నేపాల్ ప్రధాన మంత్రి శ్రీ షేర్ బహదూర్ దేవ్​బా ఆహ్వానం మేరకు ప్రధాన మంత్రి శ్రీ

నరేంద్ర మోదీ సోమవారం (2022 మే 16) వైశాఖ బుద్ధ పూర్ణిమ సందర్భంగా నేపాల్ లోని లుంబిని లో అధికారిక పర్యటన జరిపారు.ప్రధాన మంత్రి హోదాలో శ్రీ నరేంద్ర మోదీ నేపాల్ లో పర్యటించడం ఇది ఐదో సారి  కాగా, లుంబిని సందర్శించడం మొట్ట మొదటిసారి

నేపాల్ ప్రధాన మంత్రి శ్రీ దేవుబా, ఆయన సతీమణి డాక్టర్ అర్జు రాణా దేవుబా, హోం మంత్రి శ్రీ బాల కృష్ణ ఖండ్, విదేశాంగ మంత్రి డాక్టర్ నారాయణ్ ఖడ్కా, మౌలిక సదుపాయాలు , రవాణా మంత్రి శ్రీమతి రేణు కుమారి యాదవ్, ఇంధనం, జలవనరులు , నీటిపారుదల శాఖ మంత్రి శ్రీమతి పంపా భూసల్, సాంస్కృతిక, పౌర విమానయాన, పర్యాటక శాఖ మంత్రి శ్రీ ప్రేమ్ బహదూర్ ఆలే, విద్యాశాఖ మంత్రి శ్రీ దేవేంద్ర పౌడెల్, న్యాయ, న్యాయ,పార్లమెంటరీ వ్యవహారాల మంత్రి శ్రీ గోవింద ప్రసాద్ శర్మ, లుంబినీ ప్రావిన్స్ ముఖ్యమంత్రి శ్రీ కుల్ ప్రసాద్ కే సి తదితరులు భారత ప్రధానికి ఘన స్వాగతం  పలికారు. .

బుద్ధ భగవానుడి జన్మస్థలమైన మాయాదేవి ఆలయాన్ని ఇరువురు ప్రధానులు సందర్శించారు. ఈ ఆలయంలో ప్రధానమంత్రులు బౌద్ధ ఆచారాల ప్రకారం నిర్వహించిన ప్రార్థనలలో  పాల్గొని కానుకలు సమర్పించారు.ప్రధానమంత్రులు దీపాలు వెలిగించి, చారిత్రక అశోక స్తంభాన్ని సందర్శించారు, ఇది లుంబినీ బుద్ధ భగవానుడి జన్మస్థలం అని మొదటి ఎపిగ్రాఫిక్ ఆధారాలను కలిగి ఉంది. 2014 లో నేపాల్ పర్యటన సందర్భంగా ప్రధాని నరేంద్ర మోదీ బహుమతిగా తీసుకువచ్చిన పవిత్ర బోధి వృక్షానికి వారు నీరు పోశారు.

ప్రధాన మంత్రి శ్రీ నరేంద్ర మోదీ  నేపాల్ ప్రధాన మంత్రి శ్రీ షేర్ బహదూర్ దేవ్ బా తో కలిసి లుంబిని లోని అంతర్జాతీయ బౌద్ధ కాన్ఫెడరేష న్ (ఐబిసి) కి చెందిన ఒక స్థలం లో భారత అంతర్జాతీయ బౌద్ధ సంస్కృతి, వారసత్వ  కేంద్రం ( ఇండియా ఇంటర్నేషనల్ సెంటర్ ఫర్ బుద్ధిష్ట్ కల్చర్ అండ్ హెరిటేజ్) నిర్మాణానికి "శిలాన్యాస్" కార్యక్రమంలో పాల్గొన్నారు.

ఈ స్థలాన్ని 2021 నవంబర్ లో  లుంబినీ డెవలప్మెంట్ ట్రస్ట్ ఐబిసి కి కేటాయించింది.

"శిలాన్యాస్" కార్యక్రమం తరువాత, ప్రధానమంత్రులు బౌద్ధ కేంద్రం నమూనాను కూడా ఆవిష్కరించారు, ఇది ప్రార్థనా మందిరాలు, ధ్యాన కేంద్రం, లైబ్రరీ, ఎగ్జిబిషన్ హాల్, ఫలహారశాల ఇంకా ఇతర సౌకర్యాలను కలిగి ఉన్న నెట్-జీరో కంప్లైంట్ వరల్డ్-క్లాస్ ఫెసిలిటీగా ఆవిర్భావం కానుంది. ప్రపంచవ్యాప్తంగా ఉన్న బౌద్ధ యాత్రికులు, పర్యాటకులకు ఇది అందుబాటులో ఉంటుంది. బిల్టప్ ఏరియా 6300 చదరపు మీటర్లు, నికర జీరో ఎమిషన్ తో నేపాల్ లో ఇది మొదటి భవనం అవుతుంది, రేడియంట్ కూలింగ్ టెక్నాలజీ ,వాటర్ బాడీస్ తో నికర జీరో ఎమిషన్ సాధించాలని ఉద్దేశించారు . ఈ ప్రాజెక్టు వ్యయం సుమారు రూ 9846.46 లక్షలు.

