আজাদি কা অমৃৎ মহোৎসব (এ.কে.এ.এম.)গী মখাদা কলচর মন্ত্রালয়না মে ২২, ২০২২দগী মে ২২, ২০২৩ ফাওবা রাজা রাম মোহন রোইগী ২৫০শুবা মপোক কুমওন থৌরম পাঙথোক্কদৌরি‍। হৌদোকপগী থৌরম কোলকতাগী সোল্ত লেক্তা লৈবা রাজা রাম মোহন রোই লাইব্রেরী ফাউন্দেসন অমসুং কোলকতাগী সাইন্স সিতী ওদিতোরিয়মদা পাঙথোক্কনি‍। কলচর, তুরিজম অমসুং দোভেলপমেন্ত ওফ নোর্থ ইস্তর্ন রিজন (দোনর)গী কেন্দ্র মন্ত্রী শ্রী জি. কিসন রেদ্দী অমসুং ৱেস্ত বেঙ্গলগী গভর্নর শ্রী জগদীপ ধংকরনা মে ২২, ২০২২দা পাঙথোক্কদৌরিবা হৌদোকপগী থৌরমদা শরুক য়াগনি‍।

রাজা রোম মোহন রোইগী ফিদম্নিংঙাই ওইরবা মীতম অমা কলচর মন্ত্রী শ্রী জি. কিসন রেদ্দীনা ভর্চুএল মোদতা কোলকতাগী রাজা রাম মোহন রোই লাইব্রেরী ফাউন্দেসন্দা অয়ুক পুং ১১:০০ তাবা মতমদা মায়খুম হাংদোক্কনি‍।

কোলকাতাগী সোল্ত লেক, সাইন্স সিতী ওদিতোরিয়মদা তোঙান তোঙানবা অতৈ থৌরমশিংসু পাঙথোক্কদৌরি‍। সেমিনার অমগা অঙাঙশিংগী ৱাহং পাউখুমগী থৌরম অমসু পাঙথোক্কনি‍। শ্রী রাজা রাম মোহন রোইগী পুন্সিগী তোঙান তোঙানবা শক্লোনশিংগী মতাঙদা মল্তিমেদিয়া প্রজেন্তেসন অমসু উৎকনি‍।

******