চহি মঙা লেপলুরবা মতুংদা স্বিৎজর্লেন্দগী জিনিভাদা জুন ১২, ২০২২দগী তরানিথোইশুবা দবল্যু.তি.ও. মিনিস্ত্রিএল কনফরেন্স পাঙথোক্নবা শেম-শাবা লোইখ্রে। চহি অসিগী কনফরেন্সকী খন্ন-নৈন্নবা অমসুং নেগোসিএসনগী মরু ওইবা লমশিং অসিদা দবল্যু.তি.ও.গী পেন্দেমিক রেস্পোন্স, ফিশরীজকী সবসিদীশিংগী নেগোসিএসনশিং, ফুদ সেক্যুরিতীগী পব্লিক স্তোকহোল্দিং য়াওনা লৌউ-শিংউগী সমস্যাশিং, দবল্যু.তি.ও. রিফোর্মশিং অমসুং ইলেক্ত্রোনিক ত্রান্সমিসনগী কস্তম দ্যুতীশিংগী মোরাতোরিয়ম য়াওরি।

কনফরেন্স অসিদা শরুক য়ানবা অচৌবা ভারতকী দেলিগেসন অমা কম্মর্স অমসুং ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইলসগী কেন্দ্রগী মন্ত্রী, শ্রী পিয়ুশ গোয়লনা লুচিংগনি। ভারতনা লৈবাক অসিগী স্তেকহোল্দর পুম্নমক্কী অপাম্বা লোয়ননা দবল্যু.তি.ও. য়াওনা মলতিলেতরেল ফোরমশিংদা ভারতকী লুচিংবগী মওং অসিদা থাজবা থম্লিবা চাউখৎলক্লিবা অমসুং লায়রবা লৈবাকশিংগী অপাম্বশিং ঙাকশেনবদা মরু ওইবা থৌদাং লৌরি।

লৌউ-শিংউ

লৌউ-শিংউগী সেক্তরদা মে ২০২২দা দি.জি.-দবল্যু.তি.ও.না লৌউ-শিংউ, ললোন-ইতিক অমসুং ফুদ সেক্যুরিতী অঞসুং এক্সপোর্ত তৌবদা থম্লিবা অথিংবশিং অসিদগী ৱর্ল্দ ফুদ প্রোগ্রামগী একজম্পসনগী মতাংদা নেগোসিএসনশিং তৌবগী দ্রাফ তেক্ত অহুম পুথোকখি। ভারতনা দ্রাফ তৌরবা ৱারেপশিংগী প্রোবিজন খরগী রিজর্বেসনশিং থম্লি অমসুং হৌজিক লৈরিবা মিনিস্ত্রিএল মেন্দেৎশিংদা অকাইবা পীদবা ম্জোংদা এগ্রীমেন্ত ওন এগ্রিকলচরগী মখাদা হকশিং ঙাক শেন্দুনা থম্বা ঙম্নবগী খন্ন-নৈনবা অমসুং নেগোসিএসনশিংগী থৌওংদা শরুক য়ারি।

দবল্যু.তি.ও.দা তৌরিবা নেগোসিএসনগী মখাদা মরূ ওইবা সমস্য অমদি ভারতকী মিনিমম সপ্পোর্ত প্রাইস (এম.এস.পি.)দা চেং-হৱায় লৈশিনবগী প্রোগ্রাম ঙাকশেনবা অসিগা মরী লৈনরি। অসিগুম্বা প্রোগ্রামশিং অসিদা লৌমীশিংদগী এদমিনিস্তর্দ প্রাইসশিংদা লৈবা য়াওরি অমসুং লৈবাক অসিদা লৈরিবা লৌমী অমদি কঞ্জুমরশিংদা পীবা অচৌবা মতেংনি। দবল্যু.তি.ও.গী কাংলোনশিংনা লৈশিল্লিবা পোত্থোকশিং অসিদা পীরিবা সবসিদীদা অকক্নবা অমা থম্মি। মসিগী হীরম অসি জি-৩৩, ভারতনা মরু ওইবা মেম্বর অমা ওইরিবা চাউখৎলক্লিবা লৈবাকশিং অমসুং অফ্রিকন গ্রুপকী কোলিসন অসিনা দবল্যু.তি.ও.দা নেগোসিএৎ তৌরি, মখোয়না মে ৩১, ২০২২দা ফুদ সেক্যুরিতী প্রপোজেলগী পব্লিক স্তোকহোল্দিংগী সমস্যগী পর্মিনেন্ত সোল্যুসন অমগী প্রপোজেল অমা পীশিনবদা এ.সি.পি. গ্রুপকা পুনশিন্নখি। ভারতনা মেম্বর ৩৮না কো-স্পোন্সরশিপ তৌবা সেপ্তেম্বর ১৫, ২০২১দা দবল্যু.তি.ও.দা ফুদ সেক্যুরিতীগী মতাংদা পি.এস.ঐচ.কী পর্মিনেন্ত সোল্যুসন অমগীদমক জি.-৩৩ প্রপোজেল অমা কো-স্পোন্সর্দ তৌখি।

