এপ্রিল ২০২২গী লৌউ-শিংউ অমসুং খুঙ্গংগী শিন্মীশিংগী ওল ইন্দিয়া কঞ্জ্যুমর প্রাইস ইন্দেক্স নম্বর (বেজঃ ১৯৮৬-৮৭=১০০)না মথংশিৎনা পোইন্ত ১১০৮ (লিশিং অমগা চাম্মা নিপাল) অমসুং ১১১৯ (লিশিং অমগা চাম্মা তরামাপল)দা লৈনবগীদমক্তা অমমমগী ওইনা পোইন্ত ১০ হেনগৎখি। লৌউ-শিংউগী শিন্মী অমসুং খুঙ্গংগী শিন্মীগী জেনেরেল ইন্দেক্সতা হেনগৎলকখিবা অসিদা মরু ওইনা শরুক তমখিবসি ফুদ গ্রুপ্না মথংশিৎনা পোইন্ত ৭.৩২ অমসুং ৭.১৩গী চাংদা তেংবাংবদগী ওইখিবনি অমসুং মসিগী মরমদি চেং, গেহু-অত্তা, জোৱার, বাজরা, রাগী, মনা-মশিং অমসুং উহৈগী মমল হেনগৎপননি। 

ইন্দেক্সতা হেনগৎপা/হন্থবগী থৌওংনা রাজ্য খুদিংগী খেন্নখি। লৌউ-শিংউগী শিন্মীগী মতাংদা ওইনদি, রাজ্য তরা মাপলদা পোইন্ত ১দগী ২০ ফাওবা হেনগৎখি অমসুং তমিল নাদু রাজ্যনা পোইন্ত ৭ হন্থবগী পাউদম লাকখি। তমিল নাদুনা পোইন্ত ১২৭৫ লৈদুনা ইন্দেক্স তেবলগী খ্বাইদগী মথক্তা লৈখি অদুগা হিমাচল প্রদেশনা পোইন্ত ৮৮০ লৈদুনা খ্বাইদগী মখাদা লৈখি।

খুঙ্গংগী শিন্মীগী মতাংদা ওইনদি, রাজ্য তরা মাপলদা পোইন্ত ২দগী ১৯ ফাওবা হেনগৎখি অমসুং তমিল নাদু রাজ্যনা পোইন্ত ৭ হন্থবগী পাউদম লাকখি। তমিল নাদুনা পোইন্ত ১২৬৩ লৈদুনা ইন্দেক্স তেবলগী খ্বাইদগী মথক্তা লৈখি অদুগা হিমাচল প্রদেশনা পোইন্ত ৯৩১ লৈদুনা খ্বাইদগী মখাদা লৈখি।

রাজ্যশিংগী মরক্তা লৌউ-শিংউ শিন্মীগী কঞ্জ্যুমর প্রাইস ইন্দেক্সতা খ্বাইদগী য়াম্না হেনগৎখিবনা কেরলানা (পোইন্ত ২০ লৈদুনা) অমসুং খুঙ্গংগী শিন্মীগী ওইনদি,  চেং, হৱাই, অতেকপা/অকংবা ঙা, গেহু-অত্তা, বাজরা, মনা-মশিং অমসুং উহৈ, শিঙ, ফুরিত তুনবা কত্তন ফি (মিল), প্লাস্তিক চপ্পল/খোঙউপনচিংবগী মমল হেনগৎপনা মরু ওইবা মরম ওইদুনা কেরলা অমসুং নোংচুপ বেঙ্গোলনা (অমমম্না পীন্ত ১৯ লৈদুনা) ওইখি। হায়রিবশিং অসিগা ওন্ন-তৈনবা ওইনা, লৌউ-শিংউ অমসুং খুঙ্গংগী শিন্মীশিংগী কঞ্জ্যুমর প্রাইস ইন্দেক্সতা হন্থবগী থৌওং অসি চেং, অতেকপা/অকংবা ঙা, তিলহৌ, মনা-মশিং অমসুং উহৈনচিংবগী মমল হেনগৎপনা মরম ওইরগা তমিল নাদু রাজ্যদা (অমমমগী পীন্ত ৭ লৈদুনা) থোকখি।

সি.পি.আই.-এ.এল. অমসুং সি.পি.আই.-আর.এল.দা য়ুম্ফম ওইবা পোইন্ত অমদগী পোইন্ত অমদা ওইবা ইনফ্লেসনগী চাংনা মার্চ ২০২২দা মথংশিৎনা ৬.০৯% অমসুং ৬.৩৩% অমসুং মমাংগী চহিগী মান্নবা থাদা ২.৬৬% অমসুং ২.৯৪%গা চাংদম্নবদা এপ্রিল ২০২২দা মথংশিৎনা ৬.৪৪% অমসুং ৬.৬৭% ওইখি। মান্নবা ওইনা, ফুদ ইনফ্লেসন্না মার্চ ২০২২দা মথংশিৎনা ৪.৯১% অমসুং ৪.৮৮% অমসুং মমাংগী চহিগী মান্নবা থাদা ১.২৪% অমসুং ১.৫৪%গা চাংদম্নবদা এপ্রিল ২০২২দা মথংশিৎনা ৫.২৯% অমসুং ৫.৩৫% ওইখি।

ভারত পুম্বগী কঞ্জ্যুমর প্রাইস ইন্দেক্স নম্বর (জেনেরেল অমসুং গ্রুপশিংগী ওইবা):

******