নেপালগী প্রধান মন্ত্রী শ্রী শের বহাদুর দেউবানা বর্তন তৌরকপদগী প্রধান মন্ত্রী, শ্রী নরেন্দ্র মোদীনা মে ১৬, ২০২২দা বুদ্ধ পুর্নিমাগী য়াইফরবা থৌরমগা চাননা নেপালগী লুম্বিনীদা ওফিসিএল ওইবা খোঙচৎ অমা চৎখ্রে। প্রধান মন্ত্রী ওইনা মসি শ্রী নরেন্দ্র মোদীগী নেপালদা চৎপা মঙাশুবা অমসুং লুম্বিনীদা চৎপা অহানবা খোঙচৎ ওইরি।

প্রধান মন্ত্রীনা থুংখিবদা নেপালগী প্রধান মন্ত্রী দেউবা, মহাক্কী লোইনবী দা. অর্জু রানা দেউবা, গৃহ মন্ত্রী মিস্তর বাল কৃষ্ণ খান্দ, মপাল থৌরম মন্ত্রী দা, নারায়ন খাদকা, ফিজিকেল ইনফ্রাস্ত্রকচর অমসুং ত্রান্সপোর্তেসন মন্ত্রী মিস রেনু কুমারি য়াদব, ইনর্জী, ৱাতর রিসোর্সেস এন্দ ইরিগেসন মিস পম্ফা ভুসল, কলচর, সিভিল এভিএসন অমসুং তুরিজম মন্ত্রী মিস্তর প্রেম বহাদুর অলে, এজুকেস মন্ত্রী মিস্তর দেবেন্দ্র পৌদেল, লো, জস্তিস এন্দ পার্লিয়ামেন্তরী এফিয়র্স মিস্তর গোবিন্দা প্রসাদ শর্ম অমসুং লুম্বিনী প্রোভিন্সকী মুখ্য মন্ত্রী মিস্তর কুল প্রসাদ কে.সি.না তরাম্না ওকখি।

প্রধান মন্ত্রী অনিনা ভগৱান বুদ্ধ পোকখিবা মফম লৈরিবা মায়াদেবী মন্দিরদা চৎখি। লাইশঙ অসিদা প্রধান মন্ত্রীশিংনা বুদ্ধিস্তকী লাইশোন-তিনশোনগী মতুং ইন্না পাঙথোকপা থৌনিবগী থৌরমদা শরুক য়াখি অমসুং হৈকৎ-লৈকৎ তমখি। প্রধান মন্ত্রীশিংনা ভগৱান বুদ্ধগী পোক্নফম অসি লুম্বিনীনা হায়বগী খুদম-চাংদম য়াওরিবা অহানবা ইপিগ্রাফিক ওইরিবা ইতিহাসিক ওইরবা অশোকা পিল্লরদা চৎখি অমসুং থাওমৈ চুখৎখি। ২০১৪দা নেপালদা চৎখিবা প্রধান মন্ত্রী মোদীগী খোঙচৎতা মহাক্না খুদোল ওইনা পীখিবা শেংলবা বোধি পাম্বী অদু মখোয়না ঈশিং চাইখি।

প্রধান মন্ত্রী মোদীনা প্রধান মন্ত্রী দেউবাগা লোয়ননা নই দিল্লীদা বেজ তৌবা ইন্তর্নেস্নে বুদ্ধিস্ত কনফেদরেসন (আই.বি.সি.)কী ওইবা লুম্বিনীগী প্লোৎ অমদা ইন্দিয়া ইন্তর্নেস্নেল সেন্তর ফোর বুদ্ধিস্ত কলচর এন্দ হেরিতেজ শাবগী “শিলান্যাস”কী থৌরম পাঙথোকখি। প্লোৎ অসি ২০২১গী নবেম্বরদা লুম্বিনী দিবেলপমেন্ত ত্রস্তনা আই.বি.সি.দা পীখিবনি। “শিলান্যাস”কী থৌরম অসিগী মতুংদা প্রধান মন্ত্রীশিংনা বুদ্ধিস্ত সেন্তরগী মোদেল অমা মাইখুম হাংদোকখি, মসি নেৎ-জিরো কমপ্লেন্ত ওইবা মালেমগী থাক্কী ফেসিলিতী অমা ওইহন্নবা পান্দম থম্মি মসিদা লাইখুরুম্নবা হোল, মেদিতেসন সেন্তরশিং, লাইব্রেরী, একজিবিসন হোল, কেফেতেরিয়া, ওফিস অমসুং অতোপ্পা তঙাই ফদবা কয়া অমা য়াওগনি অমসুং মালেম শিনবা থুংবদগী লাকপা বুদ্ধিস্তকী তীর্থ য়াত্রা চৎপা মীওই অমসুং লমকোইবশিংদা খুদোংচাবা পীরগনি। মসি স্ক্যের মিতর ৬৩০০ চাউবা মফম অমদা শাগনি অমসুং মসি রেদিয়েন্ত কুলিং তেক্নোলোজী অমসুং ৱাতর বোদিজকা লোয়ননা ফংবা ঙম্নবা পান্দম থম্মিবা নেৎ জিরো ইমিসন ওইবা নেপালদা শাবা অহানবা বিল্দিং ওইরগনি। প্রোজেক্ত অসিগী অচংমল লুপা লাখ ৯৮৪৬.৪৬ ওইরি।