নেগোসিএসনশিং অসিদা মেম্বরশিংনা দবল্যু.তি.ও.গী ১১শুবা মিনিস্ত্রিএল কনফরেন্সনা পর্পোজ তৌখিবা ফুদ সেক্যুরিতীগী পব্লিক স্তোকহোল্দিংগী সমস্যাগী পর্মিনেন্ত সোল্যুসন অমা পুরক্নবা য়ান্নখিবা দিসেম্বর ২০১গী বালিদা পাঙথোকখিবা দবল্যু.তি.ও.গী মপালশুবা মিনিস্ত্রিএল কনফরেন্সতা পাইখৎখিবা মিনিস্ত্রিএলগী ৱারেপ অদু ফগৎহন্নবা চাউখৎলক্লিবা লৈবাকশিংনা অপাম্বা ফোঙদোক্কদৌরি। পর্মিনেন্ত সোল্যুসন অমা পুরক্ত্রিঙৈ মরক্তা মেম্বরশিংনা করিগুম্বা লৈবাকশিংনা মখোয়গী অয়াবা পীরিবা লিমিৎশিং অদুদগী হেল্লবসু ২০১৩গী দিসেম্বর ৭ ফাওবগী মমাংদা শেমখিবা ফুদ সেক্যুরিতীগী ওইবা পব্লিক স্তোকহোল্দিং প্রোগ্রামশিংগা মরী লৈনননা দিস্প্যুৎ থংগৎপদা দ্যু রেস্ত্রেন্ত (অয়াম্বনা ‘পীচ ক্লোস’ হায়না খঙনবা) অসি এক্সর্সাইজ তৌবা য়াগনি। দবল্যু.তি.ও.দা ভারতনা লৌখিবা অচেৎপা ফিরেপ অসি ঙাক্লদুনা পীচ ক্লোস অসি পর্মিনেন্ত সোল্যুসন অমা পুরক্ত্রিবা ফাওবা নবেম্বর ২০১৪দা লৌখিবা দবল্যু.তি.ও. জেনরেল কাউন্সিল (জি.সি.)গী ৱারেপ অদু চৎনহনখি। অসুম্না ‘পীচ ক্লোস’ অসি পর্পিচ্যুতীদা লৈহনগনি। ২০১৫গী দিসেম্বরদা পাঙথোকখিবা নাইরোবী মিনিস্ত্রিএল কনফরেন্সতা দবল্যু.ই.ও.গী মেম্বরশিংনা পর্মিনেন্ত সোল্যুসন অমা পুরক্নবা অফবা মওংদা নেগোসিএৎ তৌনবা য়ান্নখি। ভারতনা পি.এস.ঐচ.কী সমস্যা অসি অতোপ্পা লৌউ-শিংউগী সমস্যাগা লিঙ্ক তৌবা পামদে।

