কেন্দ্রগী হকশেল অমসুং য়াইফ-য়ুম্বাল অমসুং কেমিকেল্স এন্দ ফর্তিলাইজর্স মন্ত্রী, দা. মনসুখ মন্দাবিয়ানা ঙসি নই দিল্লীদা বিজ্ঞান ভৱন্দা বিল্দিং ব্রান্দ ইন্দিয়াগী মতাংদা মকোক থোংবা আই.এফ.এস. ওফিসরশিংগা লোয়ননা রাউন্তেবল কনফরেন্স অমদা ৱা ঙাংখ্রে।

থৌরম অসিদা ৱা ঙাংলদুনা, দা. মনসুখ মন্দাবিয়ানা ভারতনা মাগী হায়-এন্দ হেল্থকিয়র ইকোসিস্তেম অমসুং মালেমগী থাক্কী মেদিকেল ফেসিলিতীশিং অসিগা লোয়ননা মালেম পুম্বগী ওইনা মীৎয়েংফম ওইরক্লি হায়না ফোঙদোকখি। মহাক্না হায়খি, “ঙসি মালেমগী তোঙান-তোঙানবা লৈবাকশিংদগী মীওই কয়ানা ভারত্তা লায়েংনবগীদমক লাক্নরি। মেদিকেল তুরিজম চাউখৎহন্নবা পান্দম অমগা লোয়ননা ভারত সরকারনা ইকাই খুম্নরবা পি.এম.গী লিংচুং মখাদা ‘হিল ইন ইন্দিয়া’ হৌদোকখি। মসিগা মান্ননা ঐখোয়না ‘হিল বাই ইন্দিয়া’ প্রোগ্রাম হৌখি। মসিনা ঐখোয়গী মেদিকেল ৱার্কফোর্সনা মালেম পুম্বদা চৎনবা খুদোংচাবা অমা পীনবা অমসুং হকচাং ফবা মালেমগী ওইবা খুন্নাই অমা শেমগৎনবা মাইকৈদা শরুক তম্লি”। “ঐখোয়গী ত্রেদিস্নেল মেদিসিন ইন্দস্ত্রী অসি মপাঙ্গল কনখৎহন্দুনা অমসুং ‘হিল ইন ইন্দিয়া’ অমসুং ‘হিল বাই ইন্দিয়া’ থৌরাংশিং চাউখৎহন্দুনা ভারতপু গ্লোবেল মেদিকেল ভেল্যু হব অমা ওইহন্নবা অচেৎপা ফিরেপ লৌরি”, হায়না মহাক্না মখা তাখি।

মেদিকেল ভেল্যু তুরিজম মপাঙ্গল কনখৎহন্নবা খোঙথাংশিং লৌখৎপা মথৌ তাবগী মতাংদা দা. মনসুখ মন্দাবিয়ানা, লায়েংনবগীদমক ভারত্তা লাকপা পাম্বা মীওইশিংগীদমক মালেম শিনবা থুংবদা ইন্দিয়ন এম্বেসীশিংদা ফেসিলিতেসন সেন্তরশিং থম্নবা অপাম্বা ফোঙদোকখি। মসিগী মথক্তা ভারত্তা লায়েংবা ফংদ্রবা মীওইশিংদগী ফীদবেক/তেস্তিমোনিএলশিং লৌনবা সিস্তেম অমসু শেম্বা য়াগনি। মসিনা মেদিকেল তুরিজমবু ‘ব্রান্দ ইন্দিয়া’ ওইহনবদা ঐখোয়গী মতেং পাংগনি। মপালদগী ভারত্তা লায়েংবা লাকপা পাম্বা মীওইশিংগীদমক থাজবা য়াবা ই-পাউ লায়না ফংনবগীদমক ‘ৱান পোর্তেল’ অমা শেম্লি, হায়না মহাক্না মখা তাখি।

