ਕੇਂਦਰੀ ਇਸਪਾਤ ਮੰਤਰੀ ਸ਼੍ਰੀ ਰਾਮ ਚੰਦਰ ਪ੍ਰਸਾਦ ਸਿੰਘ ਨੇ ਅੱਜ ਆਪਣੀ ਯਾਤਰਾ ਦੇ ਦੌਰਾਨ ਪੰਨਾ ਵਿੱਚ ਹੀਰਾ ਮਾਈਨਿੰਗ ਪ੍ਰੋਜੈਕਟ ਦੀ ਸਥਿਤੀ ਦੀ ਸਮੀਖਿਆ ਕੀਤੀ ਅਤੇ ਭਾਰਤ ਦੇ ਮਾਣਯੋਗ ਸੁਪਰੀਮ ਕੋਰਟ ਤੋਂ ਅਨੁਮੋਦਨ ਅਤੇ ਹੋਰ ਪ੍ਰਾਸੰਗਿਕ ਸਵੀਕ੍ਰਿਤੀ ਪ੍ਰਾਪਤ ਹੋਣ ਦੇ ਬਾਅਦ ਜਲਦੀ ਰੈਂਪ ਅਪ ਅਤੇ ਸਮਾਨ ਸੰਚਾਲਨ ਦੀ ਬਹਾਲੀ ਦੇ ਉਦੇਸ਼ ਨਾਲ ਕਾਰਜ ਸੰਪਾਦਨ ਲਈ ਤਿਆਰ ਹੋਣ ਦੀ ਸਲਾਹ ਦਿੱਤੀ।

ਇਸਪਾਤ ਮੰਤਰੀ ਨੇ ਇੱਥੇ ਪੂਰਾ ਦਿਨ ਬਿਤਾਇਆ ਅਤੇ ਅਧਿਕਾਰੀਆਂ ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਵਾਤਾਵਰਣ ਅਤੇ ਵਿਕਾਸ ਨੂੰ ਨਾਲ-ਨਾਲ ਚਲਣਾ ਚਾਹੀਦਾ ਹੈ ਅਤੇ ਇਸ ਤਾਲਮੇਲ ਨੂੰ ਬਣਾਏ ਰੱਖਣ ਲਈ ਐੱਨਐੱਮਡੀਸੀ ਲਿਮਿਟਿਡ ਦੁਆਰਾ ਕੀਤੇ ਗਏ ਯਤਨ ਅਤਿਅਧਿਕ ਪ੍ਰਸ਼ੰਸਾਯੋਗ ਹਨ। ਉਨ੍ਹਾਂ ਨੇ ਕਿਹਾ ਕਿ ਵਿੱਤ ਸਾਲ 2021-22 ਵਿੱਚ ਪ੍ਰਮੁੱਖ ਅਰਥਵਿਵਸਥਾ ਦਰਮਿਆਨ ਦੇਸ਼ ਵਿੱਚ 8.7% ਦੀ ਉੱਚਤਮ ਸਕਲ ਘਰੇਲੂ ਉਤਪਾਦ ਦਾ ਵਾਧਾ ਦਰ ਐੱਨਐੱਮਡੀਸੀ ਲਿਮਿਟਿਡ ਜਿਹੇ ਸੰਗਠਨਾਂ ਦੇ ਯੋਗਦਾਨ ਦੇ ਕਾਰਨ ਹੀ ਸੰਭਵ ਸੀ। 

ਇਸ ਦੌਰਾਨ ਕੇਂਦਰੀ ਮੰਤਰੀ ਦੇ ਨਾਲ ਐੱਨਐੱਮਡੀਸੀ ਲਿਮਿਟਿਡ ਦੇ ਚੇਅਰਮੈਨ ਕਮ ਮੈਨੇਜਿੰਗ ਡਾਇਰਕੈਟਰ ਸ਼੍ਰੀ ਸੁਮਿਤ ਦੇਬ ਅਤੇ ਇਸਪਾਤ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਸਨ।

ਕੰਪਨੀ ਦੇ ਐਕਸਪਲੌਰੇਸ਼ਨ ਕੈਂਪ ਅਤੇ ਹੀਰਾ ਮਾਈਨਿੰਗ ਵਿੱਚ ਮੰਤਰੀ ਦਾ ਸੁਆਗਤ ਕਰਦੇ ਹੋਏ ਚੇਅਰਮੈਨ ਕਮ ਮੈਨੇਜਿੰਗ ਡਾਇਰਕੈਟਰ ਸ਼੍ਰੀ ਦੁਬੇ ਨੇ ਪ੍ਰੋਜੈਕਟ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਦੀ ਪਿਛੋਕੜ,ਧਾਤੂ ਦੇ ਕਿਸਮ, ਇਸ ਦੀ ਪ੍ਰੋਸੈੱਸਿੰਗ ਪ੍ਰਕਿਰਿਆ, ਉਤਪਾਦਿਤ ਹੀਰੇ ਦੇ ਪ੍ਰਕਾਰ ਅਤੇ ਮਝਗਵਾਂ ਵਿੱਚ ਸੰਭਾਵਿਤ ਹੀਰਾ ਦੇ ਭੰਡਾਰ ਅਜਿਹਾ ਵੇਰਵਾ ਸਾਂਝਾ ਕੀਤਾ।

ਇਸ ਤੋਂ ਪਹਿਲੇ ਕੱਲ੍ਹ ਸ਼੍ਰੀ ਰਾਮਚੰਦਰ ਪ੍ਰਸਾਦ ਸਿੰਘ ਨੇ ਐੱਨਐੱਮਡੀਸੀ ਪੰਨਾ ਡਾਇਮੰਡ ਸੈਂਟਰ ਵਿੱਚ ਜਾਂਚ ਸੁਵਿਧਾਵਾਂ ਦਾ ਨਿਰੀਖਣ ਕੀਤਾ। ਇਹ ਦੇਸ਼ ਦਾ ਇੱਕਮਾਤਰ ਹੀਰਾ ਜਾਂਚ ਕੇਂਦਰ ਹੈ। ਇਸ ਦੇ ਇਲਾਵਾ ਵਿਸ਼ਵ ਵਾਤਾਵਰਣ ਦਿਵਸ ਦੇ ਅਵਸਰ ‘ਤੇ ਇਸਪਾਤ ਮੰਤਰੀ ਨੇ ਕੇਂਦਰ ਵਿੱਚ ਪੌਦੇ ਲਗਾਏ ਅਤੇ ਐੱਨਐੱਮਡੀਸੀ ਦੇ ਕਰਮਚਾਰੀਆਂ ਨੂੰ ਵਾਤਾਵਰਣ ਸੁਰੱਖਿਆ ਦੀ ਸਹੁੰ ਚੁਕਾਈ।

*****

ਐੱਮਵੀ/ਏਕੇਐੱਨ/ਐੱਸਕੇ