ইলেক্সন কমিসন
রাস্ত্রপতি মীখল, ২০২২
Posted On:
16 JUN 2022 11:49AM by PIB Imphal
ইন্দিয়া এক্সত্রাওর্দিনারী গেজেত্তা ঙসি (জুন ১৫, ২০২২) থোকখিবা নোতিস অমগী মতুং ইন্না, ইলেক্সন কম্মিসন্না রাস্ত্রপতি মীখল ২০২২গী সেদ্যুলবু মখাদা পীরিবা অসিগুম্না লেপ্লেঃ
১) নোমিনেসন পীশিনবগী অরোইবা নুমিৎনা জুন ২৯, ২০২২;
২) নোমিনেসন স্ক্রুতিনী তৌবগী অরোইবা নুমিৎনা জুন ৩০, ২০২২;
৩) মীখল ওইজররোই হন্দোকপগী অরোইবা নুমিৎনা জুলাই ২, ২০২২; অমসুং
৪) মীখল পাংথোক্কদবা নুমিৎ, তঙাই ফদবগী মতুং ইন্না, অসিনা জুলাই ১৮, ২০২২।
জুন ১৩, ২০২২দা থোকপা অতোপ্পা নোমিনেসন অমগী মখা পোন্না, কম্মিসন অসিনা রাজ্য সভাগী সেক্রেতরী জেনেরেল, শ্রী পি.সি. মোদীবু রাস্ত্রপতি মীখল ২০২২গী রিতর্নিং ওফিসর অমসুং ওফিসর ওন স্পিসিএল দ্যুতী (ও.এস.দি.), শ্রী মুকুল পান্দে অমসুং রাজ্য সভা সেক্রেতরিএতকী চীফ ভিজিলেন্স ওফিসর অমসুং জোইন্ত সেক্রেতরী, শ্রী সুরেন্দ্র কুমারবুনা এসিস্তেন্ত রিতর্নিং ওফিসর ওইনা খল্লে।
প্রসিদেন্সিএল অমসুং ভাইস-প্রসিদেন্সিএল ইলেক্সন রুল, ১৯৭৪গী রুল ৩গী তঙাই ফদবগী মতুং ইন্না, রিতর্নিং ওফিসরনা ঙসি, জুন ১৫, ২০২২দা থোকপা পব্লিক নোতিস অমগী খুত্থাংদা মখাগী ৱারোলশিং খঙহল্লিঃ
১) নোমিনেসন পেপর অসি কেন্দিদেত মশানা নত্ত্রগা নহাক্কী প্রোপোজর নত্ত্রগা সেকেন্দরনা মখাদা খুৎয়েক পীরিবা অসিগী নই দিল্লীগী পার্লিয়ামেন্ত হাউস, রুম-২৯, গ্রাউন্দ ফ্লোর্দা লৈবা ওফিস্তা; নত্ত্রগা কেন্দিদেত মশা য়াওবা ঙমদবা তঙাই ফদবা ফিভম লৈরগদি, এসিস্তেন্ত রিতর্নিং ওফিসর ওইরিবা ওফিসর ওন স্পিসিএল দ্যুতী (ও.এস.দি.), শ্রী মুকুল পান্দে/ রাজ্য সভা সেক্রেতরিএতকী চীফ ভিজিলেন্স ওফিসর অমসুং জোইন্ত সেক্রেতরী, শ্রী সুরেন্দ্র কুমারদা মথক্তা পনখ্রিবা মান্নবা ওফিস অসিদা নুমিৎ অমা হেক্তদা (মীয়ামগী ছুতী নুমিৎ নত্তনা) অমসুং জুন ২৯, ২০২২দগী থেংথদনা অয়ুক্কী পুং ১১ অমসুং নুংথিলগী পুং ৩গী মরক্তা পীশিনবা য়াগনি;
2) কেন্দিদেত অসিনা ইলেক্তর ওইনা রেজিস্তর তৌবা পার্লিয়ামেন্তরী কন্সতিত্বেন্সীগী ইলেক্তোরেল রোলদা য়াওবা মরী লৈনবা এন্ত্রীগী সর্তিফাইদ কোপী অমনা মহাক্কী নোমিনেসন পেপরগা লোয়নরক্কদবনি;
