এজুকেসনগী রাজ্য মন্ত্রী শ্রী রাজকুমার রঞ্জন সিংহনা ঙসি মিজোরাম য়ুনিভর্সিতীদা রিসর্চ স্কোলর হোস্তেল অমসুং ফেকলতী দিবেলপমেন্ত সেন্তর শঙ্গাখ্রে

থৌরম অসিদা ৱা ঙাংলদুনা মন্ত্রীনা মিজোরাম য়ুনিভর্সিতী অসি লিংখৎখিবগী চহি ২২গী মনুংদা মসিনা ইনফ্রাস্ত্রকচরেল অমসুং একাদেমিক এক্সপান্সন্দা শীংথানীংঙাই ওইনা খুমাই চাউশিনখিবা অমসুং দি ইম্পেক্ত রেঙ্কিংস-২০২২দা চনবা অৱাং নোংপোক লমদমগী ওইনা অমত্তা ঙাইরবা য়ুনিভর্সিতী ওইখিবা অসিদা নুংঙাইবা ফোঙদোকখি। এজুকেসন মন্ত্রালয়না মহৈ তম্নবা, রিসর্চ অমসুং ইনোবেসনগীদমক কনদ্যুসিব এনভাইর্নমেন্ত অমা ওইহন্নবা মখোয়গী ইনফ্রাস্ত্রকচরেল প্রোজেক্তশিংগীদমক য়ুনিভর্সিতীশিং/ইন্সতিত্যুসনশিংগী মতেং পাংলি হায়না মহাক্না মখা তাখি।

মন্ত্রীনা মিজোরাম য়ুনিভর্সিতী অসি একাদেমিক ইয়র অসিদগী এন.ই.পি.২০২০ ইমপ্লিমেন্ত তৌবা অহানবা য়ুনিভর্সিতীশিংগী মনুংদা অমা ওইরি হায়না ফোঙদোকখি। মহাক্না নৌনা শঙ্গাখিবা হোস্তেল অসিনা য়ুনিভর্সিতী অসিদা আর এন্দ সি ফেসিলিতীশিং অমসুং স্কোলরশিংগী তঙাই ফদবশিং থুংহনবদা অচৌবা থৌদাং অমা লৌরগনি হায়না ফোঙদোকখি। হাংদোক্লিবা ফেকলতী দিবেলপমেন্ত সেন্তর অসিনা ফেকলতী মেম্বর পুম্নমক্কী প্রোফেস্নেল দিবেলপমেন্ত প্রমোৎ তৌনবা অমসুং মখোয়গী লৌশিং অমসুং স্কিল হেনগৎহন্দুনা তাকপী তম্বীবা অমসধং তমশিনবদা ইনোবেসনগী ক্লাইমেৎ অমা লৈহন্নবগীদমক মিজোরামদা লৈরিবা য়ুনিভর্সিতী ওজাশিং লোয়ননা স্কুল ওজাশিংদা খুদোংচাবশিং পীরগনি।

মন্ত্রীনা মিজোরাম য়ুনিভর্সিতীগী ফ্রেতর্নিতীশিংনা হোৎনবা কনবা অমসুং অৱাং নোংপোক লমদম অমসুং অপুনবা লৈবাক অসিগী ওইবা খ্বাইদগী ফবা ইন্সতিত্যুসনশিংগী মনুং চলহনবগীদমক থাগৎপা ফোঙদোকখি। মহাক্না মিজোরাম য়ুনিভর্সিতী অসি মখোয়গী হোৎনবা কনবা অমসুং কত্থোকপা অসিগী খুত্থাংদা লৈবাক অসিগী মাংজিল থাবা ইন্সতিত্যুসনশিংগী মনুংদা অমা ওইরগনি হায়না থাজবা থমখি।

*******