তেক্সতাইল মন্ত্রালয়
নেস্নেল ইন্সতিত্যুত ওফ ফেশন তেক্নোলোজী (এন.আই.এফ.তি.) ন্যু দিল্লী কেম্পসকী গ্রেজুএত শোকেশ পাংথোকখ্রে
এন.আই.এফ.তি.দা তাকপীরিবা মীথোই মীহেনবা ওইবগী চৎনবীবু ঙাক্না চৎনবা শ্রী উপেন্দ্র প্রসাদনা মহৈরোইশিংদা হায়খ্রে
থাগৎখিবা:
01 JUN 2022 4:17PM by PIB Imphal
নেস্নেল ইন্সতিত্যুত ওফ ফেশন তেক্নোলোজী (এন.আই.এফ.তি.)- নই দিল্লী কেম্পসকী গ্রেজুএত শোকেস ঙরাং এন.আই.এফ.তি. দিল্লীগী কেম্পস্তা পাংথোকখ্রে। ‘প্রিভ্যু’ হায়না মিংথোনবা থৌরম অসিদা ইং ২০২২গী ক্লাসকী গ্রেজুএত লোইবগী থবক কয়া য়াম্না নীংথিজনা উৎখি। পুক্নিং হুনীংঙাই ওইরবা এগজিবিসন অমদা উৎলিবা গ্রেজুএসন প্রোজেক্তনা অনৌবা মওং-মতৌ শেম্বা অমসুং ক্রিএতিবিতীগী অৱাংবা থাক উৎখি। ফেশন তেক্নোলোজী বিভাগনা এঙ্কর তৌবা “তেক্নোপ্রিনর শেম্বা, তেক্নো সম্মিত ২০২২” হায়রিবা সেমিনারনা তেক্নোলোজীগী মতাংদা ওন্তোপ্রিনর ওইবগী থৌওং উৎখি।
তেক্সতাইল মন্ত্রালয়গী সেক্রেতরী, শ্রী উপেন্দ্র প্রসাদনা থৌরমসিগী অথোইবা মীথুংলেন ওইখি। শ্রী উপেন্দ্রনা নহা গ্রেজুএতশিংগা ৱারী শাবদা মহাক্না মহৈরোইশিংনা মশাগী খঞ্জবা লমদা মশক থোকপা কেরিয়র শেম্বগা লোয়ননা এন.আই.এফ.তি.দা তাকপীরিবা মীথোই মীহেনবা ওইবগী চৎনবীবু ঙাক্না চৎনবা হায়খ্রে।
এন.আই.এফ.তি.গী দি.জি., শ্রী শান্তমানুনা ফেকলতী মেম্বরশিংবু মহৈরোইশিংগীদমক্তা ইথিল পীনিংঙাই ওইবা অকোয়বগী ফিভম লৈহনবগীদমক্তা থাগৎপা ফোংদোকখি। এন.আই.এফ.তি. দিল্লী কেম্পসকী দাইরেক্তর, আই.আর.এস., কুমারী মনিশা কিন্নুনা নহা গ্রেজুএতশিংবু মখোয়গী দিগ্রী মায় পাক্না লোইশিনবগীদমক্তা থাগৎপা ফোংদোকখি। এগজিবিসন অসিদা গ্রেজুএত লোইরিবা মহৈরোইশিংগা ৱারী শাবদা, মহাক্না নহা ওইরিবা মহৈরোইশিংনা মখোয়গী কেরিয়রদা ইথিকেল ওইনবা অমসুং ৱাখল খন্থনা চৎনবা অমসুং “এন.আই.এফ.তি.”গী ফিরালবু ৱাংনা হাইহন্নবা হায়খি।