মেদিকেল সেক্তরগী লমদা অতোপ্পা লৈবাকশিংগা লোয়ননা য়ান্ন-ৱারোলশিং পীনবা মথৌ তাই হায়রদুনা কেন্দ্রগী হকশেল মন্ত্রীনা স্কিল লৈবা নর্সশিং পীনবা জপানগা লোয়ননা ঐখোয়না য়ান্ন-ৱারোল অমা পীনখি হায়না ফোঙদোকখি। অসিগুম্বা য়ান্ন-ৱারোলশিং অসি স্কিল লৈবা মেদিকেল মেনপাৱরগীদমক অতোপ্পা লৈবাকশিংগসু পীনখি। মহাক্না অসিগুম্বা মখলগী ওইথোকপা য়াবশিং অসি থীদোক্তুনা মেদিকেল ভেল্যু তুরিজম চাউখৎহনগদবনি হায়না ফোঙদোকখি। “হৌখিবা চহি খরা অসিদা মেদিকেল ভেল্যু ত্রেবেল অসি পাম্নবা য়াম্না হেনগৎলকখি অমসুং হৌজিক এসিয়াদা মেদিকেল তুরিজম সেন্তরশিং খ্বাইদগী খুমাং চাউশিল্লিবশিংগী মরক্তা ভারতসু অমা ওইরি”, হায়না মহাক্না মখা তাখি।

ত্রেদিস্নেল সিস্তেম ওফ মেদিসিনগী মরু ওইবা অদু থম্লদুনা কেন্দ্রগী মন্ত্রীনা হায়খি, “ভারতনা মশাবু আয়ুশপু ফোকেল পোইন্ত ওইহনবা ঙমখি। হন্দক্তা ইকাই খুম্নরবা প্রধান মন্ত্রী, নরেন্দ্র মোদীনা ‘আয়ুশ মার্ক’ লোঞ্চ তৌবগী মতাংদা লাউথোকখি। মসিনা ভারত্তা লৈরিবা আয়ুশ প্রদক্তশিংদা ওথেন্তিসিতী পীবা ঙমগনি অমসুং ত্রেদিস্নেল মেদিসিন ইন্দস্ত্রী চাউখৎহনগনি। আয়ুর্বেদকী লায়েং চত্থনবা অতোপ্পা লৈবাকশিংদগী ভারত্তা লাকপা মীওইশিংগীদমক স্পেসিএল ভিজা কেতগোরী অমা শেমখ্রে। আয়ুর্বেদকী লায়েং ফংনবা লৈবাক ১৬৫রা মেদিকেল বিজা অমসুং মেদিকেল এতেন্দেন্ত বিজাগী প্রোবিজন হাপখ্রে”।

অমরোমদা ৱারোল পীবা লোইশিনবদা দা. মনসুখ মন্দাবিয়ানা মেদিকেল তুরিজম সেক্তর মপাঙ্গল কনখৎহন্নবা সজেসনশিং শিয়র তৌরক্নবা অমসুং ‘অতিথি দেবো ভাব” হায়বা ৱাখল্লোন অসিগী মখাদা ভারতপু ‘গ্লোবেল মেদিকেল হব’ অমা ওইহন্নবা মীপুম খুদিংমক্তা হায়খ্রে। মসিনা মেদিকেল তুরিজম অমসুং হেল্থকিয়র সেক্তরদা কান্নবা পীবা খক্তা নত্তনা সর্ভিস ইন্দস্ত্রীদসু কান্নবা পীরগনি।

হন্দক্তা মেদিকেল তুরিজম এসোসিএন্না মেদিকেল তুরিজম ইন্দেক্স ২০২০-২১ ইসু তৌখি। মসিগী মতুং ইন্না ভারতনা হৌজিক মকোক থংবা লৈবাক ৪৬কী মনুংদা ১০শুবদা, মালেমগী মকোক থংবা ৱেলনেস তুরুজম মার্কেৎ ২০গী মনুংদা ১২ শুবা, এসিয়া-পেসিফিক রিজন্দা ৱেলনেস তুরিজম মার্কেৎ ১০গী মনুংদা ৫শুবদা লৈরি। ভারতকী লায়েং শেল অসি অমেরিকাদা চংবা লায়েং শেলদগী ৬৫দগী ৯০% ফাওবা হন্থৈ। ভারত্তা জে.সি.আই. ৩৯ অমসুং এন.এ.বি.ঐচ. এক্রেদিতেদ হোস্পিতাল ৬৫৭ লৈ, মখোয় অসি গ্লোবেল ক্বালিতী স্তেন্দর্দশিং অমসুং বেঞ্চমার্কশিংগা মান্নৈ নত্ত্রগা হেনবসু য়াওরি।

****