খন্ন-নৈন্নগদবা অতোপ্পা সমস্যা অদুদি লোউ-শিংউগী ওইবা পোত্থোকশিং এক্সপোর্ত তৌবদা থম্লিবা অথিংবশিং অসিগী অহেনবা হীরমশিংগা মরী লৈনৈ। এক্সপোর্তকী অথিংবশিং অসিগী প্রপোনেন্তশিংনা সমস্যা অনিদা আউতকম থীরি: (i) এক্সপোর্ত রেস্ত্রিক্সনশিংগী এপ্লিকেসনদগী ৱর্ল্দ ফুদ প্রোগ্রামনা প্রপোজ তৌবা নন-কম্মর্সিএল হ্যুমেনিতরিয়নগীদমক লৈবা অচা-অথক লৈবদা কোমথোকপা, অমসুং (ii) হৌজিক লৈরিবা নোতিফিকেসনগী মথৌ তাবশিংগা লোয়ননা কমপ্লায়েন্স হেনগৎহনবা য়াওনা এক্সপোর্ত রেস্ত্রিক্তিব মিজরগী এদভান্স নোতিফিকেসন। মরী লৈনবা দবল্যু.তি.ও.গী কাংলোনশিংগী প্রোবিজনশিংগী মখাদা দবল্যু.তি.ও. মেম্বরশিংনা মতম খরগী ওইবা এক্সপোর্ত প্রোহিবিসন নত্ত্রগা রেস্ত্রিক্সনশিং থমদুনা লৈবাক্কী অচা-অথক্কী নত্ত্রগা তঙাই ফদবা পোৎলমশিংগী কা হেন্না অৱাৎপা থোকপা ঙাকথোক্নবা নত্ত্রগা মতেং পাংনবা মতম খরগী ওইবা অথিংবা থম্বা য়াগনি। অৱাৎপা লৈবা, মমল ৱাংখৎলকপা অসি য়েংলগা অমসুং অফবা পোলিসীশিংগী খোঙথাংশিং লৌখৎনবা এদভান্স নোতিস থোক্নবা চাউখৎলক্লিবা লৈবাক্কী মেম্বরশিংদা নোতিফিকেসন থোকপগী মথৌ তাবা অসিনা পোৎলুম পীরিবা অসিদা ভারতনা নুংনাংবা ফোঙদোকখি।

দবল্যু.এফ.পি.না শরুক তম্লিবা অসি য়েংলগা ভারতনা চহি কয়া অসিদা দবল্যু. এফ.পি.দা অচৌবা কন্ত্রিব্যুতর অমা ওইদুনা লাকখি অমসুং দবল্যু.এফ.পি.গী প্রোক্যুর্মেন্তগীদমক এক্সপোর্ত রেস্ত্রিক্সনশিং থমখিদে, লোইয়ননা য়ুমলোন্নরিবশিংদা ফুদ সপ্লাইশিংদা মতেং পীদুনা লাকখি। দোমেস্তিক ফুদ সেক্যুরিতী অসি য়েংলগা ভারতনা দবল্যু.এফ.পি.গী ব্লেঙ্কেৎ এক্সেম্পসনশিং থম্নবা মীৎয়েং চংলি।

লৌউ-শিংউগী ওইনা খন্ন-নৈন্নগদবা অতোপ্পা লমশিং অদুদি অহেনবা ইম্পোর্ত দ্যুতীশিংগী খুত্থাংদা হৌজিক চাউখৎলবা অমসুং চাউখৎলক্লিবা লৈবাকশিংদা লৈরিবা মান্নবা সেফগার্দ অসি য়েংলগা মার্কেৎ এক্সেস, ইম্পোর্ত হেনগৎলকপা অমসুং খঙহৌদনবা মমল হাইথরকপা অসিগী মায়োক্তা দোমেস্তিক এগ্রিকলচরেল প্রদ্যুসরশিং ঙাকশেন্নবা চাউখৎলক্লিবা লৈবাকশিংগীদমক অখন্নবা সেফগার্দ মেকানিজমগা মরী লৈনবা সমস্যাশিং অসিনি।

