্তরাখন্দ, হিমাচল প্রদেশ অমসুং অৱাং-নোংপোক্কী রাজ্যশিং অসিগুম্বা অইং-অশাগী ফীভম মান্নবা অতোপ্পা চীংগী রাজ্যশিংদা এরোমা ক্রোপশিং থাহন্নবা থৌরাং তৌরি।

দা. জিতেন্দ্র সিংহনা হায়খি, কেন্দ্রগী এরোমা মিসন, সি.এস.আই.আর.না তেংবাং পীরিবা অসিনা লৌমীশিংগী ৱাখল্লোন হোংহল্লি অমসুং ইন্দস্ত্রী কয়াদা শীজিন্ননবা মমল য়াম্বা থাওশিং শুংনবা মখোয় কয়ানা লেবেন্দর, লেমন গ্রাস, গুলাপ অমসুং শান্নরৈ অসিগুম্বা এরোমা ক্রোপশিং থাবা হেন্না হেনগৎলক্লি। মহাক্না হায়, লিতরদা লুপা ৯,০০০ দা য়োল্লিবা থাও অসি ধুপ শাবদা শীজিন্নৈ অমসুং রোম স্প্রে, কোস্মেতিক্স অমসুং থেরাপ্যুতিকশিংদসু শীজিন্নৈ।

দা. জিতেন্দ্র সিংহনা হায়, আই.আই.আই.এম. জম্মুনা এরোমা অমসুং লেবেন্দর ফার্মিং তৌরিবা স্তার্ত-অপশিংদা মখোয়গী পোত্থোকশিং য়োনবদা মতেং পাংলিবা অসি মীয়ামদা পাকশন্না খঙহনবা তঙাই ফদে। মুম্বাই বেজ অজমল বাইওতেক প্রাইবেৎ লিমিতেদ, অদিতি ইন্তর্নেস্নেল অমসুং নবনাইত্রিগমিতিকা অসিগুম্বা মমিং লৈরবা কম্পনীশিং অসিনা মপুং ওইবা বায়রশিং ওইরি হায়না মহাক্না মখা তাখি।

মমাংগী থাদা দা. জিতেন্দ্র সিংহনা লৈবাক অসিগী অহানবা ‘লেবেন্দর ফেস্তিবেল’ ভারতকী পর্পল রিভোল্যুসন হৌদোকখিবা মফম ওইরিবা ভদ্রৱাহদা হৌদোকখি অমসুং হায়খি মদুদি মসি হৌখিবা চহি কয়া অসিদা মীৎয়েং চংবীদ্রবা লমশিং অসি চাউখৎলবা লমদমশিংগা থাক মান্ননা পুখৎকনি হায়না ইং কুমজা ২০১৪দা পি.এম. ওইনা ৱাশক লৌখ্রবা মতুংদা প্রধান মন্ত্রী নরেন্দ্র মোদীনা ফোঙদোকখিবা, মহাক্কী মীৎয়েং শান্না উবা ঙম্বা ৱাখল্লোন্না মরম ওইদুনা ওইথোকপা ঙমহনখি।

দা. জিতেন্দ্র সিংহনা হায়খি এরোমা মিসন অসিনা লৈবাক শিনবা থুংবদগী স্তার্ত-অপ অমসুং এগ্রিকলচরিস্ত কয়াগী মীৎয়েং চীংশিল্লি অমসুং ফেস-Iদা সি.এস.আই.আর.না লম হেক্তর ৬,০০০ কলতিবেসন তৌবদা মতেং পাংখি অমসুং লৈবাক শিনবা থুংবদা লৈরিবা এস্পিরেস্নেল দিস্ত্রিক্তধ ৪৬ কোনশিনখি। মীওই ৪৪,০০০ হেন্না ত্রেন তৌখি অমসুং লৌমীশিংগী রিভেন্যু করোর কয়া পুথোকপা ঙমহনখি। এরোমা মিসনগী অনিশুবা ফেসতা লৈবাক শিনবা থুংবদা লৈরিবা লৌমীগী ইমুং ৭৫,০০০ হেনবদা কান্নবা ফংহন্নবা পান্দমগা লোয়ননা স্কিল হ্যুমেন রিসোর্স ৪৫,০০০ হেন্না এঙ্গেজ তৌনবা থৌরাং তৌরি।

সি.এস.আই.আর.-আই.আই.আই.এম.না জম্মু অমসুং কাশ্মিরগী দোদা, রামবন, কিশতবার, কথুৱা, উধমপুর, রাজৌরী, পুলৱামা, অনন্তনাগ, কুপৱারা অমসুং বান্দীপোরা জিলাশিংগী লৌমীশিংদা লেবেন্দ্র খঙহনখি। লৌমীশিংদা লেবেন্দর পাম্বীগী লেম্না ক্বালিতী লৈবা প্লান্তিং মেতরিএল অমসুং কলতিবেসন, প্রোসেসিং, ভেল্যু এদিসন অমসুং মার্কিংগী এন্দ-তু-এন্দ তেক্নোলোজী পেকেজ পীখি।

সি.এস.আই.আর.-আই.আই.আই.এম.না দিস্তিলেসন য়ুনিৎ ৫০ – ফিক্স ৪৫ অমসুং মোবাইল মঙা – সি.এস.আই.আর.-এরোমা মিসনগী মখাদা জে অমসুং কে শিনবা থুংবদা লৈরিবা তোঙান-তোঙানবা মফমশিংদা ইন্সতোল তৌখি।

লেবেন্দ্র কলতিবেসন অসিনা জম্মু অমসুং কাশ্মিরগী মনুং হঞ্জিনবা মফমশিংদা লৌমী অমসুং নহা ওইরিবা ওন্তপ্রিনোর ৫,০০০দা থবক পীরি। লৌমীগী ইমুং ১,০০০ হেনবনা একর ২০০ হেনবদা কলতিবেসন তৌরি।

<><><><><>

(Release ID: 1836386) Visitor Counter : 161