21 ਜੂਨ ਨੂੰ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਸਬੰਧ ਵਿੱਚ ਯੁਵਾ ਮਾਮਲੇ ਤੇ ਖੇਡ ਮੰਤਰਾਲੇ ਦੁਆਰਾ ਆਯੋਜਿਤ ਇੱਕ ਵਿਲੱਖਣ ਸ਼ਾਮ ਯੋਗ ਮਹੋਤਸਵ, ਸ਼ਨੀਵਾਰ ਨੂੰ ਧਰਮਸ਼ਾਲਾ ਅਤੇ ਨਵੀਂ ਦਿੱਲੀ ਵਿੱਚ ਇੱਕੋ ਸਮੇਂ ਆਯੋਜਿਤ ਕੀਤਾ ਗਿਆ, ਜਿਸ ਵਿੱਚ ਕੇਂਦਰੀ ਯੁਵਾ ਮਾਮਲੇ ਤੇ ਖੇਡ ਮੰਤਰੀ ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਧਰਮਸ਼ਾਲਾ ਸਟੇਡੀਅਮ ਤੋਂ 40 ਮਿੰਟ ਦੇ ਯੋਗ ਪ੍ਰੋਟੋਕੋਲ ਦੀ ਅਗਵਾਈ ਕੀਤੀ ਜਿਸ ਵਿੱਚ 2000 ਤੋਂ ਵੱਧ ਐਥਲੀਟ ਅਤੇ ਯੋਗ ਪ੍ਰੈਕਟੀਸ਼ਨਰ ਸ਼ਾਮਲ ਹੋਏ।

ਯੋਗ ਮਹੋਤਸਵ ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਦੇ ਵਰ੍ਹੇ ਵਿੱਚ ਆਯੋਜਿਤ ਇੱਕ ਹੋਰ ਵਿਲੱਖਣ ਸਮਾਗਮ ਹੈ ਅਤੇ ਇਹ ਭਾਰਤ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦਾ ਮੌਲਿਕ ਵਿਚਾਰ ਹੈ।

ਯੋਗ ਦੇ ਸੁਹਜਮਈ ਪ੍ਰਦਰਸ਼ਨ ਦੀ ਇੱਕ ਸ਼ਾਮ ਦੀ ਮੁੱਖ ਵਿਸ਼ੇਸ਼ਤਾ ਰਹੀ ਕਿ ਨੌਜਵਾਨ ਭਾਗੀਦਾਰ ਅਤੇ ਯੋਗ-ਆਸਣ ਅਭਿਆਸੀ ਦੋ ਰਾਜਾਂ ਵਿੱਚ ਇਕੱਠੇ ਹੋਏ ਅਤੇ ਸਭ ਦੀਆਂ ਅੱਖਾਂ ਦੇ ਧਾਰਨੀ ਬਣੇ।

ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਕਿਹਾ “14 ਮਈ ਤੋਂ 21 ਜੂਨ ਤੱਕ ਸਾਨੂੰ ਭਾਰਤ ਦੇ ਸਾਰੇ ਪਿੰਡਾਂ ਵਿੱਚ ਯੋਗ ਮਹੋਤਸਵ ਨੂੰ ਅੱਗੇ ਲੈ ਕੇ ਜਾਣਾ ਹੈ। ਸਾਨੂੰ ਇਸ ਸਾਲ ਇੱਕ ਰਿਕਾਰਡ ਤੋੜਨਾ ਹੈ ਅਤੇ ਇਹ ਯਕੀਨੀ ਬਣਾਉਣਾ ਹੈ ਕਿ ਅੰਤਰਰਾਸ਼ਟਰੀ ਯੋਗ ਦਿਵਸ ਵਿੱਚ ਸਭ ਤੋਂ ਵੱਧ ਯੋਗ ਭਾਗੀਦਾਰ ਹਿੱਸਾ ਲੈਣ।” ਉਨ੍ਹਾਂ ਕਿਹਾ "ਇਹ ਸਮਾਗਮ ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਦੇ ਜਸ਼ਨਾਂ ਦਾ ਇੱਕ ਹਿੱਸਾ ਹੈ ਅਤੇ ਯੋਗ ਦਿਵਸ ਲਈ ਵੱਧ ਤੋਂ ਵੱਧ ਜਾਗਰੂਕਤਾ ਨੂੰ ਯਕੀਨੀ ਬਣਾਉਣ ਲਈ ਹੈ।”

ਸ਼੍ਰੀ ਠਾਕੁਰ ਨੇ ਅੱਗੇ ਕਿਹਾ “ਇਹ ਸਭ ਸ਼੍ਰੀ ਨਰੇਂਦਰ ਮੋਦੀ ਜੀ ਦੁਆਰਾ ਸੰਯੁਕਤ ਰਾਸ਼ਟਰ ਵਿੱਚ 2014 ਵਿੱਚ 21 ਜੂਨ ਨੂੰ ਅੰਤਰਰਾਸ਼ਟਰੀ ਯੋਗ ਦਿਵਸ ਵਜੋਂ ਮਨਾਉਣ ਦੇ ਪ੍ਰਯਤਨਾਂ ਸਦਕਾ ਸੰਭਵ ਹੋਇਆ ਹੈ। ਹਰੇਕ ਦੇਸ਼ ਨੇ ਇੱਕ ਮਤਾ ਪਾਸ ਕੀਤਾ ਸੀ ਅਤੇ ਪ੍ਰਸਤਾਵ ਨੂੰ ਹਾਂ ਕਿਹਾ ਸੀ।”