দবল্যু.তি.ও. ফিশরিজ নেগোসিএসনশিং

ভারতনা লৈবাক কয়াগী ইরেস্নেল সবসিদীশিং অমসুং ওভর্ফিশিং অসিনা ভারতকী ঙামীশিং অমসুং মখোয়গী হিংনবগী লম্বীদা অকাইবা পীবনা মরম ওইরগা লাক্কদৌরিবা এম.সি.-১২দা ফিশরিজ এগ্রীমেন্ত ফাইনেলাইজ তৌবা পাম্মি। ভারতনা লৌউ-শিংউদা মেম্বর খরদা অনইক্বেল অমসুং ত্রেদ-দিসতোর্তিং এন্তাইতলমেন্তশিং পীখিবা উরুগে রাউন্দা তৌখিবা অশোইবা অদু অমুক হন্না তৌদনবা চেৎনা থাজবা থম্মি। মসিনা ইন্দস্ত্রী অমসুং লৌমীশিংদা মতেং পাংনবা কেপাসিতী অসমুং রিসোর্সশিং লৈতবা চাউখৎপা ৱাৎপা মেম্বরশিংদা অপনবা পীখি।

ফিশরিজ অসি মীওইবা জাতিদা, গ্লোবেল পব্লিক কম্মনদা পীবা কম্মন এনদোমেন্ত অমনি। মরম অসিনা অসিগুম্বা রিসোর্সশিং শিয়র তৌবা অসি খেন্নবা থম্লোইদবনি। এগ্রিমেন্ত অসিদা ইমবেলেন্স অমা হেক্তা লাকপনা ঐখোয়বু হৌজিক লৈরিবা ফিশিং এরেঞ্জমেন্তশীং অসি ঙাক্না চৎহনগনি মসিনা মীপুম খুদিংমক্কী তুংগী মথৌ তাবশিং অদু থুংহনবা ঙমদবা য়াই। সস্তেনেবিলিতীগীদমক অচৌবা সবসিদাইজরশিংনা মখোয়গী সবসিদীশিং অমসুং ফিশিং কেপাসিতীশিং অসি হন্থহনবদা অচৌবা থৌদাং লৌবা তাই। এগ্রিমেন্ত খুদিংমক্না তোঙান-তোঙানবা লৈবাকশিং অসি চাউখৎপগী তোঙান-তোঙানবা থাকশিংদা লৈ হায়বা খঙবা তাই অমসুং হৌজিক্কী ফিশিং এরেঞ্জমেন্তশিং অসি মখোয়গী হৌজিক লৈরিবা ইকনোমিক কেপাসিতীশিংনা তাক্লি। লৈবাক অদুনা চাউখৎলকপগী মতুং ইন্না মথৌ তাবশিংদসু অহোংবা লাক্কনি। এগ্রিমেন্ত অমা হেক্তনা মেরিন ৱাতর অমসুং হায় সীদা লৈরিবা ফিশরীজ অসি এক্সপ্লোইৎ তৌনবা বেলেন্স ওইবা হৌজিক্কী অমদি তুংলমচৎকী মথৌ তাবশিং পীগদবনি।

মেম্বর খরনা ফিশরিজ রিসোর্সশিং অসি ওভরএক্সপ্লোইৎ তৌনবা সবসিদীশিং চাউনা পীবা অমসুং অনসস্তেনেবল ফিশিংদা মখা তানা থবক তৌবা অসিনা মরম ওইরগা ভারতকুম্বা লৈবাকশিংনা মখোয়গী তুংগী পোলিসী স্পেস কত্থোকপা হায়বা অসি ওইথোক্তে। ভারতনা লায়রবা ঙামীশিংগী হিংনবগী লম্বী ঙাকশেন্নবা অমসুং লৈবাক অমগী ফুদ সেক্যুরিতীগী সমস্যাশিং কোক্ন্নবা স্পেসিএল অমসুং দিফরেন্সিএল ত্রিৎমেন্ত মথৌ তাই, ফিশরিজ সেক্তর চাউখৎহন্নবা পোলিসী স্পেস মথৌ তাই, অমসুং ওভর কেপাসিতী অমসুং ওভর ফিশিং, আইন্না য়াদবা, অনরিপোর্তেদ অনরিগ্যুলেতেদ অমসুং ওভর ফিশ অসিগী মখাদা কাংলোনশিং ইমপ্লিমেন্ত তৌনবা সিস্তেম অমা থম্নবা মতম মথৌ তাই। ভারতনা হৌজিক লৈরিবা ইন্তর্নেস্নেল ইনস্ত্রুমেন্ত অমসুং লো ওফ দি সীগী মখাদা ফিশরিজ এগ্রিমেন্ত অসি শেম্বা তাই হায়না থাজৈ। সমুস্র মপালদা লৈবা লৈবাকশিংনা এক্প্লোর তৌবা অমসুং মখোয়গী মেতিতাইম জুরিসদিক্সনগী মনুংদা লিবিং রিসোর্সশিং মেনেজ তৌবনবগী ইন্তর্নেস্নেল ইনস্ত্রুমেন্তশিংদা পীরিবা সোভরেন রাইৎশিং অসি ঙাকশেনবা তাই।

