কেন্দ্রগী সোসিএল জস্তিস এন্দ এম্পাৱর্মেন্ত মন্ত্রী, মিস প্রতিমা ভৌমিকনা ঙসি ভর্চুএল ওইনা শিল্লোংদা পর্সন্স ৱিথ দিসএবিলিতীশিং (দিব্যাঙ্গজন)গী স্কিল দিবেলপমেন্ত, রিহেবিলিতেসন অমসুং এম্পাৱর্মেন্ত তৌনবা কম্পোজিৎ রিজনেল সেন্তরগী সর্ভিসশিং হৌদোকখ্রে। থৌরম অসি মেঘালয়গী শিল্লোংদা লৈবা য়ু সোসো থাম ওদিতোরিয়মদা পাঙথোকখি, অমসুং মেঘালয় সরকারগী সোসিএল ৱেল্ফিবর দিপার্তমেন্তগী শ্রী ক্রিমেন শিল্লা, শিল্লোং ইস্ত মেঘেলায়গী এম.এল.এ. শ্রীমতি এম. অম্পারীন লিন্দো অমসুং কেন্দ্র অমদিরাজ্য সরকারগী মকোক থোংবা ওফিসিএলশিংনা শরুক য়াখি।

হৌদোকপগী থৌরমদা ৱা ঙাংলদুনা মিস প্রতিমা ভৌমিকনা প্রধান মন্ত্রী নরেন্দ্র মোদীনা লুচিংবা সরকারনা লৈবাক অসিদা লৈরিবা পর্সন্স ৱিথ দিসএবিলিতীশিংগীদমক য়াইফ-থৌরাংগী স্কিম কয়ামরুম ইমপ্লিমেন্ত তৌরি হায়না ফোঙদোকখি। মন্ত্রীনা অনৌবা হাংদোক্লিবা সি.আর.সি.না পর্সন্স ৱিথ দিসএবিলিতীশিং (দিব্যাঙ্গজন)গীদমক মথৌ তাবা সর্ভসশিং পীগনি অমসুং মেঘালয়দা হ্যুমেন রিসোর্সশিং দিবেলপ তৌবদা মতেং পাংগনি হায়না ফোঙদোকখি। মেঘালয় সরকারনা ইস্ত খাসি হিল্স দিস্ত্রিক্তকী উমসোলিদা একর ১০গী লম পীদুনা সি.আর.স.গী পর্মিনেন্ত স্ত্রকচর শাগৎকদৌরি অসিগীদমক মহাক্না তৌবীমল খঙবা উৎলদুনা মন্ত্রীনা হায়রিবা স্ত্রকচর অসিগী উরেপ-উয়ুং অথুবা মতমদা তম্লগনি হায়না ফোঙদোকখ্রে। মহাক্না মখা তারদুনা সি.আর.সি.না পি.দবল্যু.সি.শিংগীদমক স্কিল দিবেলপমেন্ত পাঙথোকপগী মথক্তা পি.দবল্যু.দি.শিংগী তোঙান-তোঙানবা কেতগোরীশিংগীদমক রিহেবিলিতেসন সর্ভিসশিং পীগনি অমসুং খুন্নাইদা মখোয়বু মীপাল তাংদনা হিংবা ঙমহনগনি।