প্রধান মন্ত্রী অনিনা নেপাল সরকারগী লুচিং মখাদা লুম্বিনী দিবেলপমেন্ত ত্রস্তনা শিনবা ২৫৬৬শুবা বুদ্ধ জয়েন্তি পালন তৌনবা পাঙথোকপা অখন্নবা থৌরম অমদা শরুক য়াখি। থৌরম অসিদা পি.এম. মোদীনা লম্বোইবা, ওফিসিএল, দিগনিতরী অমসুং বুদ্ধিস্তকা মরী লৈনবা মীওইশিংগী ওইবা য়াম্লবা মীয়ামগী মীতিন অমদা ৱা ঙাংখি।

প্রধান মন্ত্রীনা থমখিবা ৱারোল অদু য়েংনবা মসিদা নম্বীয়ু।

লোয়ননা নুমিৎ অসিদা কলচর মন্ত্রালয়না ইন্তর্নেস্নেল বুদ্ধিস্ত কনফেদরেসন (আই.বি.সি.)গা লোয়ননা চুংশিন্নদুনা নই দিল্লীদা বৈশাখ বুদ্ধ পুর্নিমা দিবস পালন থৌরমগী নীংথিজরবা থৌরম অমা পাঙথোকখ্রে। লো এন্দ জস্তিসকী কেন্দ্র মন্ত্রী শ্রী কিরেন রিজিজু, কলচরগী মন্ত্রী শ্রী জি.কে. রেদ্দী, কলচরগী কেন্দ্রগী রাজ্য মন্ত্রী শ্রীমতি মীনাক্ষি লেখি, অমসুং কলচরগী কেন্দ্রগী রাজ্য মন্ত্রী শ্রী অর্জুন রাম মেঘৱাল, বুদ্ধিস্ত লম্বোইবশিং, অতোপ্পা দিগনিতরীশিংনা থৌরম অসিদা শরুক য়াখি। হাইলাইৎতা নুমিৎ অসিগী অঙনবা শরুক্তা প্রধান মন্ত্রী মোদীনা লুম্বিনীদা সেন্তর ফোর বুদ্ধিস্ত কলচর এন্দ হেরিতেজকী উরেপ-উয়ুং তমখিবগী ফিল্ম অমা স্ক্রীন তৌখিবা য়াওখি। প্রধান মন্ত্রীনা লুম্বিনীদা ৱা ঙাংখিবা অদু নই দিল্লীদা লৈবা য়াম্লবা মীতিনগী মমাংদা লাইব ওইনা স্ক্রীন তৌখি।

থৌরম অসিদা ৱা ঙাংলদুনা লো এন্দ জস্তিসকী কেন্দ্র মন্ত্রী শ্রী কিরেন রিজিজুনা পি.এম. মোদীনা ফোঙদোকখিবা ৱাফম অমা পল্লদুনা হায়খি, ‘মতমগী অহোংবা লাক্লে, ফীভমগী অহোংবা লাক্লে, খুন্নাইগী থৌদাংদা অহোংবা লাক্লে অদুবু ভগৱান বুদ্ধগী পাউজেলদি ঐখোয়গী পুন্সিদা অদুমক লেপ্পা লৈতনা ঙাক্না চৎখি। মসি ওইথোকপা ঙম্বগী মরমদি বুদ্ধ অসি শুপ্নগী মমিং অমা খক্তা নত্তনা মসি শেংলবা ৱাখল্লোন অমা ওইরি – মীওইবা খুদিংমক্কী থমোয়দা লৈবা ৱাখল্লোন অমনি’। মন্ত্রীনা মখা তারদুনা হায়খি মদুদি বুদ্ধগী খোঙচৎনা ঐখোয়দা ৱাফম কয়া তম্বীরি। মহাক্না তাকপীরম্বশিং অদু ঙসি মালেম শিনবা থুংবদা হিংশা কয়া অমসুং অপীকপা নত্ত্রগা অচৌবা লৈবাক অমা হেক্তদা লান থোক্লবসু মালেমদা হেন্না চুনরক্লি। অসিগুম্বা ফীভম অসিদা ভগৱাব বুদ্ধনা তাকপীরম্বশিং অদু ঙাক্না চৎপা খক্তনা শান্তি ফংনবা লম্বী ঐখোয়না তাকপীনবা লম্বেল ওইরি। মহাক্না বুদ্ধিজম অসি ভারতনা মালেমদা পীবা খুদোলনি অমসুং মসিনা অতোপ্পা লৈবাকশিংগা লোয়ননা ভারতকা মরী লৈনহল্লি হায়না ফোঙদোকখি। থৌওং অসিদা বুদ্ধিজম অসি ভারত অমসুং নেপালগী মরক্তা লৈনরিবা শক্তি লৈরবা মরী অমা ওইরি।