চহি কয়াদগী ভারতকী চৎনবীদা অকোইবগী ফীভম ঙাকশেনবা হায়বা অসি য়াওদুনা লাকখি অমসুং তোঙান-তোঙানবা ইন্তর্নেস্নেল ফোরমশিংদা পন্দুনা লাক্লি। ভারতনা মখা চত্থনবা কান্নদবা এগ্রিমেন্তশিংদা মেম্বরশিংবু ফাজিনবা তৌদনা তুংদা ফিশিং কেপাসিতীশিং হেনগৎহন্নবা ইক্বিতেবল গ্রোথ অমসুং ফ্রীদম ফংনবা স্পেস পীনবা নেগোসিএসনশিংগী অপাম্বা ভারত্তা লৈরি।

ই-কম্মর্স

ইং কুমজা ১৯৯৮দা দবল্যু.তি.ও.গী জেনরেল কাউন্সিলনা ৱর্ক প্রোগ্রাম ওন ই-কম্মর্স (দবল্যু.পি.ই.সি.) শেমখি লোয়ননা গ্লোবেল ই-কম্মর্সকা মরী লৈনবা ত্রেদকী ওইবা সমস্যা পুম্নমক কম্প্রিহেন্সিব ওইনা য়েংনবা, চাউখৎলক্লিবা লৈবাকশিংগী ইকনোমিক, ফাইনান্সিএল অমসুং চাউখ*পদা মথৌ তারিবশিং অদু য়েংলগা এক্সপ্লেনেতরী অমসুং নন-নেগোসিএতিং মেন্দেৎ অমা শেমখি। ইং কুমজা ২০১৭দা লোঞ্চ তৌখিবা ই-কম্মর্সকী জোইন্ত স্তেৎমেন্ত ইনিসিএতিব (জে.এস.আই.)গী মখাদা দবল্যু.তি.ও. মেম্বর ৮৬না ইলেক্ত্রোনিক ওথেন্তিকেসন, দিজিতেল প্রদক্তশিংগী নন-দিস্ক্রিমিনেতরী ত্রীৎমেন্ত, ক্রোস-বোর্দর দেতাগী ফ্রী ফ্লো, দেতা লোকেলাইজেসন, পর্মিমেন্ত ই-কম্মর্স মোরাতোরিয়ম, ওনলাইন কঞ্জুমর প্রোতেক্সন, পর্সনেল দেতা প্রোতেক্সন, সোর্স কোদশিং এক্সেস তৌবা অসিগুম্বা সমস্যাশিংগী ত্রেদ রুলশিংগী মতাংদা নেগোসিএৎ তৌখি।

