পুৱারী ওইরবা থৌরম অসিদা কেন্দ্রগী গৃহ মন্ত্রী অমা ওইনা অসাম পুলিস অসিনা ইকাই খুম্নবা অসি ফংবা লৈবাক অসিগী তরাশুবা পুলিস ফোর্স ওইবদা ঐহাক্না চাউথোকচবা পোকই

প্রসিদেন্তগী কলর্স ফংবা হায়বা অসি পুলিস ওর্গনাইজেসনগী ওইনা শীংথানীংঙাই ওইবা মাইপাকপা অমনি অমসুং অসাম পুলিসনা চাউথোকচনীংঙাই ওইবা ক্লব অসিদা মাগী মমিংসু রেজিস্তর তৌবা ঙমখ্রে অমসুং মসি অসামগী ওইনা য়াম্না চাউথোকচনীংঙাই ওই

অসিগুম্বা খুদোংথিনীংঙাই ওইবা ফীভমশিং মায়োক্নখিবা লৈবাক অসিদা অতোপ্পা ফোর্স অমা লৈরম্লোই, অসাম পুলিস অসি লৈবাক অসিগী অরিবা এন্তি-মিলিতেন্ত ফোর্স, অসাম রাইফল্স লিংখৎখিবগীদমক শীংথানরি

অসামদা লালহৌবগী ইরাংশিং লোইশিনগদবা নুমিৎশিং অদু লাক্কদবা কুইদ্রে, প্রধান মন্ত্রী, শ্রী নরেন্দ্র মোদীগী লুচিং মখাদা ঐখোয়না লালহৌলুপশিংগা লোয়ননা শান্তি পুরক্নবা য়ান্ন-ৱারোল পীনরি অমসুং অসামদা লালহৌলুপ অমত্তা লৈতবা মতম অদু নকশিল্লক্লে

লান্না লমজিংলুরবা নহারোলশিংনা অচুম্বা লম্বীদা লাক্তুনা খুৎলাই থাদোক্লি অমসুং দিকেদ ৭ শুবরা ঙমখৈগী চয়েৎনবগী অরিবা সমস্যা অসি য়ুমলোন্নরিবা লৈবাক্কা ৱারী শাবগী খুত্থাংদা কোকহন্নবা থবক পাইখৎলি

হৌজিক অফস্পা লৌথোকখ্রে, মমাংদা আর্মদ ফোর্সশিংদা অখন্নবা শক্তিশিং পীরম্মি, ঙসিদি অসাম সরকারনা চাউখৎ-থৌরাং অমসুং অফবা তুংলমচৎ অমগীদমক অসামগী নহারোলদা অখন্নবা শক্তি পীরি

২০২১গী সেপ্তেম্বর ৪দা ঐহাক য়াওদুনা কার্বি গ্রুপলা লোয়ননা য়ান্ন-ৱারোল অমা পীনখি, হন্দক্তা, প্রধান মন্ত্রীনা মফম অসিদা লাকলমখি অমসুং মতম অদুদা য়ান্ন-ৱারোলগী কন্দিসন কয়া থুংহনখি

অফস্পা অসি মতম চুপ্পদা মীয়াম্না য়ান্নীংদবা ফোঙদোক্নবা মরম অমা ওইদুনা লাকখি, হন্দক্তা নাগালেন্দ, অসাম অমসুং মনিপুরগী অফস্পাগী মখাদা ইরাং লৈয়া মফমশিং হন্থহন্নবা খোঙথাংশিং পাইখৎখি

অফস্পা অসি অসামদা ১৯৯০দগী হৌনা চৎনরকখি অমসুং মসি থংন-থংননা ৬০রক শাংদোকখি, প্রধান মন্ত্রী শ্রী নরেন্দ্র মোদীনা চহি ৮ সরকার পাইরবা মতুংদা অসামগী জিলা ২৩দগী অফস্পা মপুং ফানা অমসুং জিলা অমদগী শরুক খরা লৌথোকখিবা অসিদা ঐহাক্না চাউথোকচবা পোকই

ঙসি ঐখোয়না অসামগী চাদা ৬০ হেনবদগী অফস্পা লৌথোকপা ঙম্লে অমসুং অসাম পুম্বদগ অফস্পা মপুং ফানা লৌথোক্কদবা নুমিৎ অদু কুইদ্রে হায়না ঐহাক্না থাজৈ