ਧੌਲਾਧਰ ਪਰਬਤ ਲੜੀ ਦੇ ਪੈਰਾਂ ਵਿੱਚ ਸਥਿਤ ਧਰਮਸ਼ਾਲਾ ਸਟੇਡੀਅਮ ਸ਼ਨੀਵਾਰ ਨੂੰ ਚਮਕਦਾਰ ਨਜ਼ਰ ਆਇਆ। ਯੋਗ-ਆਸਣ ਫੈਡ੍ਰੇਸ਼ਨ ਦੇ ਪ੍ਰੈਕਟੀਸ਼ਨਰਾਂ ਨੇ ਅੰਤਰਰਾਸ਼ਟਰੀ ਯੋਗ ਦਿਵਸ (ਆਈਡੀਵਾਈ) ਪ੍ਰੋਟੋਕੋਲ ਦਾ ਪ੍ਰਦਰਸ਼ਨ ਕੀਤਾ ਅਤੇ ਦਿੱਵਯਾਂਗ ਭਾਈਚਾਰੇ ਦੇ ਨਾਲ-ਨਾਲ ਹੋਰ ਵਿਅਕਤੀਗਤ ਅਤੇ ਸਮੂਹ ਕਲਾਕਾਰਾਂ ਨੇ ਵੀ ਪ੍ਰਦਰਸ਼ਨ ਕੀਤੇ।

ਨਵੀਂ ਪੀੜ੍ਹੀ ਵਿੱਚ ਯੋਗ ਪ੍ਰਤੀ ਲਗਾਤਾਰ ਵਧ ਰਹੀ ਜਾਗਰੂਕਤਾ ਬਾਰੇ ਬੋਲਦਿਆਂ, ਸ਼੍ਰੀ ਠਾਕੁਰ ਨੇ ਅੱਗੇ ਕਿਹਾ, "ਯੋਗ ਨੇ ਬਹੁਤ ਸਾਰੇ ਲੋਕਾਂ ਨੂੰ ਰੋਜ਼ਗਾਰ ਦਿੱਤਾ ਹੈ ਅਤੇ ਕੋਵਿਡ ਦੇ ਸਮੇਂ ਵਿੱਚ ਇਹ ਪਹਿਲੇ ਨੰਬਰ ਦਾ ਇਮਿਊਨਿਟੀ ਪ੍ਰਦਾਤਾ ਰਿਹਾ ਹੈ। ਯੰਗ ਇੰਡੀਆ ਨੇ ਯੋਗ ਅਤੇ ਫਿਟ ਇੰਡੀਆ ਮੁਹਿੰਮ ਨੂੰ ਪੂਰੀ ਤਰ੍ਹਾਂ ਨਾਲ ਜੋੜਿਆ ਹੈ। ਹੁਣ ਹਰ ਜਗ੍ਹਾ, ਭਾਵੇਂ ਇਹ ਪਾਰਕ ਵਿੱਚ ਹੋਵੇ ਜਾਂ ਦਫ਼ਤਰ ਵਿੱਚ, ਹਰ ਕੋਈ ਯੋਗ ਕਰਦਾ ਹੈ। ਟ੍ਰੇਨਾਂ ਅਤੇ ਹਵਾਈ ਜਹਾਜ਼ਾਂ ਵਿੱਚ ਵੀ, ਲੋਕ ਯੋਗ ਕਰਦੇ ਹਨ। ਸ਼ੌਪਿੰਗ ਕੰਪਲੈਕਸਾਂ ਵਿੱਚ ਵੀ ਹੁਣ ਯੋਗ ਕਮਰੇ ਹਨ। ਇਹ ਬਹੁਤ ਵੱਡੀ ਗੱਲ ਹੈ।"

ਇੱਕ ਸਪੋਰਟ ਦੇ ਰੂਪ ਵਿੱਚ ਯੋਗ-ਆਸਣ ਨੇ ਪਿਛਲੇ ਮਹੀਨੇ ਬੰਗਲੁਰੂ ਵਿੱਚ ਖੇਲੋ ਇੰਡੀਆ ਯੂਨੀਵਰਸਿਟੀ ਗੇਮਸ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ, ਜਿਸ ਨੂੰ ਟੀਵੀ 'ਤੇ ਦੇਖਣ ਵਾਲੇ ਸਾਰੇ ਲੋਕਾਂ ਨੇ ਬਹੁਤ ਸਰਾਹਿਆ। ਅਗਲੇ ਮਹੀਨੇ ਪੰਚਕੁਲਾ ਵਿੱਚ ਹੋਣ ਵਾਲੀਆਂ ਖੇਲੋ ਇੰਡੀਆ ਯੂਥ ਗੇਮਸ ਵਿੱਚ ਯੋਗ-ਆਸਣ ਨੂੰ ਵੀ ਇੱਕ ਖੇਡ ਵਜੋਂ ਪੇਸ਼ ਕੀਤਾ ਜਾਵੇਗਾ।

  ***********

ਐੱਨਬੀ/ਓਏ