হৌজিক লৈরিবা গ্লোবেল ই-কম্মর্স স্পেসকী এসিম্মেত্রিকেল নেচর অমসুং ই-কম্মর্সকা মরী লৈনবা সমস্যাশিংগী মলতি-ফেসিতেদ দাইমেন্সনশিংগী ইমপ্লিকেসনশিং অসি খঙবা ৱাৎপা অসিনা মরম ওইরগা ভারতনা ই-ম্মর্সকী রুল অমদি দিস্সিপ্লিনশিংদা নেগোসিএসনশিং তৌবনা প্রিমেচর ওইগনি হায়না থাজৈ। চাউখৎলক্লিবা লৈবাকশিংনা দিজিতেল এরেনাদা চাউখৎলবা লৈবাকশিংগা লোয়ননা লম্বা তৌবা ঙম্নবা পোলিসীশিং ইমপ্লিমেন্ত তৌবদা ফ্লেক্সিবিলিতী লৈহনবা মথৌ তাই। ঐখোয়না অহানবদা দোমেস্তিক ফিজিকেল অমসুং দিজিতেল ইনফ্রাস্ত্রকচর ফগৎহন্নবা, সপ্পোর্তিব পোলিসী অমসুং রিগ্যুলেতরী ফ্রেমৱার্ক শেম্বা অমসুং ঐখোয়গী দিজিতেল কেপাবিলিতীশিং হেনগৎহনবদা মীৎয়েং চংবা তাই। মসিগী মতুং ইন্না ভারতনা ই-কম্মর্সকী জে.এস.আই.দা য়াওখিদে মরমদি ঐখোয়না মলতিলেতরেল এভেন্যুশিং অসি ইনক্লুসিব অমসুং দিবেলপমেন্ত-ওরিয়েন্তেদ আউতকম ফংনবা য়াম্না চুন্নৈ হায়না থাজৈ।

দবল্যু.তি.ও. মেম্বরশিংনা ইং কুমজা ১৯৯৮দগী হৌদুনা ইলেক্ত্রোনিক ত্রান্সমিসনশিংদা কস্তম দ্যুতীশিং ইম্পোস তৌদবা হায়বা অসিদা য়ান্নখি অমসুং মোরাতোরিয়ম অসি মতম মতমগী মতুং ইন্না মিনিস্ত্রিএল কনফেন্সশিংদা শাংদোকখি। এম.সি.১১দা মোরাতোরিয়ম অসি চহি অনিগী ওইনা শাংদোকখি। ২০১৯গী দিসেম্বরদা পাঙথোকখিবা জি.সি. মঈফমদা মেম্বরশিংনা হৌজিক লৈরিবা মওং অসি এম.সি.১২ ফাওবা চৎনবা হায়না য়ান্নখি। এম.সি.১২দা দবল্যু.তি.ও. মেম্বর কয়ানা এম.সি.১৩ ফাওবা মোরাতোরিয়ম অসি মতম খরগী ওইনা শাংদোক্নবা অপাম্বা ফোঙদোকখি। ভারত অমসুং খা অফ্রিকানা চাউখৎলক্লিবা লৈবাকশিংদা মোরাতোরিয়ম অসিনা পীরিবা অচৌবা শাফুশিং অসি তাক্লিবা জোইন্ত সবমিসন কয়ামরুম পীশিনখি অমসুং মখোয়গী দিজিতেল এদভান্সমেন্ত অসিগীদমক পোলিসী স্পেস ঙাক্নবা অমসুং ইমপোর্তশিং রিগ্যুলেৎ তৌনবা অমসুং কস্তম দ্যুতীশিংগী খুত্থাংদা রিভেন্যু জেনরেৎ তৌনবা চাউখৎলক্লিবা লৈবাকশিংগীদমক মোরাতোরিয়ম রিকনসিদর তৌনবা অপাম্বা ফোঙদোকখি।

দবল্যু.তি.ও. রিফোর্মশিং

ভারতনা দবল্যু.তি.ও. রিফোর্মশিং খন্ন-নৈন্নবা অসিনা কনসেন্সস-বেজ দিসিজন-মেকিং, নন-দিস্ক্রিমিনেসন, স্পেসিএল এন্দ দিফরেন্সিএল ত্রীৎমেন্ত৫ য়াওনা তানফম অসিদা মাগী ফন্দামেন্তেল প্রিন্সিপলশিং মপাঙ্গল কনখৎহনবদা, স্পেসিএল এন্দ দিফরেন্সিএল ত্রীৎমেন্ত (এস এন্দ দি.তি.) ঙাকশেনবাদা মীৎয়েং চংখি অমসুং মসিনা ইনহেরিতেদ ইনইক্বেলিতীশিং ঙাকপা নত্ত্রগা ইমবেলেন্সশিং হেনজিন হনবা তৌরোইদবনি।

