য়ুমলৈ-কৈরৈ মন্ত্রালয়
প্রধান মন্ত্রী শ্রী নরেন্দ্র মোদীনা ‘অগ্নিপাথ য়োজনা’ হৌদোকপগীদমক য়ুনিয়ন হোম অমসুং কোওপরেসন মিনিস্তর শ্রী অমিত সাহনা প্রধান মন্ত্রী থাগৎখ্রে
শ্রী অমিত সাহনা হায়খি স্কিম অসিনা নহারোলশিংগী অফবা তুংগী পুন্সি অমা ফংগনি অমসুং আর্মদ ফোর্সশিংদা শরুক য়াদুনা লৈবাক অসিগী সেবা তৌনবগী খুদোংচাবা অমা ফংগনি
মসিনা নহারোলশিংগী তৌবা ঙম্বা অমসুং হৈথোই-শিংথোইবা হেনগৎহনগনি অমসুং লৈবাক অসিগী ঙাক-শেনগী থবক মপাঙ্গল কনখৎহনগনি
‘অগ্নিপাথ য়োজনা’ অসি অনৌবা থৌরাং অমনি, মসিনা অরোন-অথুপ লৈতবা থৌরাং অমগী খুৎথাংদা চহি ১৭ মখাই অমসুং চহি ২১ ফাওবগী নহারোলশিং আর্মদ ফোর্সশিংদা চহি ৪ থবক তৌদুনা লৈবাক্কী সেবা তৌগনি অমসুং থবক মতম লোইরবা মতুংদা, মখোয়না তেক্স লৌদবা লুপা লাখ ১১.৭১গী ফন্দ পেকেজ অমা ফংগনি অমসুং মখোয় শেন-থুমগী শক্তি পীগনি
‘অগ্নিপাথ য়োজনা’ অসি নহারোলশিং মখোয় মশামক অমসুং লৈবাক অসি অফবা তুংলমচৎ অমা শেম্নবা অঙকপা খুদোংচাবা অমনি
শ্রী নরেন্দ্র মোদীগী মীৎয়েং শানবা ৱারেপ অসিনা নহারোলশিং থকশি-খাসি, হৈশিংবা অমসুং হকচাং ফবা লৈহন্দুনা অমসুং মখোয়দা শেন-থুমগী শক্তি পীদুনা ভারতকী নহারোলশিং মশা মরোমদোম লেপচবা ঙমহনগনি অমসুং তশেংনা মশা মরোমদোম লেপচবা ঙম্বা ভারতকী য়ুম্ফম থোনগনি
Posted On:
14 JUN 2022 4:55PM by PIB Imphal
লৈবাক অসিগী নহারোলশিংগী অফবা তুংগী পুন্সি অমা ফংহন্নবা অমসুং আর্মদ ফোর্সশিংদা শরুক য়াদুনা লৈবাক অসিগী সেবা তৌনবগী খুদোংচাবা অমা পীনবা ‘অগ্নিপাথ য়োজনা’ লাউথোকপগীদমক য়ুনিয়ন হোম অমসুং কোওপরেসন মিনিস্তর শ্রী অমিত সাহনা প্রধান মন্ত্রী শ্রী নরেন্দ্র মোদী থাগৎখ্রে।
ত্বুইতশিংগী পরি অমদা, য়ুনিয়ন হোম মিনিস্তরনা হায়খি “নহারোলশিংগী অফবা তুংগী পুন্সি অমা ফংহন্নবা অমসুং আর্মদ ফোর্সশিংদা শরুক য়াদুনা লৈবাক অসিগী সেবা তৌনবগী খুদোংচাবা অমা পীনবা শ্রী মোদীনা ‘অগ্নিপাথ য়োজনা’ লাউথোক্লে। মসিনা মখোয়গী তৌবা ঙম্বা অমসুং হৈথোই-শিংথোইবা হেনগৎহনগনি অমসুং লৈবাক অসিগী ঙাক-শেনগী থবক মপাঙ্গল কনখৎহনগনি।ৱারেপ অসিগীদমক ঐনা প্রধান মন্ত্রী শ্রী নরেন্দ্র মোদী থাগৎচরি”।
শ্রী অমিত সাহনা হায়খি “অগ্নিপাথ য়োজনা’ অসি অনৌবা থৌরাং অমনি। মসিনা অরোন-অথুপ লৈতবা থৌরাং অমগী খুৎথাংদা চহি ১৭ মখাই অমসুং চহি ২১ ফাওবগী নহারোলশিং আর্মদ ফোর্সশিংদা চহি ৪ থবক তৌদুনা লৈবাক্কী সেবা তৌগনি অমসুং থবক মতম লোইরবা মতুংদা, মখোয়না তেক্স লৌদবা লুপা লাখ ১১.৭১গী ফন্দ পেকেজ অমা ফংগনি অমসুং মখোয় শেন-থুমগী শক্তি পীগনি”।
শ্রী অমিত সাহনা হায়খি, “‘অগ্নিপাথ য়োজনা’ অসি নহারোলশিং মখোয় মশামক অমসুং লৈবাক অসি অফবা তুংলমচৎ অমা শেম্নবা অঙকপা খুদোংচাবা অমনি। শ্রী নরেন্দ্র মোদীগী মীৎয়েং শানবা ৱারেপ অসিনা নহারোলশিং থকশি-খাসি, হৈশিংবা অমসুং হকচাং ফবা লৈহন্দুনা অমসুং মখোয়দা শেন-থুমগী শক্তি পীদুনা ভারতকী নহারোলশিং মশা মরোমদোম লেপচবা ঙমহনগনি অমসুং তশেংনা মশা মরোমদোম লেপচবা ঙম্বা ভারতকী য়ুম্ফম থোনগনি”।
*****
(Release ID: 1834024)
Visitor Counter : 140