ফুরুপকী ওইবা ইরাংশিং, রিফ্যুজীগী সমস্যাশিং, দিকেদ তরেৎ শাংলবা ইনফ্লিত্রেসন, ১৯৭১গী বাংলাদেশ লিবরেসন ৱারগী পুৱারী অসিগী অকি-তুজুংবা পোক্নীংঙাই ওইরবা শীংনবশিং অসি মাইয়োক্নদুনা অমসুং ১৯৮০-৯০ ফাওবগী ইনসর্জেন্সীগী শীংনবা অসিগা লোয়ননা মপাল লৈবাক্কী শক্তিশিংগী মতম শাংনা থেংনরকপা লান অসি মাইথিবা পীবদা অসাম পুলিসনা মাইপাকপা ঙমখি

অসাম পুলিসনা আইন্না য়াদ্রবা লুপ কয়াগা লোয়ননা কন্না লান্থেংনখি অমসুং লৈবাক অসিগী ঙমখৈশিং অমসুং ইন্তর্নেল সেক্যুরিতী মপাঙ্গল কনখৎহন্নবা থবক তৌখি

অসাম পুলিসনা খুৎলাই পাইবা, শন অমসুং নিশা ললোনবা অমসুং হ্যুমেন ত্রাফিকিংগী মায়োক্তা দিকেদ তরেৎ অসিদা চোকথবা লৈতনা অমসুং মাইপাক্না লান্থেংনখিবা অসিগীদমক ঐহাক্না অসাম পুলিসকী দিরেক্তর জেনরেলদগী খ্বাইদগী পীকপা কনস্তেবল ফাওবা লৈবাক অসিগী মহুৎ শিন্দুনা থাগৎপা ফোঙদোকচনীংই

অসাম পুলিসকী পর্সনেল ৮৮৬ রোম্না থৱাই কৎখি, মখোয়গী থৌনা ফবা অদুবু মশক খংবীবা ওইনা অসাম পুলিসনা কির্তি চক্র ২, রাস্ত্রপতিগী পুলিস মেদল ৪ অমসুং পুলিস মেদল ১৯ ফংখি

লালহৌবগী ইরাং মনুংদা অসাম পুলিসনা সম্বিধানগী য়াথং অমসুং ইন্তর্নেল সেক্যুরিতী ঙাক্তুনা থম্নবা লান্থেংনখি, অমরোমদা লান্না লমজিংবীরিবা নহারোলশিংবু মেনস্ত্রীমদা পুরক্নবা হোৎনখি

অসাম পুলিসনা খুনাইগী ফত্তবশিংগী মায়োক্তসু লান্থেংনখি অমসুং খুনাইদা অকিবগী মশক ওইরবা থবক কয়া পাইখৎপা থিংনবা থবক পাইখৎখি

অসাম পুলিসনা দ্রগ ললোনবশিং অমসুং রাইনো ললোনবশিং ফাবদা চাউনা মাই পাকপা পুরকখ্রে, শ্রী হিমন্তা বিস্বা সর্মাগী লুচিং মখাদা অসাম পুলিসনা রাইনো ললোনবশিংগী মায়োক্তা অকনবা চেকশিন থৌরাং লৌখৎতুনা ঙাক শেনবা ঙম্লি

অসামনা চহি দেকেদ কয়া মায়োক্নদুনা লাক্লবা ঈ-মশেল হাৎনবা, লালহৌবা অমসুং তংদু লৈতাবা অদু হৌজিক্তি লোইশিনখ্রে, শান্তিগী, মচিন মনাও ওইবগী অমসুং চৎন-লোনচৎ ঙাক শেনবগী অমসুং চাউখৎ থৌরাংগী অনৌবা মতম অমা হৌরে

অসাম পুলিসতা প্রসিদেন্ত’স কলরস খুশিন্নরিবা অসি সনাগী ময়েক্না হক্তুনা লৈহৌরগনি অমসুং মসিনা অসাম পুলিসকী থৌনা হাপ্পা হেনগৎলগনি হায়না ঐহাক্না থাজবা থম্লি অমসুং মখোয়না লৈবাক অসিগী ঙমখৈশিং অমসুং অসামগী ইন্তরনেল সিক্যুরিতী ঙাক্তুনা থম্লগনি

কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ঙসি গুৱাহারিদা অসাম পুলিসতা মখোয়গী থোইদোক-হেন্দোকপা সর্ভিসশিংগীদমক অসামদা প্রসিদেন্তস কলর্স পীখ্রে। অসামগী মুখ্য মন্ত্রী, দা. হিমন্তা বিশ্বা শর্মা অমসুং অসামগী দিরেক্তর জেনরেল অমসুং মশক নাইবা মীওই কয়ামরুমনা থৌরম অসিদা শরুক য়াখি।