রিফোর্ম প্রপোজেলশিংগী মরক্তা খ্বাইদগী কন্সিক্বেন্সিএল ওইবা অসি এম.সি. ১১দা লাউথোকখিবা য়ু.এস.-ই.য়ু.-জপান ত্রাইলেতরেল ইনিসিএতিব অসিনি। .এস.-ই.য়ু.-জপান ত্রাইলেতরেল ইনিসিএতিব অসি ২০২১গী নবেম্বর ৩০দা এম.সি. ১২ পোস্তপোন্দ তৌখ্রবা মতুংদা খুদক্তা জোইন্ত স্তেৎমেন্ত অমগা লোয়ননা নন-মার্কেতিং প্রেক্তিসশিং, হৌজিক লৈরিবা এনফোর্সমেন্ত তুলশিং অমসুং লাক্কদৌরিবা অনৌবা কাংলোনশিং অসিগা মরী লৈনবা সমস্যাশিং কোকহন্নবা অপাম্বা অমা ফোঙদোকখি। মসিগী মমাংদা ২০২১গী ওক্তোবরদা য়ুরোপিয়ন য়ুনিয়ননা দবল্যু.তি.ও. রিফোর্মশিং প্রপোজ তৌরিবা ৱার্কিং গ্রুপ অমগী স্ত্রকচর অমা পুথোকখি।

বোলিবিয়া, ক্যুবা, ইক্বেদর, মালাৱি, খা অফ্রিকা, তুনিসিয়া, উগন্দা, জিম্বাবৱে অমসুং ওমান্না কো-স্পোন্সর্দ তৌখিবা ২০১৯গী ওগস্ততা দিবেলপিং কন্ত্রিজ রিফোর্ম পেপর “স্ত্রেন্থনিং দি দবল্যু.তি.ও. তু প্রমোৎ দিবেলপমেন্ত এন্দ ইনক্লুসিবিতী” কৌবা চাউখৎলক্লিবা লৈবাক্কী রিফোর্ম প্রপোজেল অমগী খোঙথাংদা ভারতনা লমজিংখি। পেপরঅসি কয়ারক হন্না রিভাইস তৌরবা মতুংদা ২০২২গী ফেব্রুৱারীদা পীশিনখি।

ভারতনা নবেম্বর ২০২১দা প্রপোজেল অমা পুখৎখি, মসিদা ভারতনা প্রোসেস অমসুং মাগী ওবজেক্তিব অনিমক্তা য়ুরোপিয়ন য়ুনিয়ন অমদি ব্রাজিলদগী প্রপোজেল অদু ক্বেসন তৌনবা থৌদাং লোখি। মসিনা দবল্যু.তি.ও. রিফোর্মশিংগী ওপন-এন্দেদ এক্সর্সাইজ অমা ফেবর তৌখিদে। মসিনা মেম্বরশিংনা অহানবদা রিফোর্ম পেকেজকী ইলিমেন্তশিং, খন্ন-নৈন্নবা পাঙথোক্নবা পাইখৎকদবা থৌওংগী চপ চাবা মওং, দবল্যু.তি.ও. রিফোর্ম ৱার্ক অসিদা মিনিস্তরশিংনা গ্রীন-লাইৎ পীদ্রিঙৈ মমাংদা য়ান্নবা পুরকপা মথৌ তাই। ভারতনা রিফোর্ম প্রোসেস অমসুং মাগী আউতকমশিং অসি শেমদোক্লোইদবনি নত্ত্রগা অতোপ্পা মওং অমত্তদা মেম্বরগী হক অমসুং দবল্যু.তি.ও. এগ্রিমেন্তশিংগী মখাদা লৈরিবা ওবলিগেসনশিংদা অমসুং য়ান্নখিবা মেন্দেৎশিংদা অকাইবা পীরোইদবনি অমসুং জেনরেল কাউন্সিলগী প্রোসিজরগী য়ান্নখিবা কাংলোন অসি রিভ্যু প্রোসেসতা এপ্লাই তৌগদবনি হায়না থাজবা থম্মি।