মেঘালয় সরকারগী সোসিএল ৱেল্ফিবর দিপার্তমেন্তগী শ্রী ক্রিমেন শিল্লানা থৌরম অসিদা ৱা ঙাংবদা মেঘালয়দা ভারত সরকারগী সোসিএল জস্তিস এন্দ এম্পাৱর্মেন্ত মন্ত্রালয়না সি.আর.সি. লিংখৎখিবগীদমক থাগৎপা ফোঙদোকখি, মসিনা রাজ্য অসিদা লৈরিবা পি.দবল্যু.দি.শিংগী তঙাই ফদবশিং থুংহনবদা মতেং পাংলগনি হায়না মহাক্না থাজবা থম্মি হায়খি। মহাক্না অনৌনা শঙ্গারবা সি,আর,সি, অসিনা দিব্যাঙ্গজনগী স্কিল দিবেলপমেন্ত ত্রেনিং পাঙথোকপগী মথক্তা পি.দবল্যু.সি.শিংগী কেতগোরী ২১দা রিহেবিলিতেসন সর্ভিসশিং পীবদা মতেং পাংলগনি হায়না থাজবা থমখি। মেঘালয় সরকারনা দিব্যাঙ্গজনগী য়াইফনবা পাইখৎলিবা থৌরাং অসি পল্লদুনা শ্রী শিল্লানা মহাক্কী সরকারনা এসিস্তিব এদ অমসুং এপ্লাইয়েন্সশিং, লৈবাক শিনবা থুংবদা চৎনগদবা দিব্যাঙ্গজনশিংগী য়ুনিভর্সেল আই.দি. কার্দশিং য়েন্থোক্নবগী কেম্পশিং পাঙথোকপা য়াওনা থৌরাং কয়ামরুম পাইখৎলি হায়না ফোঙদোকখি। মহাক্না পর্সন্স ৱিথ দিসএবিলিতীশিংদা য়ুনিভর্সেল এক্সেসিবিলিতী পীনবা লৈবাক শিনবা থুংবদা এক্সেসিবল ইন্দিয়া কেম্পেন চত্থরি হায়না পনখি। দিব্যাঙ্গজন মহৈরোয়শিংদা অপনবা লৈতনা মখোয়গী মহৈ তম্নবা শেলগী তেংবাং অমসুং স্কোলরশিপশিংসু পীরি হায়না মহাক্না মখা তাখি। মন্ত্রীনা মহাক্কী সরকারনা সি.আর.সি. শিল্লোংনা মাগী মপুং ফাবা তৌবা ঙম্বা অদু পুথোকপা ঙম্নবা মখা তানা তেংবাং পীগনি হায়না থাজবা পীখি।

শিল্লোং ইস্তকী এম.এল.এ. শ্রীমতি এম. অম্পারীন লিন্দোনা রাজ্য অসিদা লৈরিবা মীমান্নদ্রবা মীওইশিংনা পুন্সিদা খুদোংচাবা অমা ফংবা ঙম্নবা থৌরাং কয়ামরুম পাইখৎলিবা অসিদা মহাক্না অপেনবা পোকই হায়না ফোঙদোকখি। শ্রীমতি লিন্দোনা সরকার অসিনা সি.আর.সি. লিংখৎনবা লৌখৎলিবা থৌরাং অসিবু থাগঃখি অমসুং মসিনা দিব্যাঙ্গজনগী য়াইফ থৌরাং কয়া পাইখৎপা ঙম্লগনি হায়খি। মহাক্না হায়খি, “ঐহাক্না মফম অসিদা থাজবা থম্মি, ঐহাক্না তেংবাং পীগে খন্না লাকখি, ঐহাক্না থৌরম অসিগী শরুক অমা ওইনবা লাকখি। প্রজা কাংলুপ অসিগীদমক এজুকেসন অমসুং স্কিল দিবেলপমেন্তগী অচীবা কম্পোনেন্ত অসি উবা ফংবদা নুংঙাইবা পোকই…. মেঘালয়দা লৈবা কেন্দ্র খুংদিংমক্না ঐখোয়গী ফুরুপ অসিদা লৈরিবা মীমান্নদ্রবা মীওইশিংবু শক্তি পীনবা অফবা খোঙথাং অসিগী শরুক ওইবীনবা হায়জরি।”