থৌরম অসিদা কলচরগী কেন্দ্র মন্ত্রী, শ্রী জি. কিশন রেদ্দীনা হায়খি নরেন্দ্র মোদী সরকারনা মালেমদা ভগৱান বুদ্ধনা পীবা পাউজেল অসি য়ৌহন্নবা লেপ্পা লৈতনা হোৎনরি।  মহাক্না ঙসি ক্লাইমেৎ চেঞ্জ অমসুং লানগী শীংনবশিং অসি কোকহন্নবা ঙসিসু বুদ্ধগী পাউজেল অসি কান্নরি হায়না মখা তাখি।

কেন্দ্রগী মন্ত্রীনা মখা তারদুনা ভারত অসি ভগৱাব বুদ্ধগী হেরিতেজকী হৌরকফম ওইরি অমসুং প্রধান মন্ত্রীগী লুচিং মখাদা ঐখোয়না বুদ্ধিস্ত লাইনীংবশিংদা অপনবা লৈতবা এক্সপরিয়েন্স অমা পীবা ঙম্নবা মালেমগী থাক্কী ইনফ্রাস্ত্রকচর শেমগৎলি হায়না ফোঙদোকখি। “তুরিজম মন্ত্রালয়না থাই, জপানিজ, ভিয়েৎনামিজ অমসুং চাইনিজ লোলশিংদা লিঙ্গুইস্তিক তুরিস্ত ফেসিলিতেতর ত্রেনিং য়াওনা কেপাসিতী দিবেলপমেন্ত তৌনবা থবকসু পাইখৎলি” হায়না মহাক্না ফোঙদোকখি।

শ্রী জি.কে. রেদ্দীনা মখা তারদুনা হায়খি তুরিজম মন্ত্রালয়না স্বাদেশ দর্শন য়োজনাগী মখাদা বুদ্ধিস্ত সর্কিৎ অমা লুপা করোর ৩২৫.৫৩ চংনা প্রোজেক্ত  পাইখৎপা উবা ফংখি। “বুদ্ধ পুর্নিমা এক্সপ্রেস” স্পেসিএল ত্রেনসু বুদ্ধিস্ত সর্কিৎ মনুংদা চৎথোক-চৎশিন তৌবদা খুদোংচানবা আই.আর.সি.তি.সি.না চেলহনখি” হায়না কেন্দ্রগী মন্ত্রীনা ফোঙদোকখি।

থৌরম অসিদা শ্রী অর্জুন রাম মেঘৱালনা হায়খি মদুদি করিগুম্বা লিবর্তী, ইক্বেলিতী অমসুং ফ্রেতর্নিতীগী কাংলোনশিং অসি ফ্রেঞ্চ রিভোল্যুসনদগী লৌথোকপা তারবদি করম তৌরমগনি??? হায়না বি.আর. অম্বেদকরদা হাংখিবদা বাবা সাহেবনা কাংলোনশিং অসি ফ্রেঞ্চ রিভোল্যুসন্দগী লৌথোকপা নত্তে মসিদি ভগৱান বুদ্ধনা তাকপীরম্বশিংদগী লৌথোকপনি অমসুং মখোয়বু ভারতকী সম্বিধান্দা য়াওহনখি। মহাক্না হায়খি মধ্যম মার্গ অসি বুদ্ধিস্তনা তাকপী-তম্বীরম্বশিংগী মরু ওইবা ওইবা পাউজেল অমনি।

থৌরম অসিদা শ্রীমতি মীনাক্ষি লেখিনা হায়খি মদুদি বুদ্ধিস্তনা তাকপী-তম্বীরম্বশিং অসিনা মঙাল ফংনবগী লম্বী তাক্লি অমসুং অহিংশাগী লম্বেলদা চৎলি। বুদ্ধনা পীরম্বা পাউজেল অসি ঙসি য়াম্না কান্নরি অমসুং মালেম অসিদা কলক-খমবলবা লৈতবা ওইহনবা অমসুং মালেমদা তংদু লৈতাবা অমদি শান্তি লৈহনবা মথৌ তাই হায়না মহাক্না ফোঙদোকখি।

*****