অসাম ৱান নেসন ৱান রেসন কার্দ চৎনবা ৩৬শুবা রাজ্য ওইরে। মসিগী লোয়ন্না রাজ্য/য়ু.তি ৩৬ মক মাইপাক্না ৱান নেসন ৱান রেসন কার্দ চৎনবদগী লৈবাক শীনবা থুংনা চানবা চীঞ্জাক ৱাৎত্রে।

হৌখিবা চহি অনিদা মায়োক্নখিবা কোবিদ-১৯ লাইচৎ মনুংদা মরুওইনা শিন্মীশিং অমসুং নফসাগী বেনিফিসরিশিংদা অতাবা মমলদা চেং ফংহনবদা ৱান নেসন ৱান রেসন কার্দনা অচৌবা থৌদাং লৌখি। ২০১৯গী অগস্ততা হৌদোকখিবা লৈবাক অসিগী মীয়াম য়াইফনবা থৌরাং অসি অতেনবা মতমগী মনুংদা য়াংনা থবক ওইনা পাংথোক্তুনা বেনিফিসরি কোতি ৮০ রোম কোনশিনখি।

বেনিফিসরিশিং য়াইফনবা পান্দম অমগী মখাদা পায়খৎখিবা থৌরম অসিনা লৈবাক অসিগী মফম অমদা হেক্ত লৈরিবা নফসাগী বেনিফিসরিশিং মখোয়গী চীঞ্জাক ৱাৎতনবা শক্তি পীবনি। বেনিফিসরিশিংনা হৌজিক পায়রিবা রেসন কার্দশিংনা মখোয়না অপাম্বা ফিয়ার প্রাইজ সোপ অমদগী ফংফম থোকপা সবসিদি পীরবা চেং(শরুক খর নত্ত্রগা লোইনা) লৌবা য়াগনি। মসিনা মখোয়গী ইমুং-মনুংগী মীওইশিংনা লেমহৌরিবা/দরকার ওইবা চেং অদু চপ মান্নবা রেসন কার্দ অদুনা মখোয়গী অশেংবা লৈফম/মখোয়না অপাম্বা মফম অমদগী লৌবা য়াগনি।

মসি অগস্ত ২০১৯দা হৌদোকখিবদগী, ৱান নেসন ৱান রেসন কার্দকী মখাদা পোর্তেবল ত্রান্সসেক্সন কোতি ৭১(নফসাগী কোতি ৪৩.৬ অমসুং পি.এম-জি.কে.এ.ৱাই ত্রান্সসেক্স কোতি ২৭.৮) পাংথোকখ্রে অমসুং লুপা কোতি ৪০,০০০ রোমগী চেং অতাবা মমলদা য়েন্থোকখ্রে। কোবিদ-১৯ মনুংদা পোর্তেবল ত্রান্সসেক্সন কোতি ৬৪(এপ্রিল ২০২০দগী হৌজিক ফাওবা) পাংথোক্তুনা লুপা কোতি ৩৬,০০০ রোমগী চেং অতাবা মমলদা য়েন্থোকখি।

পোর্তেবল ত্রান্সসেক্সন কোতি ৬৪ অসিগী মনুংদা, কোবিদ-১৯গী অৱাবা কোক্নবা নফসাগী বেনিফিসরিশিংদা অহেনবা চেং পীনবা মার্চ ২০২০দা লাউথোকখিবা প্রধান মন্ত্রী গরিব কলয়ান  অন্না য়োজনাগী মখাদা পাংথোকখিবা ত্রান্সসেক্সন কোতি ২৭.৮ য়াওরি। মসিগী মথক্তা, অতাবা মমলদা নফসাগী অমসুং প্রধান মন্ত্রী গরিব কলয়ান অন্না য়োজনাগী লেম্না চেং পীনবা হৌজিক থা অমদা চাংচত্তা ত্রান্সসেক্সন কোতি ৩ রোম পাংথোক্লি।

ৱান নেসন ৱান রেসন কার্দ থৌরাংগী অতোপ্পা শক্তম অমা ওইনা, থৌরাং অসিগী কান্নবা মপুংফানালৌনবা ‘মেরা রেসন’ মোবাইল এপ্লিকেসন শীজিন্নবা হৌরে। মোবাইল এপ্প অসিনা বেনিফিসরিশিংদা কান্নবা ই-পাউ ফংহল্লি অমসুং মসি লোন ১৩দা ফংহল্লে। হৌজিক ফাওবদা এপ্প অসি গুগল প্লে স্তোরদগী লাখ ২০ হেন্না দাউনলোদ তৌখ্রে।

*****