ভারত সরকারগী সোসিএল জজতিস অমসুং ইমপ্বারমেন্ত মিনিস্ত্রিগী এ.দি.আই.পি স্কিমগী মখাদা দিবয়াংজনশিংদা এদস অমসুং এসিস্তিপ দিভাইসশিং য়েন্থোক্নবা ‘সমাজিক অধিকারি সিবির’ অমা ইমপ্বারমেন্ত ওফ পর্সন্স ৱিথ দিসএবিলিতিস দিপার্তমেন্তনা অলিমকো অমসুং বিশ্বনাথ দিস্ত্রিক এদমিনিসত্রেসনগা লোয়ন্না ঙসি অসামগী বিশ্বনাথ চারিয়ালিদা লৈবা কামালাকান্তা নত্য সমাজদা পাংথোকখ্রে।

ভিদিও কনফরেন্সকী খুৎথাংদা থৌরম অদু ভারত সরকারগী সোসিএল জজতিস অমসুং ইমপ্বারমেন্তগী য়ুনিয়ন মিনিস্তর কুমারি প্রতিমা ভৌমিকনা চীফ গেস্ত ওইদুনা হৌদোকখি অমসুং থৌরম পাংথোকফম অসামগী বিশ্বনাথ জিলাদা তেজপুর কেন্দ্রগী এম.পি শ্রী পাল্লাব লোচান দাস, বিশ্বনাথ এল.এ.সিগী এম.এল.এ শ্রী প্রমোধ বোরথাকুর শরুক য়াখি।

অলিমকোনা শীন্দুনা বিশ্বনাথ চারিয়ালি জিলাদা পাংথোকখিবা এসেসমেন্ত কেম্পশিংদা মাংজৌন্না মশক খঙদোকখ্রবা দিবয়াংজন ২৫৬১দা লেম্না লুপা লাখ ২১৮.৮৩ রোমগী এদস অমসুং এসিস্তিপ দিভাইস পুন্না ৪৫৭৩ য়েন্থোক্কনি।  

থৌরম অদুদা ভিদিও কনফরেন্সকী খুৎথাংদা মীয়ামদা ৱা ঙাংবদা য়ুনিয়ন মিনিস্তর কুমারি প্রতিমা ভৌমিকনা হায়খি দিবয়াংজনগী য়াইফনবা কেন্দ্র সরকারনা থবক পায়খৎলি অমসুং প্রধান মন্ত্রী নরেন্দ্র মোদীগী ‘সবকা সাথ সবকা বিকাস’ হায়বা পান্দম অসিগী মখাদা থবক চৎথরি। মসিগা চপ মান্নবা পোৎলমশিং য়েন্থোকপগী কেম্প অমা হয়েং সোনিতপুর জিলাদা পাংথোক্কনি। য়ুনিয়ন মিনিস্তরনা মখা তানা হায়খি দিবয়াংজনশিংদা য়াইফনবা কেন্দ্র সরকারনা মীকুপ-নাহুম শিংনা থবক পায়খৎলি অমসুং দিবয়াংজনশিং য়াইফনবা হিরম কয়াদা হায়বদি শান-খোৎনবা, স্কিল দিবলপমেন্ত, লাইরিক-লাইশু অমসুং ইনফ্রাস্ত্রকচরগী লমদা মিনিস্ত্রিনা থবক কয়া পায়খৎলি।

য়ুনিয়ন মিনিস্তরনা হায়খি হকচাংগী ফিবমদা মীমান্নদ্রবশিংগী হকশিং ফংবা হেনগৎহন্নবা অমসুং খুদোংচাবা কয়া পীনবা সরকারনা অনৌবা এক্ত হায়বদি রাইত তু পর্সন ৱিথ দিসএবিলিতি এক্ত ২০১৬ চৎনরে অমসুং অনৌবা এক্ত অসিগী মখাদা হৌজিক হকচাংগী ফিবম শোইনাইবা মখল ৭দগী মখল ২১দা হেনগৎলে অমসুং সরকারগী থবকশিং চংবদা দিবয়াংজনশিংগী কোতা চাদা ৩দগী চাদা ৪দা হেনগৎলে। সরকারগী বিল্দিং ২৪ দিবয়াংজনশিং চংবা য়ানবা অমসুং অপনবা লৈতনবা সুগময়া ভারত অভিয়ানগী মখাদা মিনিস্ত্রিনা অসামদা লুপা কোতি ৬.৯৮ থাদোকখ্রে। লুপা কোতি ৬.৮গী স্কোলারসিপ পীবদা দিবয়াংজন ২১৯৭ য়াওরি। অসামগী কামপুরপ জিলাদা য়ুনিভর্সিতি অমা লিংখৎনবা লম লৌশিনবগী থবক লোইরে অমসুং দি.পি.আর শেম্বশু লোইরে।

মহাক্কী কেন্দ্রদা দিবয়াংজনশিংগী য়াইফনবা তেংবাং পোৎলমশিং য়েন্থোকপগীদমক তেজপুরগী এম.পি শ্রী পাল্লাব লোচান্না মিনিস্ত্রি অমসুং কেন্দ্র সরকার থাগৎপা ফোঙদোকখি।

দিবয়াংজনশিংদা য়েন্থোকখিবা পোৎলমশিংগী মনুংদা মোতর পানবা ত্রাইসাইকল ৭৪, ত্রাইসাইকল ১৫৮, হুইলচিয়ার ৮৯২, ক্রুতচেস ৮৭৪, চৈশু ৩২৮, রোল্লাতোর ৬০, স্মার্দ ফোন ৬, ব্রাইল কিত ১৪, ব্রাইল সোল্ত ১, সি.পি চিয়ার ৮০, এম.এস.আই.ই.দি কিত ৩৭১, এ.দি.এল কিত ১ অমসুং হিয়ারিং এদ ১৫০০ য়াওখি।

এসিস্তেন্স তু দিসএবল পর্সন্স(এ দি আই পি)স্কিমগী মখাদা পাংথোকপা কেম্প অসি দিয়াংজনশিংদা এদস অমসুং খুৎলায়শিং পীনবা খ্বাইদগী মমিং চৎলবা স্কিমনি অমসুং মসি ভারত সরকারগী সোসিএল জজতিস অমসুং ইমপ্বারমেন্ত মিনিস্ত্রিগী পি.এস.য়ু অমা ওইরিবা  আর্তিফিসিএল লিম্বস মেনুফেকচরিং কোরপোরেসন ওফ ইন্দিয়া(অলিমকো)না শীনবনি অমসুং স্কিম অসি রাজ্য/জিলাগী ওথোরিতিশিংগা পুন্না পাংথোকমিন্নবনি।

থৌরম অদুদা বিশ্বনাথ জিলাগী দিপুতি কম্মিসনর শ্রী মুনিন্দ্র নাথ, বিশ্বনাথকী এস.পি নবিন সিংহ অমসুং অলিমকোগী ওফিসিএলশিং শরুক য়াখি।

থৌরম অসিগী  য়ুতুব লিঙ্ক মখা অসিদা লৈরে:

https://www.youtube.com/watch?v=0_ZgjEZj1K8

****

(রিলিজ আই.দি.: 1835689) ভিজিতর কাউন্তর : 176