ঙসি গুজরাত্তা নেসনেল স্কুল ইজুকেসন মিনিস্তরশিংগী মীফম হৌখ্রে। মীফম অদুদা ইজুকেসন অমসুং স্কিল দিবলপমেন্তগী য়ুনিয়ন মিনিস্তরশিং অমসুং রাজ্য সরকারশিংগী ইজুকেসন মিনিস্তরশিং শরুক য়াখি।

মীফম অদুদা শরুক য়াখিবা য়ুনিয়ন মিনিস্তর শ্রী ধর্মেন্দ্র প্রধানগা লোয়ন্না রাজ্যশিং/য়ু.তিশিংগী ইজুকেসন মিনিস্তরশিং, স্কিল দিবলপমেন্ত অমসুং ওন্ত্রেপ্রেনিউয়রশিপ অমসুং ইলেক্ত্রোনিক্স অমসুং ইনফোর্মেসন তেক্নোলোজিগী রাজ্য মন্ত্রী শ্রী রজিব চন্দ্রসেখর; ইজুকেসনগী রাজ্য মন্ত্রী শ্রীমতি অন্নপুর্না দেবী; ইজুকেসনগী রাজ্য মন্ত্রী দোক্তর সুভাস সরকার অমসুং ইজুকেসন মিনিস্ত্রিগী সেনিয়র ওফিসিএলশিংনা বিদ্যা সমিক্ষা কেন্দ্র(ভি এস কে), বাস্কারচার্য়া নেসনেল ইন্সতিতুৎ ফোর স্পেস এপ্লিকেসন এন্দ জিও-ইনফোর্মেতিক্স(বিসাগ), নেসনেল ফোরেন্সিক সাইন্স য়ুনিভর্সিতি(এন এফ এস য়ু) অমসুং ইন্তরনেসনেল ওতোমোবাইল সেন্তর ওফ এক্সলেন্স(আইস) য়েংখি।

শরুক য়াখিবা রাজ্যশিং অমসুং য়ু.তিশিংগী ইজুকেসন মিনিস্তরশিং অমসুং মীহুৎশিংনা গান্ধীনগরদা লৈবা বিদ্যা সমিক্ষা কেন্দ্র(ভি এস কে) য়েংখি। ভি.এস.কেগী মতাংদা মিনিস্তর প্রধান্না হায়খি মসি গুজরাত্তা তেক্নোলোজি তম্নবা মরুওইবা মফম অমনি। মিংচনবা, শরুক য়াবা অমসুং তম্বা লোইরবা মতুংদা মহৈ চাবা হেনগৎহনবা ভি.এস.কেনা পায়খৎলিবা এ.আই অমসুং দেতাদা য়ুম্ফম ওইবা থবকশিং মহাক্না থাগৎখি। লৈবাক ঙাকপগী খ্বাইদগী ফবা থবকশিং অমসুং তেক্নোলোজি শীজিন্নদুনা লাইরিক তম্বগী মতাংদা খঙহন্নবা ৱার্কশোপশিং পাংথোক্নবা শ্রী প্রধান্না গুজরাত সরকারগী পুক্নিং চিংশিনখি অমসুং মসিনা ভারত শীনবা থুংনা তম্বা লোইরবা মতুংদা মহৈ চাবা হেনগৎহনবগী পান্দম ফংনবা ঙমহনগনি।

শরুক য়াখিবশিংনা বিসাগ-এন স্তদিওশিং অমসুং অতোপ্পা তেক্নিকেলগী মফমশিং য়েংখি অমসুং অঙাংশিং লাইরিক তম্বদগী কান্নবা মহৈ ফংবা হেনগৎহন্নবা পায়খৎলিবা থবকশিং য়েংখি। ই-কন্তেন্তশিং তেলিকাস্ত তৌবা অমসুং ইজুকেসন্দা জিও ইনফোর্মেতিক্স শীজিন্নবা অমসুং দিজিতেগী খুদোংচাবা ফংবদা থোং মান্নদবা লৈরিবা অসি কোকহন্নবগী মতাংদা বিসাগ-এন্না লৌরিবা থৌদাংশিং য়েংবা লাকখিবা মীওইশিংদা খঙহন্নবা হোৎনখি।

স্বায়াম প্রভা অমসুং পি.এমবিদ্যা দি.তি.ঐ তি.ভি চেন্নেলশিংগী মখাদা ইজুকেসন মিনিস্ত্রিগী(স্কুল, হয়ার অমসুং তেক্নিকেল)চেন্নেল ৩৪ য়াওনা চেন্নেল ৫১দা ই-কন্তেন্তশিং শন্দোকপদা বিসাগ-এন্না পায়খৎলিবা থবকশিংগী মতাংদা গুজরাতকী গান্ধীনগরদা লৈবা বিসাগ-এনগী দিরেক্তর তি.পি সিংহনা শন্দোক্না তাকখি।