দবল্যু.তি.ও. রেস্পোন্স তু পেন্দেমিক

লাইচৎ অসিদা দবল্যু.তি.ও.গী রেস্পোন্সকী ফল অসি তি.আর.আই.পি.এস. ৱেবর প্রোপোজল য়াওবা এম.সি.১২কী মরুওইবা পোৎলমশিংগী মরক্তা অমনি। জুন ২০২১দা জি.সি. চিয়রনা ন্যু জিলেন্দগী এম্বেসেদর দেভিদ ৱাল্করনা ফেসিলিতেতর ওইহন্দুনা ফেসিলিতেতরনা হৌবা থৌওং অমা হৌদোকখি। মহাক্না হায়রিবা লম অসিদা থবক পাইখৎনবা ভর্তিকেল তরুক খন্দোকখি – এক্সপোর্ততা অথিংবশিং থম্বা; ত্রেদ ফেসিলিতেসন, রিগুলেতরী কোহেরেন্স, কো-ওপরেসন অমসুং তারিফশিং; সর্ভিসশিংগী রোল; ত্রান্সপরেন্সী অমসুং মোনিতরিং; অতোপ্পা ওর্গনাইজেসনশিংগা কোলাবোরেসন তৌবা; অমসুং লাক্কদবা লাইচৎশিংদা হেন্না কান্নবা মওংদা থবক পাইখৎনবা ফ্রেমৱর্ক য়াওরি।

ভারতনা মেম্বর খুদিংমক্কী অপাম্বশিং অসি ফংহন্নবা মমাংদা পনখিবা পোৎলম খুদিংমক্কী বেলেন্স আউৎকম অমা পুরক্নবা তোঙান তোঙানবা মেম্বরশিং অমসুং কাংলুপশিংগা হৌজিক কুপ্না খন্নরি। ভারতনা লাইচৎ অসি লান্থেংননবা দবল্যু.তি.ও.গী এগ্রিমেন্তশিংদা অহেন্বা ‘পর্মনেন্ত’ দিসিপ্লিনশিং হাপচিন্নবা মীৎয়েং চংলি। ভারতনা মার্কেৎ এক্সেস, রিফোর্মশিং, এক্সপোর্ত, রেস্ত্রিক্সনশিং অমসুং ত্রান্সপরেন্সীগী লমশিংদা লাইচৎ অসিনা পীরিবা অৱাবা চৈথেং অসি মমি তাহন্নিংদে।

ইন্তেলেকচুএল প্রোপর্তীগী মতাংদা ভারতকী অপাম্বদি: (i) চাউখৎলক্লিবা লৈবাকশিংনা মায়োক্নরিবা অৱাবশিং খঙদোকপা অমসুং কোবিদ-১৯ লাইচৎ কোকহন্নবা ত্রিপস ফ্লেক্সিবিলিতীশিং এল.দি.সি.শিংদা শীজিন্নবা, অমসুং (ii) রেস্পোন্সকী দেক্লেরেসনগী মখাদা ত্রিপস ৱেবর দিসিজন রিএফর্মেসন তৌবা।

ভারতনা ইং কুমজা ১৯৯৫গী জনুৱারী ১দগী হৌদুনা দবল্যু.তি.ও.গী ফাউন্দিং মেম্বর অমসুং ইং কুমজা ১৯৪৮গী জুলাই ৮দগী জি.এ.তি.তি.গী মেম্বর অমা ওইদুনা লাকখি। ভারতনা ত্রান্সপরেন্ত অমসুং ইনক্লুসিব মলতিলেতরেল ত্রেদিং সিস্তেম অমদা থাজবা থম্মি অমসুং ঐখোয়না দবল্যু.তি.ও. মপাঙ্গল কনখৎহন্নবা থবক তৌবদা থাজবা থম্মি। নন-দিস্ক্রিমিনেসন, কন্সেন্সস-বেজ দিসিজন মেকোং অমসুং চাউখৎলক্লিবা লৈবাকশিংগী স্পেসিএল এন্দ দিফরেন্সিএল ত্রীৎমেন্ত য়াওনা দবল্যু.তি.ও.গী মপুং ওইবা প্রিন্সিপলশিং ঙাকশেনবা মথৌ তাই।

******