نئی دہلی۔ 11 جون          مرکزی وزیر ڈاکٹر جتیندر سنگھ نے جموں و کشمیر کے ادھم پور کے مجالٹا میں کہا کہ وزیر اعظم نریندر مودی جمہوریت کے حقیقی جوہر ہیں، جس میں ایک عام آدمی جو عاجزانہ پس منظر تعلق رکھتا ہے وہ محض قابلیت اور عوام کی عوامی حمایت کی بنیاد پر اعلیٰ مقام تک پہنچ سکتا ہے۔

آج ایک میٹنگ سے خطاب کرتے ہوئے ڈاکٹر جتیندر سنگھ نے کہا کہ جمہوریت کا اصل جوہر یہ ہے کہ جب بھی کوئی بچہ پیدا ہوتا ہے، چاہے اس کے گھر کی سماجی یا معاشی حیثیت یا نسب کچھ بھی ہو، ماں کو یہ یقین ہونا چاہیے کہ وہ  یہ خواب دیکھے کہ اس کے بچے کو  بھی جمہوری نظام کی درجہ بندی میں اعلیٰ مقام حاصل کرنے کا موقع ملے ۔ اگر ایسا ہے تو، وزیر اعظم کے عہدے پر مودی کے عروج نے جمہوری طاقت اور ہندوستان کی اقدار میں عام لوگوں کا اعتماد بحال کیا۔ اس کے ساتھ ہی، اس نے خاندانی نظام کے خاتمے کو بھی نشان زد کیا جس کے نتیجے میں مرکز میں متواتر نسلی  خاندانوں کی حکمرانی تھی۔

ڈاکٹر جتیندر سنگھ نے بتایا کہ گزشتہ آٹھ سالوں کے دوران وزیر اعظم ایم مودی کی طرف سے سماج کے محروم طبقوں کے فائدے کے لیے جو عوامی فلاحی اسکیمیں اور پروگرام متعارف کروائے گئے ہیں وہ درحقیقت بی جے پی کی چھ دہائیوں کی جدوجہد کا نتیجہ ہے جس کے تحت ’’کسی کی خوشنودی نہیں، انصاف سب کے لیے‘‘ کے اصول پر مبنی حکمرانی کا نظام قائم کیا گیا ہے۔ انہوں نے کہا کہ وزیر اعظم کا عہدہ سنبھالنے کے فوراً بعد مودی نے اپنے آپ کو غریبوں کی خدمت اور ملک کے محروم  طبقات اور خطوں کی مساوی ترقی کا عہد کیا تھا۔ انہوں نے مزید کہا کہ آج پیچھے مڑ کر دیکھا جائے تو کوئی واضح طور پر کہہ سکتا ہے کہ انہوں نے اپنی باتوں  پر عمل کیا ہے۔

ڈاکٹر جتیندر سنگھ نے کہا کہ مودی کی فلاحی اسکیموں کی ایک اور نمایاں خصوصیت یہ ہے کہ انہوں نے ملک میں ایک نیا کلچر اور ایک نیا سیاسی کلچر متعارف کرانے کی کوشش کی ہے۔ اجولا اسکیم اور پی ایم آواس یوجنا کے فائدے ذات، عقیدہ اور مذہب ، یہاں تک کہ سیاسی وابستگی یا ووٹ بینک کے تحفظات سے قطع نظر ضرورت مندوں تک پہنچے۔

جہاں تک ادھم پور-کٹھوعہ-ڈوڈا لوک سبھا حلقہ کا تعلق ہے، ڈاکٹر جتیندر سنگھ نے کہا، نہ صرف قومی سطح کے پروجیکٹ جیسے دیویکا  ندی پروجیکٹ اور پاکل ڈول ہائیڈرو پاور پروجیکٹ شروع کیے گئے ، بلکہ شاہ پور-کنڈی پروجیکٹ اور ریٹل پروجیکٹ جیسے کئی زیر التوا پروجیکٹوں کو متعارف کرایا گیا ۔ اسی کے ساتھ ، شمالی ہندوستان کا پہلا صنعتی بایوٹیک پارک، کٹرا سے دہلی تک پہلا ایکسپریس کوریڈور شروع کیا گیا اور ایک ہی حلقے میں تین سرکاری میڈیکل کالج کا ہونا نایاب ہے۔

اس موقع پر پمفلٹ بھی تقسیم کیے گئے جس میں ادھم پور-کٹھوعہ -ڈوڈا لوک سبھا حلقہ میں گزشتہ آٹھ سالوں کے دوران شروع کیے گئے 75 بڑے ترقیاتی پروجیکٹوں کی نشاندہی کی گئی ہے۔

ڈاکٹر جتیندر سنگھ نے بوتھ سطح کی میٹنگ سے بھی خطاب کیا اور دورے کے دوران ایک دلت خاندان سے ملاقات کی۔ ان کے ساتھ جموں و کشمیر بی جے پی کے نائب صدر پون کھجوریا اور مقامی سرپنچ، پنچ اور پی آر آئی بھی موجود تھے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

U-6403