মহাক্কী ৱারোলদা কেন্দ্রগী গৃহ অমসুং কোওপরেসন মন্ত্রীনা হায়খি পুৱারী ওইরবা থৌরম অসিদা কেন্দ্রগী গৃহ মন্ত্রী অমা ওইনা অসাম পুলিস অসিনা ইকাই খুম্নবা অসি ফংবা লৈবাক অসিগী তরাশুবা পুলিস ফোর্স ওইবদা ঐহাক্না চাউথোকচবা পোকই। প্রসিদেন্তগী কলর্স ফংবা হায়বা অসি পুলিস ওর্গনাইজেসনগী ওইনা শীংথানীংঙাই ওইবা মাইপাকপা অমনি অমসুং অসাম পুলিসনা চাউথোকচনীংঙাই ওইবা ক্লব অসিদা মাগী মমিংসু রেজিস্তর তৌবা ঙমখ্রে অমসুং মসি অসামগী ওইনা য়াম্না চাউথোকচনীংঙাই ওই। শ্রী শাহনা হায়খি অসিগুম্বা খুদোংথিনীংঙাই ওইবা ফীভমশিং মায়োক্নখিবা লৈবাক অসিদা অতোপ্পা ফোর্স অমা লৈরম্লোই। অসাম পুলিসকী চহি ২০০ শুবদা ফজরবা অমসুং চাউথোকচনীংঙাই ওইবা পুৱারী অসিবু নীংশিংলদুনা, ১৮২৬তা ব্রিতিশনা দিস্ত্রিক্ত হেদক্বাতর খরদা পুলিসমেন খরা লৌদুনা পুলিস ফোর্স অসি শেমখৎখি হায়খি। অসাম পুলিস অসি লৈবাক অসিগী অরিবা এন্তি-মিলিতেন্ত ফোর্স, অসাম রাইফল্স লিংখৎখিবগীদমক শীংথানরি। নীংতম্বা ফংবগী মতমদা অসাম পুলিস অসি ৮,০০০ ওইখি ঙসিদি মসি ৭০,০০০ হেন্না হেনগৎলে।

শ্রী অমিত শাহনা হায়খি অসামদা লালহৌবগী ইরাংশিং লোইশিনখিবা অসিদা মহাক্না নুংঙাইবা পোকই হায়না ফোঙদোকখি। প্রধান মন্ত্রী, শ্রী নরেন্দ্র মোদীগী লুচিং মখাদা ঐখোয়না লালহৌলুপশিংগা লোয়ননা অমগী মথংদা অমগা শান্তি পুরক্নবা য়ান্ন-ৱারোল পীনরি অমসুং অসামদা লালহৌলুপ অমত্তা লৈতবা মতম অদু মকশিল্লক্লে হায়না ফোঙদোকখি। লান্না লমজিংলুরবা নহারোলশিংনা অচুম্বা লম্বীদা লাক্তুনা খুৎলাই থাদোক্লি অমসুং দিকেদ ৭ শুবরা ঙমখৈগী চয়েৎনবগী অরিবা সমস্যা অসি কোকহন্নবা য়ুমলোন্নরিবা লৈবাক্কা ৱারী শাবগী থবক পাইখৎলি। হৌজিক অফস্পা লৌথোকখ্রে, মমাংদা আর্মদ ফোর্সশিংদা অখন্নবা শক্তিশিং পীরম্মি, ঙসিদি অসাম সরকারনা চাউখৎ-থৌরাং অমসুং অফবা তুংলমচৎ অমগীদমক অসামগী নহারোলদা অখন্নবা শক্তি পীনবা থবক পাইখৎলি অমসুং মসি ঐখোয় পুম্নমক্কী ওইনা চাউথোকচনীংঙাই ওইবা ৱাফম অমনি। ঙমখৈদা লৈবা জিলাশিংদা অসাম পুলিসনা সি.এ.পি.এফ.শিংগা লোয়ননা লানশিল্লকপা ঙমলোইদবা ফকলাংশিং খাগৎলি অমসুং চহি ৬কী মনুংদা অসাম পুলিস অমসুং অসাম সরকারনা অসামগী ঙমখৈশিংদগী ইনফিলত্রেসন তৌবা থিংবদা চাউনা শরুক তম্লি অমসুং হৌখিবা চহি অমগী মনুংদা শন ললোনবা অসি জিরোদা হন্থহনবা ঙমখ্রে।

