সিবিল এবিয়েসন মন্ত্রালয়
সুরত এয়রপোর্তনা মালেমগী থাক্কী ফেসিলিতী লৈদুনা মপুং ওইনা চাউখৎনবগীদমক্তা শেম শারি
Posted On:
01 JUN 2022 12:36PM by PIB Imphal
গুজরাতকী শেল-থুমগী কোনুং অমসুং ভারতকী দাইমন্দ অমসুং তেক্সতাইল ব্যুজিনেসকী ময়োল ওইরিবা সুরতনা এয়র ত্রাভেল্লর মশিং য়াম্বগী পুক্নিং চিংশিল্লি। পেসেঞ্জর ত্রাফিক্তা অঙকপা ফংনা হেনগৎলক্লিবা অসি য়েংলুরবা তুংদা এয়রপোর্ত ওথোরিতী ওফ ইন্দিয়া (এ.এ.আই.)না এয়রপোর্ত অসিবু অপুনবা ওইনা চাউখৎহন্নবগীদমক্তা লুপা করোর ৩৫৩গী শেনফম চঙবা প্রোজেক্ত অমগীদমক্তা হোৎনরি।
চাউখৎ-থৌরাংগী প্রোজেক্ত অসিগী মনুংদা তর্মিনেল বিলদিং অসিবু স্ক্বার মিতর ৮৪৭৪দগী স্ক্বার মিতর ২৫৫২০দা পাকথোক চাউথোকপগী থবক য়াওরি। তর্মিনেল বিলদিং চাউথোকপগী মথক্তা, এপ্রোনবু পার্কিং বে মঙাদগী ১৮দা চাউথোকপা অমসুং পেরেলেল তেক্সি ত্রেক (মিতর ২৯০৫ X মিতর ৩০) শাবগী থবক হৌজিক পায়খৎলি।
প্রোজেক্ত অসি লোইরবা তুংদা, পাকথোক-চাউথোক্লবা মতমগা চুনরবা অনৌবা বিলদিং অসিনা খ্বাইদগী চিনবা মতমদা দোমেস্তিক্কী পেসেঞ্জর ১২০০ অমসুং ইন্তর্নেস্নেলগী পেসেঞ্জর ৬০০ শেন্নবগী মতিক লৈগনি অমসুং মসিনা চহিদা পেসেঞ্জর মিলিয়ন ২.৬ শেন্নবা ঙম্বগী মতিক লৈগনি। তর্মিনেল অসিদা হৌজিক মতমগী খুদোংচাবা খুদিংমক্কা লোয়ননা চেক-ইন কাউন্তর ২০, এরোব্রিজ ৫, ইন-লাইন বেগেজ হেন্দলিং সীস্তেম, অমসুং থুংলক্লিবা পেসেঞ্জরশিংগীদমক্তা কনভেয়র বেল্ত মঙা লৈগনি। অনৌবা তর্মিনেল বিলদিং অসিদা কার ৪৭৫ চনবা পার্কিংগী মফমসু লৈগনি।
তর্মিনেল অসি স্তার-৮ গৃহা রেতেদ ওইরবা ইনর্জী ইফিসিএন্ত বিলদিং ওইবগা লোয়ননা তুং কোইনা শিজিন্নবা য়াগদবা খুদোংচাবা য়াওগনি। তর্মিনেল বিলদিং অসিগী মনুংগী লৈতেংনা গুজরাতকী চৎনবী অমসুং কলাগী শক্তম লাংগনি। তর্মিনেল বিলদিং অসিবু পাকথোক-চাউথোকপগী থবক্কী ৫৮%দি লোইশিল্লে অমসুং বিলদিং অসি দিসেম্বর ১, ২০২২ ফাওবদা শিজিন্নবা য়ারগনি।
সুরত এয়রপোর্তনা লৈবাক্কী শহর ১৬কা হকথেংননা শম্নবনা মরম ওইরগা লৈবাক শিনবা থুংবগী ব্যুজিনেস খুন্নাইগী মশিং য়াম্লবা মীয়ামগী সেবা তৌরি। মালেমগী থাক্তা লৈগদৌরিবা অনৌবা তর্মিনেল বিলদিং অসিনা ইন্দস্ত্রীএল শহর অসিগী কন্নেক্তিবিতী হেনগতহল্লগনি অমসুং মসিনা লমদম অসিগী অপুনবা ওইনা চাউখৎপদা শাফু পীগনি।
তর্মিনেল বিলদিং শাবগী থবক চত্থবা
মথক কুপ্পগী থবক চত্থবা
তর্মিনেল বিলদিং শাবগী থবক চত্থবা
পেরেলেল তেক্সি শাবগী থবক চত্থবা
পর্সপেক্তিব ভ্যু – তর্মিনেল বিলদিং
পর্সপেক্তিব ভ্যু – শহরগী নাকলগী কেনোপী
******
(Release ID: 1830179)
Visitor Counter : 179