నేపాల్ ప్రభుత్వం ఆధ్వర్యంలో లుంబినీ

డెవలప్ మెంట్ ట్రస్ట్ నిర్వహించిన 2566వ బుద్ధ జయంతి వేడుకల సందర్భంగా జరిగిన ఒక ప్రత్యేక కార్యక్రlమం లో ఇద్దరు ప్రధానులు పాల్గొన్నారు. ఈ కార్యక్రమంలో ప్రధాన మంత్రి శ్రీ నరేంద్ర మోదీ బౌద్ధ భిక్షువులు, అధికారులు, ప్రముఖులు, బౌద్ధ ప్రపంచంతో సంబంధం ఉన్న వారి నుద్దేశించి

ప్రసంగించారు.

ప్రధాన మంత్రి ప్రసంగం కోసం ఇక్కడ క్లిక్ చేయండి.

అలాగే, బుద్ధ పూర్ణిమ సందర్భంగా, సాంస్కృతిక మంత్రిత్వ శాఖ అంతర్జాతీయ బౌద్ధ సమాఖ్య (ఐబిసి) సహకారంతో న్యూఢిల్లీలో వైశాఖ బుద్ధ పూర్ణిమ దివస్ వేడుకలను కన్నుల పండువ గా నిర్వహించింది. కేంద్ర న్యాయ శాఖ మంత్రి శ్రీ కిరణ్ రిజిజు , కేంద్ర సాంస్కృతిక శాఖ మంత్రి శ్రీ జి.కిషన్ రెడ్డి, కేంద్ర సాంస్కృతిక శాఖ సహాయ మంత్రి శ్రీమతి. మీనాక్షి  లేఖి, కేంద్ర సాంస్కృతిక శాఖ సహాయ మంత్రి శ్రీ అర్జున్ రామ్ మేఘ్వాల్, పెద్ద సంఖ్యలో బౌద్ధ సన్యాసులు ఈ కార్యక్రమానికి హాజరయ్యారు.

లుంబినీలో ఇండియా ఇంటర్నేషనల్ సెంటర్ ఫర్ బుద్ధిష్ట్ కల్చర్ అండ్ హెరిటేజ్  నిర్మాణానికి  ప్రధాని నరేంద్ర మోదీ ని రీ వహించిన శంకుస్థాపన కార్యక్రమంపై ఒక సినిమా ప్రదర్శన ఈ వేడుకలకు ప్రత్యేక ఆకర్షణగా  నిలిచింది. లుంబినీలో ప్రధాన మంత్రి ప్రసంగాన్ని కూడా న్యూఢిల్లీ లో జరిగిన

కార్యక్రమానికి భారీగా హాజరైన  వారి ముందు లైవ్ లో ప్రదర్శించారు.

ఈ సందర్భంగా కేంద్ర న్యాయ శాఖ మంత్రి శ్రీ కిరణ్ రిజిజు ప్రధాని శ్రీ నరేంద్ర మోదీని ఉటంకిస్తూ, 'కాలం మారింది, పరిస్థితి మారింది, సమాజం పనితీరు మారింది, కానీ బుద్ధ భగవానుడి సందేశం మన జీవితాల్లో నిరంతరం అనుసరిస్తోంది. . బుద్ధుడు అనేది కేవలం నామం మాత్రమే కాదు, పవిత్రమైన ఆలోచన కూడా- ప్రతి మనిషి హృదయంలో దుఃఖాన్ని కలిగించే ఆలోచన’ కాబట్టి ఇది సాధ్యమైంది‘ అన్నారు. బుద్ధుని ప్రయాణం మనకు అనేక విషయాలను చెబుతుందని మంత్రి అన్నారు. ప్రపంచం మరింత అసహనంగా మారుతున్నప్పుడు, చుట్టుపక్కల చాలా హింస జరుగుతున్నప్పుడు , చిన్న లేదా పెద్ద ఏదైనా దేశంలో యుద్ధాలు జరుగుతున్నప్పుడు బుద్ధుని బోధనలు మరింత సందర్భోచితంగా మారతాయి. అటువంటి పరిస్థితిలో, మనకు శాశ్వతమైన శాంతి మార్గాన్ని చూపే బుద్ధ భగవానుడి బోధనలను అనుసరించడమే ఏకైక మార్గం అవుతుందని మంత్రి అన్నారు. బౌద్ధమతం, ప్రపంచానికి భారతదేశం అందించిన బహుమతి అని , భారతదేశాన్ని ఇతర దేశాలతో కలిపిందని , ముఖ్యంగా ఈ ప్రక్రియలో, బౌద్ధమతం భారత-నేపాల్ మధ్య దేశాల మధ్య శక్తివంతమైన బంధమని అన్నారు. .