কেন্দ্রগী গৃহ মন্ত্রীনা হায়খি দিকেদ কয়া পন্দুনা লৈরম্বা সমস্যাশিং অসি কোকহনখি, ২০২১গী সেপ্তেম্বর ৪দা ঐহাক য়াওদুনা কার্বি গ্রুপলা লোয়ননা য়ান্ন-ৱারোল অমা পীনখি। হন্দক্তা, প্রধান মন্ত্রীনা মফম অসিদা লাকলমখি অমসুং মতম অদুদা য়ান্ন-ৱারোলগী কন্দিসন কয়া থুংহনখি। মসিগা লোয়ননা বোরো গ্রুপশিংগী কেদরশিং রিহেবিলিতেৎ তৌনবা, বোরো গ্রুপশিংগা লোয়ননা ৱারী শানবা অমসুং জেক্স-কেদর ৪২৭তগী কেস ২৭৪ হন্দোক্তুনা মখোয়বু অচুম্বা লম্বীদা লাক্নবা থবক পাইখৎখি। শ্রী শাহনা হায়খি অফস্পা অসি মতম চুপ্পদা মীয়াম্না য়ান্নীংদবা ফোঙদোক্নবা মরম অমা ওইদুনা লাকখি। হন্দক্তা নাগালেন্দ, অসাম অমসুং মনিপুরগী অফস্পানা কোনশিনবা মফমশিং হন্থহনখি। অফস্পা অসি অসামদা ১৯৯০দগী হৌনা চৎনরকখি অমসুং মসি থংন-থংননা ৬০রক শাংদোকখি। প্রধান মন্ত্রী শ্রী নরেন্দ্র মোদীনা চহি ৮ সরকার পাইরবা মতুংদা অসামগী জিলা ২৩দগী অফস্পা মপুং ফানা অমসুং জিলা অমদগী শরুক খরা লৌথোকখিবা অসিদা ঐহাক্না চাউথোকচবা পোকই। ঙসি ঐহাক্না অসামগী চাদা ৬০ হেনবদগী অফস্পা লৌথোকপা ঙম্লে অমসুং অসাম পুম্বদগ অফস্পা মপুং ফানা লৌথোক্কদবা নুমিৎ অদু কুইদ্রে হায়না ঐহাক্না থাজৈ।

শ্রী অমিত শাহনা হায়খি মদুদি অসাম পুলিসনা নেস্নেল ইন্তিগ্রেসনগীদমক মরু ওইবা লান কয়া থেংনদুনা লাকখি। ফুরুপকী ওইবা ইরাংশিং, রিফ্যুজীগী সমস্যাশিং, দিকেদ তরেৎ শাংলবা ইনফ্লিত্রেসন, ১৯৭১গী বাংলাদেশ লিবরেসন ৱারগী পুৱারী অসিগী অকি-তুজুংবা পোক্নীংঙাই ওইরবা শীংনবশিং অসি মাইয়োক্নদুনা অমসুং ১৯৮০-৯০ ফাওবগী ইনসর্জেন্সীগী শীংনবা, মপাল লৈবাক্কী শক্তিশিংগী ফত্ত্রবা লালোংশিং মাইথিবা পীবদা অসাম পুলিসনা মাইপাকপা ঙমখি। অসাম পুলিসনা আইন্না য়াদ্রবা লুপ কয়াগা লোয়ননা কন্না লান্থেংনখি অমসুং লৈবাক অসিগী ঙমখৈশিং অমসুং ইন্তর্নেল সেক্যুরিতী মপাঙ্গল কনখৎহন্নবা থবক তৌখি। য়ুনিফাইদ কম্মাদগী মখাদা অসাম পুলিসনা ইন্দিয়ন আর্মীগা খুৎশম্নদুনা ওপরেসন বজরং অমসুং ওপরেসন রাইনোদা থবক তৌখি।  মসিগা ইরোইননা, অসাম পুলিসনা খুৎলাই পাইবা, শন অমসুং নিশা ললোনবা অমসুং হ্যুমেন ত্রাফিকিংগী মায়োক্তা দিকেদ তরেৎ অসিদা চোকথবা লৈতনা অমসুং মাইপাক্না লান্থেংনখি। মসিগীদমক ঐহাক্না অসাম পুলিসকী দিরেক্তর জেনরেলদগী খ্বাইদগী পীকপা কনস্তেবল ফাওবা লৈবাক অসিগী মহুৎ শিন্দুনা থাগৎপা ফোঙদোকচনীংই।

