21 جون کو پوری دنیا میں یوگ کا بین الاقوامی دن منایا جائے گا۔ یوم یوگا کی الٹی گنتی کے حصے کے طور پر ملک کے مختلف علاقوں میں پروگرام کا انعقاد کیا جارہا ہے۔ اطلاعات و نشریات، ماہی پروری، مویشی پروری اور ڈیری کے وزیر مملکت ڈاکٹر ایل موروگن نے آج کنیا کماری کے وویکانند مرکز کے میدان میں یوگ کے دن کی الٹی گنتی کے ایک پروگرام سے خطاب کیا۔ انھوں نے کہا کہ وزیراعظم نریندر مودی کی کوششوں سے اقوام متحدہ نے 21 دسمبر 2014 کو  ہر سال 21 جون کو  یوگ کا بین الاقوامی دن منانے کا اعلان کیا۔ انھوں نے کہا کہ  گذشتہ 8 برسوں سے ہر سال یوگ کا بین الاقوامی دن منایا جارہا ہے۔ واضح ہو کہ  بھارت اس سال آزادی کا 75ویں سال کا جشن منارہا ہے،  مختلف وزارتوں اور محکموں کے ذریعے 75 دنوں سے یوگ کے دن کی الٹی گنتی کے پروگرام منعقد کئے جارہے ہیں۔

وزیر موصوف نے بتایا کہ آج ماہی پروری، مویشی پروری اور ڈیری کی وزارت نے یوگ کے دن کی الٹی گنتی کی تقریب کا انعقاد کیا  ہے۔  یوگ جس کی ابتدا ہمارے ملک میں ہوئی، اب پوری دنیا  اس پر عمل کررہی ہے۔  ڈاکٹر موروگن نے کہا کہ روزانہ یوگ آسن کرنے سے  نوجوان صحتمند رہ سکتے ہیں۔  انھو ں نے کہا کہ 75 ہزار سے زیادہ  نوجوان آئندہ یوگ کے بین الاقوامی دن پر یوگ آسن کریں گے۔ کنیا کماری میں منعقد اس تقریب میں کنیا کماری کے  ضلع کلکٹر جناب اروند،  نگر کوئل سے ایم ایل اے جناب ایم آر گاندھی نے شرکت کی۔

*****

ش ح۔ ن ر

U NO: 6518