نئی دہلی،  15/مئی 2022 ۔ صدر جمہوریہ ہند جناب رام ناتھ کووند نے بدھ پورنیما کے موقع پر اپنے پیغام میں کہا ہے:

’’بدھ پورنیما کے مبارک  موقع پر، میں تمام ہم وطنوں اور پوری دنیا میں  بھگوان بدھ کے پیروکاروں کو مبارک باد پیش کرتا ہوں۔

مہاتما بدھ نے لوگوں کو عدم تشدد، محبت اور ہمدردی کی تعلیم دی ۔ افراتفری سے بھری دنیا میں، ان کی تعلیمات آج پہلے سے کہیں زیادہ  موزوں ہیں۔ مہاتما بدھ کی تعلیمات پوری انسانیت کو اخلاقی اقدار پر مبنی زندگی کے لیے جدوجہد کرنے کی ترغیب دیتی ہیں۔ انہوں نے لوگوں کو ہمدردی اور رواداری کے راستے پر چلنے کی ہدایت کی۔

آئیے ہم مہاتما بدھ کے دکھائے گئے ’’اشٹانگک مارگ‘‘ کی پیروی کرنے کا عزم کریں اور نیک زندگی گزارکر ایک پرامن، ہم آہنگ اور ترقی یافتہ ملک کی تعمیر میں اپنا تعاون دیں ۔‘‘

******

ش ح۔ م م۔ م ر

U-NO.5396