চহি চুপ্পা পাঙথোক্কদবা আজাদী কা অমৃত মহোৎসব অসিগী মখাদা প্রধান মন্ত্রী শ্রী নরেন্দ্র মোদীনা অথোইবা মীথুংলেন ওইগদবা কেন্দ্রগী মন্ত্রালয় কয়াগী অপুনবা অচৌবা থৌরম অমা মে ৩১দা পাঙথোক্কনি। শিম্লাদা (হিমাচল প্রদেশ) পাঙথোক্কদবা “গরিব কল্যান সম্মেলন” কৌবা জাতিগী থাক্কী থৌরম অসিদা শ্রী মোদীনা কেন্দ্রগী মন্ত্রালয়/বিভাগ ৯গী স্কি,/প্রোগ্রাম ১৬কী বেনিফিসরীশিংগা লোয়ননা ভিদিও কনফরেন্সকী থোংদা ৱারী শাগনি। মহাক্না লৌমী করোর ১০ হেনবদা লুপা করোর ২০,০০০ রোম হেনবগী পি.এম. কিসান সম্মান নিধিগী ১১শুবা ইনস্তোলমেন্ত কাইথগনি। থৌরমশিং অসি রাজ্যগী কেপিতেল, দিস্ত্রিক্ত হেদক্বাতর অমসুং কৃশি বিজ্ঞান কেন্দ্র (কে.ভি.কে) কয়াদা পাঙথোক্কনি। প্রোগ্রামশিং অসি মথং-মথং চত্থরকপগী শরুক ওইনা কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী, শ্রী নরেন্দ্র সিংহ তোমরনা পুসা (দিল্লী)দগী লৌমীশিংগা লোয়ননা শরুক য়ামিন্নগনি।

মসি লৈবাক অসিদা অমুক্তা পাঙথোকখিদ্রিবা খ্বাইদগী চাউবা সিঙ্গল প্রোগ্রাম ওইরগনি, মসিগী মখাদা জিলা পুম্নমক্তা লৈবাক পুম্বগী ওইবা খন্ন-নৈনবশিং পাঙথোক্কনি মসিগী মনুংদা প্রধান মন্ত্রী শ্রী মোদীনা প্রধান মন্ত্রী কিসান সম্মান নিধি, প্রধান মন্ত্রী উজ্জ্বালা য়োজনা, পোশন অভিয়ান, প্রধান মন্ত্রী মাত্রু বন্দনা য়োজনা, স্বচ্ছ ভারত মিসন (রুরেল অমসুং অর্বান), জল জীবন মিসন অমসুং অমরুত, প্রধান মন্ত্রী স্বনিধি য়োজনা, ৱান নেসন-ৱান রাসন কার্দ, প্রধান মন্ত্রী গরিব কল্যান অন্ন য়োজনা, আয়ুশ্মান ভারত পি.এম, জন আরোগ্য য়োজনা, আয়ুশ্মান ভারত হেল্থ এন্দ ৱেলনেস সেন্তরশিং অমসুং প্রধান মন্ত্রী মুদ্রা য়োজনা অসিগুম্বা কেন্দ্রগী স্কিমশিংনা বেনিফিসরীশিংগী পুন্দিদা পীরিবা কান্নবশিংগী মতাংদা মখোয়গা ৱারী শাগনি।

তাঙ্কক অনি ওইবা থৌরম অসিগী মখাদা রাজ্য/জিলা/কে.ভি.কে.গী থাক্তা পাঙথোক্কদবা থৌরমশিং অসি অয়ুক পুং ৯:৪৫দগী হৌগনি অমসুং অয়ুক পুং ১১ রোম তারকপদা জাতিগী থাক্কী থৌরমগা শম্নহনগনি। জাতিগী ওইবা থৌরম অসি দুর্দরশনগী নেস্নেল অমসুং রিজনেল চেনেলসিংদা লাইব ওইনা শন্দোক্কনি। জাতিগী ওইবা থৌরম অসি মাইগোবকী খুত্থাংদা ৱেবকাস্ত তৌগনি মসিদা মীয়াম্না রেজিস্তর তৌবা য়াহনগনি। মসি য়্যুতুব, ফেসবুক, ত্বিত্তর, ইনস্তাগ্রাম অসিনচিংবা সোসিএল মীদিয়া চেনেলশিংগী খুত্থাংদা য়েংবসু য়াগনি।

****