দোক্তর সিংহনা হায়খি মীপুম খুদিংমক্তা মগুন লৈবা ই-কন্তেন্তশিং ফংহন্নবা পান্দমদা পি.এমবিদ্যা দি.তি.ঐ তি.ভি চেন্নেল ১২ হৌদোকখিবনি অমসুং হায়রিবা চেন্নেলশিং অসি ২০০ হেন্না লৈরে। নেসনেল ইজুকেসন পোলিসি(এন ই পি)-২০২০গী ৱারেপশিংদা য়ুম্ফম ওইরগা লম-লমগী লোলশিং, লৌশিং, তোঙান-তোঙানবা হিরমশিং, স্কিল হেনগৎহনবা, কলচর, অকোয়বগী ফিবম অমসুং কম্পিতিতিপ একজামশিংদা মীৎয়েং থম্লগা ই-কন্তেন্তশিং অসি শেম্বনি হায়না দোক্তর সিংহনা ফোঙদোকখি।

থৌরম অদুদা মিনিস্তর প্রধাননা হায়খি লম লমগী লোলশিংদা ক্লাস বালবাতিকাদগী হৌরগা ক্লাস ১২ ফাওবগ মগুন লৈবা ই-কন্তেন্তশিং শেম্নবা মরী লৈনবশিংনা অপুনবা ওইনা থবক তৌমিন্নগদবনি। অনৌবা ওদিও-ভিজুএলগী মচাকশিং পুথোক্নবা মসিগী খুদোংচাবশিং শীজিন্নবগীদমক মিনিস্তরনা বিসাগ-এন থাগৎখি।

মীফম অদুদা শরুক য়াখিবশিংনা নেসনেল ফোরেন্সিক সাইন্সেস য়ুনিভর্সিতিশু য়েংখি। তুংদা শ্রী প্রধান্না হায়খি মসি মালেমদা অমতা ঙাইরবা অমসুং অহানবা সুপর-স্পেসিলিতি ফোরেন্সিক য়ুনিভর্সিতিনি। ভারত অমসুং গুজরাতগী চাউথোকচবা অমা ওইনা, সাইবর দিফেন্স অমসুং তুংগী মীরোলগী ইন্তিলিজেন্স এক্সপার্তশিং পুথোক্নবা অমসুং শীনফম অসিদা থবক তৌগদবা মীওইশিং ত্রেনিং পীনবা লৈবাক অসিগী য়াম্না মরুওইবা য়ুনিভর্সিতি অমনি। দিজিতেল ফোরেন্সিক অমসুং অতোপ্পা মরী লৈনবা হীরমশিংদা স্কিল হেনগৎহন্নবা নেসনেল ফোরেন্সিক সাইন্সেস য়ুনিভর্সিতি অমসুং স্কিল দিবলপমেন্ত মিনিস্ত্রিগী মরক্তা পুন্না থবক তৌমিন্নবা দরকার ওইরে।

ঙসিগী অরোইবা শরুক্তা শরুক য়াখিবশিংনা ইন্তরনেসনেল ওতোমোবাইল সেন্তর ফোর এক্সলেন্স য়েংখি। সেন্তর অসি ভারতকী ওতোমোবাইল ইন্দস্ত্রিগী অৱাংবা থাক্কী স্কিল শেমগৎনবা, ত্রেনিং অমসুং রিছার্সকী দরকার ওইবশিং ফংহন্নবা লিংখৎপা গান্ধীনগরদা লৈবা ইন্সতিতুৎ অমনি। খোঙচৎ অদুদা শ্রী প্রধান্না হায়খি গুজরাত সরকার অমসুং মারুতিগী মরক্তা পুন্না পায়খৎপা আইস অসি ইন্দস্ত্রি অমসুং একাদেমি অনি পুন্না থবক তৌমিন্নবা অমসুং থবক ফংবা ঙমগদবা ত্রেনিং পীবগী অঙকপা খুদম অমনি। মফম অসিদা পাংথোকলিবা স্কিল ত্রেনিংগী প্রোগ্রামশিং অসি দ্রিগিগা মান্নবা থবক অমা পীনবা লম্বী পুথোক্নবা মহাক্না এন.সি.ভি.ই.তিদা পাউতাক পীখি।

*****

(Release ID: 1830293) Visitor Counter : 143