سرحدی انتظام اور سلامتی کے معاملات سے متعلق مختلف امور پر متعدد امور پر تبادلہ خیال کرنے والے بھارت-نیپال مشترکہ ورکنگ گروپ (جے ڈبلیو جی) کا بارہواں اجلاس 15 اور 16 جون کو نئی دہلی میں منعقد ہوا۔ ان دو روزہ مذاکرات کے دوران بھارتی وفد کی قیادت وزارت داخلہ کے جوائنٹ سکریٹری (بارڈر مینجمنٹ) نے اور نیپالی فریق کی قیادت نیپال کی وزارت داخلہ کے جوائنٹ سکریٹری نے کی۔

دونوں فریقوں نے نیپال کے شہر پوکھارا میں 10 سے 11 فروری 2015 کو منعقدہ گذشتہ جے ڈبلیو جی میں کیے گئے فیصلوں کا جائزہ لیا۔ انھوں نے سرحد پار مجرمانہ سرگرمیوں، سرحدی بنیادی ڈھانچے کو مضبوط بنانے، سلامتی سے متعلق مختلف اداروں کو بااختیار بنانے اور صلاحیت سازی، دہشت گردی اور مجرمانہ سرگرمیوں کے انسداد سے متعلق امور پر بھی غور کیا۔ مشترکہ ورکنگ گروپ نے اس سے قبل ہونے والے بارڈر ڈسٹرکٹ کوآرڈینیشن کمیٹی (بی ڈی سی سی) کے اجلاسوں اور دونوں فریقوں کے درمیان ہونے والے باہمی قانونی معاونت معاہدے، حوالگی معاہدے اور دیگر مفاہمتی عرضداشتوں پر دستخط پر ہونے والی پیش رفت کا بھی جائزہ لیا۔

نیپالی وفد نے اگلے سال نیپال میں ہونے والے اگلے جے ڈبلیو جی کے لیے بھارتی وفد کو دعوت دی۔

***

U. No. 6741

(ش ح - ع ا- ع ر)