৩) কেন্দিদেত খুদিংনা লুপা লিশিং তরামঙাগী শেনফম দিপোজিত তৌগদবনি। হায়রিবা শেনফম অসি নোমিনেসন পেপর পীবা মতমদা রিতর্নিং ওফিসরগী মফমদা শেল ওইনা দিপোজিত তৌবা নত্ত্রগা রিজর্ব বেঙ্ক ওফ ইন্দিয়া নত্ত্রগা সরকারগী ত্রেজরীদা হান্ননা দিপোজিত তৌবসু য়াই, মসিগী মতাংদা, শেনফম অসি দিপোজিত তৌখ্রে হায়বগী চেনীং অদু নোমিনেসন পেপরগা লোয়নরক্কদবনি;
৪) নোমিনেসন পেপরগী ফোর্মদি মথক্তা পীরিবা ওফিস অসিদগী পনখ্রিবা পুংশিংগী মনুংদা লৌবা য়াগনি;
৫) নোমিনেসন পেপরশিং, এক্ত অসিগী সেক্সন ৫-বি.গী সব-সেক্সন (৪)গী মখাদা চৎনদ্রে তাকখ্রবা নত্তনা, অসিবু জুন ৩০, ২০২২, শগোলশেল নুমিৎকী অয়ুক্কী পুং ১১দা নই দিল্লীগী পার্লিয়ামেন্ত হাউস, রুম-২৯, গ্রাউন্দ ফ্লোর্দা লৈবা ওফিস্তা স্ক্রুতিনী তৌনবগীদমক্তা লৌখৎকনি;
৬) কেন্দিদেত অমনা মীরেপ ওইররোই হায়বগী নোতিস অসি কেন্দিদেত মশানা নত্ত্রগা থৌওং অসি পাংথোক্নবগীদমক্তা মহাক মশানা অইবা ওইনা অয়াবা পীরবা মহাক্কী প্রোপোজর নত্ত্রগা সেকেন্দর অমা হেক্তনা পেরাগ্রাফ (১)দা পল্লিবা মফমদা জুলাই ২, ২০২২দা নুংথিলগী পুং অহুমগী মমাঙদা পীশিল্লকপা য়াগনি;
৭) করিগুম্বা মীখল অসি থেংনবগী ফিভম লাক্লবদি, রুলগী মখাদা মীখল পাংথোক্কনি লেপখিবা মফমশিংদা জুলাই ১৮, ২০২২, নিংথৌকাবা নুমিৎকী অয়ুক্কী পুং ১০ অমসুং নুংথিলগী পুং ৫গী মনুংদা মীখল পাংথোক্কনি।
মসিগী নোতিফিকেসন অমসুং পব্লিক নোতিসশিংবু রিতর্নিং ওফিসরনা রাজ্য/য়ুনিয়ন তেরিতোরী গেজেৎ খুদিংদা মতম অমত্তদা থাদোক্নবা শেম শাবা লোইখ্রে।
মীখলগী থৌওংগা মরী লৈনবা ৱাহং লৈরবদি, রাস্ত্রপতি মীখল ২০২২গী রিতর্নিং ওফিসর অমসুং রাজ্য সভাগী সেক্রেতরী জেনেরেল, শ্রী পি.সি. মোদীগী মফমদা, মহাক্কী ওফিস (নই দিল্লীগী পার্লিয়ামেন্ত হাউস, রুম-২৯, গ্রাউন্দ ফ্লোর) অসিদা নোমিনেসন পেপর পীশিনবগী লেপ্লবা মতম, জুন ১৮, ২০২২গী মনুংদা (মীয়ামগী ছুতী নুমিৎ নত্তনা) থাংজ নুমিৎ য়াওনা ৱর্কিং দে খুদিংগী নুংথিলগী পুং ৩.৩০ অমসুং ৪.৩০গী মনুংদা পাউ ফাওবা য়াগনি।
****
(Release ID: 1834486)
Visitor Counter : 154