প্রধান মন্ত্রী শ্রী নরেন্দ্র মোদীনা মৈসুরু, কর্নাতকাদা লৈবা মৈসুরু পেলেস গ্রাউন্দদা মীওই লিংশিং কয়ানা শরুক য়াদুনা মাস য়োগ দেমোনস্ত্রেসন অমদা শরুক য়াদুনা ৮শুবা মালেমগী য়োগ নুমিৎ পাঙথোকখ্রে।

থৌরম অদুদা ৱা ঙাংলদুনা ইকাই খুম্নরবা প্রধান মন্ত্রীনা হায়খি, “য়োগনা ঐখোয়গী খুন্নাইদা, লৈবাকশিং অমসুং মালেমদা শান্তি পুরকই। য়োগনা ঐখোয়গী তাইবংপালদা শান্তি পুরকই। ৮শুবা মালেমগী য়োগ নুমিৎনা লাকপদা ঐহাক্না পুম্নমক্তা য়াইফ-মঙ্গোল পীজরি। য়োগদগী লাকপা শান্তি অসি মীওই খরা খক্তগী নত্তে, মসিনা ঐখোয়গী লৈবাক অমসুং মালেমদা শান্তি পুরকই”।  মহাক্না মখা তারদুনা হায়খি মদুদি, “তাইবংপাল পুম্বা অসি ঐখোয়গী হকচাং অমসুং থৱায়দগী হৌরকই। তাইবংপাল অসি ঐখোয়দগী হৌরকই। অমসুং, য়োগনা ঐখোয়গী নুংদা লৈরিবা পুম্নমক অসি খঙহল্লি অমসুং ৱাখল তাহল্লি”।

য়োগবু পাকশন্না পাম্নরকপা অসিগী মতাংদা প্রধান মন্ত্রীনা অসুম্না ফোঙদোকখি, “য়োগ অসি হৌজিক মালেমগী কুহ্মৈ অমা ওইরে। য়োগ অসি লনাই মীওইগী নত্তে, মসি অপুনবা মীওইবা জাতিগীদমক্নি। মরম অসিনা হন্দক্তি মালেমগী য়োগ নুমিৎকী থীম অসি – য়োগ ফোর হ্যুমেনিতীনা ওইরি”।

কেন্দ্রগী হকশেল অমসুং য়াইফ য়ুম্বাল মন্ত্রী, দা. মনসুখ মন্দাবিয়ানা ঙসি কেবরিয়াদা লৈবা স্তেচু ওফ য়ুনিতীদা গুজরাতকী প্রজাশিংগা লোয়ননা ৮শুবা মালেমগী য়োগ নুমিৎ ২০২২গী পালন থৌরমদা শরুক য়াখ্রে।

কোবিদ-১৯ লাইচৎনা মরম ওইদুনা য়োগ নুমিৎ অসি পীক্না মমিং ওইনা চহি অনি পাঙথোকলুরবা মতুংদা “য়োগ ফোর হ্যুমেনিতী” হায়বা পাউজেল অসি পীরিবা চহি অসিগী ৮শুবা আই.দি.ৱাই,. ২০২২গী ইদিসন অসি লৈবাক শিনবা থুংনা পাঙথোক্নরি।

নুমিৎ খুদিংগী য়োগ তৌবগী কান্নবগী মতাংদা পল্লদুনা কেন্দ্রগী হকশেল মন্ত্রীনা হায়খি মদুদি, “য়োগ অসি ঐখোয়গী অরিবা চৎনবীনা পীবিরম্বা মমল নাইদ্রবা খুদোল অমনি। য়োগনা ৱাখল অমসুং হকচাং, ৱাখল অমসুং থবক্কী অপুনবগী মশক তাক্লি। মসি ঐখোয়গী হকচাং অমসুং ঐখোয়গী হকচাং ফনা থম্বদা মরু ওইবা হোলিস্তিক এপ্রোচ অমনি”। মহাক্না মখা তাদুনা হায়, “য়োগ অসি শুপ্নগী শাজেল অমা খক্তা নত্তনা মসিনা ইশানা ইশাবু, মালেম অমদি মহৌশা অসিবু খঙজনবগী লম্বী অমসু ওইরি”।

অনা-অয়েক য়ৌদবা হকচাংগী কান্নবগী মতাংদা ফোঙদোক্লদুনা দা. মন্দাবিয়ানা হায়খি, “সমৃদ্ধ ভারতকীদমক ঐখোয়না স্বস্থ্য ভারত মথৌ তাই অমসুং স্বস্থ্য ভারতকীদমক স্বস্থ্য নাগ্রিক মথৌ তাই”। মহাক্না মখা তারদুনা হায়খি, “মশা-মউ ফবা লৈবাক খক্তনা চাউখৎপা লৈবাক ওইগনি। ঐখোয়না হকচাং ফনা লৈনবা অমসুং মশা-মউ ফবা লৈবাক ওইহন্নবা ৱাশক লৌরসি”। মহাক্না হায়, খোঙথাং অসিগী মাইকৈদা সরকারনা লৈবাক শিনবা থুংবদা এ.বি.-ঐচ.দবল্যু.সি. লাখ ১.৫ লিংখৎনবা থৌরাং তৌরি।

দা. মন্দাবিয়ানা প্রধান মন্ত্রীবু য়োগ অসি গ্লোবেল ওইহনবগীদমক থাগৎপা ফোঙদোকখি। মহাক্না হায়খি, “মালেমনা মতম মতমগী মতুং ইন্না ঐখোয়গী নাৎ, চৎনবী অসি লৌশিনখি। য়োগ অসি ভারত্তগী হৌদোকখিবা অরিবা ফিজিকেল, মেন্তেল অমসুং স্পিরিচুএল প্রেক্তিসনি। ঐখোয়গী অথোইবা মীৎয়েং শান্না উবা ঙম্বা প্রধান মন্ত্রী শ্রী নরেন্দ্র মোদীজীনা জেনরেল এসেমব্লীগী ৬৯শুবা সেসন হৌদোকপদা পীখিবা মহাক্কী ৱারোলদা মালেমগী য়োগ নুমিৎকী ৱাখল্লোন অসি অহানবা ওইনা পুখৎখি। য়ু.এন.জি.এ.না জুন ২১বু মালেমগী য়োগ নুমিৎ হায়না লাউথোক্লিবা অসি মহাক্কী পান্দমনি”।

চহি অসিগী মালেমগী য়োগ নুমিৎতা নুমিৎ থোরকপগা লোয়ননা তোঙান-তোঙানবা তাইম জোন ১৬তা মীয়াম্না য়োগ তৌবগী লাইব স্ত্রীমিং তৌরিবা ‘গর্জিয়ন রিং” য়াওনা অহানবা ওইখিবা কয়া উবা ফংখি। আজাদী কা অমৃত মহোৎসবকী শরুক ওইনা স্তেচু ওফ য়ুনিতী য়াওনা ভারতকী মমিং লৈরবা মফম ৭৫দা কেন্দ্রগী কেবিনেৎ মন্ত্রীশিংনা য়োগ দেমোনস্ত্রেসন তৌরি। মৈসুরু দসহরা গ্রাউন্দ, মৈসুরুদা অখন্নবা দিজিতেল য়োগ অমসুং স্তেতিক একজিবিসন পাঙথোক্লি।

*****