কেন্দ্রগী গৃহ মন্ত্রীনা হায়, মখোয়গী মথৌ পাংথোক্লদুনা অসাম পুলিসকী পর্সনেল ৮৮৬ রোম্না থৱাই কৎখি, মসিগী লান্থেং অসিদা অসাম পুলিসকী থৌনা ফবা অদুবু মশক খংবীবা ওইনা অসাম পুলিসনা কির্তি চক্র ২, রাস্ত্রপতিগী পুলিস মেদল ৪ অমসুং পুলিস মেদল ১৯ পীখি। মহাক্না হায়, ইন্তরনেল সিক্যুরিতীদা লালহৌবগী ইরাং অমা লৈবা মতমদা অসাম পুলিসনা সম্বিধানগী য়াথং ঙাক্তুনা থম্নবা খুলাই পাইবাশিংগী মায়োক্তা খুলাই পাইদুনা লান্থেংনখি অমসুং মসিগা লোয়ননা লান্না লমজিংবীরিবা নহারোলশিংবু মেনস্ত্রীমদা পুরক্নবা হোৎনখি। অসাম পুলিসনা খুনাইগী ফত্তবশিংগী মায়োক্তসু লান্থেংনখি অমসুং খুনাইদা অকিবগী মশক ওইরবা থবক কয়া পাইখৎপা থিংনবা থবক পাইখৎখি। অসামদা হিংশা অমসুং লালহৌবনা মরম ওইরগা অৱাবা তারবা অঙাংশিংগী য়াইফ-থৌরাংগীদমক ‘প্রোজেক্ত অশ্বা’ হৌদোকখ্রে অমসুং মসিনা লৈবাক পুম্বদা অসাম পুলিসনা চাউথোকচনীংঙাই ওইরি। অসাম পুলিসনা থৌরাংশিং পাইখৎপা খক্তা নত্তনা মতিক চানা রিহেবিলেতেসন তৌবা অমসুং হীরম খুদিংমক্তা চাউখৎপা পুরকপগী ফলশিং ফংবা ঙম্লি অমসুং চংজরকখ্রবা লালহৌবশিংগী আইদেন্তিতী অমসুং মফম অদুগী চৎন-লোনচৎশিংগী মগুন ঙাকপা ঙমখ্রে।

শ্রী অমিৎ শাহনা হায় অসাম পুলিসনা দ্রগ ললোনবশিং অমসুং রাইনো ললোনবশিং ফাবদা চাউনা মাই পাকপা পুরকখ্রে। মসিগা মরী লৈননা কেস ২৮৩৪ রেজিস্তর তৌখ্রে অমসুং মীওই ৫,০০০ রোম ফাবা ঙমখ্রে। শ্রী হিমন্তা বিস্বা সর্মাগী লুচিং মখাদা অসাম পুলিসনা রাইনো ললোনবশিংগী মায়োক্তা অকনবা চেকশিন থৌরাং লৌখৎতুনা ঙাক শেনবা ঙম্লি। অসাম পুলিসনা হৌখিবা চহি অমা অসিদা পান্দম কয়ামরুম ফংবা ঙমখ্রে। মহাক্না হায়না আসাম পুলিসনা ঙসি ফংলিবা প্রসিদেন্ত’স কলর’সকী ওইনা মসি মপুংফানা অমসুং নীংথিনা ক্বালিফাই ওইরবা পুলিস ফোর্স অমনি অমসুং ভারতকী কহবাইদগী ফরবা পুলিস ফোর্সশিংগী মরক্তা অসাম পুলিসনা মফম অমা কনবা ঙমখ্রে। জিওগ্রাফিকেল ওইবা খেন্নবা অমসুং খুদোংথীবা কয়ামরুম লৈজরবসু অসাম পুলিসনা ঙসিদি চাউখৎপগী লম্বেলদা চংশিনবা ঙম্লি। অসামনা চহি দেকেদ কয়া মায়োক্নদুনা লাক্লবা ঈ-মশেল হাৎনবা, লালহৌবা অমসুং তংদু লৈতাবা অদু হৌজিক্তি লোইশিনখ্রে। হৌজিক্তি শান্তিগী, মচিন মনাও ওইবগী অমসুং চৎন-লোনচৎ ঙাক শেনবগী অমসুং চাউখৎ থৌরাংগী অনৌবা মতম অমা হৌরে। অসাম পুলিসতা প্রসিদেন্ত’স কলরস খুশিন্নরিবা অসি সনাগী ময়েক্না হক্তুনা লৈহৌরগনি অমসুং মসিনা অসাম পুলিসকী থৌনা হাপ্পা হেনগৎলগনি হায়না ঐহাক্না থাজবা থম্লি অমসুং মখোয়গী কত্থোকপা অমসুং হোৎনবা কনবগা লোয়ননা মখোয়না লৈবাক অসিগী ঙমখৈশিং অমসুং অসামগী ইন্তরনেল সিক্যুরিতী ঙাক্তুনা থম্লগনি।

**********