জি.ও.আই.গী এম.এস.জে. এন্দ ই.গী দি.ই.পি.দবল্যু.দি.গী সেক্রেতরী, শ্রীমতি অঞ্জলি ভাৱরানা মহাক্কী ৱারোল পীবদা সি.আর.সি. অসিনা মেঘালয়গী রাজ্যদা ক্বালিতী মেনপাৱর থম্বদা শোইদনা মতেং পাংলগনি অমসুং অতেনবা মতমগী মনুংদা মসিনা নোতিফাইদ তৌখ্রবা দিসএবিলিতীগী কেতগোরী ২১দা সর্ভিসশিং পীবা ঙম্লগনি। মসিনা লমদম অসিদা লৈরিবা মীয়াম্না সি.আর.সি. অসিদা চৎতুনা রিহেবিলিতেসন সর্ভিসশিং ফংহনবা ঙম্লগনি হায়না মহাক্না মখা তাখি। মহাক্না চেনাইগী নেস্নেল ইন্তিত্যুত ফোর এম্পাৱর্মেন্ত ওফ পর্সন্স ৱিথ মলতিপল দিসএবিলিতিজ (এন.আই.ই.পি.এম.দি.)না সি.আর.সি. অসিগী মখাদা ভিদিও কনফরেন্দ নত্ত্রগা ইন্দিবিজ্যুএল বিজিৎশিংগী খুত্থাংদা তেংবাং পীনবা হায়খি। মহাক্না বিভাগ অসিনা লম অসিদা থবক তৌরিবা এন.জি.ও.শোংনা কেপাসিতী বিল্দিংগী থবক পাইখৎনবা হায়খি অসুম তৌবনা মখোয়না প্রোগ্রাম অসিগীদমক সরকারগী শেন্থং ফংগনি অমসুং রাজ্য অসিগী খুঙ্গং মনুংদা মখোয়গী এক্তিবিতীশিং হেনগৎহনবা ঙমগনি।

মেঘালয় সরকারগী সোসিএল ৱেল্ফিয়র বিভাগকী প্রিন্সিপল সেক্রেতরী, শ্রী সম্পথ কুমারনা সি.আর.সি. অসি লিংখৎখিবগী অমসুং উমসোলিদা প্রপোজ পর্মিনেন্ত সেন্তর হাংনবা হোৎনরিবা অসিগীদমক ভারত সরকারগী সোসিএল জস্তিস এন্দ এম্পাৱর্মেন্ত মন্ত্রালয়বু তৌবীমল খঙবা উৎখি। সি.আর.সি. অসিনা রাজ্য অসিগী য়াম্না মরু ওইবা ইন্সতিত্যুসন অমা ওইরগনি হায়না ফোঙদোকখি। মহাক্না “ইন্সতিত্যুসন অসি হেক লৈবগা গ্রোথ অমা লাক্কনি, মীয়ামগীদমক সপ্পোর্ত সিস্তেম অমা লৈরগনি। নেস্নেল সেন্তর অমসুং রিজনেল সেন্তরশিং অসিনা য়াম্না মরু ওইবা থৌদাং অমা লৌরগনি, করিগুম্বা অদোম্না মালেমগী পুৱারী অসি য়েংলুরবদি ইন্সতিত্যুসন ওফ এক্সিলেন্স লৈবা মফম খুদিংদা গ্রোথ লৈ, চাউখৎলি… শিল্লোং অসি অসিগুম্বা থৌরাংগী রিজনেল সেন্তর অমা ওইরক্লিবা অসি ঐখোয়গী ওইনা লাইবক ফবনি অমসুং রাজ্য অসিগী অমসুং অপুনবা অৱাং নোংপোক লমদমগী চাউখৎ-থৌরাংদা চাউনা কান্নরগনি” হায়খি।

মীথুংলেনশিংনা দিব্যাঙ্গজন মহৈরোয়শিংদা এদ অমসুং এপ্লাইয়েন্সশিং, তীচিং লর্নিং মেতরিএল কিৎশিং লোয়ননা শিল্লোংগী বেথানী সোসাইতীগা খুৎশম্নদুনা চেনাইগী এন.আই.ই.পি.এম.দি.না পাঙথোকখিবা মিনি স্পোর্তস ইভেন্তকী অথোই-অহেন তাখ্রবশিংদা মনাশিংসু য়েন্থোকখি।

****