ইন্সতিত্যুত অসিনা লাইচৎ মনুংদা লাইরিক তাকপগী অনৌবা থৌওং শিজিন্নখি অমসুং লুরবা তাঞ্জা অসিদা ফাওবা মহৈরোইগী ওইনা খ্বাইদগী ফবা পীনবা হোৎনখি। কেম্পস অসিনা ওনলাইন্দা মহৈ তম্বীবগী থৌওং নীংথিনা পাংথোকখি অমসুং মহৈরোইশিংনা ময়ুমদগী হোৎনদুনা মশাগী অঙম্বা মতিক ফুদোকপা ঙমহন্নবা ফেকলতী মেম্বরশিংনা হোৎনবগী তোঙানবা থৌওং উৎখি। থৌরম অসিদা ফেকলতী অমসুং গ্রেজুএত লোইরিবা মহৈরোইশিংগী হোৎনজমন উবা ফংখি অমসুং ইন্দস্ত্রী অমসুং একাদমিয়াগী মাইকৈদগী মান্ননা থাগৎখিবগা লোয়ননা মখোয়গী হোৎনজমনশিংবু শকখঙখি।
এগজিবিসন অসিদা তোঙানবা দোমেনগী ইন্দস্ত্রী এক্সপর্তশিংনা শরুক য়াখি। থৌরম অসিদা শরুক য়াখিবশিংগী মরক্তা ইকো তুসরগী শ্রী খিতজী পান্দ্যা; দিভাইন দিজাইনগী কুমারী অঞ্জলী কালিয়া; ত্রাইবর্গকী শ্রী সঞ্জয় শুক্লা; পি.অমসুং জি. ইন্তর্প্রাইস প্রাইভেত লিমিতেদকী শ্রী মনোজ তুলী; শ্রী প্রতিমা পান্দে; শ্রী গৌরব গুপ্তা; শ্রী জোয় মিত্রা; মাইন দিজাইনগী কুমারী অম্বর পরিধী; দা মিলানোগী শ্রী সাহিল মালিক; অল্পাইন এপারেল প্রাইভেত লিমিতেদকী শ্রী সঞ্জয় লীখাসু য়াওখি। মশাগী ওইবা খ্বাইদগী চুনবা অমসুং হৈনবী লম কয়া শিনবা থুংবগী মরক্তগী এগজিবিসন অসিনা তোঙানবা ৱাখল্লোন কয়াগা লোয়নবা ইন্দস্ত্রী রেদী; রিএল তাইম প্রোজেক্ত কয়া উৎখি। প্রোজেক্ত খরনা ইন্দস্ত্রীগী অখন্নবা শিংনবা খরগী তেক-এজ সোল্যুসন পীনবা হোৎনবা য়াওবগা লোয়ননা অতোপ্পা প্রোজেক্তশিংনা ইন্নোভেসন্না শাফু পীবা থৌওং অমসুং তেক্নিক কয়াদা মশক থোক্না ফজবগী মতৌ উৎখি।
নেস্নেল ইন্সতিত্যুত ওফ ফেশন তেক্নোলোজী অসি ভারত সরকারগী তেক্সতাইল মন্ত্রালয়গী মিৎয়েং মখাদা ইং ১৯৮৬তা লিংখৎখিবনি। মসিনা হেক হৌদোক্লকপদগী, এন.আই.এফ.তি.না ফেশন এজুকেসন্দা বেঞ্চমার্ক অমা থমখি অমসুং দিজাইন, মেনেজমেন্ত অমসুং তেক্নোলোজীগী থাক ৱাংবা ইন্সতিত্যুত অমা ওইখি। প্রোফেস্নেল ওইনা শেন্নবা কেম্পস ১৭কী খুত্থাংদগী এন.আই.এফ.তি.না একাদমিক স্তেন্দর্দ থমদুনা ক্রিএতিব জিনিয়স অমসুং তেক্নোলোজী নীংথিনা শিজিন্নবগী থৌওং পুন্সিনবগী তোপ তোপ্পা থৌওংনা মরম ওইরগা থোৎ লিদর্শিপ্তা মীথোই মীহেনবা ঙমখি। এন.আই.এফ.তি. এক্ত, ২০১৬না ইন্সতিত্যুত অসিদা দিগ্রী অমসুং অতোপ্পা একাদমিক দিস্তিংসন পীবা য়াহল্লি।
****
(রিলিজ আই.দি.: 1830168)
ভিজিতর কাউন্তর : 135