হাউসিং এন্দ অর্বান এফিয়র্স অমসুং পেত্রোলিয়ন এন্দ নেচরেল গ্যাসকী মন্ত্রী, শ্রী হরদীপ এস. পুরিনা ঙসি ‘প্লমবেক্স ইন্দিয়া’দা ভারত তেপ ইনিসিএতিব হৌদোকখ্রে। একজিবিসন অসিনা প্লমবিং, ৱাতর এন্দ সেনিতেসন ইন্দস্ত্রীগা মরী লৈনবা প্রদক্তশিং অমসুং সর্ভিসশিং উৎনবা পান্দম থম্মি।

শ্রী পুরিনা একজিবিসন অসিনা লৈবাক অসিগী চাউখৎ-থৌরাংগী তঙাই ফদবা সর্ভিস অমা – ৱাতর এন্দ সেনিতেসন হায়বা অসিদা মতেং পীরি অমসুং মতিক চাবা সেনিতেসন য়াওদনা চাউখৎপা নত্ত্রগা গ্রোথ লৈরোই, মসিনা প্রজাশিংনা আশা তৌরিবা বেসিক সর্ভিসশিংগী মথং-মনাওগী য়ুম্ফম ওইরি হায়না হায়খি। মহাক্না মখা তারদুনা প্রধান মন্ত্রীনা স্বচ্ছতা অসি ভারতকী চাউখৎ-থৌরাংগীদমক মরু ওই হায়না লাউথোকখ্রবা মতুংদা ভারতকী সোসিএল দিবেলপমেন্তদা অচৌবা অমা লাকখি হায়না ফোঙদোকখি। মহাক্না ওপন দেফিকেসন কোকহন্নবা অমসুং স্বচ্ছতা মাইকৈদা লমচৎ-শাজৎকী ওইবা অহোংবা অমা পুরক্নবা অচৌবা স্বচ্ছ ভারত মিসন হৌদোকপদা নত্তনা ভারতকী শহরগী মীশিংগী ৬০%গীদমক অফবা ঈশিং ফংহন্নবা অমসুং সিৱেরেজ সিস্তেমশিং থম্নবা অতল মিসন ফোর রিজ্যুভনেসন এন্দ ত্রান্সফোর্মেসন (অমরুত)কী ৱাখল্লোন হৌদোকখি। পুন্না স্কিমশিং অসিনা লৈবাক অসিগী সেনিতেসনগী ফীভমদা অচৌবা কান্নবা অমা পীখি, হায়না মহাক্না মখা তাখি।

ভারতনা খুঙ্গংগী মফমশিংদা তোইলেৎ কবরেজ ৩৮% তৌরম্বদগী ১০০% ওইহনখি অমরোমদা শহরগী মফমশিংদা হাউসহোল্দ অমসুং কম্ম্যুনিতী তোইলেৎ লাখ ৭৩.৩২ শাখি হায়না ফোঙদোক্লদুনা শ্রী পুরিনা স্বচ্ছ ভারত মিসন অসি লৈবাক অসিবু শাফবা অমসুং সেনিতেসন মতিক চানা লৈবা লৈবাক অমা ওইহন্নবগী ইথিল পোকহল্লিবা জন অন্দোলন অমা ওইখি হায়না ফোঙদোকখি। অমরুত অসি স্বচ্ছতাগী খোঙচৎতা মতেং পাংবদা মরু ওইখি, মিসন অসিনা ৱাতর সপ্লাই অমসুং সিৱেরেজ/সেপ্তেজকী মাইকৈদা মরু ওইবা এলোকেসন তৌবগা লোয়ননা তঙাই ফদবা ইনফ্রাস্ত্রকচর শেমগৎপদা মতেং পাংখি, হায়না মহাক্না মখা তাকি।

মন্ত্রীনা ফল অসি থোইদোক-হেন্দোকপা খরা ওইখি অমসুং লুপা করোর ৪২,২২৪রোমগী ৱাতর সপ্লাই প্রোজেক্ত ১,৩৩৬ অমসুং লুপা করোর ৩৩,৮৪০রোমগী সিৱেরেজ অমসুং সেপতেজ মেনেজমেন্ত প্রোজেক্ত ৮৬০গী খুত্থাংদা অমরুতনা অর্বান ইন্দিয়াদা য়ুমথোং লাখ ১২৭তা ঈশিংগী তোতি কন্নেক্সনশিং অমসুং সিৱর কন্নেক্তসন লাখ ৯৫  ফংহনখি। মসিগা চপ মান্ননা অমরুতকী মখাদা সিৱেরেজ প্রোজেক্তশিং অসিনা শাবা লোইখ্রবা এল.এল.দি. কেপাসিতী ২,৩৬০ অমসুং হৌজিক থবক চত্থরিবা এল.এল.দি. ৩,৬৫০রোমগা লোয়ননা এস.তি.পি.শিংগী এম.এল.দি. ৬,০০০গী ত্রীৎমেন্ত কেপাসিতী দিবেলপ তৌবা ঙম্লগনি হায়না পান্নরি হায়না মহাক্না মখা তাখি।