ఈ సందర్భంగా కేంద్ర సాంస్కృతిక శాఖ మంత్రి శ్రీ జి. కిషన్ రెడ్డి మాట్లాడుతూ, భగవాన్ బుద్ధుని సందేశాన్ని ప్రపంచానికి తీసుకువెళ్ల డానికి నరేంద్ర మోదీ ప్రభుత్వం నిరంతరం ప్రయత్నాలు చేస్తోందని అన్నారు. వాతావరణ మార్పు , సంఘర్షణ యొక్క నేటి సవాళ్లను పరిష్కరించడంలో బుద్ధుడి సందేశం నేటికీ సముచితంగా ఉందని ఆయన అన్నారు.

ఈ సందర్భంగా కేంద్ర సాంస్కృతిక శాఖ మంత్రి శ్రీ జి. కిషన్‌రెడ్డి మాట్లాడుతూ, భగవాన్ బుద్ధుని సందేశాన్ని ప్రపంచానికి అందించేందుకు నరేంద్ర మోదీ ప్రభుత్వం నిరంతరం కృషి చేస్తోందన్నారు. వాతావరణ మార్పు , సంఘర్షణల నేటి సవాళ్లను పరిష్కరించడంలో బుద్ధుని సందేశం నేటికీ ఆచరణాత్మకంగా ఉందని ఆయన అన్నారు.

బుద్ధ భగవానుడి వారసత్వానికి భారతదేశం నిలయమని, ప్రధాన మార్గదర్శకత్వంలో బౌద్ధ యాత్రికులకు అలుపెరగని అనుభవం ఉండేలా చూడటానికి ప్రపంచ స్థాయి మౌలిక సదుపాయాలను అభివృద్ధి చేస్తున్నామని కూడా కేంద్ర మంత్రి తెలిపారు. థాయ్, జపనీస్, వియత్నామీస్ ,చైనీస్ భాషలలో లింగ్విస్టిక్ టూరిస్ట్ ఫెసిలిటేటర్ శిక్షణతో సహా సామర్థ్య అభివృద్ధిపై పర్యాటక మంత్రిత్వ శాఖ పనిచేస్తోందని కూడా ఆయన తెలిపారు.

పర్యాటక మంత్రిత్వ శాఖ స్వదేశ్ దర్శన్

యోజన కింద ఒక బౌద్ధ స ర్క్యూట్ లో భాగంగా రూ.325.53 కోట్ల విలువైన 5

పథకాలను అభివృద్ధి చేయడం జరిగిందని

శ్రీ కిషన్ రెడ్డి తెలిపారు.బౌద్ధ సర్క్యూట్ లోపల ప్రయాణాన్ని సులభతరం చేయడానికి "బుద్ధ పూర్ణిమ ఎక్స్ ప్రెస్." ప్రత్యేక రైలును

ఐ ఆర్ సి టి సి ప్రారంభించిందని కూడా  కేంద్ర మంత్రి తెలియజేశారు.

ఈ సందర్భంగా శ్రీ అర్జున్ రామ్ మేఘ్వాల్ మాట్లాడుతూ, ‘‘ఒకసారి బి ఆర్ అంబేద్కర్‌ని అడిగారు, లిబర్టీ, ఈక్వాలిటీ ,ఫ్రాటర్నిటీ అనే పదాలను ఫ్రెంచ్ విప్లవం నుండి తీసుకున్నారా? అని.  అందుకు బాబా సాహెబ్ ఈ పదాలు ఫ్రెంచ్ విప్లవం నుండి తీసుకోలేదని, బుద్ధ భగవానుడి బోధనల నుండి తీసుకుని వాటిని భారత రాజ్యాంగంలో చేర్చా మని సమాధానమిచ్చారు‘‘ani గుర్తు చేశారు.బౌద్ధ బోధనలలో మధ్యం (మధ్య) మార్గ్ ఒక ముఖ్యమైన సందేశమని కూడా ఆయన చెప్పారు.

ఈ సందర్భంగా శ్రీమతి మీనాక్షిలేఖీ మాట్లాడుతూ, బౌద్ధ బోధనలు జ్ఞానోదయ మార్గాన్ని బోధిస్తున్నాయని, అహింసా మార్గాన్ని అనుసరిస్తాయని అన్నారు. బుద్ధుడి సందేశం నేటికి చాలా సందర్భోచితంగా ఉందని, దురాశ రహిత ప్రపంచాన్ని సృష్టించి ప్రపంచ సామరస్యం , శాంతిని పెంపొందించాల్సిన అవసరం ఉందని ఆమె అన్నారు.

***