শ্রী পুরিনা হায়খি অমরুত মাইপাক্লবা মতুংদা অমরুত শহরশিংদা ৱাতর এন্দ সেনিতেসন সর্ভিসেস মখা তানা মপাঙ্গল কনখৎহনবগা লোয়ননা মথংগী পান্দম অসি লৈবাক অসিদা লৈরিবা অর্বান লোকেল বোদী পুম্নমক কোনশিনবনি। মহাক্না মখা তারদুনা হায়খি মসি ২০২১গী ওক্তোবর ১দা প্রধান মন্ত্রীনা হৌদোকখিবা অমরুত ২.০গী পান্দমনি। অমরুত ২.০না লুপা করোর ২,৭৭,০০০গী আউতলে অমগা লোয়ননা ঐখোয়গী শহর পুম্নমক ‘ৱাতর সেক্যুর’ ওইহন্দুনা ‘ন্যু অর্বান ইন্দিয়া’গী মঙলানশিং অদু থুংহন্নবা দিজাইন তৌখি।

শ্রী পুরিনা অমরুত ২.০না তোতি কন্নেক্সন করোর ২.৬৮গী খুত্থাংদা য়ু.এল.বি. ৪,৭০০রোমদা লৈবা য়ুমথোং পুম্নমক্তা ৱাতর সপ্লাইগী ১০০% কবরেজ পীগনি অমসুং সিৱর কন্নেক্সন করোর ২.৬৪গী খুত্থাংদা শহর ৫০০দা সিৱেরেজ অমসুং সেপ্তেজকী ১০০% কবরেজ পীগনি হায়না ফোঙদোকখি। মসিনা শহরগী মফমশিংদা লৈরিবা মীওই করোর ১০.৫ হেনবদা কান্নবা পীরগনি, হায়না মহাক্না মখা তাখি।

শ্রী পুরিনা লুপা করোর ৪১,৫০০রোমগী প্রোজেক্তশিংগী অয়াবা ফংহনখিবা ৱাতর এক্সন প্লানশিংগী খুত্থাংদা রাজ্যশিংনা প্রোজেক্তশিং প্রপোজ তৌবগী প্রোসেসতা লৈরিবা অসিদা নুংঙাইবা ফোঙদোকখি। মহাক্না মখা তারদুনা হায়খি মিসন অসি, মরু ওইনা অমরুত মাইপাক্না ইমপ্লিমেন্ত তৌবদগী ফংখিবা অচৌবা কান্নবা অদুদি লৈবাক শিনবা থুংবদা মশিং য়াম্লবা পাইপলাইনশিং তিংখিবা অসিনা ওইরি আয়না ফোঙদোকখি।

মন্ত্রীনা প্লমবিং ইন্দস্ত্রী অসিনা বিজিনেসকী খুদোংচাবদা কেপিতেলাইজ তৌরি অমরোমদনা লৈবাক অসিগী সেনিতেসন অমসুং অতোপ্পা তঙাই ফদবা সর্ভিসশিং চাউখৎহনবদা মতেং পাংবগী মরু ওইবা থৌদাং অমসু লৌরি হায়খি। মহাক্না ভারত তেপ ইনিসিএতিবনা চাউনা লো-ফ্লো, সেনিতরী-ৱেয়র ফংহনগনি, অমসুং সোর্সতা ঈশিং শীজিন্নবগী চাং শীংথানীংঙাই ওইনা হন্থহনগনি হায়না থাজবা থমখি অমসুং মহাক্না ইনিসিএতিব অসি লৈবাক অসিদা য়াম্না থুনা পাম্নরক্কনি অমসুং মসিনা ঈশিং য়োকশিনবগী খোঙথাংশিংদা অনৌবা মীৎয়েং অমা চংগনি হায়না থাজবা ফোঙদোকখি।

শ্রী পুরিনা এন.এ.আর.দি.ই.সি.ও. এম.এ.ঐচ.আই.গী ‘নর্মল জল প্রয়াস’ ইনিসিএতিব হৌদোকখি, মসিনা চহি অমদা ঈশিং লিতর করোর ৫০০ তুংশিন্নবা থবক পাইখৎকনি।

থৌরম অসিদা ইন্দিয়ন প্লমবিং এসোসিএসনগী প্রসিদেন্ত, শ্রী গুর্মিৎ সিংহ অরোরা, এম.ও.ঐচ.য়ু.এ., ইন্দিয়ন প্লমবিং এসোসিএসন, এন.এ.আর.দি.ই.সি.ও. অমসুং ৱাতর মেনেজমেন্ত এন্দ প্লমনিং স্কিল কাউন্সিলগী অতোপ্পা মীওইশিংসু শরুক য়াখি।

***